ចូលចិត្តទំនើប

រមណីយដ្ឋានលក្ខណៈឯកជន និង ដាច់ដោយឡែកដ៏ស្រស់ស្អាត ដែលអ្នកមិនធ្លាប់បានឮនៅខេត្តកំពត

ដោយ: ភារុន 10 AM, Thursday, 08 Nov, 2018

ខេត្តកំពត គឺជាខេត្តមួយដែលមានភាពល្បីល្បាញថានៅទីនេះសប្បូរអាហារសមុទ្រដែលមានរសជាតិឆ្ងាញ់បំផុត ជាងនៅតំបន់ផ្សេងៗទៀតដែលជាខេត្តជាប់សមុទ្រនៅប្រទេសកម្ពុជា។ ម្យ៉ាងទៀតនៅទីនេះក៏មានរមណីយដ្ឋានលក្ខណៈឯកជន និង ដាច់ដោយឡែកពីគេដែលត្រូវបានគេឱ្យឈ្មោះថា «Kampot River Residence» ដែលជារមណីយដ្ឋានមួយដែលមានលក្ខណៈល្អប្រណីតដែលអាចចាត់ចូលជាចំណាត់ថ្នាក់ផ្កាយ 4,5 ប្រចាំខេត្តកំពត។ នៅ«Kampot River Residence» ត្រូវបានគេរចនាឡើងដើម្បីបញ្ចូលរួមគ្នាយ៉ាងពេញលេញជាមួយបរិយាកាសបែបធម្មជាតិមានទាំង ព្រៃភ្នំ និង ឆ្នេរសមុទ្រ។

ស្ថាបត្យកម្មនៅទីនេះត្រូវបានបំផុសគំនិតដោយអ្នកស្រលាញ់បរិស្ថាន ក្នុងតំបន់ជាមួយការប្រើប្រាស់សម្ភារធម្មជាតិ ដើម្បីសាងសង់ចេញមកជារមណីយដ្ឋាននេះឡើង។ ការរៀបចំប្លង់គម្រោងគឺធ្វើឡើងយ៉ាងបើកទូលាយ។ ជាមួយនឹងទិដ្ឋភាពគួរឱ្យភ្ញាក់ផ្អើលនៃខេត្តកំពត ហើយក៏ជាការអញ្ជើញដល់ភ្ញៀវទេសចរឱ្យមកលេងកម្សាន្ត និង នឹងអាចទទួលបាននូវបទពិសោធន៍ដ៏ល្អបំផុតក្នុងជីវិត។

ការតុបតែងតិចតួចរួមជាមួយនឹងសម្រស់ធម្មជាតិដែលព័ទ្ធជុំវិញរមណីយដ្ឋាននេះ ផ្តល់ជូននូវទីជម្រកដ៏ល្អឥតខ្ចោះសម្រាប់ភ្ញៀវទេសចរជាតិ និង អន្តរជាតិ។ អគារទាំងអស់ត្រូវបានបំពាក់ជាមួយនឹងបរិក្ខារទំនើបទាន់សម័យដែលធានាបាននូវភាពងាយស្រួលបំផុត ជាមួយនឹងទំហំដ៏ធំទូលាយនៃបន្ទប់ស្នាក់នៅដែលមានពី 46 ទៅ 120 ម៉ែត្រការ៉េ និង មានទីធ្លាដ៏ធំទូលាយយ៉ាងបរិបូរណ៍សម្រាប់អង្គុយលេងកម្សាន្តជាមួយក្រុមគ្រួសារជាលក្ខណៈឯកជន។ ផ្ទៃដី 1,6 ហិចតាដែលធ្វើជាសួនច្បារដ៏ខៀវស្រងាត់ គឺត្រូវបានលាតសន្ធឹងនៅក្នុងបរិវេណរមណីយដ្ឋាន និង មានវាលស្រែរបស់អ្នកស្រុកក្នុងតំបន់នៅព័ទ្ធជុំវិញរមណីយដ្ឋានដ៏ធំនេះ ពិតជាបង្កនូវទស្សនីយភាពដ៏អស្ចារ្យនៃធម្មជាតិ វប្បធម៌ប្រពៃណីរបស់ប្រជាជនកម្ពុជាផងដែរ។

ទីធ្លារមណីយដ្ឋាននេះ មានផ្ទះស្នាក់ខ្នាតធំបែបខ្មែរប្រហែល 18 ខ្នង រួមជាមួយផ្ទះភ្លោះបែបខ្មែរជាលក្ខណៈឯកជន ប្រហែល 8 ខ្នង។ លើសពីនេះនៅអមដៃសមុទ្រក៏មានការសង់នូវផ្ទះស្នាក់លក្ខណៈឯកជនចំនួនពីរខ្នង។ ម្យ៉ាងទៀតនៅរមណីយដ្ឋាននេះក៏មានវីឡាបែបខ្មែរដ៏ធំចំនួន 4 ខ្នង និង អគារស្នាក់នៅ 5 ខ្នង ព្រមជាមួយបន្ទប់ស្នាក់នៅខាងក្នុងដ៏ទំនើបទាន់សម័យថែមទៀត។

ដូច្នេះប្រសិនបើអ្នកនាំគ្រួសារមកស្នាក់នៅរមណីយដ្ឋាននេះ អ្នកអាចទទួលបទពិសោធន៍ពិតៗជាមួយធម្មជាតិផ្ទាល់។ នៅទីមានប្រជាប្រិយភាព ដោយសារអាកាសធាតុត្រជាក់ និង ជាកន្លែងដ៏ពេញនិយម សម្រាប់ការកម្សាន្ត ដែលទាក់ទាញភ្ញៀវទេសចរទាំងនៅក្នុងស្រុក និង ក្រៅស្រុក។

Address : Kampong Kreng Village, Kampong Kreng Commune,
Teuk Chhou District, Kampot Province, Cambodia
Phone :  +855 89 389 168
Email : info@kampotriverresidence.com

អត្ថបទអ្នកចង់អាន

  • ការបោះជុំរុំ និង ការដើរកម្សាន្តបែបផ្សងព្រេងនៅខេ...

    ដោយ: ភារុន 9 AM, Wednesday, 07 Nov, 2018
    ខេត្តមណ្ឌលគីរីតំបន់ទេសចរណ៍ធម្មជាតិដ៏ធំមួយនៃតំបន់ភូមភាគឥសាន្តរបស់ប្រទេសកម្ពុជា ដែលមានតំបន់ទេសចរណ៍ធម្មជាតិៗជាច្រើនកន្លែង។ នៅក្នុងឱកាសព្រះរាជពិធីបុណ្យអុំទូក អកអំបុក និងសំពះព្រះខែ នាពេលខាងមុខនេះ ជាឱកាសដ៏ល្អមួយដែលអ្នកអាចនាំគ្រួសារទៅ...
  • រឿងដ៏ល្អបំផុតទាំង 10 ដែលអ្នកគួរមកកម្សាន្ត និង ធ...

    ដោយ: ភារុន 9 AM, Tuesday, 30 Oct, 2018
    ហេតុផលដែលថាភ្ញៀវទេសចរមកកាន់ប្រទេសកម្ពុជា ដើម្បីថតខ្សែវីឌីអូទាក់ទងទៅនឹង ប្រាសាទអង្គរវត្ត និង ទេសភាពដ៏ អស្ចារ្យដែលស្ថិតនៅខេត្តសៀមរាបក្នុងរយៈពេលពីរបីថ្ងៃ និង ការរង់ចាំទស្សនាព្រះអាទិត្យរះនៅលើប្រាង្គប្រាសាទអង្គរវត្តគឺជាទស្សនីយភាពដ៏គ...
  • ភូមិបៃតងដ៏ស្រស់ស្អាត នៅខេត្តសៀមរាប ប្រទេសកម្ពុជា

    ដោយ: ភារុន 8 AM, Monday, 12 Nov, 2018
    ភូមិបៃតងគឺជារមណីយដ្ឋានដ៏លាក់កំបាំងមួយ នៅពេលអ្នកបានមកស្នាក់នៅទីនេះ អ្នកនឹងមានអារម្មណ៍ថាឃ្លាតឆ្ងាយពី សម្លេងអ៊ូរអរនៃពិភពខាងក្រៅ។ ឧទារហណ៍ដូចជា៖ ការភ្ញាក់ពីពេលព្រឹកព្រលឹម ហើយបើកទ្វារបន្ទប់ស្នាក់ អ្នកនឹងអាចមើលឃើញសត្វបក្សាបក្សីកំពុងហោ...
  • ភោជនីយដ្ឋានទាំង 7 នេះ ល្បីមានម្ហូបត្រីអាម៉ុកដែល...

    ដោយ: ភារុន 8 AM, Friday, 09 Nov, 2018
    ត្រីអាម៉ុកគឺជាមុខម្ហូបដ៏ល្បីល្បាញមួយប្រចាំប្រទេសកម្ពុជា។ មុខម្ហូបនេះភាគច្រើនចម្អិនឡើងជាមួយគ្រឿងផ្សំជាច្រើនមុខ ជាពិសេសប្រើសាច់ត្រី និង ខ្ទិះដូងដែលធ្វើឱ្យមុខម្ហូបនេះមានក្លិនឆ្ងុយគួរឱ្យចង់ទទួលទាន។ ហើយមុខម្ហូបនេះគេនិយមចម្អិនបែបប្រព...