ចូលចិត្តទំនើប

Instagram កំពុងអភិវឌ្ឍន៍មុខងារ Shopping App

ដោយ: ដួងច័ន្ទ 8 AM, Thursday, 06 Sep, 2018

កម្មវិធីបណ្តាញសង្គម Instagram បាននឹងកំពុងដាក់ដំណើរការមុខងារជាច្រើនទាក់ទងនឹងការដើរទិញទំនិញ ក្នុងរយៈពេលប៉ុន្មានឆ្នាំចុងក្រោយនេះ ធ្វើឱ្យយើងអាចសន្មត់កាន់តែច្បាស់អំពីអនាគតនៃប្រព័ន្ធ E-Commerce នៅក្នុងកម្មវិធីដ៏ពេញនិយមនេះ។

យោងតាមការចេញផ្សាយរបស់គេហទំព័រ The Verge បានបង្ហាញថាក្រុមហ៊ុនសម្ព័ន្ធជាមួយ Facebook មួយនេះបាននឹងកំពុងតំឡើងកម្មវិធីទិញទំនិញដាច់ដោយឡែក ដែលអាចនឹងមានឈ្មោះថា IG Shopping។

វាទំនងជាកម្មវិធី App ដែលនឹងផ្តល់ឱ្យអ្នកប្រើប្រាស់នូវវិធីសាស្រ្តសម្រាប់ Browse និងទិញទំនិញពីអាជីវកម្មនានាដែលអ្នកប្រើប្រាស់បាន Follow នៅក្នុង App នោះដោយផ្ទាល់។

កម្មវិធីនេះមិនទាន់កំណត់ថ្ងៃដាក់ឱ្យដំណើរការនៅឡើយទេ ហើយវាទំនងជាកំពុងស្ថិតនៅក្នុងលក្ខខណ្ឌនៃការអភិវឌ្ឍន៍ដំបូងនៅឡើយទេ។ ខណៈដែលនេះមានន័យថាយើងនឹងមិនទាន់មានឱកាសបានឃើញពីកម្មវិធីថ្មីនេះក្តី ប៉ុន្តែប្រភពនៃការផ្សព្វផ្សាយបានបរិយាយថា Instagram កំពុងស្ថិតក្នុងទីតាំងដ៏ល្អមួយដើម្បីពង្រីកទីផ្សារកាន់តែទូលំទូលាយនៅក្នុងវិស័យ E-Commerce។

វាមានហេតុផលគ្រប់គ្រាន់សម្រាប់ក្រុមហ៊ុន ក្នុងបញ្ចេញបទពិសោធន៍នៃការទិញទំនិញ ដែលអាចប្រកួតប្រជែងនៅក្នុងវិស័យ E-Commerce ដូចជា Shopify ដោយសារក្រុមហ៊ុនបានសម្លឹងឃើញអាជីវកម្មជាច្រើន ជាពិសេសអាជីវកម្មដែលមានអតិថិជនជាយុវវ័យ កំពុងតែប្រើប្រាស់គណនេយ្យ Instagram ស្រាប់។
នៅដើមឆ្នាំនេះ Instagram បានបញ្ចេញកម្មវិធីមួយសម្រាប់ជាឧបករណ៍ទិញទំនិញនៅក្នុង 8 ប្រទេស អនុញ្ញាតឱ្យអ្នកលក់អាចបង្ហាញតម្លៃផលិតផលរបស់ពួកគេនៅលើ post។ កាលពីរយៈពេលប៉ុន្មានខែក្រោយមក វាបានផ្តល់ឱកាសឱ្យក្រុមហ៊ុនអ្នកលក់ទាំងនោះមានលទ្ធភាពបន្ថែមការទូទាត់ប្រាក់តាមប្រព័ន្ធអេឡិចត្រូនិច ដែលអនុញ្ញាតឱ្យ Follower របស់ពួកគេអាចធ្វើការកក់ភោជនីយដ្ឋាន ឬហាងសាឡន នៅក្នុងកម្មវិធីនោះផ្ទាល់។

កាលពីខែមិថុនា Instagram អនុញ្ញាតឱ្យម៉ាកសញ្ញាផលិតផលមួយចំនួនអាចដាក់លក់ផលិតផលនៅលើមុខងារ Stories បាន។ Instagram ក៏បានធ្វើការសាកល្បងលើ App ដាច់ដោយឡែកផ្សេងទៀតដែរ ដូច្នេះក្រុមហ៊ុននឹងផ្តល់នូវភាពភ្ញាក់ផ្អើលនៅពេលក្រុមហ៊ុនបញ្ចេញកម្មវិធី App សម្រាប់ទិញទំនិញ។

អត្ថបទអ្នកចង់អាន

  • Android Apps នឹង Update នៅពេលកំពុងប្រើប្រាស់

    ដោយ: ដួងច័ន្ទ 8 AM, Saturday, 10 Nov, 2018
    ការចាកចេញពីកម្មវិធីមួយ ខណៈដែលវាទាមទារការ Update ប្រហែលជាបញ្ហាមួយដែលអ្នកប្រើប្រាស់ភាគច្រើនកំពុងជួបប្រទះ ប៉ុន្តែក្រុមហ៊ុន Google បាននឹងកំពុងដោះស្រាយបញ្ហានេះ ហើយ។ ក្រុមហ៊ុន Google កំពុងណែនាំមុខងារ API ថ្មីសម្រាប់កម្មវិធី Android ដ...
  • នៅចុងឆ្នាំនេះកម្មវិធី Tik Tok នឹងបង្កើត ភាពសប្ប...

    ដោយ: ភារុន 8 AM, Tuesday, 13 Nov, 2018
    នាពេលបច្ចុប្បន្ននេះកម្មវិធីដែលកំពុងមានភាពល្បីល្បាញក្នុងស្រទាប់យុវវ័យនោះគឺកម្មវិធី Tik Tok។ នៅក្នុងកម្មវិធីនេះនឹងអនុញ្ញាតឱ្យប្រិយមិត្តដែលចូលរួមលេងកម្សាន្តអាចធ្វើកាយវិការតាមចិត្តរបស់ខ្លួន ឬ ធ្វើត្រាប់តាមបទភ្លេងនិងចម្រៀងដែលមានស្រា...
  • ឥឡូវនេះអ្នកអាចប្រើ Google Map នៅក្នុង CarPlay ជ...

    ដោយ: ភារុន 9 AM, Friday, 09 Nov, 2018
    សព្វថ្ងៃនេះជាមួយប្រព័ន្ធប្រតិបត្តិការ iOS 12 ក្រុមហ៊ុន Apple បានបន្ថែមការផ្គត់ផ្គង់សម្រាប់សេវាកម្ម Google Map ដែលជាសេវាកម្មទី3 បន្ទាប់ពីដាក់វាបញ្ចូលជាមួយសេវាកម្ម CarPlay របស់ក្រុមហ៊ុន។ នេះជាលក្ខណៈពិសេសដែលអ្នកត្រូវការអស់រយះពេលជា...
  • One UI សម្រាប់ Android Skin ថ្មី

    ដោយ: ដួងច័ន្ទ 8 AM, Tuesday, 13 Nov, 2018
    បន្ថែមលើការបង្ហាញទូរសព្ទបត់រមូរបាន ដែលកំពុងទទួលបានចំណាប់អារម្មណ៍ខ្លាំង នៅក្នុងវេទិកា Developer កាលពីពេលថ្មីៗនេះ ក្រុមហ៊ុន Samsung ក៏បានចែករំលែកពីគម្រោងផែនការសម្រាប់មុខងារ Android Skin ថ្មី។ រូបរាងថ្មីរបស់វានឹងត្រូវបានគេហៅឈ្មោះ...