ចូលចិត្តទំនើប

កាមេរ៉ាទំហំយក្សនឹងបង្ហាញខ្លួនលើ Galaxy S10?

ដោយ: ដួងច័ន្ទ 8 AM, Saturday, 03 Nov, 2018

ជាមួយនឹងបន្ទះឈីបដែលកំពុងស្ថិតក្នុងដំណាក់កាលផលិត វានៅរងចាំតែពេលវេលាមកដល់ប៉ុណ្ណោះ មុនពេលក្រុមហ៊ុន Samsung វាយប្រហារនៅក្នុងទីផ្សាទូរសព្ទចល័តដែលមានសមត្ថភាពចាប់យករូបភាពដ៏ស្រស់ស្អាត ដែលនាពេលបច្ចុប្បន្ននេះទីផ្សានេះកំពុងត្រូវបានគ្រប់គ្រងដោយក្រុមហ៊ុន Sony។
ក្រុមហ៊ុន Samsung បានបង្ហាញអំពីគំរូ Sensor មួយគូ ដែលទទួលបានការចាប់អារម្មណ៍ខ្លាំង ដែលគំរូផលិតផលថ្មីត្រូវបានប៉ងថានឹងប្រើប្រាស់នៅលើ Multi-Camera Smartphone។ Sensor មួយមានទំហំ 48 megapixel ជាប្រភេទ Isocell Bright GM1 និងមួយផ្សេងទៀតមានទំហំ 32 megapixel ជាប្រភេទ Isocell Bright GD1។
ផលិតផលថ្មីទាំងពីរនេះមាន Pixel Pitch តែត្រឹម 0.8 micrometer ប៉ុណ្ណោះ ដែលអនុញ្ញាតឱ្យ Samsung អាចបំពាក់ Resolution ដ៏អស្ចារ្យទៅក្នុងបន្ទះឈីប ដែលមានទំហំតូចល្មម សម្រាប់ប្រើប្រាស់នៅលើ Multi-Camera Smartphone ដោយមិនផ្តល់នូវរូបរាងដ៏ធំសម្បើមឡើយ។

ព្រមជាមួយគ្នានេះ ក្រុមហ៊ុន Samsung បានរៀបរាប់ថាបច្ចេកវិទ្យា Isocell Plus ជាបច្ចេកវិទ្យាដែលអនុញ្ញាតឱ្យអ្នកអាចថតរូបបានយ៉ាងស្រស់ស្អាត ទោះបីជាទំហំ Pixel តូចក្តី។ ហើយបើសិនជាអ្នកជ្រើសយក Resolution ទាប (12 និង 8 megapixel សម្រាប់ GM1 និង GD1) វានឹងនាំមកជូននូវបម្រែបម្រួលពន្លឺកម្រិតទាប សមមូលទៅនឹងទំហំ Pixel 4 ដង។ ជាទូទៅ ទំហំ Pixel កាន់តែធំ សមត្ថភាពកាមេរ៉ាកាន់តែល្អ នៅក្នុងលក្ខខណ្ឌពន្លឺទាប ដូច្នេះការកំណត់នេះនឹងផ្តល់ឱ្យអ្នកទាំងសមត្ថភាព Resolution និង Low Light Capability ស្ទើរតែដូចគ្នាទៅនឹងទូរសព្ទ Huawei P20 Pro។

មុខងារដទៃទៀត រួមមាន Real-Time High-Dynamic Range នៅក្នុង GD1 សម្រាប់ការផ្តល់នូវពណ៌កាន់តែស្រស់ស្អាត នៅក្នុងលក្ខខណ្ឌ High-Contrast ឬ Low Light និងមុខងារ Gyro-Based Electronic Image Stabilization។ នេះជាបច្ចេកវិទ្យាដែលត្រូវបានប្រើប្រាស់នៅលើទូរសព្ទ Google Pixel និង Essential ដែលប្រើប្រាស់សម្រាប់ជួយទប់លំនឹងការថតវីដេអូ ប៉ុន្តែនាពេលនេះវាត្រូវបានប្រើប្រាស់សម្រាប់ទប់លំនឹងរូបថតសន្លឹកវិញម្តង។

ក្រុមហ៊ុន Samsung និយាយថា Sensor ថ្មីនេះ អាចនឹងធ្វើដំណើរឆ្ពោះទៅរកការផលិតនៅក្នុងត្រីមាសទី 4 នៅក្នុងឆ្នាំនេះ បើសិនជាយើងពិនិត្យមើលលើប្រតិទិន គឺចំពេលនេះតែម្តង។ បើយើងធ្វើការពិចារណាទៅលើម៉ូដែលទូរសព្ទ Samsung Galaxy S10 ដែលអាចនឹងបង្ហាញវត្តមាននៅខែកុម្ភៈ ឆ្នាំក្រោយនេះ ដូចសព្វដង នេះអាចមានន័យថាវាជាឱកាសដ៏ល្អដែល Sensor ថ្មីនេះនឹងបង្ហាញវត្តមានផងដែរ៕

អត្ថបទអ្នកចង់អាន

  • Galaxy S10 មានចំណុចដូចគ្នានឹង iPhone ថ្មីរបស់ A...

    ដោយ: ភារុន 9 AM, Monday, 05 Nov, 2018
    មនុស្សភាគច្រើនបាននិយាយថាក្រុមហ៊ុនទូរស័ព្ទជាច្រើនបានចម្លងពីក្រុមហ៊ុន Apple។ ក្នុងករណីខ្លះអាចជាការពិត ប៉ុន្តែមិនមែនទាំងអស់នោះទេ ដោយសារក្រុមហ៊ុនផលិតទូរស័ព្ទនិមួយៗប្រហែលជាមានវិធីសាស្រ្តផ្សេងៗគ្នាក្នុងការបង្កើតកម្មវិធី និង ការរចនារូ...
  • ក្នុងឆ្នាំ 2020!​ Apple នឹងបញ្ចេញទូរសព្ទ iPhone...

    ដោយ: ដួងច័ន្ទ 8 AM, Tuesday, 06 Nov, 2018
    ទូរសព្ទ Smartphone បំពាក់ជាមួយបច្ចេកវិទ្យា 5G នឹងបង្ហាញវត្តមាននៅក្នុងឆ្នាំ 2019 ខាងមុខនេះ ប៉ុន្តែសូមកុំរំពឹងថាក្រុមហ៊ុន Apple នឹងប្រញាប់ប្រញាលក្នុងការចូលរួមជាមួយក្រុមហ៊ុនដទៃនោះ។ ប្រភពព័ត៌មានមួយពីគេហទំព័រ Fast Company បានអះអាងថ...
  • Galaxy A6s ជាទូរសព្ទដំបូង មិនបានផលិតដោយ Samsung

    ដោយ: ដួងច័ន្ទ 9 AM, Monday, 05 Nov, 2018
    យោងតាមគេហទំព័រ SamMobile ក្រុមហ៊ុន Samsung បានបញ្ចេញលក់ទូរសព្ទស៊េរី Galaxy A ចំនួន 2 ម៉ូដែលនៅក្នុងប្រទេសចិនកាលពីពេលថ្មីៗនេះ នោះគឺទូរសព្ទ Galaxy A6s និង Galaxy A9s។ ទូរសព្ទ Galaxy A9s គឺគ្រាន់តែជាឈ្មោះកែថ្មីរបស់ Galaxy A9 នៅក្នុ...
  • លក្ខណៈពិសេស របស់ទូរសព្ទរមូរ របស់ Samsung

    ដោយ: ដួងច័ន្ទ 8 AM, Saturday, 10 Nov, 2018
    ក្រុមហ៊ុន Samsung បានធ្វើសេចក្តីសង្ខេបបង្ហាញពីផលិតផលថ្មីរបស់ក្រុមហ៊ុនគឺ Infinity Flex Display Device នៅថ្ងៃនេះ ដែលជាប្រភេទទូរសព្ទបត់រមូរបាន ប្រភេទ Hybrid Gadget ដំបូងរបស់ក្រុមហ៊ុន ដែលអាចផ្លាស់ប្តូរពីទូរសព្ទ ទៅជា Tablet។ ក្រុមហ...