ចូលចិត្តទំនើប

Sony ដាក់ដំណើរការ Fortnite Cross-Play សម្រាប់ PS4

ដោយ: ដួងច័ន្ទ 11 AM, Tuesday, 23 Oct, 2018

នៅទីបំផុតក្រុមហ៊ុន Sony បានដាក់ដំណើរ Cross-Play សម្រាប់ហ្គេម Fortnite នៅថ្ងៃនេះ។ ក្រុមហ៊ុនផលិតម៉ាស៊ីនហ្គេម PlayStation 4 បានបិទមិនអនុញ្ញាតឱ្យដំណើរការមុខងារ Cross-Play និង Progression សម្រាប់ហ្គេម Fornite នៅលើម៉ាស៊ីន PS4 និងនៅលើ Nintendo Switch និង Xbox One កាលពីពេលថ្មីៗនេះ។

ទង្វើនេះបានធ្វើឱ្យប្រិយមិត្តរបស់ Fortnite មិនសប្បាយចិត្តទេ ព្រោះពួកគេមិនអាចដំណើរការ Progress, Skin និងធ្វើការទិញនានា នៅលើម៉ាស៊ីន Xbox One ឬ Nintendo Switch ទេ បើសិនជាពួកគេលេងហ្គេមនេះនៅលើ PS4។ ប៉ុន្តែពេលនេះក្រុមហ៊ុន Sony បានធ្វើការអនុញ្ញាតឱ្យ ដំណើរការ Cross-Play សម្រាប់ប្រិយមិត្ត Fortnite ហើយ។
លោក Jonh Kodera ប្រធាន PlayStation របស់ Sony បានលើកឡើងថា «ក្រុមហ៊ុនបានសង្កេតឃើញថាអ្នកលេង PS4 បាននឹងកំពុងទន្ទឹងរងចាំទាំងអន្ទះសារសម្រាប់ការ update ថ្មី ហើយក្រុមហ៊ុនពិតជារីករាយនឹងភាពអត់ធ្មត់របស់ប្រិយមិត្ត ខណៈពេលដែលក្រុមហ៊ុនត្រូវការពេលវេលាដើម្បីស្វែងរកដំណោះស្រាយ ចំពោះបញ្ហានេះ។ ជំហានដំបូងគឺជាការបើកចំហរ Beta ចាប់ផ្តើមនៅថ្ងៃនេះ សម្រាប់ហ្គេម Fortnite ដែលនឹងអនុញ្ញាតឱ្យការលេងកំសាន្តឆ្លងពីម៉ាស៊ីនហ្គេមខុសគ្នាសម្រាប់ការលេងហ្គេម ការវិវត្តរបស់ហ្គេម និងការផ្សព្វផ្សាយពាណិជ្ជកម្មឆ្លងម៉ាស៊ីន នៅលើ PlayStation 4, Android, iOS, Nintendo Switch, Xbox One, Microsoft Windows និងប្រព័ន្ធប្រតិបត្តិការ Mac។

ស្របពេលជាមួយគ្នានេះ Epic បាននិយាថាក្រុមហ៊ុនបាននឹងកំពុងធ្វើការស្វែងរកដំណោះស្រាយសម្រាប់អ្នកលេងកំសាន្ត ដែលបានបង្កើតគណនេយ្យទីពីរ ដើម្បីដោះស្រាយបញ្ហារារាំងការលេងកកំសាន្តឆ្លងម៉ាស៊ីនការពីមុន។ ដំណោះស្រាយចំពោះបញ្ហានេះ នឹងត្រូវដោះស្រាយក្នុងពេលឆាប់ៗនេះ។ ក្រុមហ៊ុនផលិតហ្គេមនេះបានសរសេរនៅលើបណ្តាញ Twitter ថា សម្រាប់អ្នកលេងហ្គេម ដែលបានបង្កើតគណនេយ្យបន្ថែមសម្រាប់ការលេងហ្គេម Fortnite នៅលើម៉ាស៊ីនហ្គេមខុសៗគ្នា អាចទទួលបានដំណោះស្រាយ 2 ជម្រើស ទីមួយ មុខងារ Account-Merging ដើម្បីរួមបញ្ចូលការទិញ Battle Royale ដែលនឹងមកដល់នៅក្នុងខែវិច្ឆិកាខាងមុខនេះ។ ទីពីរ ដំណើរការ Unlinking នៅលើម៉ាស៊ីនមួយពីគណនេយ្យមួយរបស់ Fortnite ហើយ Relinking ទៅកាន់គណនេយ្យ Fortnite មួយផ្សេងទៀត ដែលដំណោះស្រាយនេះនឹងមានក្នុងរយៈពេលដ៏ខ្លីខាងមុខនេះ។

ក្រុមហ៊ុន Sony កាលពីមុនបានរារាំងមិនឱ្យមានការលេងហ្គេមឆ្លងម៉ាស៊ីនរវាង PS4 និង Xbox One សម្រាប់ហ្គេម Fortnite, Rocket League និង Minecraft តែសម្រាប់ Nintendo និង Microsoft ការលេងឆ្លងម៉ាស៊ីនអាចដំណើរការបាន។ ក្រុមហ៊ុន Microsoft និង Nintendo បានសហការគ្នា ដើម្បីលើកកម្ពស់ការលេងឆ្លងម៉ាស៊ីន សម្រាប់ហ្គេម Minecraft។

គោលនយោបាយបំលាស់ប្តូរនេះ គឺមានលក្ខណៈទ្រង់ទ្រាយធំ ហើយនាពេលនេះក្រុមហ៊ុន Sony បាននឹងកំពុងដំណើរការឆ្ពោះទៅរកការដំណើរការពេញលេញសម្រាប់ការលេងកំសាន្តឆ្លងម៉ាស៊ីន នៅក្នុងហ្គេម Fortnite។ បច្ចុប្បន្ន Sony បានបើក Beta មួយ ដើម្បីធ្វើការសាកល្បងមុខងារលេងកំសាន្តឆ្លងម៉ាស៊ីន ហើយបញ្ជាក់ថាក្រុមហ៊ុនកំពុងសម្លឹងរកដំណោះស្រាយកាន់តែប្រសើរនាពេលអនាគត។ ការបោះជំហានថ្មីនេះអាចជាសញ្ញានៃការដំណើរការការលេងកំសាន្តឆ្លងម៉ាស៊ីនកាន់តែច្រើនសម្រាប់ PS4 ក៏អាចជាដំណើរឆ្ពោះទៅរកការផ្លាស់ប្តូរនៅលើកុំព្យូទ័រ PS4 និង Xbox ដែលអាចឱ្យអ្នកលេងហ្គេមបានកាន់តែច្រើន។

អត្ថបទអ្នកចង់អាន

  • PUBG នឹងបង្ហាញវត្តមានលើ PS4

    ដោយ: ដួងច័ន្ទ 8 AM, Thursday, 15 Nov, 2018
    ទោះបីជាមានពាក្យចចាមអារ៉ាមជាច្រើនលើកឡើងថា ហ្គេម Player Unknown’s Battle Ground ឬហៅកាត់ថា PUBG នឹងបង្ហាញវត្តមាននៅក្នុងពេលឆាប់ៗនេះ នៅលើម៉ាស៊ីនហ្គេម PlayStation 4 ក្តី ក៏អ្នកលេងហ្គេមភាគច្រើននៅតែមិនជឿលើពាក្យចចាមអារ៉ាមនេះទេ។ ប៉ុន្តែ...
  • Instagram កំពុងធ្វើការនៅលើកម្មវិធី រឿងរ៉ាវរបស់សាលា

    ដោយ: ភារុន 8 AM, Wednesday, 14 Nov, 2018
    ក្រុមហ៊ុន Instagram ហាក់ដូចជាកំពុងធ្វើការលើកម្មវិធីមួយដែលទាក់ទងទៅនឹងរឿងរ៉ាវដែលកើតមានជាមូលដ្ឋាននៅក្នុងសាលារៀន នោះគឺការបង្ហាញមាតិកាពីរូបរាងរបស់សិស្សនៅក្នុងសាលាជាក់លាក់មួយ ហើយនឹងត្រូវបានរាយការណ៍តាមរយះ TechCrunch ។ កូដសំរាប់កម្មវិធ...
  • ឥឡូវនេះ Twitter អនុញ្ញាតឱ្យអ្នករាយការណ៍ ពីគណនីដ...

    ដោយ: ភារុន 8 AM, Saturday, 10 Nov, 2018
    នាពេលបច្ចុប្បន្ននេះ ក្រុមហ៊ុនបណ្តាញទំនាក់ទំនងសង្គម Twitter បានធ្វើការ Update ផ្នែកមួយនៃប្រព័ន្ធដំណើរការរាយការណ៍ ជាពិសេសនៅពេលដែលអ្នកចង់រាយការណ៍អំពី Tweet ដែលអ្នកគិតថានឹងត្រូវបានគេ Fake គណនី ដោយក្លែងធ្វើជាគណនីរបស់អ្នក ឬ នរណាដែលអ្...
  • UEFA eChampions League អាចលេងនៅលើហ្គេម FIFA 19

    ដោយ: ដួងច័ន្ទ 8 AM, Tuesday, 13 Nov, 2018
    កាលពីដើមឆ្នាំនេះ EA បានផ្តល់នូវការទាក់ទាញចំណាប់អារម្មណ៍យ៉ាងខ្លាំង ដោយបានផ្តល់នូវអាជ្ញាប័ណ្ណ UEFA Champions League សម្រាប់ហ្គេម FIFA 19 បន្ទាប់ពីការប្រកួតប្រជែងកីឡាបាល់ទាត់ប្រចាំតំបន់អឺរ៉ុបបានបញ្ចប់កិច្ចព្រមព្រៀងសហការការងារជាមួយ...