ចូលចិត្តទំនើប

Intel’s Vaunt Glasses បច្ចេកវិទ្យាឡូយកប់!

ដោយ: Belle 8 PM, Tuesday, 20 Mar, 2018

ខណៈដែល Smart Glasses បានបាត់មុខពីពិភពបច្ចេកវិទ្យាមួយរយៈ ក្រុមហ៊ុន Intel កំពុងផ្ដួចផ្ដើមផលិត Smart Glasses ជំនាន់ថ្មី ជាមួយនឹងមុខងារអស្ចារ្យ ដែលមិនធ្លាប់មានពីមុនមក។ ថ្ងៃនេះ ទំនើប សូមនាំអារម្មណ៍អ្នកមកស្វែងយល់ ពីចំនុចអស្ចារ្យទាំងអស់របស់ Intel’s Vaunt Glasses ។

Smart Glasses នេះ ត្រូវបានឃើញជាលើកដំបូងដោយវេបសាយ The Verge ហើយវាមានលក្ខណៈដូចគ្នាទៅនឹងវ៉ែនតាធម្មតា។ លក្ខណៈសម្បត្តិទាក់ទាញបំផុតរបស់ Intel’s Vaunt Glasses គឺវាមានដង និងស៊ុមប្លាស្ទិចដ៏សាមញ្ញ ដូចវ៉ែនតាមីញ៉ូមដែលយើងពាក់ទូទៅ ហើយមានទម្ងន់ស្រាលត្រឹមតែ 50 ក្រាមប៉ុណ្ណោះ។ នៅខាងក្នុងដងវ៉ែនតាមានបំពាក់ Laser, Processor, Accelerometer និង Bluetooth Chip ក៏ដូចជាត្រីវិស័យផងដែរ។

vauntintel-glass-shop_phnom_penh_cambodia_tomnerb-01

ឡាស៊ែររបស់វា មានកម្រិតទាបបំផុត ដែលមិនបញ្ចេញពន្លឺមកខាងក្រៅ ឲ្យមនុស្សជុំវិញអ្នកដឺងថានេះគឺ Smart Glasses នោះឡើយ។ រាល់ព័ត៌ទាំងអស់ នឹងបង្ហាញតាមរយៈរូបភាព Monochrome ពណ៌ក្រហមនៅពីមុខកែវភ្នែករបស់អ្នកក្នុងទំហំ 400 x 150 pixel ដោយមិនបាច់ខំប្រឹងសម្លឹងមើល រូបភាពលេចច្បាស់នៅនឹងភ្នែកតែម្ដង។ Intel’s Vaunt Glasses នឹងប្រាប់អ្នកពីថ្ងៃខួបកំណើតរបស់នរណាម្នាក់ផ្ញើរ Notification បន្តពីទូរស័ព្ទមកនៅចំពោះមុខអ្នក និងតាមដានដឹងពីទីតាំងរបស់អ្នក។ ប្រសិនបើអ្នកស្ថិតនៅក្នុងផ្ទះបាយ វានឹងបង្ហាញរូបមន្តធ្វើម្ហូបឲ្យអ្នកបានឃើញផងដែរ។

vauntintel-glass-shop_phnom_penh_cambodia_tomnerb-02

Intel’s Vaunt Glassess នឹងក្លាយជា Smart Glasses ដំបូង អាចបញ្ជាបាន តាមរយៈកាយវិការរបស់មនុស្ស ដូចជាការងក់ក្បាល ព្រោះគេត្រៀមបំពាក់វាជាមួយមីក្រូហ្វូន និងជំនួយការដ៏ឈ្លាសវៃដូចជា Alexa ឬក៏ Siri។ Intel មានបំណងចង់ឲ្យសមិទ្ធិផលរបស់ខ្លួន ផ្ដល់ទាំងភាពងាយស្រួល និងសាមញ្ញបំផុត ស្របតាមបរិបទរស់នៅរបស់មនុស្ស។

ទោះជាយ៉ាងណាក៏ដោយ គម្រោងក្នុងការផលិត Smart Glasses នេះស្ថិតនៅក្នុងដំណាក់កាលដំបូងនៅឡើយ ទំនើប សង្ឃឹមថាវានឹងចេញលក់ក្នុងពេលឆាប់ៗនេះ។

vauntintel-glass-shop_phnom_penh_cambodia_tomnerb-03

អត្ថបទអ្នកចង់អាន

  • កូនសោរសុវត្ថិភាពរបស់ Google

    ដោយ: ដួងច័ន្ទ 9 AM, Tuesday, 21 Aug, 2018
    កាលពីពេលថ្មីៗនេះ ក្រុមហ៊ុន Google បានធ្វើការបង្ហាញថាក្រុមហ៊ុនបានបញ្ចប់ការវាយប្រហារពីការលួចបន្លំពីបុគ្គលិកជាង 85,000 នាក់បានយ៉ាង ពេញលេញ ដោយឱ្យពួកគេប្រើប្រាស់សោរសុវត្ថិភាព។ សោរសុវត្ថិភាពថ្មីនេះ គឺជាឧបករណ៍ USB តូចមួយដែលអាចគ្រប់គ្រ...
  • អ្វីជាលក្ខណៈពិសេសរបស់ឧបករណ៍បញ្ជារ PS4

    ដោយ: ដួងច័ន្ទ 9 AM, Monday, 27 Aug, 2018
    បើសិនជាអ្នកកំពុងស្វែងរកឧបករណ៍បញ្ជារថ្មី PDP សម្រាប់ប្រើប្រាស់ជាមួយម៉ាស៊ីន PS4 អ្នកកំពុងតែជួបនឹងសំណាងហើយ ព្រោះម៉ូដែលថ្មី ទើបនឹងចេញក្តៅៗនាពេលថ្មីៗនេះ។ ឧបករណ៍បញ្ជារថ្មីនេះប្រើប្រាស់បច្ចេកវិទ្យា Cloud ដ៏ទំនើប ដើម្បីចាប់យកសញ្ញាដោយស...
  • Google បញ្ជាក់ថានឹងមិនចេញលក់ Smartwatch ថ្មីទេ

    ដោយ: ដួងច័ន្ទ 8 AM, Wednesday, 05 Sep, 2018
    ព័ត៌មានចចាមអារ៉ាមអស់ពេលជាយូរ បានផ្តោតលើការរៀបចំបញ្ចេញលក់ Smartwatch ថ្មី ពីក្រុមហ៊ុន Google ក្នុងឆ្នាំ 2018។ ប៉ុន្តែព័ត៌មានទាំងនោះមិនមានអាចក្លាយជាការពិតឡើយ ហើយអ្នកក៏នឹងមិនបានឃើញ Pixel Watch នៅតាមបណ្តាទីផ្សារនៅក្នុងពេលឆាប់ៗនេះដែ...
  • yes seatel ក្រុមហ៊ុនទូរគមនាគមន៍ដែលផ្តល់ 4G Xper...

    ដោយ: ទំនើប 4 PM, Saturday, 15 Sep, 2018
    ភ្នំពេញ ថ្ងៃទី ១២ ខែ កញ្ញា ឆ្នាំ ២០១៨ seatel ដែលជាអ្នកផ្តល់សេវាកម្មឌីជីថលដំបូងនិងតែមួយគត់ នៅក្នុងប្រទេសកម្ពុជា កំពុងអបអរសាទរនូវជំហានដ៏សំខាន់មួយ នៅក្នុងការផ្លាស់ប្តូរថ្មីនៃអត្តសញ្ញាណសាជីវកម្មរបស់ខ្លួន ជាមួយនឹងកែលម្អគម្រោង yes se...