ចូលចិត្តទំនើប

Galaxy A6s ជាទូរសព្ទដំបូង មិនបានផលិតដោយ Samsung

ដោយ: ដួងច័ន្ទ 9 AM, Monday, 05 Nov, 2018

យោងតាមគេហទំព័រ SamMobile ក្រុមហ៊ុន Samsung បានបញ្ចេញលក់ទូរសព្ទស៊េរី Galaxy A ចំនួន 2 ម៉ូដែលនៅក្នុងប្រទេសចិនកាលពីពេលថ្មីៗនេះ នោះគឺទូរសព្ទ Galaxy A6s និង Galaxy A9s។
ទូរសព្ទ Galaxy A9s គឺគ្រាន់តែជាឈ្មោះកែថ្មីរបស់ Galaxy A9 នៅក្នុងទីផ្សាប្រទេសចិនប៉ុណ្ណោះ ដូច្នេះវានៅតែជាប្រភេទទូរសព្ទ Mid-Range ដដែល ជាមួយនឹងកាមេរ៉ារហូតដល់ទៅ 4 គ្រឿងនៅផ្នែកខាងក្រោយ។

អ្វីដែលកាន់តែគួរឱ្យចាប់អារម្មណ៍នោះគឺ ទូរសព្ទ Galaxy A6s ដែលជាប្រភេទទូរសព្ទ ODM ដំបូងរបស់ Samsung ឬជាប្រភេទទូរសព្ទដែលត្រូវបានផលិតដោយក្រុមហ៊ុនផ្សេងទៀត។ យោងតាមសារព័ត៌មាន The Korean Herald ក្រុមហ៊ុន Samsung បានធ្វើការពិភាក្សាអំពីការសហការជាមួយក្រុមហ៊ុនដទៃ សម្រាប់ផលិតកម្មទូរសព្ទ Mid រហូតដល់ Low សម្រាប់ម៉ូដែលទូរសព្ទ Galaxy ជាមួយក្រុមហ៊ុនរចនាម៉ូដរបស់ប្រទេសចិន មានឈ្មោះថា Wingtech ដែលជាក្រុមហ៊ុន ផលិតទូរសព្ទ Xiaomi។

ទូរសព្ទ Galaxy A6s មានកាមេរ៉ាទំហំ 12MP នៅខាងក្រោយ និងកាមេរ៉ាមុខទំហំ 12MP។ វាបំពាក់ជាមួយអេក្រង់ 1080p ទំហំ 6 inch ជាប្រភេទអេក្រង់ Super AMOLED។ ទូរសព្ទនេះនឹងទទួលបានថាមពលពីបន្ទះឈីប Snapdragon 660 និងមាន RAM ទំហំ 6GB ជាមួយនឹងជម្រើសឃ្លាំងផ្ទុកទិន្នន័យ 64GB និង 128GB។ វាមានតម្លៃប្រមាណ $260 ប៉ុន្តែទូរសព្ទអាចនឹងមានលក់តែនៅក្នុងប្រទេសចិនប៉ុណ្ណោះ នាពេលបច្ចុប្បន្ននេះ។

ទូរសព្ទថ្មីទាំងពីរនេះ តំណាងឱ្យការផ្លាស់ប្តូរនៅក្នុងយុទ្ធសាស្រ្តរបស់ក្រុមហ៊ុន Samsung សម្រាប់ជំរុញទិន្នផលលក់នៅក្នុងប្រទេសចិន និងឥណ្ឌា ដូចដែលពេលនេះ ក្រុមហ៊ុនកំពុងជួបប្រទះនឹងបញ្ហាក្នុងការលក់ប្រណាំងប្រជែងជាមួយក្រុមហ៊ុនផលិតទូរសព្ទចិនជាច្រើន ដូចជា Huawei និង Xiaomi ជាដើម។ វាត្រូវបានរាយការណ៍ដោយអ្នកវិភាគយុទ្ធសាស្រ្តថា ក្រុមហ៊ុន Samsung មានភាគរយតិចជាង 1% នៅក្នុងចំណែកទីផ្សារនៅក្នុងប្រទេសចិន ដែលនាំឱ្យ Samsung ធ្វើការពិចារណាបិទរោងចក្រមួយ ក្នុងចំណោមរោងចក្រចំនួន 2 នៅក្នុងប្រទេសចិន ខណៈដែលក្រុមហ៊ុនកំពុងសម្លឹងរកឱកាសបង្កើនចំនួនក្រុមហ៊ុន ODM ដើម្បីកាត់បន្ថយការចំណាយលើផលិត កម្ម។
លោក DJ Koh នាយកប្រតិបត្តិក្រុមហ៊ុន Samsung Mobile បាននិយាយប្រាប់សារព័ត៌មាន CNBC កាលពីពេលថ្មីៗនេះថា ក្រុមហ៊ុនបាននឹងកំពុងផ្លាស់ប្តូរយុទ្ធសាស្រ្ត ក្នុងការនាំយកបច្ចេកវិទ្យា និងចំណុចខុសប្លែកគ្នាពីទូរសព្ទ Mid-End ជាជាងការចាប់ផ្តើមជាមួយទូរសព្ទទំនើបៗធំៗ។

ទូរសព្ទ Galaxy A9s គឺជាឧទាហរណ៍នៃបំលាស់ប្តូរនេះ ហើយបើសិនជាទូរសព្ទ Galaxy A6s ទទួលបានភាពជោគជ័យប្រសើរឡើងនៅក្នុងប្រទេសចិន វាអាចមានន័យថាទូរសព្ទប្រភេទ ODM នឹងបន្តផលិតកាន់តែច្រើនឡើងៗ៕

អត្ថបទអ្នកចង់អាន

  • ដំណោះស្រាយ Selfie របស់ iPhone XS និង XR

    ដោយ: ដួងច័ន្ទ 9 AM, Wednesday, 31 Oct, 2018
    បើសិនជាអ្នកកត់សម្គាល់ឃើញថាកាមេរ៉ានៅលើទូរសព្ទ iPhone XS របស់អ្នកមានផ្តល់នូវមុខងារម្យ៉ាង ដែលទំនងដូចជា Beauty Filter សម្រាប់ការថតរូប Selfie អ្នកមិនមែនជាមនុស្សតែម្នាក់ដែលទទួលបានមុខងារនេះឡើយ។ អ្នកប្រើប្រាស់ជាច្រើនបានរអ៊ូរទាំស្រដៀងៗគ...
  • ទូរស័ព្ទ Nokia 3.1 plus មានអ្វីខ្លះពិសេស?

    ដោយ: ភារុន 8 AM, Monday, 12 Nov, 2018
    ទូរស័ព្ទ Nokia 3.1 គឺជាជម្រើសទូរស័ព្ទដែលមានតម្លៃថោកសមរម្យមួយ នៅពេលវាត្រូវបានចេញផ្សាយដោយក្រុមហ៊ុន HMD Global កាលពីខែកក្កដា ប៉ុន្តែវាក៏ត្រូវបានគេប្រកាសថាត្រូវបានលុបបំបាត់ Key ពិសេសមួយចំនួនដូចជា Fingerprint sensor ជាដើម។ ឥឡូវនេះក្...
  • ការជួសជុលបញ្ហា លើផលិតផល Apple “iPhone X, ...

    ដោយ: ដួងច័ន្ទ 8 AM, Wednesday, 14 Nov, 2018
    ក្រុមហ៊ុន Apple បានជ្រើសយកល្ងាចថ្ងៃសុក្រ ក្នុងការប្រកាសអំពីកម្មវិធី ដែលនឹងជំនួសសមាសភាពដែលមានបញ្ហា ដែលកើតមានឡើងនៅលើឧបករណ៍មួយចំនួនរបស់ក្រុមហ៊ុន។ ដំបូងបង្អស់គឺការជំនួសកម្មវិធីសម្រាប់បញ្ហា Display Module នៅលើទូរសព្ទ iPhone X។ ម្ចាស...
  • ក្នុងឆ្នាំ 2020!​ Apple នឹងបញ្ចេញទូរសព្ទ iPhone...

    ដោយ: ដួងច័ន្ទ 8 AM, Tuesday, 06 Nov, 2018
    ទូរសព្ទ Smartphone បំពាក់ជាមួយបច្ចេកវិទ្យា 5G នឹងបង្ហាញវត្តមាននៅក្នុងឆ្នាំ 2019 ខាងមុខនេះ ប៉ុន្តែសូមកុំរំពឹងថាក្រុមហ៊ុន Apple នឹងប្រញាប់ប្រញាលក្នុងការចូលរួមជាមួយក្រុមហ៊ុនដទៃនោះ។ ប្រភពព័ត៌មានមួយពីគេហទំព័រ Fast Company បានអះអាងថ...