ចូលចិត្តទំនើប

ទស្សនាសម្រស់ធម្មជាតិ ដ៏ត្រកាលនៅ Iceland

ដោយ: ដួងច័ន្ទ 8 PM, Tuesday, 27 Feb, 2018

ទោះបីជានេះគ្រាន់តែជាចំណុចតូចមួយ នៅក្នុងផែនទីពិភពលោក Iceland ជាប្រទេសមួយដែល មានកិត្តិសព្ទល្បីល្បាញ។ នេះជាប្រទេសដែលមានឈ្មោះហៅក្រៅថា ទឹកដីអគ្គី និងទឹកកក (Land of Fire and Ice) ដោយសារនៅទីនេះមានទាំងទឹកកក និងភ្នំភ្លើង។ នេះក៏ជាទីកន្លែងដែលសម្បូរទៅដោយ ទឹកធ្លាក់ដ៏ស្រស់ស្អាតជាងគេ នៅក្នុងពិភពលោកផងដែរ។ តោះទៅមើលទាំងអស់គ្នាឱ្យកាន់តែច្បាស់ តាមរយៈអត្ថបទខាងក្រោមនេះ។

ពន្លឺ Northern Lights
ភាពទាក់ទាញធំជាងគេនៅក្នុងប្រទេស Iceland គឺឱកាសបានទស្សនាពន្លឺ Northern Light។ បាតុភូតធម្មជាតិនេះគឺជាលទ្ធផល នៃការរួមបញ្ចូលគ្នានូវចរន្តពន្លឺមួយផ្នែកនៃព្រះអាទិត្យ ដែលបានជ្រៀតចូលទៅក្នុងស្រទាប់បរិយាកាសរបស់ផែនដី បង្កើតបានជារូបភាពពន្លឺមានពណ៌រេរាំនៅក្នុងលំហមេឃនៅពេលយប់។ ឱកាសល្អបំផុត សម្រាប់ទស្សនាទស្សនីយភាពនេះ អ្នកត្រូវធ្វើដំណើរទៅកាន់តំបន់ Scandinavia ស្ថិតនៅភាគខាងត្បូងប្រទេស Iceland ជាតំបន់ដាច់ស្រយាលមួយ ដែលមិនមានការបំពុលបរិយាកាស និងមិនមានមនុស្សកកកុញទេ។

Reykjavik-in-winter-Iceland-Golden-Circle-On-The-Go-Tours_attraction_phnom_penh_cambodia_tomnerb-02

អច្ឆរិយភាព ធម្មជាតិដទៃទៀត
ភ្នំភ្លើងជាទីចំណាប់អារម្មណ៍ សម្រាប់អ្នកថតរូប ហើយនៅក្នុងប្រទេស Iceland ផ្តល់នូវតំបន់ភ្នំ ភ្លើងដ៏ស្រស់ស្អាតមួយចំនួនសម្រាប់អ្នក។ ក្នុងនោះរួមមាន បឹងភ្នំភ្លើង Kerid ស្ថិតនៅតំបន់ Grimsnes ដែលមានទឹកពេញព្រៀប និងសំណង់ Amphitheater បូរាណ។ វាមានទំហំដ៏ធំ និងផ្ទៃបឹងភ្នំភ្លើងដែលប្រែជាកក មានជម្រៅដ៏ជ្រៅ និងធំល្វឹងល្វើយ បង្កប់ដោយភាពរស់រវើក ប្រណាំងប្រជែងនឹងទិដ្ឋភាពព្រឹលនៅជុំវិញបឹង។

លើសពីនេះទៀត នៅក្នុងប្រទេស Iceland មានទឹកធ្លាក់ដ៏ស្រស់ស្អាតជាងគេ នៅក្នុងតំបន់អឺរ៉ុប។ ក្នុងនោះរួមមានតំបន់ទឹកធ្លាក់ Seljalandsfoss និង Skógafoss។ អ្វីដែលបន្ថែមសម្រស់កាន់តែស្រស់ត្រកាល នៅតាមតំបន់ទឹកធ្លាក់ទាំងនោះគឺ ឥន្ធនូ។ ឥន្ធនូត្រូវបានប្រទះឃើញយ៉ាងច្បាស់ នៅពេលថ្ងៃមានពន្លឺបើកខ្លាំង ដែលទទួលបានពីបរិមាណទឹកធ្លាក់ដ៏ធំបាចសាចយ៉ាងខ្លាំង ផ្តល់នូវទេសភាពបែបធម្មជាតិដ៏ស្រស់ស្អាត។

Reykjavik-in-winter-Iceland-Golden-Circle-On-The-Go-Tours_attraction_phnom_penh_cambodia_tomnerb-03

ប្រទេស Iceland ក៏ជាប្រភពកំណើតនៃទីវាលទឹកពុះ Geysir។ បច្ចុប្បន្ននេះទីវាលទឹកពុះដើមបានបាត់បង់ទៅហើយ ជំនួសវិញដោយទីទឹកពុះ Stokkur ដែលតែងបញ្ចេញទឹកពុះផុសឡើងលើនៅរៀងរាល់ 5-10 នាទីម្តង។

Iceland ក៏មានឧទ្យានជាតិ ស្រស់ស្អាតមួយចំនួនទៀតផងដែរ រួមមាន Thingvellir National Park ដែលជាតំបន់បេតិកភណ្ឌពិភពលោករបស់អង្គការ UNESCO ដែលមានទស្សនីយភាពដុំថ្មតំរៀបគ្នាដ៏ទាក់ទាញ និងជាទីកន្លែងដែលសភារបស់ Iceland ប្រមូលផ្តុំគ្នា កាលពីរាប់រយឆ្នាំមុនផងដែរ។

តើមិត្តអ្នកអានមានចំណាប់អារម្មណ៍ចង់ទៅកំសាន្តនៅប្រទេស Iceland ឬទេ? ប្រសិនបើបានទៅ ឬធ្លាប់បានទៅ សូមចែករំលែករូបភាពជាមួយ ទំនើប ផង។

Reykjavik-in-winter-Iceland-Golden-Circle-On-The-Go-Tours_attraction_phnom_penh_cambodia_tomnerb-04

អត្ថបទអ្នកចង់អាន

  • គន្លឹះស្វែងរកភោជនីយដ្ឋានល្អពេលដើរកំសាន្ត

    ដោយ: ដួងច័ន្ទ 1 PM, Sunday, 19 Aug, 2018
    មិនថានៅតាមដងផ្លូវ ឆ្លងពីទីក្រុងមួយទៅមួយ ឆ្លងពីប្រទេសមួយទៅមួយទៀត ឬធ្វើដំណើរទូទាំងពិភពលោក ការធ្វើដំណើរត្រូវតែបង្កប់ដោយភាពរីករាយ។ ចំណុចសំខាន់សម្រាប់ការធ្វើដំណើរកំសាន្ត គឺខណៈពេលដែលរីករាយ អ្នកក៏ត្រូវការថាមពលគ្រប់គ្រាន់ដែរ ដូច្នេះវាព...
  • ទីកន្លែងទាំង 9 សក្តិសមសម្រាប់ការអានសៀវភៅ

    ដោយ: ដួងច័ន្ទ 8 AM, Tuesday, 21 Aug, 2018
    វិស្សមកាលគឺជាពេលវេលាដ៏ពិសេសសម្រាប់សម្រាកលំហែ មិនថាវាជាការដើរកំសាន្តទៅទីជិត ឬទីឆ្ងាយ។ ការអានសៀវភៅជួយបន្ថែមរសជាតិ ដ៏ពិសេសសម្រាប់ពេលវិស្សមកាល។ នៅក្នុងអត្ថបទខាងក្រោមនេះ ទំនើប សូមបង្ហាញនូវទីកន្លែងវិស្សមកាលជុំវិញពិភពលោក ដែលសក្តិសម នឹ...
  • ផ្ទះលំហែនៅសមុទ្រ ក្នុងប្រទេសម៉ិចស៊ិចកូ

    ដោយ: ដួងច័ន្ទ 9 AM, Saturday, 11 Aug, 2018
    ប្រជាជនអាមេរិកច្រើនជាង 25 លាននាក់ បានចូលមកសម្រាកនៅក្នុងប្រទេសម៉ិចស៊ិចកូជារៀងរាល់ឆ្នាំ ដែលជាតួលេខច្រើនជាងតំបន់ណាទាំងអស់ យោងតាមទិន្នន័យរបស់ National Travel Tourism Office។ នេះមានន័យថា តំបន់ដទៃទៀតមិនមានភាពទាក់ទាញដូចតំបន់ឆ្នេរនៅក្...
  • ទិសដៅទេសចរណ៍កំពូលៗទាំង 5 នៅកម្ពុជា

    ដោយ: ភារុន 9 AM, Tuesday, 18 Sep, 2018
    កម្ពុជាត្រូវបានគេស្គាស់ថាជាព្រះរាជាណាចក្រអច្ឆរិយៈ ដែលមានល្បីល្បាញដោយសារជាប្រទេសដែលសម្បូរទៅដោយប្រាសាទបូរាណជាច្រើនដែលទាក់ទាញភ្ញៀវទេសចរណ៍ជាច្រើនមកពីអាស៊ីអាគ្នេយ៍ និង តំបន់ផ្សេងៗទៀតជាច្រើន។ ខាងក្រោមនេះគឺជាទិសដៅទេសចរណ៍កំពូលៗទាំង 5 ដ...