ចូលចិត្តទំនើប

សារមន្ទីរដ៏ល្អបំផុតទាំង 5 នៅរាជធានីភ្នំពេញប្រទេសកម្ពុជា

ដោយ: ភារុន 8 AM, Tuesday, 06 Nov, 2018

សារមន្ទីរជាច្រើននៅក្នុងរាជធានីភ្នំពេញផ្តល់ការយល់ដឹងដ៏គួរឱ្យចាប់អារម្មណ៍ស្តីអំពីវប្បធម៌ និង ប្រពៃណី ព្រមទាំងព្រឹត្តិការណ៍ផ្សេងៗដែលបានកើតឡើងនៅអតីតកាលរបស់ប្រទេសកម្ពុជា។ ខាងក្រោមនេះគឺជាសារមុន្ទីចំនួន 5 នៅក្នុងរាជធានីភ្នំពេញដែលផ្តល់ជូននូវចំណេះដឹងទាំងអស់នេះដល់អ្នក៖

1. សារមន្ទីរជាតិកម្ពុជា
សារមន្ទីរនេះមានទីតាំងនៅជាប់ព្រះបរមរាជវាំងដែលជាសារមន្ទីជាតិរបស់ប្រទេសកម្ពុជាតែមួយគត់ ដែលមានតម្កល់វត្ថុបូរាណជាង 5000 ដែលមានតាំងពីសម័យអង្គរមក។ បន្ទប់និមួយៗនៅក្នុងសារមុន្ទីរមានដាក់តាំងបង្ហាញរូបចម្លាក់ដ៏ កម្រៗជាច្រើន និង វត្ថុបូរាណផ្សេងៗទៀតរួមមាន រូបចម្លាក់ស្តេចគំលង់បានមកពីខេត្តសៀមរាប និង រូបចម្លាក់ព្រះវិស្ណុក្នុងសតវត្សទី 11 ជាដើម។

2. ព្រះបរមរាជវាំង និង វត្តប្រាក់
ព្រះបរមរាជវាំងជាលំនៅដ្ឋានរបស់ព្រះមហាក្សត្រ និង ជាកន្លែងរៀបចំពិធីសម្ពោធកម្មវិធីថ្នាក់ជាតិធំៗ ព្រមទាំងជានិមិត្តរូបរបស់ព្រះរាជាណាចក្រកម្ពុជា។ មានអគារមួយចំនួននៅក្នុងព្រះបរមរាជវាំងត្រូវបានបើកចំហសម្រាប់សាធារណៈជន។ បរិវេណរបស់ព្រះបរមរាជវាំងក៏ជាទីតាំងរបស់វត្តប្រាក់ដែលមានរចនាបទដូចទៅនឹងប្រាសាទដ៏ល្បីល្បាញមួយផងដែរ។ លើសពីនេះនៅបរិវេណព្រះបរមរាំងវាំងក៏មានប្រាសាទស្រស់ស្អាតជាច្រើនទៀតដូចជា វិមានណាំប៉ូឡេអុង និង ប្រាសាទច័ន្ទឆ័យា…….។ល៕

3. មជ្ឈមណ្ឌលប្រល័យពូជសាសន៍ ជើងឯក
នៅចន្លោះឆ្នាំ 1975 ដល់ 1979 របបខ្មែរក្រហមដែលដឹកនាំដោយប៉ុល ពតបានកាន់កាប់ប្រទេសកម្ពុជា។ ប្រជាជនប្រហែលជាង 2 លាននាក់ត្រូវបានសម្លាប់ ឬ ខ្លះទៀតត្រូវស្លាប់ដោយសារភាពអត់ឃ្លាន និង អស់កម្លាំងពេក។ សាកសពជិត 9000 នាក់ត្រូវបានរកឃើញនៅក្នុងរណ្តៅនៅឯតំបន់មួយដែលត្រូវបានគេស្គាល់ថាជាវាលពិឃាដជើង ឯក។ នៅពេលបច្ចុប្បន្ននេះវាលពិឃាដជើកឯកត្រូវបានរៀបចំឡើងជាមជ្ឈមណ្ឌលរំឭកការចងចាំមួយ ដែលនៅទីនេះមានរូបសំណាក់ព្រះពុទ្ធ និង មានលលាដ៏ក្បាលមនុស្សជាច្រើនដែលយកចេញពីរណ្តៅសាកសពមកតំរៀបនៅក្នុងទូរកញ្ចក់ដ៏ធំមួយ។

4. សារមន្ទីរប្រល័យពូជសាសន៍ ទួលស្លែង
អតីតអនុវិទ្យាល័យនៅកណ្តាលរាជធានីភ្នំពេញ ដែលនៅរបបខ្មែរក្រហមគឺជាគុកឃុំឃាំងគ្រួសារមន្រ្តីរាជការ និង អ្នកមានទ្រព្យសម្បត្តិ ហើយអ្នកទាំងនោះត្រូវបានធ្វើទារុណកម្ម និង សម្លាប់យ៉ាងព្រៃផ្សៃ ហើយអ្នកខ្លះទៀតត្រូវបញ្ជូនទៅសម្លាប់នៅវាលពិឃាដជើកឯក។ សព្វថ្ងៃនេះទីនេះបានក្លាយជាសារមុន្ទីរប្រល័យពូជសាសន៍មួយ ដើម្បីផ្តល់ការយល់ដឹងដ៏គួរឱ្យភ្ញាក់ផ្អើលដល់ក្មេងជំនាន់ក្រោយបានដឹង និង ស្គាល់នូវរបបដ៏ឃោឃៅមួយនេះ។

5. មជ្ឈមណ្ឌលធនធានសោតទស្សន៍ បុប្ផាណា
មជ្ឈមណ្ឌលនេះគឺជារោងភាពយន្តសម្រាប់ចាក់បញ្ចាំងខ្សែភាពយន្តពិសេសៗនៅក្នុងសង្គមខ្មែរ ទាំងនៅអតីតកាល និង បច្ចុប្បន្នកាល។ ខណៈដែលខ្សែភាពយន្តជំនាន់មុនត្រូវបានខូចខ្ទេចខ្ទីក្នុងកំឡុងពេលរបបខ្មែរក្រហម ដូច្នេះមជ្ឈមណ្ឌលបុប្ផាណាបានធ្វើការប្រមែប្រមូលភាពយន្ត និង ឯកសារចាស់ៗដែលនៅសេសសល់ បន្ទាប់មកយកវាដាក់បង្ហាញឱ្យប្រជាជនកម្ពុជាបានទស្សនាជាសាធារណៈ។ មជ្ឈមណ្ឌលនេះក៏ជាកន្លែងអប់រំយុវជនកម្ពុជា ដោយពួកគេអាចរៀនបច្ចេកទេសសោតទស្សន៍ ការអនុវត្តពហុព័ត៌មានផ្សព្វផ្សាយ និង ផលិតភាពយន្តផងដែរ។ អ្នកទស្សនាអាចមើលឃើញរូបថត និង ភាពយន្ត ដែលមានតាំងពីឆ្នាំ 1866។ ម្យ៉ាងទៀតកន្លែងនេះជាទូទៅមានរៀបចំសិក្ខាសាលា ការតាំងពិព័រណ៍ និង បញ្ចាំងខ្សែភាពយន្តជំនាន់មុនផងដែរ។

អត្ថបទអ្នកចង់អាន

  • ទិសដៅទេសចរណ៍ទាំង 8 ដែលមានតម្លៃសមរម្យបំផុត នៅជុំ...

    ដោយ: ភារុន 8 AM, Saturday, 10 Nov, 2018
    នៅថ្ងៃឈប់សម្រាកក្នុងឱកាសពិធីបុណ្យអុំទូកនេះ អ្នកអាចឆ្លៀតពេលនេះទៅធ្វើដំណើរទេសចរនៅតំបន់ដ៏ល្បីៗនៅជុំវិញពិភពលោក ប៉ុន្តែប្រសិនបើអ្នកមិនចង់ចំណាយថវិកាច្រើនក្នុងការធ្វើដំណើរទេសចរណ៍ អ្នកអាចពិចារណាទៅកាន់ទិសដៅទាំង 8 ដូចខាងក្រោមនេះដែលផ្តល់ឱ...
  • ភូមិបៃតងដ៏ស្រស់ស្អាត នៅខេត្តសៀមរាប ប្រទេសកម្ពុជា

    ដោយ: ភារុន 8 AM, Monday, 12 Nov, 2018
    ភូមិបៃតងគឺជារមណីយដ្ឋានដ៏លាក់កំបាំងមួយ នៅពេលអ្នកបានមកស្នាក់នៅទីនេះ អ្នកនឹងមានអារម្មណ៍ថាឃ្លាតឆ្ងាយពី សម្លេងអ៊ូរអរនៃពិភពខាងក្រៅ។ ឧទារហណ៍ដូចជា៖ ការភ្ញាក់ពីពេលព្រឹកព្រលឹម ហើយបើកទ្វារបន្ទប់ស្នាក់ អ្នកនឹងអាចមើលឃើញសត្វបក្សាបក្សីកំពុងហោ...
  • ការបោះជុំរុំ និង ការដើរកម្សាន្តបែបផ្សងព្រេងនៅខេ...

    ដោយ: ភារុន 9 AM, Wednesday, 07 Nov, 2018
    ខេត្តមណ្ឌលគីរីតំបន់ទេសចរណ៍ធម្មជាតិដ៏ធំមួយនៃតំបន់ភូមភាគឥសាន្តរបស់ប្រទេសកម្ពុជា ដែលមានតំបន់ទេសចរណ៍ធម្មជាតិៗជាច្រើនកន្លែង។ នៅក្នុងឱកាសព្រះរាជពិធីបុណ្យអុំទូក អកអំបុក និងសំពះព្រះខែ នាពេលខាងមុខនេះ ជាឱកាសដ៏ល្អមួយដែលអ្នកអាចនាំគ្រួសារទៅ...
  • រមណីយដ្ឋានលក្ខណៈឯកជន និង ដាច់ដោយឡែកដ៏ស្រស់ស្អាត...

    ដោយ: ភារុន 10 AM, Thursday, 08 Nov, 2018
    ខេត្តកំពត គឺជាខេត្តមួយដែលមានភាពល្បីល្បាញថានៅទីនេះសប្បូរអាហារសមុទ្រដែលមានរសជាតិឆ្ងាញ់បំផុត ជាងនៅតំបន់ផ្សេងៗទៀតដែលជាខេត្តជាប់សមុទ្រនៅប្រទេសកម្ពុជា។ ម្យ៉ាងទៀតនៅទីនេះក៏មានរមណីយដ្ឋានលក្ខណៈឯកជន និង ដាច់ដោយឡែកពីគេដែលត្រូវបានគេឱ្យឈ្មោះ...