ចូលចិត្តទំនើប

លេចរូបរាង GoPro Hero 7 ហើយ

ដោយ: ដួងច័ន្ទ 9 AM, Saturday, 08 Sep, 2018

រដូវកាលថ្មីនេះពោរពេញដោយព័ត៌មានបែកធ្លាយ ជាពិសេសសម្រាប់ម៉ូដែលផលិតផលធំៗ កំពុងពេញនិយម។ ថ្មីៗ ទំនើប ទទួលបានរូបភាពផុសនៅលើបណ្តាញទំនាក់ទំនងសង្គម ដែលបានបង្ហាញពីម៉ូដែលកាមេរ៉ា Hero 7 របស់ GoPro ដែលមិនទាន់បង្ហាញជាផ្លូវការនៅឡើយ នៅក្នុងហាងលក់ទំនិញមួយ។

រូបភាពបែបធ្លាយមួយនេះបង្ហាញពីកាមេរ៉ា ដែលមានរូបរាងស្រដៀងទៅនឹងកាមេរ៉ាម៉ូដែល Hero 6 នៅផ្នែកខាងមុខ ប៉ុន្តែវាមាន Gimbal-Like ដែលមានមុខងារជាអ្នកទប់លំនឹងរូបភាព ដែលដំណើរការបានកាន់តែរលូនជាងអ្វីដែលអ្នកបានឃើញនៅលើម៉ូដែលចាស់។ នៅក្នុងនោះក៏មានតំរុយពីការប្រែប្រួលយុទ្ធសាស្រ្តផលិតនៅក្នុងនោះដែរ។

ដោយសារបច្ចុប្បន្នផលិតផលកាមេរ៉ា Hero តែងផលិតជាផលិតផលខ្សែស្រឡាយ ដូច្នេះសម្រាប់ម៉ូដែល Hero 7 នឹងត្រូវផលិតជាបីជម្រើស ក្នុងពណ៌ខ្មៅ ពណ៌ប្រាក់ និងពណ៌ស។ យើងមិនទាន់ដឹងច្បាស់ថាតើវាមានចំណុចខុសៗគ្នាតាមម៉ូដែលនីមួយៗយ៉ាងណានៅឡើយទេ។ តែយើងអាចប៉ាន់ប្រមាណថាម៉ូដែលពណ៌ខ្មៅ នឹងជាម៉ូដែលតែមួយគត់ដែលមានអេក្រង់ Front-Facing។

ក្រុមហ៊ុន GoPro ត្រូវបានគេរំពឹងថានឹងណែនាំម៉ូដែល Hero 7 ថ្មី ក្នុងពេលណាមួយនៅក្នុងខែកញ្ញានេះ។ ក្រុមហ៊ុន GoPro ធ្លាប់បានព្យាយាមបង្កើតបំលាស់ប្តូរនៅលើផលិតផលរបស់ខ្លួន ដោយធ្វើការវិភាគឡើងវិញលើអាជីវកម្មរបស់ក្រុមហ៊ុន និងស្វះស្វែងរកប្រភពចំណូលពីជម្រើសដទៃផ្សេងទៀត ប៉ុន្តែភាពជោគជ័យរបស់ក្រុមហ៊ុនមួយនេះប្រមូលផ្តុំតែនៅលើផលិតផល Action Camera តែមួយប៉ុណ្ណោះ។ ម៉ូដែលកាមេរ៉ា Hero 7 អាចជាម៉ូដែលដ៏សំខាន់មួយ ដើម្បីរក្សាបាននូវអតិថិជន ក្នុងខណៈពេលដែលមនុស្សភាគច្រើនកំពុងមានទំនោរប្រើប្រាស់កាមេរ៉ា Smartphone ឬ Drone ដើម្បីថតវីដេអូ។

អត្ថបទអ្នកចង់អាន

  • កាមេរ៉ាទំហំតូច តែមាន Lens ពង្រីកដ៏ធំ

    ដោយ: ដួងច័ន្ទ 8 AM, Friday, 07 Sep, 2018
    នាពេលបច្ចុប្បន្ន នៅក្នុងទីផ្សារមានកាមេរ៉ាដែលមានសមត្ថភាពពង្រីកធំៗ ប៉ុន្តែសម្រាប់កាមេរ៉ា Sony ម៉ូដែល HX99 និង HX95 ថ្មី អាចនឹងជាកាមេរ៉ាមានទំហំដ៏តូចបំផុត។ កាមេរ៉ាម៉ូដែលថ្មីទាំងពីរនេះ មានបំពាក់ Zoom ប្រភេទ 24-720mm f/3.5-6 មានសមត្ថ...
  • កាមេរ៉ា Canon Selfie បន្ថែមមុខងារ 4K Video

    ដោយ: ដួងច័ន្ទ 9 AM, Friday, 03 Aug, 2018
    បច្ចុប្បន្ននេះនៅក្នុងទីផ្សារបច្ចេកវិទ្យា កាមេរ៉ាថតរូបដែលមានសមត្ថភាពខ្ពស់ត្រូវបានបំពាក់ភាគច្រើននៅលើទូរសព្ទ Smartphone ដូចជាទូរសព្ទ Huawei P20 Pro ជាដើម។ នេះអាចជាកត្តាឱ្យយើងមើលឃើញពីចុងបញ្ចប់នៃផលិតផលកាមេរ៉ាប្រភេទ Point-and-Shoot។...
  • កាមេរ៉ា LX100 II អភិវឌ្ឍន៍កាន់តែខ្លាំង

    ដោយ: ដួងច័ន្ទ 9 AM, Monday, 27 Aug, 2018
    ក្រុមហ៊ុន Panasonic បានបញ្ចេញលក់ម៉ូដែលកាមេរ៉ា Lumix LX100 II ជាប្រភេទ Compact កាមេរ៉ា សម្រាប់អ្នកថតរូបដែលមានបំណងចង់បាន Sensor ទំហំធំជាម៉ូដែលកាមេរ៉ា Sony RX100 VI។ ការផ្លាស់ប្តូរដ៏ធំបំផុតរបស់ម៉ូដែលថ្មីនេះ ខុសពីម៉ូដែលជំនាន់មុន គ...
  • កាមេរ៉ា Nikon P1000 អស្ចារ្យយ៉ាងណា?

    ដោយ: ដួងច័ន្ទ 3 PM, Friday, 13 Jul, 2018
    អ្នកចូលចិត្តថតរូបភាគច្រើនតែងស្រមៃចង់បានកាមេរ៉ាដែលមានសមត្ថភាពពង្រីកខ្ពស់ ប៉ុន្តែមនុស្សមួយចំនួនពិតជាមិនដែលនឹកថា បច្ចេកវិទ្យាដ៏ខ្លាំងនេះនឹងមាននៅលើកាមេរ៉ា Nikon Coolpix P1000 ទេ។ ផលិតផលកាមេរ៉ារបស់ Nikon ប្រភេទ Compact ចុងក្រោយគ...