ចូលចិត្តទំនើប

ជម្រើសស្រោម iPad Pro 10.5

ដោយ: ដួងច័ន្ទ 9 PM, Saturday, 17 Mar, 2018

ស្រោមការពារមិនមែន មានសម្រាប់តែទូរសព្ទដៃប៉ុណ្ណោះទេ។ ផលិតផលជាច្រើនជម្រើសមានលក់ នៅក្នុងទីផ្សាសម្រាប់ផលិតផល iPad Pro របស់ Apple ដែលអ្នកអាចស្វែងរក តាមចំណូលចិត្តរបស់អ្នកបាន។ បើសិនជាអ្នកពិបាកសម្រេចចិត្ត ក្នុងការជ្រើសរើស សូមអនុញ្ញាតឱ្យ ទំនើប ជួយស្វែងរកចម្លើយដ៏ល្អសក្តិសមនឹងអ្នក ដូចមានក្នុងអត្ថបទខាងក្រោម ដែលមានជម្រើសស្រោមការពារ សម្រាប់ iPad Pro 10.5 ។

EasyAcc Crystal Clear
ម៉ាកសញ្ញា EasyAcc មិនមែនមានតែឧបករណ៍សាកថ្ម ថ្ម និងឧបករណ៍បំពងសម្លេងប៉ុណ្ណោះទេ។ នេះជាម៉ាកសញ្ញាដែលផលិតសម្ភារៈ សម្រាប់ជំនួយទូរសព្ទដៃជាច្រើនប្រភេទ រួមទាំងស្រោមការពារ។ នេះជាជម្រើសស្រោមការពារប្រភេទថ្លា សម្រាប់ iPad Pro។ ដោយវាជាប្រភេទស្រោមថ្លា នោះរូបរាង iPad របស់នៅតែរក្សាទម្រង់ដើមដដែល ដែលនេះអាចជាអ្វីដែលអ្នកចង់បានបន្ទាប់ពីបានចំណាយថវិកាខ្ទង់រយដុល្លារ។ ស្រោមការពារនេះផលិតពីផ្លាស្ទិច Thermoplastic Polyurethane ដែលជាប្រភេទកៅស៊ូគុណភាពខ្ពស់។ វាផ្តល់នូវការការពារ និងរក្សាបាននូវរូបរាង របស់ iPad ។

aipp105-easyacc-case_accessories_phone_cambodia-tomnerb-01
Apple Smart Cover
សម្បកការពារប្រភេទ Smart Cover ជាផលិតផលសម្រាប់អតិថិជន Apple ដែលចង់បានជំនឿចិត្តខ្ពស់។ វាមិនមានតម្លៃខ្ពស់ពេកទេ ហើយអ្នកនឹងទទួលបាន មុខងារបន្ថែមផងដែរ។ វាមានជម្រើស 8 ពណ៌សម្រាប់អ្នកជ្រើសរើស។ វាគ្របដណ្តប់ផ្នែកខាងមុខ iPad Pro ខណៈដែលវាផ្តល់នូវជម្រើសប្រើប្រាស់ច្រើនទម្រង់។ អ្នកអាចដាក់ iPad Pro បញ្ឈរសម្រាប់ការទស្សនាបានកាន់តែប្រសើរ ឬងើបឡើងផុតពីផ្ទៃរាបបន្តិច ដើម្បីងាយស្រួលក្នុងការវាយអត្ថបទ។

aipp105-easyacc-case_accessories_phone_cambodia-tomnerb-02
SUPCASE Unicorn Beetle Pro
នេះជាស្រោមការពារ ដែលផ្តល់ការការពារបានពេញលេញសម្រាប់ Tablet របស់អ្នកនៅពេលមានការប៉ះទង្គិចខ្លាំង។ វាក៏ផ្តល់នូវការរចនារូបរាងដ៏រឹងមាំ ជាមួយជើងទម្រ ព្រមទាំងមានកញ្ចក់ការពារ អេក្រង់ភ្ជាប់មករួចជាស្រេច។ វាផ្តល់នូវការប្រើប្រាស់បានយូរអង្វែង ដោយវាប្រើប្រាស់ការរចនាស្រោមពីរស្រទាប់ ដើម្បីទប់ទល់នឹងការប៉ះទង្គិច និងធន់នឹងការកោសកកិត។

aipp105-easyacc-case_accessories_phone_cambodia-tomnerb-03

KHOMO Padfolio
iPad Pro ជាផលិតផលដែលស្ថិតនៅចន្លោះ Laptop និង Tablet ដូច្នេះអ្នកគួរជ្រើសរើសស្រោមការពារ ដែលអាចឱ្យវាបំពេញមុខងារបានកាន់តែងាយស្រួល។ ស្រោមការពារមួយប្រភេទនេះ ធ្វើឡើងពីស្បែក និងរក្សា iPad Pro ទុកក្នុងស្រោមការពារជាមួយនឹង សៀវភៅកត់ត្រា និងហោប៉ៅជាច្រើនទៀត។ វាប្រែក្លាយសម្បកការពារទៅជាកូនកាបូប ដោយសារអ្នកអាចទុកក្រដាសសរសេរ នាមប័ណ្ណ ប៊ិចសរសេរ។ល។ ជាមួយជម្រើសស្រោមការពារមួយនេះ អ្នកនឹងអាចការទុកដាក់ សម្ភារៈនានាបានយ៉ាងងាយស្រួល ដោយមិនចាំបាច់ប្រើប្រាស់កាបូបច្រើន។

aipp105-easyacc-case_accessories_phone_cambodia-tomnerb-04

Apple Leather Sleeve
នេះជាស្រោមការពារដែលអាចការពារ Tablet របស់អ្នក នៅពេលអ្នកទុកដាក់វា ប៉ុន្តែមិនមែនសម្រាប់នៅពេលប្រើប្រាស់ទេ។ វាប្រៀបដូចជា កាបូបជាជាងស្រោមការពារ។ វាមានអត្ថប្រយោជន៍បន្ថែម នៅពេលដែលអ្នកមាន Apple Pencil ដោយអ្នកអាចទុកប៊ិច Stylus មួយប្រភេទនេះបាននៅក្នុងទំពក់ នៅផ្នែកខាងលើក្បែរកន្លែងបើកស្រោមការពារ។

aipp105-easyacc-case_accessories_phone_cambodia-tomnerb-05
MoKo Shell Stand Cover
នេះជាជម្រើសស្រោមការពារ ដែលអាចការពារបានទាំងខាងមុខ និងខាងក្រោយ ហើយវាដើរតួនាទីជាជើងទម្រផងដែរ។ វាមិនដូចជាស្រោមប្រភេទ Smart Cover ទេ ដោយវាជាស្រោមការពារមានតួនាទីពីរ។ វាមានគម្របសម្រាប់ការពារអេក្រង់ iPad ដែលអាចដើរតួជាជើងទម្រ ហើយក៏មានសម្បកដ៏រឹងមាំ សម្រាប់ការពារតួ iPad ផងដែរ។

aipp105-easyacc-case_accessories_phone_cambodia-tomnerb-06

អត្ថបទអ្នកចង់អាន

  • Crayon សម្រាប់ iPad ចេញលក់ឆាប់ៗនេះហើយ

    ដោយ: ដួងច័ន្ទ 9 AM, Monday, 10 Sep, 2018
    Crayon របស់ក្រុមហ៊ុន Logitech គឺជាសុបិន្តរបស់ម្ចាស់ iPad ស៊េរីឆ្នាំ 2018 ដែលមានបំណងចង់ប្រើប្រាស់ប៊ិច Stylus ដោយមិនចាំបាច់ចំណាយថវិកាដ៏ច្រើនសម្រាប់ Pencil របស់ Apple ឡើយ។ មកដល់ពេលនេះអ្នកនឹងមិនចាំបាច់ទន្ទឹងរងចាំទៀតទេ ព្រោះក្រុមហ...
  • Facebook កំពុងសាកល្បងមុខងារថ្មី

    ដោយ: ដួងច័ន្ទ 9 AM, Monday, 16 Jul, 2018
    Facebook បច្ចុប្បន្ននេះកំពុងដាក់សាកល្បងមុខងារថ្មីសម្រាប់ Messenger ដែលអាចកំណត់អត្តសញ្ញាណគណនេយ្យសង្ស័យ ដែលផ្ញើសារមិនសមរម្យ ដោយផ្ទាល់ទៅកាន់អ្នកប្រើប្រាស់ណាម្នាក់ ដោយអនុញ្ញាតឱ្យអ្នកប្រើប្រាស់ដឹងអំពីប្រទេសដើមរបស់គណនេយ្យសង្ស័យនេះ តា...
  • ជម្រើសជំនួស AirPods ទាំង 6

    ដោយ: ដួងច័ន្ទ 9 AM, Tuesday, 24 Jul, 2018
    ផលិតផល AirPods របស់ Apple បានទទួលប្រជាប្រិយភាពខ្ពស់ ក្នុងនាមជាកាសត្រចៀកគ្មានខ្សែពិតប្រាកដ ជាមួយនឹងការភ្ជាប់ដ៏ងាយស្រួល ការបញ្ជារដោយការប៉ះ និងថាមពលប្រើប្រាស់រយៈពេលវែង។ ប៉ុន្តែនេះមិនមែនមានន័យថាវាជាកាសត្រចៀកគ្មានខ្សែតែមួយនៅក្នុងទី...
  • ការវិវត្តថ្មីនៃផលិតផលរបស់ Apple

    ដោយ: ដួងច័ន្ទ 9 AM, Friday, 27 Jul, 2018
    ក្រុមហ៊ុន Apple បាននឹងកំពុងពង្រឹងសមត្ថភាពកាន់តែខ្លាំងឡើង សម្រាប់ផលិតផលឧបករណ៍សម្លេង ហើយយោងតាមសេចក្តីរាយការណ៍ ថ្មីៗនេះរបស់ Bloomberg បានបញ្ជាក់ថាក្រុមហ៊ុន Apple មានគម្រោងចេញលក់ផលិតផល AirPods លំដាប់ខ្ពស់ ផលិតផល HomePod ថ្មី និងកាស...