ចូលចិត្តទំនើប

នាឡិកា Apple ថ្មី បន្ថែមមុខងារសុវត្ថិភាពកាន់តែច្រើន

ដោយ: ដួងច័ន្ទ 8 AM, Wednesday, 19 Sep, 2018

នាឡិកាដៃ Watch 3 បច្ចុប្បន្ននេះជាមជ្ឈមណ្ឌលជំនួយសុខភាពដ៏អស្ចារ្យមួយ ប៉ុន្តែក្រុមហ៊ុនApple បាននាំវាឆ្ពោះទៅរកស្តង់ដាកម្រិតថ្មី ជាមួយនឹងម៉ូដែលនាឡិកាជំនាន់ថ្មី។ គុណសម្បត្តិរបស់ឧបករណ៍តាមដានចង្វាក់បេះដូងអគ្គិសនី ត្រូវបានតំឡើងនៅខាងក្រោយតួនាឡិកា ធ្វើឱ្យនាឡិកា Watch Series 4 មិនត្រឹមតែអាចតាមដានចង្វាក់បេះដូងទាបប៉ុណ្ណោះទេ តែថែមទាំងដើរតួនាទីជាឧបករណ៍ Electrocardiogram (ECG)។

នេះមានន័យថាវាអាចចាប់យកលក្ខខណ្ឌគ្រោះថ្នាក់ ដែលមានឈ្មោះថា Atrial Fibrillation និងតាស់តឿនអ្នកឱ្យទៅជួបពិភាក្សាជាមួយវេជ្ជបណ្ឌិត។ ក្រុមហ៊ុន Apple បានអះអាងថា Watch Series 4 ត្រូវបានទទួលស្គាល់ដោយអង្គភាពចំណីអាហារ និងឱសថ (Food and Drug Administration- FDA) នៅក្នុងសហរដ្ឋអាមេរិក និងជាឧបករណ៍ដែលបំពាក់កម្មវិធី ECG ដំបូង ដែលត្រូវបានប្រគល់ដល់ដៃអ្នកប្រើប្រាស់ដោយផ្ទាល់ជាលើកដំបូង។

វានឹងធ្វើការពិនិត្យលើប្រវត្តិនៃប្រព័ន្ធ ECG ហើយខណៈដែលវានឹងមិនត្រូវរំខានដោយប្រព័ន្ធចំណង វាអាចជាជំនួយដល់មនុស្សគ្រប់រូប ដែលមានដឹងពីស្ថានភាពជម្ងឺរបស់ខ្លួន។ ក្រុមហ៊ុន Apple បាននាំយកវេជ្ជបណ្ឌិតមួយរូបដែលមានជំនាញខាងរោគបេះដូង និងជាប្រធានសមាគមន៍ សុខភាពបេះដូងរបស់អាមេរិក គឺលោកវេជ្ជបណ្ឌិត Ivor Benjamin មកបញ្ជាក់ពីគុណប្រយោជន៍របស់ផលិតផលថ្មីនេះ ហើយលោកវេជ្ជបណ្ឌិតបានរៀបរាប់ថា មុខងារថ្មីនេះពិតជាមានតម្លៃសម្រាប់អ្នកប្រើប្រាស់មួយចំនួនយ៉ាងជាក់លាក់។ លោកបញ្ជាក់ថា នៅក្នុងបទពិសោធន៍ការងាររបស់លោក មនុស្សជាច្រើនតែងរាយការណ៍ថាមានលេចចេញរោគសញ្ញាដែលអវត្តមាននៅពេលពួកគេមកពិនិត្យសុខភាព។ ហេតុនេះហើយបានជាព័ត៌មានដែលទទួលបានពីនាឡិកា Smartwatch នេះពិតជាមានសារៈសំខាន់។

ក្រុមហ៊ុន Apple ក៏បានបង្ហាញនូវមុខងារដ៏គួរឱ្យចាប់អារម្មណ៍មួយទៀត ប៉ុន្តែមានលក្ខខណ្ឌសុវត្ថិភាពខុសគ្នាស្រឡះសម្រាប់នាឡិកាជំនាន់ថ្មីនេះ។ គុណសម្បត្តិនៃឧបករណ៍វាស់ស្ទង់ល្បឿន និង Gyroscope បានធ្វើឱ្យនាឡិកានេះអាចតាមដានសកម្មភាពនៅពេលអ្នករអិល ឬដួល។ វាមិនត្រឹមតែធ្វើការសង្កេតនៅពេលអ្នកស្ថិតក្នុងជំហរដួលចុះក្រោមប៉ុណ្ណោះទេ ប៉ុន្តែវាថែមទាំងដំណើរការនោះពេលដៃរបស់អ្នកលើកឡើងលើ ក្នុងជំហរការពារខ្លួនថែមទៀតផង។ និយាយជារួមនៃជាបច្ចេកវិទ្យាខ្ពស់ថ្មីមួយ កាន់តែទំនើប សម្រាប់ការប្រើប្រាស់ជាអ្នកការពារសុវត្ថិភាពប្រចាំថ្ងៃ។

Watch Series 4 អាចប្រាប់អំពីភាពខុសគ្នារវាងការរអិល និងដួល ដែលនេះជាមុខងារដែលមិនងាយនឹងអនុវត្តឡើយ។ អ្នកអាចធ្វើការកំណត់វាឱ្យទូរសព្ទទៅសេវាកម្មសង្គ្រោះបន្ទាន់បានដោយស្វ័យប្រវត្តិ និងទំនាក់ទំនងទៅកាន់មនុស្សជិតស្និទ្ធរបស់អ្នក បើសិនជាអ្នកមិនអាចធ្វើចលនា ក្នុងពេលតិចជាងមួយនាទី។ វាប្រហែលជាមិនសូវមានសារៈសំខាន់ទេ បើសិនជាអ្នកស្ថិតនៅវ័យក្មេង និងមាំមួន ប៉ុន្តែវាពិតជាមានតម្លៃណាស់សម្រាប់មនុស្សវ័យចំណាស់។

អត្ថបទអ្នកចង់អាន

  • Google បញ្ជាក់ថានឹងមិនចេញលក់ Smartwatch ថ្មីទេ

    ដោយ: ដួងច័ន្ទ 8 AM, Wednesday, 05 Sep, 2018
    ព័ត៌មានចចាមអារ៉ាមអស់ពេលជាយូរ បានផ្តោតលើការរៀបចំបញ្ចេញលក់ Smartwatch ថ្មី ពីក្រុមហ៊ុន Google ក្នុងឆ្នាំ 2018។ ប៉ុន្តែព័ត៌មានទាំងនោះមិនមានអាចក្លាយជាការពិតឡើយ ហើយអ្នកក៏នឹងមិនបានឃើញ Pixel Watch នៅតាមបណ្តាទីផ្សារនៅក្នុងពេលឆាប់ៗនេះដែ...
  • Smartwatch ថ្មីរបស់ Garmin បន្ថែមមុខងារថ្មី

    ដោយ: ដួងច័ន្ទ 8 AM, Monday, 10 Sep, 2018
    បច្ចុប្បន្ននេះ នាឡិកាដៃ Fitness របស់ Garmin ដែលមានសមត្ថភាពអាចប្រគុំតន្រ្តីបាន អាចប្រើប្រាស់សម្រាប់ចូលទៅកាន់ iHeartRadio។ ប៉ុន្តែឥឡូវនេះអ្នកអាចទទួលបានការប្រើប្រាស់សេវាកម្មកាន់តែប្រសើរឡើង ដូចជាការប្រើប្រាស់សេវាកម្មតន្រ្តីរបស់ Dee...
  • នៅក្នុងព្រឹត្តិការណ៍ Apple ថ្ងៃទី 12 ខែ កញ្ញា ឆ...

    ដោយ: ភារុន 8 AM, Saturday, 08 Sep, 2018
    អ្វីគ្រប់យ៉ាងដែលអ្នកទាំងអស់គ្នាបានរំពឹងទុកពីព្រឹត្តិការណ៍របស់ក្រុមហ៊ុន Apple ដែលនឹងប្រព្រឹត្តទៅនៅថ្ងៃទី 12 កញ្ញា ឆ្នាំ 2018 នេះដែលអ្នកទាំងអស់គ្នាកំពុងចង់ដឹងពីឈុតទូរស័ព្ទ iPhone ស៊េរីថ្មីចុងក្រោយនៅក្នុងពិភពទូរស័ព្ទ iPhone X។ ទូរ...
  • Galaxy Watch ដ៏ទាន់សម័យ

    ដោយ: ដួងច័ន្ទ 9 AM, Wednesday, 15 Aug, 2018
    កាលពីប៉ុន្មានថ្ងៃកន្លងទៅនេះ ក្រុមហ៊ុន Samsung បានធ្វើការបង្ហាញពីផលិតផល Galaxy Watch ដែលមានជម្រើស 2 ទំហំ។ ជម្រើសទីមួយមានទំហំ 42 មីលីម៉ែត្រ ដាក់លក់ក្នុងតម្លៃ $330 និងជម្រើសទី 2 មានទំហំ 46 មីលីម៉ែត្រ មានតម្លៃ $350។ ម៉ូដែលទំហំ 46...