ចូលចិត្តទំនើប

ភោជនីយដ្ឋានទាំង 7 នេះ ល្បីមានម្ហូបត្រីអាម៉ុកដែលមានរសជាតិឆ្ងាញ់បំផុត ប្រចាំរាជធានីភ្នំពេញ?

ដោយ: ភារុន 8 AM, Friday, 09 Nov, 2018

ត្រីអាម៉ុកគឺជាមុខម្ហូបដ៏ល្បីល្បាញមួយប្រចាំប្រទេសកម្ពុជា។ មុខម្ហូបនេះភាគច្រើនចម្អិនឡើងជាមួយគ្រឿងផ្សំជាច្រើនមុខ ជាពិសេសប្រើសាច់ត្រី និង ខ្ទិះដូងដែលធ្វើឱ្យមុខម្ហូបនេះមានក្លិនឆ្ងុយគួរឱ្យចង់ទទួលទាន។ ហើយមុខម្ហូបនេះគេនិយមចម្អិនបែបប្រពៃណីដោយប្រើស្លឹកចេកមករៀបចំដាក់ម្ហូបនេះ។ ខាងក្រោមនេះគឺជាភោជនីយដ្ឋានទាំង 7 ដែលបម្រើមុខម្ហូបត្រីអាម៉ុកដ៏សែនឆ្ងាញ់នេះដែលមានដូចជា៖
1. ភោជនីយដ្ឋាន FRIZZ
ភោជនីយដ្ឋាន Frizz គឺបានបើកដំណើរការថ្នាក់បង្រៀនចំអិនម្ហូបអាហារដែលមានរយះយូរជាងគេបំផុតនៅរាជធានីភ្នំពេញ ហើយវាជាកន្លែងដែលមេចុងភៅអាចរៀនពីរបៀបចំអិនអាម៉ុកត្រីដ៏ល្អឥតខ្ចោះ។ ភោជនីយដ្ឋាននេះមានមោទនភាពចំពោះការចម្អិនម្ហូបខ្មែរតាមប្រពៃណីដែលមានប្រជាប្រិយភាពបំផុត។

2. ភោជនីយដ្ឋាន ម្លិះភ្នំពេញ
មេចុងភៅខ្មែរម្នាក់ឈ្មោះលោក លូ ម៉េង ដែលជាអ្នកចាប់ផ្តើមដំបូងគេដែលធ្វើឱ្យ ភោជនីយដ្ឋានម្លិះភ្នំពេញ បានបើកបម្រើអាហារខ្មែរដែលមានរសជាតិឆ្ងាញ់ជាមួយនឹងការច្នៃប្រឌិតដ៏ទាន់សម័យ។ ដោយសារតែរូបមន្តប្រពៃណីជាច្រើនរបស់ប្រទេសកម្ពុជាបានរលាយសាបសូន្យក្នុងរបបខ្មែរក្រហម ទើបធ្វើមេចុងភៅលោក ម៉េង បានបង្កើតនូវបេសកកម្មរបស់គាត់ដើម្បីធ្វើឱ្យមុខម្ហូបទាំងនោះរស់ឡើងវិញ ជាពិសេសនោះគឺម្ហូបត្រីអាម៉ុក។

3. ភោជនីយដ្ឋាន ELEVEN ONE KITCHEN
ភោជនីយដ្ឋាននេះមានទីតាំងស្ថិតនៅក្នុងសួនច្បារមួយកន្លែងនៅក្នុងរាជធានីភ្នំពេញ។ នៅទីនេះមានបើកបម្រើអាហារពេលព្រឹកដែលផ្តល់ជូននូវមុខម្ហូបបែបខ្មែរទាន់សម័យ ជាមួយបរិយាកាសដ៏សែនកក់ក្តៅ និង មានផាសុកភាព។ សម្រាប់អាហារថ្ងៃត្រង់វិញគឺបម្រើមុខម្ហូបបែបខ្មែរសុទ្ធសាត ជាពិសេសនោះគឺម្ហូបត្រីអាម៉ុក ដែលមានរសជាតិឆ្ងាញ់ជាងគេ។

4. ភោជនីយដ្ឋាន រំដេង
ភោជនីយដ្ឋាន រំដេង ត្រូវបានរៀបចំឡើងនៅក្នុងអគារដែលសល់ពីអាណានិគមបារាំងមួយកន្លែង នេះវាពិតជាគួរឱ្យភ្ញាក់ផ្អើលខ្លាំងណាស់នៅពេលអ្នកបានមកទទួលទានអាហារនៅទីនេះ។ លើសពីនេះនៅភោជនីយដ្ឋាននេះមានការបង្ហាញចានច្នៃប្រឌិតបែបខ្មែរជាច្រើនដល់ភ្ញៀវដែលមកបរិភោគអាហារនៅទីនេះ។ ចំពោះមុខម្ហូបត្រីអាម៉ុក គឺជាមុខម្ហូបប្រចាំភោជនីយដ្ឋាន រំដេងនេះផងដែរ លើសពីនេះក៏នៅមានម្ហូបបែបខ្មែរឆ្ងាញ់ៗផ្សេងទៀតជាច្រើនមុខថែមទៀត។

5. ភោជនីយដ្ឋាន និង សណ្ឋាគារ អានីស
ភោជនីយដ្ឋានលក្ខណៈគ្រួសារនេះមានទីតាំងស្ថិតនៅក្នុងសណ្ឋាគារ អានីស ដែលផ្តល់ជូននូវការភ្ញាក់ផ្អើលជាច្រើនដល់ភ្ញៀវដែលមកបរិភោគអាហារនៅទីនេះ។ នៅភោជនីយដ្ឋានេះផ្តោតសំខាន់ទៅលើមុខម្ហូបបែបខ្មែរ។ អាហារចម្អិនក្នុងស្រុកទាំងអស់ត្រូវបានបម្រើជូនភ្ញៀវ ជាពិសេសគឺមុខម្ហូបត្រីអាម៉ុក ជាមួយ បាយសរ ដ៏សែនឆ្ងាញ់ ដែលត្រីអាម៉ុកមានរសជាតិស្រាល និង មិនសូវផ្អែម ដូចជាប្រទេសជិតខាងឡើយ លើសពីនេះក៏មានជម្រើសអាហារសមុទ្រឆ្ងាញ់ៗជាច្រើនផងដែរ។

6. ភោជនីយដ្ឋាន បុប្ផាភ្នំផែន ទីតានីក
ភោជនីយដ្ឋាននេះត្រូវបានគេហៅឈ្មោះកាត់ថា ទីតានីក ហើយភោជនីយដ្ឋាននេះមានទីតាំងស្ថិតនៅលើបឹងទន្លេសាប។ នៅទីនេះមានបម្រើមុខម្ហូបបែបប្រពៃណីខ្មែរ ជាអាហារពេលល្ងាច។ នៅពេលអ្នកមកទទួលទានអាហារពេលល្ងាចនៅភោជនីយដ្ឋាននេះ អ្នកអាចបរិភោគអាហារបណ្តើរ ស្រូបយកខ្យល់បរិសុទ្ធពីទន្លេបណ្តើរ នេះពិតជាអាចធ្វើឱ្យអ្នកបន្ធូរអារម្មណ៍បានច្រើនក្នុងអំឡុងពេលអ្នកបានធ្វើការពេញមួយថ្ងៃនេះ។

7. ភោជនីយដ្ឋាន FCC
FCC មានប្រជាប្រិយភាពបំផុតជាមួយនឹងអ្នកដែលចាប់អារម្មណ៍បរិភោគអាហារនៅតាមយ៉រនៃភោជនីយដ្ឋាន ហើយអ្នកក៏អាចមើលទិដ្ឋភាពថ្ងៃលិចនៅលើទន្លេមេគង្គ និង ទន្លេសាបផងដែរ។ FCC បម្រើភេសជ្ជៈនិងម្ហូបអាហារពេញមួយថ្ងៃ ហើយសម្រាប់អាហារពេលល្ងាចក៏មានបម្រើមុខម្ហូបត្រីអាម៉ុកដ៏សែនឆ្ងាញ់ ម្យ៉ាងទៀតអ្នកក៏អាចបរិភោគម្ហូបមួយមុខនេះជាមួយនឹងនំបុ័ងដែលភោជនីយដ្ឋានបានដាក់បញ្ចូលនៅក្នុងបញ្ជីមុខម្ហូប។

អត្ថបទអ្នកចង់អាន

  • ទិសដៅទេសចរណ៍ទាំង 8 ដែលមានតម្លៃសមរម្យបំផុត នៅជុំ...

    ដោយ: ភារុន 8 AM, Saturday, 10 Nov, 2018
    នៅថ្ងៃឈប់សម្រាកក្នុងឱកាសពិធីបុណ្យអុំទូកនេះ អ្នកអាចឆ្លៀតពេលនេះទៅធ្វើដំណើរទេសចរនៅតំបន់ដ៏ល្បីៗនៅជុំវិញពិភពលោក ប៉ុន្តែប្រសិនបើអ្នកមិនចង់ចំណាយថវិកាច្រើនក្នុងការធ្វើដំណើរទេសចរណ៍ អ្នកអាចពិចារណាទៅកាន់ទិសដៅទាំង 8 ដូចខាងក្រោមនេះដែលផ្តល់ឱ...
  • សារមន្ទីរដ៏ល្អបំផុតទាំង 5 នៅរាជធានីភ្នំពេញប្រទេ...

    ដោយ: ភារុន 8 AM, Tuesday, 06 Nov, 2018
    សារមន្ទីរជាច្រើននៅក្នុងរាជធានីភ្នំពេញផ្តល់ការយល់ដឹងដ៏គួរឱ្យចាប់អារម្មណ៍ស្តីអំពីវប្បធម៌ និង ប្រពៃណី ព្រមទាំងព្រឹត្តិការណ៍ផ្សេងៗដែលបានកើតឡើងនៅអតីតកាលរបស់ប្រទេសកម្ពុជា។ ខាងក្រោមនេះគឺជាសារមុន្ទីចំនួន 5 នៅក្នុងរាជធានីភ្នំពេញដែលផ្តល់...
  • រឿងដ៏ល្អបំផុតទាំង 10 ដែលអ្នកគួរមកកម្សាន្ត និង ធ...

    ដោយ: ភារុន 9 AM, Tuesday, 30 Oct, 2018
    ហេតុផលដែលថាភ្ញៀវទេសចរមកកាន់ប្រទេសកម្ពុជា ដើម្បីថតខ្សែវីឌីអូទាក់ទងទៅនឹង ប្រាសាទអង្គរវត្ត និង ទេសភាពដ៏ អស្ចារ្យដែលស្ថិតនៅខេត្តសៀមរាបក្នុងរយៈពេលពីរបីថ្ងៃ និង ការរង់ចាំទស្សនាព្រះអាទិត្យរះនៅលើប្រាង្គប្រាសាទអង្គរវត្តគឺជាទស្សនីយភាពដ៏គ...
  • អាហារតាមចិញ្ចើមផ្លូវដ៏ល្អបំផុតទាំង 10 នៅទួលទំពូ...

    ដោយ: ភារុន 8 AM, Saturday, 03 Nov, 2018
    ប្រសិនបើអ្នកមិនបានបរិភោគអាហារតាមចិញ្ចើមផ្លូវនៅទួលទំពូងទេ អ្នកច្បាស់ជាមានការសោកស្តាយជាក់ជាមិនខាន ពីព្រោះអាហារតាមចិញ្ចើមផ្លូវនៅទួលទំពូងនឹងផ្តល់ឱ្យអ្នកនូវរសជាតិឆ្ងាញ់ដ៏ពិតប្រាកដរបស់ប្រទេសកម្ពុជា។ ដូច្នេះ ទំនើប សូមណែនាំអាហារតាមចិញ្...