ចូលចិត្តទំនើប

Comments
0
1445 View

ទៅគយគន់ សម្រស់ផ្កាព្រៃពណ៌មាស នៅប្រទេសជប៉ុន

ដោយ: ដាលីស 2 PM, Wednesday, 10 Jun, 2015

គ្រាន់តែបានឮភ្លាម ប្រិយមិត្តអ្នកអានទាំងអស់ ពិតជាមានការភ្ញាក់ផ្អើលណាស់មែនទេ ព្រោះកាលពីមុនធ្លាប់តែឮ គេនិយាយពី​សម្រស់ផ្កា​ព្រៃ ឬ​សម្រស់​ព្រៃភ្នំ ដោយឡែកពេលនេះបែរជា មានតំបន់កម្សាន្តដ៏ល្អអស្ចារ្យ ពោរពេញទៅដោយពន្លឺពណ៌មាស​ក្រហមច្រាលពាសពេញ​ដី និង​អាកាស ដែលចាំង​ពី​ស្លឹកឈើព្រៃស្រោង នៅក្នុងឧទ្យាន សូវ៉ាឃីនិន ស្ថិតនៅភាគខាងជើង នៃទីក្រុងតូក្យូ ប្រទេសជប៉ុន។

ខុសប្លែក​ពី​ទេសភាព​នា​រដូវ​ផ្ការីក​ ដែល​លម្អ​ទៅដោយ​ផ្កា​សាគូរ៉ា​ពណ៌​ស និង​ពណ៌ផ្កា​ឈូក​ខ្ចី​ រីកបង្អួតសម្រស់​ព្រោងព្រាត​ចោលក្លិន​ក្រអូប​សាយ​​នោះ ចាប់ពីខែវិច្ឆិការហូតដល់ខែមករា នៅតាមបណ្តាជាយក្រុងនានា នៃភាគខាងជើងនៃក្រុងតូក្យូ ប្រទេសជប៉ុន​ បានផុសឡើងនូវ​ទិដ្ឋភាព​ដ៏​ល្អ​ឯក និងគួរជាទីសោមនស្ស​ប្រៀប​ដូច​ផ្ទាំងគំនូរ ខណៈដែលផ្កាឈើព្រៃ សូវ៉ាឃីនិន រីកស្គុះស្គាយពេញដើម និងជ្រុះពាសពេញ​លើដីប្រៀប​ដូចជា​កម្រាល​ព្រំពណ៌មាសយ៉ាងដូច្នោះ។ ទេសភាព​ឧទ្យាន សូវ៉ាឃីនិនផាក តែង​មាន​សម្រស់​ឆ្លាស់​គ្នា​ ជាមួយ​នឹង​ពណ៌​ស្លឹកឈើ​ និង​ផ្កា​ឈើរី ដោយ​គេ​បាន​​ប្រៀប​​វា​ដូចជា​ តំបន់​សមុទ្រ​ក្រហម​នៃ​ស្លឹកឈើរី ហើយជួនកាល​ឆ្លុះ​ជាមួយ​នឹង ​ពណ៌​លឿង​លាយ​ពណ៌​ត្នោត​ក៏​មាន។ ​ ​រដូវស្លឹកឈើ​ជ្រុះ គឺជា​វេលា​​មួយ​ដែល​ជនជាតិ​ជប៉ុន ​ចូលចិត្ត​ដើរកម្សាន្តជាងគេ​បើ​ប្រៀប​នឹង​រដូវកាល​នានា។ ដោយឡែកនៅ ឧទ្យានសូវ៉ាឃីនិននេះ​ គឺជា​ទីកន្លែង​ដ៏​ពិសេស និង​មាន​ពណ៌​ស្រស់​ឆើតឆាយ​ល្អ​បំផុត ​ប្រចាំ​ក្រុង​តូក្យូ ខណៈដែល​ទី​ដ៏ស្រស់​ឆើតឆាយមួយនេះ ​ត្រូវ​បាន​គេ​បង្កើត​ឡើងកាលពី​ឆ្នាំ​1983 ​ដើម្បី​​ជា​​កន្លែង​ឧទ្ទិស​ទៅ​ដល់ ​អតីត​ព្រះចៅ​អធិរាជ​ជប៉ុន​ ស៊ូវ៉ា នៃ​រជ្ជកាល​សម័យ​ស្តេច​ ហ៊ីរ៉ូហ៊ីតូ។

Japan-Park-02

ឧទ្យាន​សូវ៉ាឃីនិន ​មាន​ទំហំ​ផ្ទៃក្រឡា 2​គីឡូម៉ែត្រ​ការ៉េ​ បាន​ធ្វើឱ្យ​មាន​ទេសភាពដ៏ទាក់ទាញ និងគួរជាទីពេញចិត្ត សម្រាប់ភ្ញៀវទេសចរជាតិ និង​អន្តរជាតិជារៀងរាល់ឆ្នាំ ជាពិសេសនៅក្នុងរដូវ Christmas ដោយសារតែដើមផ្កាព្រៃពណ៌មាស ដែលនៅអមសងខាងផ្លូវ ត្រូវបានគេរចនាឱ្យ​មាន​រូបរាងដូចជាដើម Christmas ពណ៌មាសចម្រុះគ្នាគួរជាទីគយគន់ខ្លាំងណាស់។ ចំពោះ​តម្លៃ​ចូល​ទស្សនា​នៅ​តំបន់​ឧទ្យាន​នេះ គឺម្នាក់​អស់​តែ​ប្រមាណ​​ជិត ​6ដុល្លារប៉ុណ្ណោះ ដោយ​ក្រុម​ភ្ញៀវ​ត្រូវ​ជិះ​កង់​ចម្ងាយ ​11គីឡូម៉ែត្រ ទើប​អាច​ទស្សនា​ក្នុងឧទ្យានេះសព្វ​ទីកន្លែង។ សម្រស់​ដ៏ត្រកាល​នេះ​ បាន​​ស្រូប​យក​​ចំណាប់​​អារម្មណ៍​ភ្ញៀវ​ទេសចរ​មក​កម្សាន្ត នៅ​ឧទ្យាន​សូវ៉ាឃីនិននេះ យ៉ាងច្រើន​កុះករ​ជា​រៀងរាល់​រដូវកាល ​ជាពិសេស​ក្រុម​ភ្ញៀវ​ ដែល​បាន​​មក​កាន់​ប្រទេស​ជប៉ុន ​ចំ​អំឡុង​រដូវកាល​ស្លឹកឈើ​ជ្រុះ គឺ​ពួកគេ​មិន​អាច​រំលង​ការបកទស្សនាទេសភាព ដ៏ស្រស់ត្រកាល នៃឧទ្យានធម្មជាតិ​មួយ​នេះ​ទេ៕

Japan-Park-03

Japan-Park-05

Japan-Park-06

Japan-Park-04

Japan-Park-07

អត្ថបទអ្នកចង់អាន

  • សារមន្ទីរដ៏ល្អបំផុតទាំង 5 នៅរាជធានីភ្នំពេញប្រទេ...

    ដោយ: ភារុន 8 AM, Tuesday, 06 Nov, 2018
    សារមន្ទីរជាច្រើននៅក្នុងរាជធានីភ្នំពេញផ្តល់ការយល់ដឹងដ៏គួរឱ្យចាប់អារម្មណ៍ស្តីអំពីវប្បធម៌ និង ប្រពៃណី ព្រមទាំងព្រឹត្តិការណ៍ផ្សេងៗដែលបានកើតឡើងនៅអតីតកាលរបស់ប្រទេសកម្ពុជា។ ខាងក្រោមនេះគឺជាសារមុន្ទីចំនួន 5 នៅក្នុងរាជធានីភ្នំពេញដែលផ្តល់...
  • ដែនជម្រកសត្វដំរី នៅខេត្តមណ្ឌលគីរី

    ដោយ: ភារុន 8 AM, Tuesday, 13 Nov, 2018
    សត្វដំរីអាស៊ី ប្រហែលជាអ្នកទាំងអស់គ្នាបានដឹងហើយ គឺភាគច្រើនសត្វដំរីប្រភេទនេះអាចរស់នៅបានតែនៅក្នុងតំបន់ត្រូពិចដែលមានភាពត្រជាក់ និង មានភ្លៀងធ្លាក់ជាប់ដូចជានៅក្នុងខេត្តមណ្ឌលគីរីនោះទេ។ បើទោះបីជាវាមានរស់នៅប្រទេសថៃក៏ដោយ ប៉ុន្តែដែនជម្រកស...
  • រមណីយដ្ឋានលក្ខណៈឯកជន និង ដាច់ដោយឡែកដ៏ស្រស់ស្អាត...

    ដោយ: ភារុន 10 AM, Thursday, 08 Nov, 2018
    ខេត្តកំពត គឺជាខេត្តមួយដែលមានភាពល្បីល្បាញថានៅទីនេះសប្បូរអាហារសមុទ្រដែលមានរសជាតិឆ្ងាញ់បំផុត ជាងនៅតំបន់ផ្សេងៗទៀតដែលជាខេត្តជាប់សមុទ្រនៅប្រទេសកម្ពុជា។ ម្យ៉ាងទៀតនៅទីនេះក៏មានរមណីយដ្ឋានលក្ខណៈឯកជន និង ដាច់ដោយឡែកពីគេដែលត្រូវបានគេឱ្យឈ្មោះ...
  • ភោជនីយដ្ឋានទាំង 7 នេះ ល្បីមានម្ហូបត្រីអាម៉ុកដែល...

    ដោយ: ភារុន 8 AM, Friday, 09 Nov, 2018
    ត្រីអាម៉ុកគឺជាមុខម្ហូបដ៏ល្បីល្បាញមួយប្រចាំប្រទេសកម្ពុជា។ មុខម្ហូបនេះភាគច្រើនចម្អិនឡើងជាមួយគ្រឿងផ្សំជាច្រើនមុខ ជាពិសេសប្រើសាច់ត្រី និង ខ្ទិះដូងដែលធ្វើឱ្យមុខម្ហូបនេះមានក្លិនឆ្ងុយគួរឱ្យចង់ទទួលទាន។ ហើយមុខម្ហូបនេះគេនិយមចម្អិនបែបប្រព...