ចូលចិត្តទំនើប

Xiaomi Mi Mix 3 ជាមួយកាមេរ៉ាអូស

ដោយ: ដួងច័ន្ទ 10 AM, Thursday, 08 Nov, 2018

ក្រុមហ៊ុន Xiaomi បានប្រកាសពីទូរសព្ទម៉ូដែលថ្មី គឺ Mi Mix 3 ដែលជាម៉ូដែលទូរសព្ទថ្មីចុងក្រោយបង្អស់របស់ក្រុមហ៊ុន ក្នុងស៊េរីទូរសព្ទមានអេក្រង់ពេញ។ វាជាគឺម៉ូដែលទូរសព្ទលំដាប់ខ្ពស់ មួយទៀត របស់ក្រុមហ៊ុនចិនមួយនេះ ជាមួយនឹងអេក្រង់ដ៏ធំ ប្រភេទ Screen-to-Body Ratio បន្ថែមជាមួយលក្ខណៈពិសេស ដោយធ្វើការលាក់កាមេរ៉ាខាងមុខ នៅលើយន្តការបន្ទះអូស ហើយក៏មិនមាន Notch ដែរ។

ផ្ទុយពីទូរសព្ទ Vivo Nex ឬ Oppo Find X បន្ទះអូសកាមេរ៉ានេះមិនមានប្រើប្រាស់ថាមពលម៉ូទ័រទេ។ លោក Lei Jun នាយកប្រតិបត្តិរបស់ក្រុមហ៊ុន Xiaomi បានប្រៀបធៀបការរចនាម៉ូដទូរសព្ទនេះ ជាមួយម៉ូដែលទូរសព្ទ Slide ចាស់ៗ ហើយប៉ាន់ប្រមាណថា វានឹងផ្តល់នូវភាពរីករាយសម្រាប់ការប្រើប្រាស់។
ម៉ូដែលទូរសព្ទ Mi Mix ចាស់ចំនួន 2 ត្រូវបានផលិតឡើង ដោយក្រុមហ៊ុន Xiaomi មានបំណងចង់កាត់បន្ថយទំហំ Bezel ជុំវិញអេក្រង់ ឱ្យបានកាន់តែច្រើនកាន់តាមដែលអាចធ្វើបាន ប៉ុន្តែក្រុមហ៊ុនព្យាករណ៍អំពី Notch ដែលបច្ចុប្បន្នកំពុងទទួលបានការចាប់អារម្មណ៍យ៉ាងខ្លាំង ហើយបានអនុវត្តវា ដោយបានដាក់ទីតាំងកាមេរ៉ា Selfie នៅខាងក្រោមអេក្រង់ទូរសព្ទ ដែលតម្រូវឱ្យអ្នកត្រូវកាន់ទូរសព្ទត្រឡប់ក្បាលចុះក្រោម ឬត្រូវកាន់ទូរសព្ទក្នុងទម្រង់មិនសមស្របតាមធម្មតា។ ប៉ុន្តែសម្រាប់ទូរសព្ទ Mi Mix 3 រក្សាបាននូវដួងព្រលឹងរបស់ស៊េរីទូរសព្ទនេះ ខណៈដែលវាទំនងដូចជាអាចកែខៃបញ្ហាដ៏ធំចម្បងរបស់វានេះបាន។

ក្រុមហ៊ុន Xiaomi បានអះអាងថាអេក្រង់ប្រភេទ Screen-to-Body នៅលើម៉ូដែលទូរសព្ទថ្មីនេះមានភាគរយរហូតដល់ 93.4 និងការកាត់បន្ថយ Chin នៅផ្នែកខាងក្រោម បានប្រមាណជិត 4.5 មីលីម៉ែត្រ ធៀបទៅនឹងម៉ូដែល Mi Mix 2S។

លក្ខណៈពិសេសរបស់ទូរសព្ទ Mi Mix 3 គឹវាមានបំពាក់អេក្រង់ OLED ទំហំ 6.4 inch ជាប្រភេទអេក្រង់ 1080p។ នៅក្នុងនោះមានកាមេរ៉ាសរុបចំនួន 4 គ្រឿង ដែលរួមមានកាមេរ៉ាប្រភេទ Wide-Angle ទំហំ 12 megapixel និងកាមេរ៉ា Telephoto Modules នៅផ្នែកខាងក្រោយ និងកាមេរ៉ា Selfie ទំហំ 24 Megapixel អមជាមួយ Sensor ទំហំ 2 Megapixel នៅផ្នែកខាងមុខ។ ទូរសព្ទនេះក៏មាន Fingerprint Sensor នៅផ្នែកខាងក្រោយដែរ ដូច្នេះមិនដូចទូរសព្ទ Oppo Find X ដែលអ្នកនឹងត្រូវបញ្ចេញកាមេរ៉ាឡើងមក គ្រប់ពេលដែលអ្នកចង់ដោះសោរនោះទេ។
ដូចគ្នានឹងម៉ូដែលទូរសព្ទ Android លំដាប់ខ្ពស់ដទៃទៀត ដែលចេញលក់ក្នុងឆ្នាំនេះ ទូរសព្ទ Mi Mix 3 មានបំពាក់ប្រព័ន្ធប្រតិបត្តិការ Snapdragon 845 ប៉ុន្តែវាផ្តល់នូវអង្គចងចាំថ្មីមួយ ដែលមាន RAM ទំហំ 10GB។ ក្រុមហ៊ុនក៏មានភ្ជាប់ឧបករណ៍សាកថ្មគ្មានខ្សែប្រភេទ 10W ជាមួយនឹងទូរសព្ទនេះដែរ។ សម្រាប់ម៉ូដែល 5G ត្រូវបានកំណត់ថានឹងចេញលក់នៅតំបន់អឺរ៉ុបនៅដើមឆ្នាំក្រោយ។

ទូរសព្ទ Mi Mix 3 នឹងចេញលក់នៅក្នុងប្រទេសចិន នៅក្នុងខែវិច្ឆិកានេះ ជាមួយតម្លៃ $475 សម្រាប់ម៉ូដែលមាន RAM ទំហំ 6GB និងមានឃ្លាំងស្តុកទិន្នន័យទំហំ 128GB ដែលនេះជាតម្លៃដូចគ្នានឹងម៉ូដែល Mi 2S ទំហំ 64GB ។ ចំណែកម៉ូដែលដែលមាន RAM ទំហំ 8GB និងឃ្លាំងស្តុកទិន្នន័យទំហំ 256GB ក្នុងតម្លៃ $575។ សម្រាប់ម៉ូដែលមាន RAM ទំហំ 10GB ជាម៉ូដែលជ្រកក្រោមពាក្យស្លោក Forbidden City Palace Museum ដែលផលិតឡើងជាមួយឃ្លាំងស្តុកទិន្នន័យទំហំ 256GB និងមានតម្លៃរហូតដល់ $720។ តម្លៃសម្រាប់នៅក្នុងទីផ្សាប្រទេសឥណ្ឌា និងទីផ្សាក្នុងតំបន់ដទៃទៀត នឹងត្រូវប្រកាសនាពេលក្រោយ តែក្នុងពេលឆាប់ៗនេះ៕

អត្ថបទអ្នកចង់អាន

  • ដំណោះស្រាយ Selfie របស់ iPhone XS និង XR

    ដោយ: ដួងច័ន្ទ 9 AM, Wednesday, 31 Oct, 2018
    បើសិនជាអ្នកកត់សម្គាល់ឃើញថាកាមេរ៉ានៅលើទូរសព្ទ iPhone XS របស់អ្នកមានផ្តល់នូវមុខងារម្យ៉ាង ដែលទំនងដូចជា Beauty Filter សម្រាប់ការថតរូប Selfie អ្នកមិនមែនជាមនុស្សតែម្នាក់ដែលទទួលបានមុខងារនេះឡើយ។ អ្នកប្រើប្រាស់ជាច្រើនបានរអ៊ូរទាំស្រដៀងៗគ...
  • កាមេរ៉ាទំហំយក្សនឹងបង្ហាញខ្លួនលើ Galaxy S10?

    ដោយ: ដួងច័ន្ទ 8 AM, Saturday, 03 Nov, 2018
    ជាមួយនឹងបន្ទះឈីបដែលកំពុងស្ថិតក្នុងដំណាក់កាលផលិត វានៅរងចាំតែពេលវេលាមកដល់ប៉ុណ្ណោះ មុនពេលក្រុមហ៊ុន Samsung វាយប្រហារនៅក្នុងទីផ្សាទូរសព្ទចល័តដែលមានសមត្ថភាពចាប់យករូបភាពដ៏ស្រស់ស្អាត ដែលនាពេលបច្ចុប្បន្ននេះទីផ្សានេះកំពុងត្រូវបានគ្រប់គ្...
  • ទូរស័ព្ទ Nokia 3.1 plus មានអ្វីខ្លះពិសេស?

    ដោយ: ភារុន 8 AM, Monday, 12 Nov, 2018
    ទូរស័ព្ទ Nokia 3.1 គឺជាជម្រើសទូរស័ព្ទដែលមានតម្លៃថោកសមរម្យមួយ នៅពេលវាត្រូវបានចេញផ្សាយដោយក្រុមហ៊ុន HMD Global កាលពីខែកក្កដា ប៉ុន្តែវាក៏ត្រូវបានគេប្រកាសថាត្រូវបានលុបបំបាត់ Key ពិសេសមួយចំនួនដូចជា Fingerprint sensor ជាដើម។ ឥឡូវនេះក្...
  • Galaxy A6s ជាទូរសព្ទដំបូង មិនបានផលិតដោយ Samsung

    ដោយ: ដួងច័ន្ទ 9 AM, Monday, 05 Nov, 2018
    យោងតាមគេហទំព័រ SamMobile ក្រុមហ៊ុន Samsung បានបញ្ចេញលក់ទូរសព្ទស៊េរី Galaxy A ចំនួន 2 ម៉ូដែលនៅក្នុងប្រទេសចិនកាលពីពេលថ្មីៗនេះ នោះគឺទូរសព្ទ Galaxy A6s និង Galaxy A9s។ ទូរសព្ទ Galaxy A9s គឺគ្រាន់តែជាឈ្មោះកែថ្មីរបស់ Galaxy A9 នៅក្នុ...