ចូលចិត្តទំនើប

ព្រៃដ៏ស្អាតបំផុតទាំង 10 នៅលើពិភពលោក

ដោយ: ភារុន 9 AM, Tuesday, 28 Aug, 2018

កាលដើមឡើយមនុស្សរាប់លានអ្នកទូទាំងពិភពលោកពឹងផ្អែកលើព្រៃឈើសម្រាប់ធ្វើជាអាហារ ឱសថ និងទីជម្រក។ ហើយវប្បធម៌នៃ
សហគមន៍និមួយៗត្រូវបានបង្កើតឡើងដោយសារទំនាក់ទំនងរវាងមនុស្ស និង ព្រៃឈើ។ ភាពស្រស់ស្អាតនៃព្រៃភ្នំ គឺជាទស្សនីយភាពដ៏អស្ចារ្យ
មួយដែលធ្វើឲ្យមនុស្សមានការចាប់អារម្មណ៍យ៉ាងខ្លាំង។ ហើយក៏មានមនុស្សមួយចំនួនចំណាយពេលវេលាដ៏មានតម្លៃរបស់ខ្លួនដើម្បីរុករក
តំបន់ព្រៃឈើដ៏ស្រស់ស្អាតបំផុតនៅជុំវិញពិភពលោក។

ដូច្នេះពួកគេក៏បានកត់ត្រាជាបញ្ជីឈ្មោះព្រៃភ្នំដែលស្រស់ស្អាតបំផុតទាំង 10 នៅលើពិភពលោកដែលរួមមាន៖

1. ព្រៃ Sundarbans
ព្រៃកោងកាង Sundarbans នេះស្ថិតនៅលើតំបន់ដីសណ្តដ៏ធំល្វឹងល្វើយនៃឈូងសមុទ្រ Bengal នៅក្នុងប្រទេសបង់ក្លាដេសភាគខាងត្បូង។ ព្រៃនេះគឺជាតំបន់បេតិកភណ្ឌពិភពលោកដែលប្រកាសដោយអង្គការ UNSCO។ ពីព្រោះភាពសម្បូរបែបនៃធម្មជាតិរបស់ព្រៃនេះហើយក៏ជាទស្សនីយភាពដ៏អស្ចារ្យបំផុតនៅលើពិភពលោក។

2. ព្រៃត្រូពិច Amazon
ព្រៃនេះមានទីតាំងនៅទ្វីបអាមេរិកខាងត្បូង ដោយផ្ទៃដី 5.5 លានគីឡូម៉ែត្រការ៉េត្រូវបានគ្របដណ្តប់ដោយព្រៃត្រូពិច Amazon។ លើសពីនេះវាក៏ជាព្រៃត្រូពិចដ៏ធំបំផុតនៅលើពិភពលោក។

3. ព្រៃឧទ្យានជាតិ Mark Twain
ព្រៃឧទ្យានជាតិ Mark Twain ស្ថិតនៅក្នុងខ្ពង់រាប Ozark តំបន់ Missouri នៃទ្វីបអាមេរិក។ Mark Twain មានចេតិយនៅលើកូនភ្នំដែលមានអាយុកាលចំណាស់ជាងគេបំផុតរបស់ប្រទេស។

4. ព្រៃឧទ្យានជាតិ Coconino
ព្រៃនេះមានទីតាំងស្ថិតនៅរដ្ឋ Arizona សហរដ្ឋអាមេរិក។ ទស្សនីយភាពដ៏ស្រស់ស្អាតរបស់ព្រៃនេះពិតជាគួរឲ្យទាក់ទាញដល់អ្នកធ្វើដំណើរផ្សងព្រេងឲ្យចង់ទៅកាន់ព្រៃមួយនេះ។

5. ព្រៃឧទ្យានជាតិ Pisgah
តំបន់ព្រៃនេះស្ថិតនៅតំបន់ New England ភូមិភាគខាងជើងរដ្ឋ Carolina សហរដ្ឋអាមេរិក។ អាកាសធាតុទឹកធ្លាក់ របស់ព្រៃនេះបានស្វាគមន៍ដល់អ្នកទេសចរណ៍មកកម្សាន្តលេងនៅព្រៃឧទ្យានជាតិ Pisgah។

6. ព្រៃ ពពក
ព្រៃ ពពក ភាគច្រើនវាស្ថិតនៅភូមិភាគអាស៊ី និង អាហ្វ្រិកកណ្តាល។ វាគ្របដណ្តប់ដោយពពកច្រើន និង អាកាសធាតុត្រជាក់ និង វាក៏ជាលំនៅដ្ឋានរបស់សត្វព្រៃគ្រប់ប្រភេទផងដែរ។

7. ព្រៃត្រូពិច Congo
តំបន់ព្រៃត្រូពិច Congo មានទីតាំងស្ថិតនៅផ្នែកកណ្តាល និង ខាងលិច នៃខ្សែអេក្វាទ័រនៅទ្វីបអាហ្វ្រិក។ អ្នកអាចរកឃើញប្រភេទសត្វ និង រុក្ខជាតិ ផ្សេងៗនៅក្នុងព្រៃមួយនេះ។

8. ព្រៃត្រូពិច Great Bear
Great Bear គឺជាព្រៃត្រូពិចដ៏ធំមួយក្នុងចំណោមព្រៃត្រូពិចផ្សេងទៀតនៅលើពិភពលោក។ តំបន់ព្រៃនេះមានសត្វធំៗរស់នៅច្រើនប្រភេទ ជាពិសេសគឺសត្វខ្លាឃ្មុំដែលមានពូជច្រើនប្រភេទ។

9. ព្រៃឧទ្យានជាតិ Tongass
ព្រៃនេះគឺជាឧទ្យានជាតិព្រៃឈើនៅក្នុងសហរដ្ឋអាមេរិក។ តំបន់នៅជិតព្រៃ Tongass ជាលំនៅដ្ឋានរបស់ប្រជាជន 75,000នាក់ដែលពឹងផ្អែកលើដីព្រៃនេះសម្រាប់ជីវភាពរស់នៅរបស់ពួកគេ។

10. ព្រៃត្រូពិច Inland
ព្រៃត្រូពិច Inland គឺជាផ្នែកនៃតំបន់ Interior Cedar Hemlock (ICH) និង ជាតំបន់ស្ថានប្រព័ន្ធអេកូឡូស៊ីតែមួយគត់នៅលើពិភពលោក។

អត្ថបទអ្នកចង់អាន

  • ភោជនីយដ្ឋានទាំង 7 នេះ ល្បីមានម្ហូបត្រីអាម៉ុកដែល...

    ដោយ: ភារុន 8 AM, Friday, 09 Nov, 2018
    ត្រីអាម៉ុកគឺជាមុខម្ហូបដ៏ល្បីល្បាញមួយប្រចាំប្រទេសកម្ពុជា។ មុខម្ហូបនេះភាគច្រើនចម្អិនឡើងជាមួយគ្រឿងផ្សំជាច្រើនមុខ ជាពិសេសប្រើសាច់ត្រី និង ខ្ទិះដូងដែលធ្វើឱ្យមុខម្ហូបនេះមានក្លិនឆ្ងុយគួរឱ្យចង់ទទួលទាន។ ហើយមុខម្ហូបនេះគេនិយមចម្អិនបែបប្រព...
  • ភូមិបៃតងដ៏ស្រស់ស្អាត នៅខេត្តសៀមរាប ប្រទេសកម្ពុជា

    ដោយ: ភារុន 8 AM, Monday, 12 Nov, 2018
    ភូមិបៃតងគឺជារមណីយដ្ឋានដ៏លាក់កំបាំងមួយ នៅពេលអ្នកបានមកស្នាក់នៅទីនេះ អ្នកនឹងមានអារម្មណ៍ថាឃ្លាតឆ្ងាយពី សម្លេងអ៊ូរអរនៃពិភពខាងក្រៅ។ ឧទារហណ៍ដូចជា៖ ការភ្ញាក់ពីពេលព្រឹកព្រលឹម ហើយបើកទ្វារបន្ទប់ស្នាក់ អ្នកនឹងអាចមើលឃើញសត្វបក្សាបក្សីកំពុងហោ...
  • ដែនជម្រកសត្វដំរី នៅខេត្តមណ្ឌលគីរី

    ដោយ: ភារុន 8 AM, Tuesday, 13 Nov, 2018
    សត្វដំរីអាស៊ី ប្រហែលជាអ្នកទាំងអស់គ្នាបានដឹងហើយ គឺភាគច្រើនសត្វដំរីប្រភេទនេះអាចរស់នៅបានតែនៅក្នុងតំបន់ត្រូពិចដែលមានភាពត្រជាក់ និង មានភ្លៀងធ្លាក់ជាប់ដូចជានៅក្នុងខេត្តមណ្ឌលគីរីនោះទេ។ បើទោះបីជាវាមានរស់នៅប្រទេសថៃក៏ដោយ ប៉ុន្តែដែនជម្រកស...
  • ទិសដៅទេសចរណ៍ទាំង 8 ដែលមានតម្លៃសមរម្យបំផុត នៅជុំ...

    ដោយ: ភារុន 8 AM, Saturday, 10 Nov, 2018
    នៅថ្ងៃឈប់សម្រាកក្នុងឱកាសពិធីបុណ្យអុំទូកនេះ អ្នកអាចឆ្លៀតពេលនេះទៅធ្វើដំណើរទេសចរនៅតំបន់ដ៏ល្បីៗនៅជុំវិញពិភពលោក ប៉ុន្តែប្រសិនបើអ្នកមិនចង់ចំណាយថវិកាច្រើនក្នុងការធ្វើដំណើរទេសចរណ៍ អ្នកអាចពិចារណាទៅកាន់ទិសដៅទាំង 8 ដូចខាងក្រោមនេះដែលផ្តល់ឱ...