ចូលចិត្តទំនើប

មុខងារថ្មីរបស់ Facebook កំណត់ការប្រើប្រាស់របស់អ្នក

ដោយ: ដួងច័ន្ទ 8 AM, Friday, 03 Aug, 2018

សម្រាប់មនុស្សមួយចំនួន ការចាកចេញពីបណ្តាញទំនាក់ទំនងសង្គមអាចជាវិធីសាស្រ្តដ៏មានប្រសិទ្ធភាពជាងគេ ដើម្បីចេញឱ្យឆ្ងាយពីការញៀននឹង
ការលេងកំសាន្តមួយប្រភេទនេះ។ ប៉ុន្តែក្រុមហ៊ុន Facebook មិនចង់បាត់បង់ចំនួនអ្នកប្រើប្រាស់ ដែលធុញទ្រាន់នឹងការលេងបណ្តាញទំនាក់ទំនង
សង្គមដ៏មានប្រជាប្រិយភាពមួយនេះឡើយ។

ដូច្នេះហើយបានជាក្រុមហ៊ុន Facebook បញ្ចេញមុខងារគ្រប់គ្រងថ្មីមួយសម្រាប់កម្មវិធីរបស់ខ្លួន ក្នុងកី្តសង្ឃឹមថាអ្នកប្រើប្រាស់អាចកំណត់ទំហំ
នៃការប្រើប្រាស់ដោយផ្ទាល់ ដោយពុំចាំបាច់បោះបង់ចោលកម្មវិធីទាំងស្រុង។

មុខងារថ្មីនេះមាន Dashboard សកម្មភាព ដែលនឹងបង្ហាញពីចំនួនពេលវេលាដែលអ្នកប្រើប្រាស់បានចំណាយក្នុងការលេង Facebook និង
Instagram គិតជាមធ្យមប្រចាំថ្ងៃ ក្នុងមួយសប្តាហ៍។ អ្នកប្រហែលជាគិតថាអ្នកគ្រាន់តែចំណាយពេល 2-3 នាទីសម្រាប់អាន Status និងមើល
រូបភាពថ្មីៗមួយចំនួន ប៉ុន្តែបើសិនជាអ្នកមានទំនោរត្រឡប់មកកាន់ Facebook សារជាថ្មីនៅរៀងរាល់ម៉ោង នោះថេរវេលាជានាទីទាំងនោះនឹងត្រូវ
បូកបន្ថែមជាបន្តបន្ទាប់។

Dashboard របស់មុខងារថ្មីនេះ មិនទាន់ល្អឥតខ្ចោះ 100% នោះទេ។ វានឹងបង្ហាញអំពីសកម្មភាពជាមធ្យមប្រចាំថ្ងៃរបស់អ្នក តែនៅលើឧបករណ៍
ជាក់លាក់មួយចំនួនប៉ុណ្ណោះ។ ប៉ុន្តែវាអាច ផ្តល់ឱ្យអ្នកនូវការត្រួតពិនិត្យដ៏មានសារៈសំខាន់យ៉ាងពិតប្រាកដ។ នៅពេលដែលអ្នកបានដឹងថាអ្នកបាន
ចំណាយពេលជាច្រើននៅលើបណ្តាញទំនាក់ទំនងសង្គម អ្នកអាចប្រើប្រាស់មុខងារដទៃទៀតរបស់ Facebook ដើម្បីទប់ស្កាត់ជម្ងឺញៀនដែលកំពុង
រីកលូតលាស់នេះបាន។

មុខងារមួយក្នុងចំណោមមុខងារទាំងនោះ នឹងផ្តល់ឱ្យអ្នកនូវវិធីសម្រាប់កំណត់ពេលវេលានៃការប្រើប្រាស់ Facebook និង Instagram។ ឧទាហរណ៍ថា
បើសិនជាអ្នកគ្រាន់តែចង់ឱ្យខ្លួនអ្នកប្រើប្រាស់ Facebook ឬ Instagram ត្រឹមតែមួយម៉ោងក្នុងមួយថ្ងៃ អ្នកគ្រាន់តែកំណត់ពេលវេលាតាមតម្រូវការរបស់អ្នក ហើយអ្នកនឹងទទួលបានការជូនដំណឹងនៅពេលអ្នកទៅដល់ដែនកំណត់។ អ្នកក៏អាចបិទសម្លេងនៃការជូនដំណឹង នៅក្នុងផ្ទាំង Your Activity ថ្មី ដែលជួយទប់ស្កាត់ការជូនដំណឹងលេចឡើងនៅលើអេក្រង់ចាក់សោររបស់អ្នកបាន។

ក្រុមហ៊ុន Facebook បង្កើតមុខងារទាំងនេះឡើងដោយមានកិច្ចសហការជាមួយអ្នកជំនាញ និងអង្គការ ផ្នែកសុខភាពខួរក្បាលជាច្រើន។
ក្រុមហ៊ុន Facebook សង្ឃឹមថា ពួកគេអាចផ្តល់ឱ្យអ្នកប្រើប្រាស់នូវការគ្រប់គ្រងកាន់តែច្រើនលើពេលវេលាដែលពួកគេចំណាយនៅលើ
បណ្តាញទំនាក់ទំនងសង្គមរបស់ក្រុមហ៊ុន និងជំរុញកិច្ចសន្ទនារវាងមាតាបិតា និងកូនៗអំពីចំណូលចិត្តលើប្រព័ន្ធ Online ដែលសមស្រប
សម្រាប់ពួកគេ។ Facebook លើកឡើងថា មុខងារថ្មីនេះនឹង ចេញដំណើរការក្នុងពេលឆាប់ៗ ប៉ុន្តែមិនបានបញ្ជាក់ថានៅពេលណា និងទីណាឡើយ។

នៅពេលមុខងារថ្មីនេះដំណើរការ អ្នកអាចប្រើប្រាស់វាបានដោយចូលទៅកាន់ Setting ហើយវាស្ថិតនៅក្រោម Your Activity សម្រាប់កម្មវិធី Instagram
និង Your Time on Facebook សម្រាប់កម្មវិធី Facebook៕

អត្ថបទអ្នកចង់អាន

  • Instagram កំពុងធ្វើតេស្តមុខងារថ្មី

    ដោយ: ដួងច័ន្ទ 8 AM, Tuesday, 16 Oct, 2018
    កម្មវិធីបណ្តាញទំនាក់ទំនងសង្គមដ៏ពេញនិយម Instagram កំពុងធ្វើតេស្តមុខងារថ្មី ដែលជួយជំរុញមុខងាររូបថតកាន់តែងាយស្រួល និងទំនើប ដោយគ្រាន់តែចុចនៅលើ Post ដូចដែលអ្នកធ្វើនៅលើ Stories។ នេះជាព័ត៌មានដែល ទំនើប ទទួលបានពីគេហទំព័រ TechCrunch។ មុ...
  • YouTube បន្ថែមមុខងារ HDR សម្រាប់ iPhone ថ្មី

    ដោយ: ដួងច័ន្ទ 8 AM, Tuesday, 16 Oct, 2018
    ក្រុមហ៊ុន Apple ប្រហែលជាមិនប្រើប្រាស់កូដ ដែលក្រុមហ៊ុន YouTube ចង់បានឡើយ ប៉ុន្តែនេះមិនមានន័យថាអ្នកនឹងត្រូវទទួលបទពិសោធន៍ទស្សនាវីដេអូលំដាប់ទីពីរនៅលើទូរសព្ទ iPhone ជំនាន់ចុងក្រោយឡើយ។ គេហទំព័រ AppleInsider បានឱ្យយើងដឹងថា YouTube បា...
  • ក្រុមហ៊ុន LG សហការជាមួយ LPGA ក្នុងនាមជាអ្នកតំណា...

    ដោយ: ភារុន 9 AM, Tuesday, 02 Oct, 2018
    ក្រុមហ៊ុន LG អេឡិចត្រូនិចដ៏ធំរបស់ប្រទេសកូរ៉េខាងត្បូងមួយនេះ ត្រូវបានគេកត់សម្គាល់ឃើញថាគឺជាឆ្នាំទី 2 របស់ខ្លួនហើយ ដែលបានធ្វើជាដៃគូសហការជាលក្ខណៈផ្លូវការនៅក្នុងព្រឹត្តិការណ៍ប្រកួតកីឡាវាយកូនហ្គោល EVIAN 2018។ លើសពីនេះនៅក្នុងព្រឹត្តិកា...
  • កម្មវិធីថ្មី! 3D Photo នៅលើ Facebook

    ដោយ: ដួងច័ន្ទ 8 AM, Wednesday, 17 Oct, 2018
    កាលពីខែឧសភាកន្លងទៅ ក្នុងអំឡុងពេលសន្និបាត F8 ក្រុមហ៊ុន Facebook បានប្រកាសថាក្រុមហ៊ុនបាននឹងកំពុងដំណើរការនៅលមុខងារមួយ ដែលអាចនាំយករូបភាព 2D ធម្មតា និងធ្វើឱ្យវាមានលក្ខណៈដូចជារូបភាព 3D នៅពេលវាត្រូវបាន Post នៅក្នុង News Feed។ នាពេលនេះ...