ចូលចិត្តទំនើប

Vertu ត្រឡប់មកវិញជាមួយម៉ូដែល Aster P

ដោយ: ដួងច័ន្ទ 9 AM, Friday, 26 Oct, 2018

Vertu ជាក្រុមហ៊ុនផលិតទូរសព្ទដ៏ល្បីល្បាញមួយ ជំនាញក្នុងការផលិតទូរសព្ទ Smartphone ធ្វើពីដៃ យ៉ាងប្រណិត មានតម្លៃរាប់ពាន់ដុល្លារ បានត្រឡប់មកវាយលុកទីផ្សាវិញហើយ។ នៅក្នុងព្រឹត្តិការណ៍ដាក់បង្ហាញម៉ូដែលទូរសព្ទថ្មី នៅក្នុងទីក្រុងបេកាំង សារព័ត៌មាន GSMArena បានរាយការណ៍ថា ក្រុមហ៊ុននេះបានប្រកាសអំពីម៉ូដែលទូរសព្ទថ្មីមួយគូ គឺ Aster P Baroque និង Aster P Gothic។

ក្រុមហ៊ុននេះបានបង្ខំឱ្យបិទអាជីវកម្មរោងចក្រនៅចក្រភពអង់គ្លេស កាលពីឆ្នាំមុន ដោយសារការជំពាក់បំណុលរហូតដល់ 128 លានផោន ដែលនៅពេលនេះម្ចាស់ក្រុមហ៊ុនគឺលោក Murat Hakan Uzan ត្រូវបានរាយការណ៍ថាមានគម្រោងស្តារម៉ាកសញ្ញានេះឡើងវិញនៅក្នុងទីផ្សារ។

ម៉ូដែលទូរសព្ទ Aster P បន្តកិតិ្តនាមរបស់ក្រុមហ៊ុនដ៏ល្បីមួយនេះ ចេញពីការបង្ហាញនូវការរចនា ម៉ូដទូរសព្ទមួយគូ ជាមួយនឹងមុខងារដ៏ទំនើប និងលទ្ធផលនៃការលក់បានរហូតដល់ខ្ទង់ពាន់។ ទូរសព្ទថ្មីនេះមានបំពាក់តួធ្វើពី Titanium Alloy មានស្បែកពិតៗនៅពីខាងខ្នង និងមាន Gull-Wing Door-Style មួយផ្ទាំងនៅខាងក្រោយ ដែលបើកឡើងបង្ហាញអំពីកន្លែងដាក់ស៊ីម។ មកទល់ពេលនេះ ក្រុមហ៊ុននេះនៅតែប្រើប្រាស់ការផ្សព្វផ្សាយដែលសរសេរថា Made in the U.K ដដែល។

ទូរសព្ទទាំងពីរនេះមានបំពាក់ប្រព័ន្ធប្រតិបត្តិការ Snapdragon 660 មានថ្មទំហំ 3,200mAh មាន RAM ទំហំ 6GB និងឃ្លាំងផ្ទុកទិន្នន័យទំហំ 128GB។ ទូរសព្ទមានកាមេរ៉ាក្រោយទំហំ 12 Megapixel និងកាមេរ៉ាមុខទំហំ 20 Megapixel ជាប្រភេទ Selfie Camera ហើយវាក៏មាន អេក្រង់ប្រភេទ 1080p ទំហំ 4.97 inch។

ទូរសព្ទទាំងពីរនេះមានលក្ខណៈសម្បត្តិស្រដៀងគ្នាទៅនឹងទូរសព្ទ BlackBerry Key2 ដែលមានតម្លៃលក់ស្មើនឹង $649 ខណៈដែលទូរសព្ទ Aster P មានតម្លៃចាប់ផ្តើមពី $4,200 រហូតដល់ $14,120។ កាលពីឆ្នាំមុន យើងបានហៅទូរសព្ទម៉ូដែល Vertu Constellation ជាទូរសព្ទដៃសម្រាប់អ្នកមានទ្រព្យហូរហៀរ និងមិនមានរសនិយមខ្ពស់ ហើយពេលនេះ វាទំនងដូចជាមានការផ្លាស់ប្តូរបន្តិចបន្តួច។
ទូរសព្ទ Vertu តែងបង្ហាញវត្តមានទូរសព្ទមានលក្ខណៈស្រដៀងគ្នាជាមួយទូរសព្ទដទៃអស់រយៈពេល 20 ឆ្នាំមកហើយ បន្ទាប់ពីក្រុមហ៊ុន Nokia បានបញ្ចេញវាក្នុងនាមជាទូរសព្ទ Luxury Subsidiary។
ក្នុងរយៈពេលកន្លងមកនេះ ម៉ាកសញ្ញានេះបានផ្លាស់ប្តូរម្ចាស់ពីមួយទៅមួយ រួមទាំងម្ចាស់ជាក្រុមសមធម៌ឯកជនមួយកាលពីឆ្នាំ 2012 បានកាន់កាប់ក្រុមហ៊ុននេះកាលពីឆ្នាំ 2015 មុនពេលវាបានក្លាយជាកម្មសិទ្ធិរបស់ម្ចាស់ជាជនជាតិទួកគីក្នុងឆ្នាំ 2017 ក្នុងរយៈពេលដ៏ខ្លីមុនពេលក្ស័យ ធុន។

ចាប់ពីពេលនេះទៅ ទូរសព្ទម៉ូដែល Aster P ចាប់ផ្តើមទទួលការកុម៉ង់ទុកមុន ផ្តាច់មុខតែនៅក្នុងប្រទេសចិនប៉ុណ្ណោះ។

អត្ថបទអ្នកចង់អាន

  • ទូរស័ព្ទ Nokia 3.1 plus មានអ្វីខ្លះពិសេស?

    ដោយ: ភារុន 8 AM, Monday, 12 Nov, 2018
    ទូរស័ព្ទ Nokia 3.1 គឺជាជម្រើសទូរស័ព្ទដែលមានតម្លៃថោកសមរម្យមួយ នៅពេលវាត្រូវបានចេញផ្សាយដោយក្រុមហ៊ុន HMD Global កាលពីខែកក្កដា ប៉ុន្តែវាក៏ត្រូវបានគេប្រកាសថាត្រូវបានលុបបំបាត់ Key ពិសេសមួយចំនួនដូចជា Fingerprint sensor ជាដើម។ ឥឡូវនេះក្...
  • កាមេរ៉ាទំហំយក្សនឹងបង្ហាញខ្លួនលើ Galaxy S10?

    ដោយ: ដួងច័ន្ទ 8 AM, Saturday, 03 Nov, 2018
    ជាមួយនឹងបន្ទះឈីបដែលកំពុងស្ថិតក្នុងដំណាក់កាលផលិត វានៅរងចាំតែពេលវេលាមកដល់ប៉ុណ្ណោះ មុនពេលក្រុមហ៊ុន Samsung វាយប្រហារនៅក្នុងទីផ្សាទូរសព្ទចល័តដែលមានសមត្ថភាពចាប់យករូបភាពដ៏ស្រស់ស្អាត ដែលនាពេលបច្ចុប្បន្ននេះទីផ្សានេះកំពុងត្រូវបានគ្រប់គ្...
  • Xiaomi Mi Mix 3 ជាមួយកាមេរ៉ាអូស

    ដោយ: ដួងច័ន្ទ 10 AM, Thursday, 08 Nov, 2018
    ក្រុមហ៊ុន Xiaomi បានប្រកាសពីទូរសព្ទម៉ូដែលថ្មី គឺ Mi Mix 3 ដែលជាម៉ូដែលទូរសព្ទថ្មីចុងក្រោយបង្អស់របស់ក្រុមហ៊ុន ក្នុងស៊េរីទូរសព្ទមានអេក្រង់ពេញ។ វាជាគឺម៉ូដែលទូរសព្ទលំដាប់ខ្ពស់ មួយទៀត របស់ក្រុមហ៊ុនចិនមួយនេះ ជាមួយនឹងអេក្រង់ដ៏ធំ ប្រភេទ...
  • ការជួសជុលបញ្ហា លើផលិតផល Apple “iPhone X, ...

    ដោយ: ដួងច័ន្ទ 8 AM, Wednesday, 14 Nov, 2018
    ក្រុមហ៊ុន Apple បានជ្រើសយកល្ងាចថ្ងៃសុក្រ ក្នុងការប្រកាសអំពីកម្មវិធី ដែលនឹងជំនួសសមាសភាពដែលមានបញ្ហា ដែលកើតមានឡើងនៅលើឧបករណ៍មួយចំនួនរបស់ក្រុមហ៊ុន។ ដំបូងបង្អស់គឺការជំនួសកម្មវិធីសម្រាប់បញ្ហា Display Module នៅលើទូរសព្ទ iPhone X។ ម្ចាស...