ចូលចិត្តទំនើប

Google ផ្តល់សុវត្ថិភាពអ៊ីនធឺណេត សម្រាប់កុមារ

ដោយ: ដួងច័ន្ទ 8 AM, Saturday, 20 Oct, 2018

ក្រុមហ៊ុន Google និងសមាគមន៍ National Parent Teacher Association កំពុងរួមសហការគ្នា ដើម្បីជួយអប់រំមាតាបិតា និងកុមារអំពីសុវត្ថិភាពប្រព័ន្ធ Online។ ប្រព័ន្ធរុករកដ៏ធំមួយនេះ ផ្តល់នូវកញ្ចប់ All-in-One ដែលរួមបញ្ចូលនូវ Google Pixelbook មួយគ្រឿង និងបទបង្ហាញជាច្រើន គ្រប់ដណ្តប់លើប្រធានបទខុសៗគ្នាជាច្រើន ទាក់ទងនឹងសុវត្ថិភាពប្រព័ន្ធ Online រួមមានមាតិការ Phishing និង Scams ឯកជនភាព និងសុវត្ថិភាព និងការវាយប្រហារនៅលើប្រព័ន្ធបច្ចេកវិទ្យា Online និងមាតិកាដែលមិនសមស្របជាដើម។

កញ្ចប់នេះក៏មានរួមបញ្ចូលនូវការច្នៃប្រឌិតការរំលឹកដាស់តឿនអំពីមេរៀនល្អៗ ដូចជា Banner និង Poster ប្រើប្រាស់ទាំងភាសាអង់គ្លេស និងអេស្ប៉ាញ។

កញ្ចប់ផលិតផលថ្មីនេះ បង្កើតឡើងជាផ្នែកមួយនៃកម្មវិធីថ្មីរបស់ Google និង National PTA ដែលនឹងផ្តល់ថវិកាខ្ទង់ $1,000 ទៅកាន់សមាគមន៍ PTA ទូទាំងសហរដ្ឋអាមេរិក។ ពានរង្វាន់សរុបចំនួន 200 នឹងត្រូវប្រគល់ជូនដល់សិក្ខាសាលាដែលបង្កើតឡើងទាក់ទងនឹងសុវត្ថិភាពប្រព័ន្ធ Online ហើយកញ្ចប់ផលិតផលនេះនឹងត្រូវផ្តល់ឱ្យម្ចាស់ជ័យលាភីនីមួយៗ។

កិច្ចសហប្រតិបត្តិការរវាងក្រុមហ៊ុន Google និង National PTA គូសចំណាំនូវការពង្រីកនៃយុទ្ធនាការ Be Internet Awesome របស់ក្រុមហ៊ុន Google ដែលត្រូវបានដាក់ឱ្យដំណើរការកាលពីឆ្នាំមុន ព្រមគ្នាជាមួយនឹងហ្គេម Online ដែលបង្រៀនកុមារអំពីមូលដ្ឋានគ្រឹះនៃសុវត្ថិភាពប្រព័ន្ធអ៊ីនធឺណេត។

ក្រុមហ៊ុន Google មិនបានបង្កើតកញ្ចប់ផលិតផលសុវត្ថិភាពអ៊ីនធឺណេតដល់គ្រប់អតិថិជន ឡើយ។ ជំនួសឱ្យនេះ ក្រុមហ៊ុននឹងធ្វើការជាមួយសាលារៀន និងអង្គការមានទំនាក់ទំនងជាមួយមាតាបិតា ដើម្បីចែកចាយកញ្ចប់ផលិតផលថ្មិនេះ និងរៀបចំជាសិក្ខាសាលានៅតាមសាលារៀន។ នេះជាព័ត៌មានដែលយើងដកស្រង់ចេញពីគេហទំព័រ VentureBeat។

បទបង្ហាញទាំងអស់នៅក្នុងកញ្ចប់ផលិតផលថ្មីនេះ នឹងមានវត្តមាននៅលើប្រព័ន្ធ Online សម្រាប់មនុស្សគ្រប់រូបទស្សនា ដែលពេលវេលានោះនឹងមកដល់នៅដំណាច់ឆ្នាំនេះ។

អត្ថបទអ្នកចង់អាន

  • One UI សម្រាប់ Android Skin ថ្មី

    ដោយ: ដួងច័ន្ទ 8 AM, Tuesday, 13 Nov, 2018
    បន្ថែមលើការបង្ហាញទូរសព្ទបត់រមូរបាន ដែលកំពុងទទួលបានចំណាប់អារម្មណ៍ខ្លាំង នៅក្នុងវេទិកា Developer កាលពីពេលថ្មីៗនេះ ក្រុមហ៊ុន Samsung ក៏បានចែករំលែកពីគម្រោងផែនការសម្រាប់មុខងារ Android Skin ថ្មី។ រូបរាងថ្មីរបស់វានឹងត្រូវបានគេហៅឈ្មោះ...
  • ឥឡូវនេះ Twitter អនុញ្ញាតឱ្យអ្នករាយការណ៍ ពីគណនីដ...

    ដោយ: ភារុន 8 AM, Saturday, 10 Nov, 2018
    នាពេលបច្ចុប្បន្ននេះ ក្រុមហ៊ុនបណ្តាញទំនាក់ទំនងសង្គម Twitter បានធ្វើការ Update ផ្នែកមួយនៃប្រព័ន្ធដំណើរការរាយការណ៍ ជាពិសេសនៅពេលដែលអ្នកចង់រាយការណ៍អំពី Tweet ដែលអ្នកគិតថានឹងត្រូវបានគេ Fake គណនី ដោយក្លែងធ្វើជាគណនីរបស់អ្នក ឬ នរណាដែលអ្...
  • នៅចុងឆ្នាំនេះកម្មវិធី Tik Tok នឹងបង្កើត ភាពសប្ប...

    ដោយ: ភារុន 8 AM, Tuesday, 13 Nov, 2018
    នាពេលបច្ចុប្បន្ននេះកម្មវិធីដែលកំពុងមានភាពល្បីល្បាញក្នុងស្រទាប់យុវវ័យនោះគឺកម្មវិធី Tik Tok។ នៅក្នុងកម្មវិធីនេះនឹងអនុញ្ញាតឱ្យប្រិយមិត្តដែលចូលរួមលេងកម្សាន្តអាចធ្វើកាយវិការតាមចិត្តរបស់ខ្លួន ឬ ធ្វើត្រាប់តាមបទភ្លេងនិងចម្រៀងដែលមានស្រា...
  • Lasso មុខងារវីដេអូថ្មីពី Facebook

    ដោយ: ដួងច័ន្ទ 9 AM, Monday, 12 Nov, 2018
    ក្នុងគោលបំណងអូសទាញអ្នកប្រើប្រាស់ ជាពិសេសយុវវ័យ ដែលបច្ចុប្បន្នកំពុងងាកចេញពីការប្រើប្រាស់កម្មវិធីរបស់ខ្លួន ក្រុមហ៊ុន Facebook ជាថ្មីម្តងទៀតបានស្វែងរកវិធីសាស្រ្តថ្មីមួយ និងទាញចេញពីកម្មវិធីដែលកំពុងពេញនិយម គឺ TikTok។ កម្មវិធីថ្មីរប...