ចូលចិត្តទំនើប

ហ្គេម Pokémon Go បន្ថែមតួអង្គ Monster ថ្មី

ដោយ: ដួងច័ន្ទ 9 AM, Thursday, 25 Oct, 2018

កាលពីពេលថ្មីៗនេះក្រុមហ៊ុន Pokémon បានប្រកាសថា Monster មកពីតំបន់ Sinnoh គឺហ្គេម Diamond និង Pearls នាពេលនេះកំពុងមានវត្តមាននៅក្នុងហ្គេម Pokémon Go។ អ្នកលេងកំសាន្តនាពេលនេះអាចចាប់យកតួអង្គដែលពួកគេចូលចិត្តដូចជា Turtwig, Chimchar និង Piplup បានហើយនៅពេលពួកគេចាប់ផ្តើមលេងហ្គេម AR ចល័ត ដែលនៅតែមានប្រជាប្រិយភាពមួយនេះ។

បើសិនជាអ្នកពិតជាចង់ក្លាយជា Pokémon Master មានដំណឹងបែបរីករាយ និងជូរចត់ព្រមគ្នាសម្រាប់អ្នក។ បើសិនជាអ្នកចង់ចាប់គ្រប់សត្វចម្លែក Pokémon ទាំងអស់នៅក្នុងវគ្គ update ថ្មីនេះ អ្នកនឹងមិនត្រឹមតែត្រូវការងើបចេញពីកៅអីប៉ុណ្ណោះទេ ប៉ុន្តែអ្នកក៏នឹងត្រូវប្រើប្រាស់មធ្យោបាយធ្វើដំណើរនានា ដូចជាជិះយន្តហោះជាដើម។ យោងតាម Pokémon Go Aficionados នៅក្នុងសហគមន៍ Silph Road Reddit ពួកគេបានកត់សម្គាល់ថា តួអង្គជាក់លាក់មួយចំនួន អាចរកឃើញបានតែនៅក្នុងទីតាំងជាក់លាក់មួយចំនួនប៉ុណ្ណោះ។

ឧទាហរណ៍ តួអង្គ Carnivince ដែលជាតួអង្គ Venus Flytrap Pokémon អាចរកឃើញបានតែនៅក្នុងតំបន់ Carolina ប៉ុណ្ណោះ ដែលទីនោះជាកន្លែងដើមរុក្ខជាតិរបស់ជនជាតិដើមភាគតិច។ ហើយដោយសារវាជាប្រភេទស្មៅ វាក៏អាចបង្ហាញរូបរាងនៅ Florida, Maryland និង Georgia ផងដែរ។ ចំណែកតួអង្គ Pachirisu ដែលជាប្រភេទ Electric-Squirrel Pokémon និងជាតួអង្គដែលប្រិយមិត្តពេញចិត្តជាងគេ ទំនងដូចជាមានផ្តាច់មុខតែនៅក្នុងតំបន់ Saskatchewan ប្រទេសកាណាដាប៉ុណ្ណោះ។ អ្នក Trainer នៅតែរក្សាទុកលទ្ធផលនៃការរុករករបស់ពួកគេ ប៉ុន្តែប្រាកដណាស់ថា Pokémon នឹងត្រូវបានរកឃើញនៅកន្លែងណាមួយនៅពេលឆាប់ៗនេះ។

តួអង្គ Pokémon ដែលមានផ្តាច់មុខនៅតាមតំបន់ មិនមែនជារឿងថ្មីសម្រាប់ហ្គេមនេះឡើយ។ Critters ដូចជា Farfetch’d មានផ្តាច់មុខតែនៅក្នុងតំបន់អាស៊ី ខណៈដែល Kangaskhan មានផ្តាច់មុខតែនៅអូស្តា្រលីប៉ុណ្ណោះ។

ក្រុមហ៊ុន Niantic នឹងបន្តបញ្ចេញតួអង្គ Pokémon នៅក្នុងរលកកាន់តែច្រើន ដូចដែលក្រុមហ៊ុនធ្លាប់បានធ្វើកាលពីជំនាន់មុនដូច្នេះដែរ។

ខណៈដែលហ្គេម Pokémon Go ប្រហែលជាមិនទទួលបានភាពល្បីល្បាញដល់ចំណុចកំពូលដូចដែលវាធ្លាប់ទទួលបានកាលពីឆ្នាំ 2016 ក្តី ប៉ុន្តែក្រុមហ៊ុន Niantic បានផ្តល់នូវការអភិវឌ្ឍន៍ថ្មីៗជាច្រើនទៅក្នុងហ្គេមនេះ ហើយវាពិតជាមានតម្លៃសម្រាប់ការសាកល្បងជាលើកទីពីរ។ វាប្រាកដជាជំនួយដ៏សំខាន់មួយសម្រាប់ការត្រៀមខ្លួនសម្រាប់អ្វីដែលនឹងមកដល់នៅក្នុងហ្គេមជំនាន់ថ្មី Pokémon! Let’s Go Pikachu និងហ្គេម Pokémon! Let’s Go Eevee៕

អត្ថបទអ្នកចង់អាន

  • Instagram កំពុងធ្វើការនៅលើកម្មវិធី រឿងរ៉ាវរបស់សាលា

    ដោយ: ភារុន 8 AM, Wednesday, 14 Nov, 2018
    ក្រុមហ៊ុន Instagram ហាក់ដូចជាកំពុងធ្វើការលើកម្មវិធីមួយដែលទាក់ទងទៅនឹងរឿងរ៉ាវដែលកើតមានជាមូលដ្ឋាននៅក្នុងសាលារៀន នោះគឺការបង្ហាញមាតិកាពីរូបរាងរបស់សិស្សនៅក្នុងសាលាជាក់លាក់មួយ ហើយនឹងត្រូវបានរាយការណ៍តាមរយះ TechCrunch ។ កូដសំរាប់កម្មវិធ...
  • UEFA eChampions League អាចលេងនៅលើហ្គេម FIFA 19

    ដោយ: ដួងច័ន្ទ 8 AM, Tuesday, 13 Nov, 2018
    កាលពីដើមឆ្នាំនេះ EA បានផ្តល់នូវការទាក់ទាញចំណាប់អារម្មណ៍យ៉ាងខ្លាំង ដោយបានផ្តល់នូវអាជ្ញាប័ណ្ណ UEFA Champions League សម្រាប់ហ្គេម FIFA 19 បន្ទាប់ពីការប្រកួតប្រជែងកីឡាបាល់ទាត់ប្រចាំតំបន់អឺរ៉ុបបានបញ្ចប់កិច្ចព្រមព្រៀងសហការការងារជាមួយ...
  • PUBG នឹងបង្ហាញវត្តមានលើ PS4

    ដោយ: ដួងច័ន្ទ 8 AM, Thursday, 15 Nov, 2018
    ទោះបីជាមានពាក្យចចាមអារ៉ាមជាច្រើនលើកឡើងថា ហ្គេម Player Unknown’s Battle Ground ឬហៅកាត់ថា PUBG នឹងបង្ហាញវត្តមាននៅក្នុងពេលឆាប់ៗនេះ នៅលើម៉ាស៊ីនហ្គេម PlayStation 4 ក្តី ក៏អ្នកលេងហ្គេមភាគច្រើននៅតែមិនជឿលើពាក្យចចាមអារ៉ាមនេះទេ។ ប៉ុន្តែ...
  • Lasso មុខងារវីដេអូថ្មីពី Facebook

    ដោយ: ដួងច័ន្ទ 9 AM, Monday, 12 Nov, 2018
    ក្នុងគោលបំណងអូសទាញអ្នកប្រើប្រាស់ ជាពិសេសយុវវ័យ ដែលបច្ចុប្បន្នកំពុងងាកចេញពីការប្រើប្រាស់កម្មវិធីរបស់ខ្លួន ក្រុមហ៊ុន Facebook ជាថ្មីម្តងទៀតបានស្វែងរកវិធីសាស្រ្តថ្មីមួយ និងទាញចេញពីកម្មវិធីដែលកំពុងពេញនិយម គឺ TikTok។ កម្មវិធីថ្មីរប...