ចូលចិត្តទំនើប

ម៉ូដែលរថយន្តថែរក្សាបរិសា្ថន

ដោយ: ដួងច័ន្ទ 9 AM, Friday, 10 Aug, 2018

បច្ចុប្បន្ននេះពិភពលោកទទួលរងការគម្រាមកំហែងពីការបំពុលបរិស្ថានយ៉ាងធ្ងន់ធ្ងរ។ ក្រុមហ៊ុន ផលិតយានយន្តជាច្រើនបានស្វែងរកឃើញបច្ចេកវិទ្យា
ទំនើប ដើម្បីផ្តល់ឱ្យអ្នកនូវជម្រើសរថយន្ត ដែលជួយថែរក្សាបរិស្ថាន។ ទំនើប សូមបង្ហាញអ្នកនូវម៉ូដែលរថយន្តថែរក្សាបរិស្ថាន ដែលអាចនឹងក្លាយជា
ជម្រើសសម្រាប់អ្នកស្រឡាញ់បរិស្ថាន។

Toyota Prius
រថយន្ត Toyota Prius បានចេញលក់អស់រយៈពេលជាច្រើនឆ្នាំមក ជាមួយនឹងការណែនាំអំពីបច្ចេកវិទ្យា Hybrid។ ក្រុមហ៊ុន Toyota បានបង្កើត
រថយន្តដែលមានកម្លាំងថាមពលខ្លាំង ដែលជាការរួមបញ្ចូលគ្នានៃម៉ាស៊ីនអគ្គិសនី និងម៉ាស៊ីនចំហេះខាងក្នុង។ មុខងារ Hybrid នេះអាចឱ្យរថយន្ត
ម៉ូដែល Prius បញ្ចេញផ្សែងកាន់តែតិច និងស៊ីសាំងកាន់តែតិចផងដែរ។ ដូច្នេះហើយបានជាវាទទួលកិត្តិនាមជារថយន្តថែរក្សាបរិសា្ថនបានល្អជាងគេ។
រថយន្តនេះមានប្រព័ន្ធហ្វ្រាំង Regenerative ដែលអាចបំលែងថាមពលសំណល់ទៅជាថាមពលអគ្គិសនី ដែលប្រើប្រាស់សម្រាប់បញ្ចូលអាគុយរថយន្ត។
ប្រព័ន្ធបញ្ជូនថាមពលជាច្រើនជម្រើស គឺជាមុខងារដ៏ពេញនិយម សម្រាប់រថយន្ត Prius ដែលធ្វើឱ្យវាក្លាយជារថយន្តដែលបញ្ចេញផ្សែងបានតិចជាងគេ។

Honda Clarity Plug-In Hybrid
នេះជារថយន្តថែរក្សាបរិស្ថានល្អជាងគេរបស់ក្រុមហ៊ុន Honda។ វាជាប្រភេទរថយន្ត Sedan ធុន កណ្តាល ដែលអាចផ្ទុកមនុស្សបានចំនួន 5 នាក់។
វាជាប្រភេទរថយន្ត Hybrid ដែលប្រើប្រាស់ប្រព័ន្ធថាមពលអគ្គិសនី ដែលត្រូវបានតំឡើងសម្រាប់កាត់បន្ថយបរិមាណប្រេងឥន្ធនៈបានយ៉ាងច្រើន។
សម្រាប់ការបើកបរនៅលើផ្លូវរអិល រថយន្តមួយនេះ ជាជម្រើសរថយន្ត Hybrid ល្អជាងគេ។ វាប្រើប្រាស់ថាមពលបានយ៉ាងត្រឹមត្រូវតាមតម្រូវការ
មិនថាផ្លូវរអិលយ៉ាងណាឡើយ។

The Electric Chevy Volt
នេះជារថយន្តដែលមានតម្លៃសមរម្យជាងគេ ដែលបានបង្ហាញខ្លួនក្នុងចំណោមតារាងរថយន្តថែរក្សាបរិស្ថាន។ ម៉ូដែលរថយន្តមួយនេះមាន
ម៉ាស៊ីនអគ្គិសនីចំនួន 2 គ្រឿងដែលដំណើរការរួមគ្នា ដើម្បីឱ្យការប្រើប្រាស់ប្រេងឥន្ធនៈបានយ៉ាងមានប្រសិទ្ធភាព។ ម៉ូដែលឆ្នាំ 2018 មានសមត្ថភាព
ធ្វើដំណើរបានចម្ងាយ 85.29 គីឡូម៉ែត្រសម្រាប់ការប្រើប្រាស់ថាមពលអគ្គិសនី។ រយៈចម្ងាយនេះអាចពង្រីកបន្ថែមរហូតដល់ 675.9 គីឡូម៉ែត្រ
នៅពេលអាគុយត្រូវបានបញ្ចូលថាមពលពេញ និងមានប្រេងឥន្ធនៈពេញ។ អត្ថប្រយោជន៍បន្ថែមសម្រាប់ម៉ូដែលឆ្នាំ 2018 គឺការប្រើប្រាស់កម្មវិធីនៅ
លើទូរសព្ទដៃ។ អ្នកអាចស្វែងរកឃើញកន្លែងបញ្ចូលថាមពលរថយន្ត និងកម្រិតថាមពលរបស់រថយន្តតាមរយៈការប្រើប្រាស់ App។

Ford Focus Electric
រថយន្តអគ្គិសនីមួយនេះ នាំមកនូវបទពិសោធន៍សន្សំសំចៃប្រេងឥន្ធនៈថ្មីមួយទៀតសម្រាប់អ្នក។ វាមានផ្ទុកអាគុយប្រភេទ Lithium-Ion ដែលមាន
ថាមពល 23 គីឡូវ៉ាត់ សម្រាប់ការធ្វើដំណើរដោយរលូន និងគ្មានការរារាំង។ វាក៏មានប្រើប្រាស់ App នៅលើទូរសព្ទ Smartphone ផងដែរ
ដែលបង្ហាញអំពីការបញ្ចេញឧស្ម័នកាបូនដែលអ្នកគួរជៀសវាង។ កម្មវិធីនេះក៏នឹងដាស់តឿនអ្នក ពេលដែលអ្នកត្រូវការបញ្ចូលថាមពល។
ប្រព័ន្ធបញ្ចូលថាមពលរបស់វាគឺ 6.6 គីឡូវ៉ាត់ ដែលប្រើប្រាស់ពេលបញ្ចូលថាមពលរយៈពេល 3 ម៉ោង។

អត្ថបទអ្នកចង់អាន

  • បញ្ហាពោងខ្យល់របស់ Mazda CX-5 SUV 2018

    ដោយ: ដួងច័ន្ទ 2 PM, Friday, 20 Jul, 2018
    ខណៈដែលរថយន្តមួយចំនួននៅក្នុងទីផ្សារនាពេលបច្ចុប្បន្នកំពុងទទួលបានការកោតសរសើរខ្លាំង មានរថយន្តមួយចំនួនទៀត កំពុងប្រឈមនឹងបញ្ហា ហើយក៏កំពុងត្រូវបានក្រុមហ៊ុនផលិតកោះហៅត្រឡប់ចូលមករោងចក្រវិញផងដែរ។ ក្នុងចំណោមរថយន្តកំពុងមានបញ្ហាទាំងនោះ ក៏មា...
  • សញ្ញាដាស់តឿនត្រូវផ្លាស់ប្តូរប្រេងម៉ាស៊ីនរថយន្ត

    ដោយ: ដួងច័ន្ទ 8 AM, Wednesday, 08 Aug, 2018
    ការផ្លាស់ប្តូរប្រេងម៉ាស៊ីនរថយន្តជាប្រការចាំបាច់មួយដែលអ្នកត្រូវអនុវត្តជាចាំបាច់ និងទៀងទាត់។ អ្នកមិនដឹងថាតើពេលណាត្រូវផ្លាស់ប្តូរប្រេង ម៉ាស៊ីនយានយន្តរបស់អ្នកមែនទេ? សូមកុំបារម្ភ ទំនើប មានចម្លើយសម្រាប់អ្នកនៅក្នុងអត្ថបទខាងក្រោមនេះ។ ...
  • Honda បន្ថែមបច្ចេកវិទ្យាជំនួយលើរថយន្ត Honda Civ...

    ដោយ: ដួងច័ន្ទ 8 AM, Thursday, 16 Aug, 2018
    កាលពីឆ្នាំ 2014 ក្រុមហ៊ុន Honda បានបន្ថែមបច្ចេកវិទ្យា Driver-Assist ដែលមានឈ្មោះថា Sensing ទៅក្នុងម៉ូដែលរថយន្តទំនើប លំដាប់ខ្ពស់មួយចំនួន។ ប្រព័ន្ធបច្ចេកវិទ្យានេះគឺជាផ្នែកមួយនេះគម្រោងផែនការរបស់ក្រុមហ៊ុនផលិតយានយន្តដ៏ធំមួយនេះ ក្នុង...
  • រថយន្ត Van លំដាប់ខ្ពស់ទាំង 5

    ដោយ: ដួងច័ន្ទ 8 AM, Tuesday, 07 Aug, 2018
    ថ្ងៃនេះ ទំនើប សូមណែនាំប្រភេទរថយន្ត Van លំដាប់ខ្ពស់ទាំង 5 ដែលជាជម្រើសដ៏ល្អសម្រាប់ការធ្វើដំណើរកំសាន្តជាលក្ខណៈគ្រួសារ។ Ford Grand C-Max រថយន្តនេះមានកាប៊ីនអ្នកអង្គុយដ៏មានផាសុកភាព ជាមួយនឹងសម្ភារៈបំពាក់គុណភាពខ្ពស់ ដែលធ្វើឱ្យរថយន្តមួ...