ចូលចិត្តទំនើប

ប៉ាតង់ Apple Watch ថ្មី បង្ហាញចំណុចពិសេសពីរ

ដោយ: ដួងច័ន្ទ 9 PM, Saturday, 17 Mar, 2018

ចំណុចពិសេសៗជាច្រើនអាចនឹងកើតមានឡើង សម្រាប់ផលិតផល Apple Watch។ ក្រុមហ៊ុនដែលនៅពីក្រោយផលិតផលនាឡិកាដៃ Smartwatch ដ៏ពេញនិយមបំផុតនៅក្នុងពិភពលោក កាលពីពេលថ្មីៗនេះបានបំពេញបែបបទ សម្រាប់ស្នើសុំប័ណ្ណប៉ាតង់ថ្មី បានបង្ហាញពីចំណុច ពិសេសថ្មីចំនួន 2 ដែលមិនទាន់មាននៅលើឧបករណ៍នេះ នៅឡើយទេក្នុងពេលបច្ចុប្បន្ន។

នេះក៏ជាសញ្ញាមួយទៀតបង្ហាញថា ក្រុមហ៊ុន Apple បន្តសម្លឹងឃើញថាឧបករណ៍ពាក់ជាប់ខ្លួន អាចជាវិធីសាស្រ្តស្វែងរកប្រាក់ចំណូលបាន ទោះបីជាផ្នែកដទៃទៀតនៅក្នុងឧស្សាហកម្មនេះកំពុង ពុះពារ ដើម្បីទទួលបានសន្ទុះខ្លាំងក្លានៅក្នុងទីផ្សារក្តី។

Apple-Watch-Series-3-with-LTE_accessories_shop_cambodia_tomnerb-02

ក្រុមហ៊ុន Apple អាចនឹងចង់ធ្វើការអភិវឌ្ឍន៍សម្បករបស់ផលិតផលនាឡិកា Smartwatch របស់ខ្លួន ប៉ុន្តែប្រហែលជាមិននៅក្នុងវិធីសាស្រ្ត ដែលអ្នកកំពុងគិតទេ។ ប័ណ្ណប៉ាតង់ថ្មីនេះមិនបានសម្តៅទៅលើសម្បក ដូចដែលមាននៅលើតួរបស់ Apple Watch សម្រាប់បំពេញមុខងារជាអេក្រង់នាឡិកា និងជាកន្លែងរក្សាទុកសមាសភាពនានាទេ។ នេះជាការច្នៃប្រឌិតសម្បកនាឡិកាដែលអាចរក្សាទុក និងបញ្ចូលថាមពលទៅឱ្យ Apple Watch។

បន្ថែមលើនេះ មានចំណុចជាច្រើនទៀតដែលនាឡិកា Apple Watch ធ្វើការភ្ជាប់ទៅកាន់សម្បក ដែលអាចបញ្ចូលថាមពលបាន។ នៅក្នុងប័ណ្ណប៉ាតង់បានបង្ហាញផងដែរ អំពីខ្សែនាឡិកា។ នេះជា ចំណុចពិសេសបន្ថែមថ្មីមួយដែលអាចប្រើប្រាស់ សម្រាប់ខ្សែនាឡិកាដ៏ឆ្លាតវៃបំពេញតួនាទីដ៏ពិសេសណាមួយ។

Apple-Watch-Series-3-with-LTE_accessories_shop_cambodia_tomnerb-04

កាលពីចុងឆ្នាំ 2017 ក្រុមហ៊ុន Apple បានបញ្ចេញប័ណ្ណប៉ាតង់មួយ សម្រាប់ខ្សែនាឡិកាដែលអាច ដោះដូរផ្លាស់ប្តូរបានដោយខ្លួនឯង។ ខ្សែនាឡិកាទាំងនោះ មានសមត្ថភាពតម្រូវតាមកដៃរបស់អ្នក ប្រើប្រាស់ដោយស្វ័យប្រវត្តិ ឬអាចកែតម្រូវបញ្ជារដោយដៃពីក្នុង Smartwatch បាន។ យ៉ាងណាមិញ ការអនុវត្តដ៏ពិសេសនេះមិនត្រូវបានជ្រើសយកមកប្រើប្រាស់ទេ។ ប៉ុន្តែប័ណ្ណប៉ាតង់បានបង្ហាញអំពីវិធីសាស្រ្តខុសៗគ្នាជាច្រើន ដើម្បីសម្រេចបានការកែតម្រូវខ្សែនាឡិកា នៅលើនាឡិកា Apple Watch។

ការបំពេញបែបបទប័ណ្ណប៉ាតង់ថ្មី បានរំលឹកយើងទាំងអស់គ្នាអំពីប្រអប់របស់ AirPods។ បន្ថែមលើមុខងាររក្សាទុក និងការពារកាសស្តាប់គ្មានខ្សែ វាជាប្រអប់ដែលផ្តល់នូវថាមពលពីរន្ធអគ្គិសនី ជាប់ជញ្ជាំង ឬបន្ទះសាកថ្មគ្មានខ្សែ។ អាស្រ័យលើអ្វីដែលយើងបានឃើញ នៅក្នុងរូបវិភាគនេះ ផលិតផល Apple Watch អាចនឹងផ្តល់នូវអត្ថប្រយោជន៍ស្រដៀងគ្នានេះដែរ។

Apple-Watch-Series-3-with-LTE_accessories_shop_cambodia_tomnerb-06

អ្វីដែលយើងមិនបានដឹង គឺទំហំរបស់សម្បក Apple Watch។ ប័ណ្ណប៉ាតង់នេះមិនបានចង្អុលបង្ហាញ ឬផ្តល់តម្រុយទាក់ទងនឹងទំហំនោះទេ ដូច្នេះយើងប្រហែលជាត្រូវរងចាំបន្តិចទៀត ដើម្បីទទួលបានព័ត៌មានលម្អិតបន្ថែមទៀត។ យើងសង្ឃឹមថាក្រុមហ៊ុន Apple នឹងផលិតវាក្នុងទំហំតូចល្មម ដូច្នេះម្ចាស់នាឡិកា Apple Watch អាចប្រើប្រាស់ Smartwatch របស់ពួកគេដោយធ្វើការបញ្ចូលថាមពលបាន គ្រប់ពេលវេលា គ្រប់ទីកន្លែង។

Apple-Watch-Series-3-with-LTE_accessories_shop_cambodia_tomnerb-03

អត្ថបទអ្នកចង់អាន

  • Smartwatch ថ្មីរបស់ Skagen ពិសេសយ៉ាងណា?

    ដោយ: ដួងច័ន្ទ 8 AM, Wednesday, 05 Sep, 2018
    នេះប្រហែលជា Smartwatch ដែលអ្នកកំពុងរងចាំ។ ថ្វីត្បិតអ្នកមិនទាន់មានឱកាសកាន់នាឡិកា Skagen Falster 2 នៅក្នុងដៃក្តី ប៉ុន្តែរូបរាងរបស់វាប្រហែលជាទាក់ទាញអារម្មណ៍របស់អ្នក បាន។ នាឡិកាមួយនេះរចនាម៉ូដបែប Minimalist និងមានលក្ខណៈច្បាស់លាស់ ...
  • Smartwatch ថ្មីរបស់ Garmin បន្ថែមមុខងារថ្មី

    ដោយ: ដួងច័ន្ទ 8 AM, Monday, 10 Sep, 2018
    បច្ចុប្បន្ននេះ នាឡិកាដៃ Fitness របស់ Garmin ដែលមានសមត្ថភាពអាចប្រគុំតន្រ្តីបាន អាចប្រើប្រាស់សម្រាប់ចូលទៅកាន់ iHeartRadio។ ប៉ុន្តែឥឡូវនេះអ្នកអាចទទួលបានការប្រើប្រាស់សេវាកម្មកាន់តែប្រសើរឡើង ដូចជាការប្រើប្រាស់សេវាកម្មតន្រ្តីរបស់ Dee...
  • Apple បង្ហាញជាផ្លូវការនៅ iPhone ថ្មី​របស់​ខ្លួន...

    ដោយ: ទំនើប 10 AM, Thursday, 13 Sep, 2018
    ព្រឹត្តិការណ៍ iPhone ប្រចាំឆ្នាំ 2018 របស់ក្រុមហ៊ុន Apple បានចេញមកហើយ ពិតណាស់ក្រុមហ៊ុនបានប្រកាសអំពីទូរស័ព្ទ iPhone ស៊េរីថ្មីៗដែលមានដូចជា iPhone Xs និង iPhone Xs Max ដែលម៉ូដែលថ្មីទាំងពីរនេះមានអេក្រង់ទំហំ 6.5-inch។ ហើយទាំងពីរម៉ូដ...
  • Galaxy Watch ដ៏ទាន់សម័យ

    ដោយ: ដួងច័ន្ទ 9 AM, Wednesday, 15 Aug, 2018
    កាលពីប៉ុន្មានថ្ងៃកន្លងទៅនេះ ក្រុមហ៊ុន Samsung បានធ្វើការបង្ហាញពីផលិតផល Galaxy Watch ដែលមានជម្រើស 2 ទំហំ។ ជម្រើសទីមួយមានទំហំ 42 មីលីម៉ែត្រ ដាក់លក់ក្នុងតម្លៃ $330 និងជម្រើសទី 2 មានទំហំ 46 មីលីម៉ែត្រ មានតម្លៃ $350។ ម៉ូដែលទំហំ 46...