ចូលចិត្តទំនើប

វិធី 4 យ៉ាងដើម្បីការពារការលួច WiFi ពីគេហដ្ឋានរបស់អ្នក

ដោយ: ភារុន 9 AM, Tuesday, 30 Oct, 2018

តើប្រព័ន្ធ WiFi នៅក្នុងផ្ទះរបស់អ្នកដើរយឺតជាងធម្មតាមែនទេ? ហើយមានបញ្ហាក្នុងតភ្ជាប់ដែរឬទេ? ប្រសិនបើនៅក្នុងគេហដ្ឋានរបស់អ្នកកើតមានបញ្ហាទាំងនេះមែន មានន័យថាវាអាចទៅរួចដែលមាននរណាម្នាក់កំពុងភ្ជាប់ WiFi ពីគេហដ្ឋានរបស់អ្នកយកទៅប្រើនៅលើទូរស័ព្ទដៃរបស់គេហើយ។ ដូច្នេះទំនើប សូមណែនាំវិធី 4 យ៉ាងដើម្បីការពារការលួច WiFi ពីគេហដ្ឋានរបស់អ្នកទៅប្រើនោះគឺមានដូចខាងក្រោម៖

1. ពិនិត្យមើលមានអ្វីខ្លះដែលបានតភ្ជាប់មកប្រព័ន្ធ Network របស់អ្នក
សព្វថ្ងៃនេះដោយសារបច្ចេកវិទ្យាមានការជឿនលឿន ដូច្នេះក៏មានកម្មវិធីជាច្រើនដែលត្រូវបានគេបង្កើតឡើងដើម្បីផ្តល់ភាពងាយស្រួលដល់អ្នកប្រើប្រាស់។ ដូច្នេះក្រុមហ៊ុន WiFi ដែលអ្នកបានភ្ជាប់ក៏មានកម្មវិធីត្រួតពិនិត្យមើលថាតើមានឧបករណ៍ណាខ្លះ ឬ ឈ្មោះអ្នកប្រើណាខ្លះដែលបានតភ្ជាប់មកប្រព័ន្ធ WiFi របស់អ្នក។ ប្រសិនបើអ្នកពិនិត្យឃើញថាអ្វីទាំងនោះមិនមែនជាកម្មសិទ្ធនៃសមាជិកគ្រួសាររបស់អ្នកនោះទេ មានន័យថាជាសញ្ញាប្រាប់ថាមានគេលួចប្រើប្រព័ន្ធ WiFi របស់អ្នកហើយ។

2. ពិនិត្យមើលឧបករណ៍ដែលមិនស្គាល់
បញ្ជីឧបករណ៍ដែលភ្ជាប់ជាមួយ Network របស់អ្នក ពេលខ្លះមានម៉ាកឧបករណ៍ដែលអ្នកមិនស្គាល់បានតភ្ជាប់។ ដូច្នេះអ្នកត្រូវកំណត់អត្តសញ្ញាណឧបករណ៍ទាំងនេះដោយចាប់ផ្តើមស្វែងរក MAC និង អាស័យដ្ឋាន IP របស់ឧបករណ៍នៅក្នុង Router app ឬ Web portal។ ប្រសិនបើអាចធ្វើបានអ្នកគួរដកចេញ ឬ ផ្តាច់វាចេញពីបញ្ជីប្រព័ន្ធ WiFi របស់អ្នក ឬក៏ អ្នកអាចបិទ Router ភ្លាមៗនៅពេលសង្កេតឃើញថាឧបករណ៍មិនស្គាល់ទើបតែតភ្ជាប់ ដើម្បីរក្សាឱ្យមាន សុវត្តិភាព។

3. ត្រូវប្រាកដថាប្រព័ន្ធ WiFi របស់អ្នកមានសុវត្តិភាព
ប្រសិនបើអ្នកមិនប្រើលេខ ឬ ពាក្យសម្ងាត់ដើម្បីចូលប្រើ WiFi របស់អ្នកទេសូមឈប់ទៅ ហើយអ្នកចាំបាច់ត្រូវតែកំណត់លេខ ឬ ពាក្យសម្ងាត់ ដើម្បីជៀសវាងការចូលប្រើដោយសេរី។ ម្យ៉ាងទៀតប្រសិនបើ មានឧបករណ៍គួរឱ្យសង្ស័យនៅលើ Network របស់អ្នក នោះគឺដល់ពេលដែលអ្នកត្រូវផ្លាស់ប្តូរលេខ ឬ ពាក្យសម្ងាត់ចាស់ចេញ នឹងបញ្ចូលថ្មីហើយ។

4. ត្រូវរក្សាឱ្យមានការ Update ជានិច្ច
បច្ចុប្បន្ននេះដោយសារ Network Software របស់ពួក Hacker មានការ Update ទាន់សម័យ ដូច្នេះដើម្បីឱ្យដេញទាន់ពួក Hacker អ្នកត្រូវស្វែងរកកម្មវិធីណាដែលមានភាពទាន់សម័យជានិច្ចដោយការ Update នៅក្នុង Firmware និង Software ឱ្យបានទៀតទាត់ នឹងធ្វើការ Update ភ្លាមនៅពេលកម្មវិធីទាំងនេះបានមកដល់។

អត្ថបទអ្នកចង់អាន

  • PUBG នឹងបង្ហាញវត្តមានលើ PS4

    ដោយ: ដួងច័ន្ទ 8 AM, Thursday, 15 Nov, 2018
    ទោះបីជាមានពាក្យចចាមអារ៉ាមជាច្រើនលើកឡើងថា ហ្គេម Player Unknown’s Battle Ground ឬហៅកាត់ថា PUBG នឹងបង្ហាញវត្តមាននៅក្នុងពេលឆាប់ៗនេះ នៅលើម៉ាស៊ីនហ្គេម PlayStation 4 ក្តី ក៏អ្នកលេងហ្គេមភាគច្រើននៅតែមិនជឿលើពាក្យចចាមអារ៉ាមនេះទេ។ ប៉ុន្តែ...
  • Lasso មុខងារវីដេអូថ្មីពី Facebook

    ដោយ: ដួងច័ន្ទ 9 AM, Monday, 12 Nov, 2018
    ក្នុងគោលបំណងអូសទាញអ្នកប្រើប្រាស់ ជាពិសេសយុវវ័យ ដែលបច្ចុប្បន្នកំពុងងាកចេញពីការប្រើប្រាស់កម្មវិធីរបស់ខ្លួន ក្រុមហ៊ុន Facebook ជាថ្មីម្តងទៀតបានស្វែងរកវិធីសាស្រ្តថ្មីមួយ និងទាញចេញពីកម្មវិធីដែលកំពុងពេញនិយម គឺ TikTok។ កម្មវិធីថ្មីរប...
  • Android Apps នឹង Update នៅពេលកំពុងប្រើប្រាស់

    ដោយ: ដួងច័ន្ទ 8 AM, Saturday, 10 Nov, 2018
    ការចាកចេញពីកម្មវិធីមួយ ខណៈដែលវាទាមទារការ Update ប្រហែលជាបញ្ហាមួយដែលអ្នកប្រើប្រាស់ភាគច្រើនកំពុងជួបប្រទះ ប៉ុន្តែក្រុមហ៊ុន Google បាននឹងកំពុងដោះស្រាយបញ្ហានេះ ហើយ។ ក្រុមហ៊ុន Google កំពុងណែនាំមុខងារ API ថ្មីសម្រាប់កម្មវិធី Android ដ...
  • នៅចុងឆ្នាំនេះកម្មវិធី Tik Tok នឹងបង្កើត ភាពសប្ប...

    ដោយ: ភារុន 8 AM, Tuesday, 13 Nov, 2018
    នាពេលបច្ចុប្បន្ននេះកម្មវិធីដែលកំពុងមានភាពល្បីល្បាញក្នុងស្រទាប់យុវវ័យនោះគឺកម្មវិធី Tik Tok។ នៅក្នុងកម្មវិធីនេះនឹងអនុញ្ញាតឱ្យប្រិយមិត្តដែលចូលរួមលេងកម្សាន្តអាចធ្វើកាយវិការតាមចិត្តរបស់ខ្លួន ឬ ធ្វើត្រាប់តាមបទភ្លេងនិងចម្រៀងដែលមានស្រា...