ចូលចិត្តទំនើប

Huawei Watch 3 មិនទាន់កំណត់ពេលវេលា ចេញលក់ទេ

ដោយ: ដួងច័ន្ទ 9 PM, Saturday, 17 Mar, 2018

ក្រុមហ៊ុន Huawei បានបញ្ជាក់ថាក្រុមហ៊ុន មានគម្រោងបញ្ចេញផលិតផលនាឡិកា Smartwatch ថ្មី។ វានឹងត្រូវបំពាក់ជាមួយប្រព័ន្ធ Android Wear ប៉ុន្តែក្រុមហ៊ុនមិនទាន់បញ្ជាក់ពីកាលបរិច្ឆេទ សម្រាប់បញ្ចេញលក់នៅក្នុងទីផ្សានៅឡើយទេ ហើយប្រហែលជាយើងមិនរំពឹងថា វានឹងមានវត្តមានក្នុងពេលឆាប់ៗនេះទេ។ ខណៈកំពុងបកស្រាយអំពីដំណើរការ នៃការអភិវឌ្ឍន៍ផលិតផលថ្មីនេះ ក្រុមហ៊ុន Huawei បានបន្ថែមភ្លាមៗអំពីផែនការបន្ទាន់ ដែលមិនមានរួមបញ្ចូលនូវផលិតផល ពាក់ជាប់ខ្លួននោះទេ។

នេះអាចជាកត្តាផ្តល់ឱ្យ Android Wear នូវការជំរុញដ៏ចាំបាច់មួយពីម៉ាកសញ្ញាដ៏ល្បីឈ្មោះមួយ។ ឋានៈរបស់ប្រព័ន្ធ Android Wear នៅមិនទាន់ច្បាស់លាស់នៅឡើយទេ ប៉ុន្តែមានកត្តាមួយចំនួន ទំនងជាការបេជ្ញាចិត្តរួចជាស្រេចហើយពីក្រុមហ៊ុនដ៏មានឥទ្ធិពលជាច្រើន។ ប៉ុន្តែចំនួនភាគច្រើននៃក្រុមហ៊ុនទាំងនោះគឺជាម៉ាកសញ្ញានៃផលិតផល Fashion ដែលមានទិសដៅផ្តោតលើអតិថិជនជាក់លាក់មួយ។

Huawei-watch-hands-on-150_watch_shop_cambodia-tomnerb-01

បើសិនជាក្រុមហ៊ុន Huawei សម្រេចចិត្តផ្តល់ការគាំទ្រ នៅពីក្រោយផលិតផល Google ជាថ្មីម្តង ទៀត ក្រុមហ៊ុនអាចទាក់ទាញបានចំណាប់អារម្មណ៍មួយចំនួន ហើយនាំឱ្យក្រុមហ៊ុនដទៃទៀតយកគំរូតាម។

លោក Richard Yu បានថ្លែងបា្រប់គេហទំព័រ TechRadar ថា «ផលិតផលថ្មីនេះនឹងមានវត្តមាននៅពេលក្រោយ ក្រុមហ៊ុនមិនតក់ក្រហល់ទេ ព្រោះផលិតផល Huawei Watch 2 ទទួលបានលទ្ធផលល្អបង្គួរ។ ក្រុមហ៊ុនមិនប្រញាប់ប្រញាលទេ ដូច្នេះយើងនឹងបញ្ចេញផលិតផល Smartwatch ថ្មីនេះនៅពេលក្រោយ»។

សេចក្តីថ្លែងការណ៍នេះហាក់ដូចជា ផ្ទុយទៅនឹងព័ត៌មានដែលយើងទទួលបាន កាលពីឆ្នាំមុន នៅពេលដែលផលិតផល Smartwatch បច្ចុប្បន្នបង្ហាញវត្តមាននៅក្នុងទីផ្សារ។ ប្រភពមួយបានបង្ហើបថា បន្ថែមលើការផ្សព្វផ្សាយដែលមិនបានបង្ហាញ ពីលទ្ធផលវិជ្ជមាននៃការពិនិត្យលើផលិត ផលនេះ អ្នកប្រើប្រាស់បានបង្ហាញពីចំណាប់អារម្មណ៍ ទៅលើផលិតផល Huawei Watch 2។ នៅពេលវាមានវត្តមាននៅលើទីផ្សារ វាបានចាប់ផ្តើមដោយស្ងប់ស្ងាត់ និងគ្មានភាពភ្ញាក់ផ្អើលសោះ។

ទោះជាយ៉ាងណា យើងនឹងមិនរំពឹងថាបានឃើញ Huawei Watch 3 បង្ហាញវត្តមានរួមគ្នាជាមួយ ទូរសព្ទ P20 នៅពេលឆាប់ៗខាងមុខនេះទេ។ វាទំនងដូចជានឹងបង្ហាញវត្តមាននៅចុងឆ្នាំនេះ ឬពន្យារដល់ដើមឆ្នាំ 2019 ដែលក្រុមហ៊ុន Huawei សម្រេចចិត្តប្រកាសពីផលិតផល Smartwatch ថ្មី។

Huawei-watch-hands-on-150_watch_shop_cambodia-tomnerb-02

អត្ថបទអ្នកចង់អាន

  • នៅក្នុងព្រឹត្តិការណ៍ Apple ថ្ងៃទី 12 ខែ កញ្ញា ឆ...

    ដោយ: ភារុន 8 AM, Saturday, 08 Sep, 2018
    អ្វីគ្រប់យ៉ាងដែលអ្នកទាំងអស់គ្នាបានរំពឹងទុកពីព្រឹត្តិការណ៍របស់ក្រុមហ៊ុន Apple ដែលនឹងប្រព្រឹត្តទៅនៅថ្ងៃទី 12 កញ្ញា ឆ្នាំ 2018 នេះដែលអ្នកទាំងអស់គ្នាកំពុងចង់ដឹងពីឈុតទូរស័ព្ទ iPhone ស៊េរីថ្មីចុងក្រោយនៅក្នុងពិភពទូរស័ព្ទ iPhone X។ ទូរ...
  • Galaxy Watch ដ៏ទាន់សម័យ

    ដោយ: ដួងច័ន្ទ 9 AM, Wednesday, 15 Aug, 2018
    កាលពីប៉ុន្មានថ្ងៃកន្លងទៅនេះ ក្រុមហ៊ុន Samsung បានធ្វើការបង្ហាញពីផលិតផល Galaxy Watch ដែលមានជម្រើស 2 ទំហំ។ ជម្រើសទីមួយមានទំហំ 42 មីលីម៉ែត្រ ដាក់លក់ក្នុងតម្លៃ $330 និងជម្រើសទី 2 មានទំហំ 46 មីលីម៉ែត្រ មានតម្លៃ $350។ ម៉ូដែលទំហំ 46...
  • Apple បង្ហាញជាផ្លូវការនៅ iPhone ថ្មី​របស់​ខ្លួន...

    ដោយ: ទំនើប 10 AM, Thursday, 13 Sep, 2018
    ព្រឹត្តិការណ៍ iPhone ប្រចាំឆ្នាំ 2018 របស់ក្រុមហ៊ុន Apple បានចេញមកហើយ ពិតណាស់ក្រុមហ៊ុនបានប្រកាសអំពីទូរស័ព្ទ iPhone ស៊េរីថ្មីៗដែលមានដូចជា iPhone Xs និង iPhone Xs Max ដែលម៉ូដែលថ្មីទាំងពីរនេះមានអេក្រង់ទំហំ 6.5-inch។ ហើយទាំងពីរម៉ូដ...
  • នាឡិកា Apple ថ្មី បន្ថែមមុខងារសុវត្ថិភាពកាន់តែច...

    ដោយ: ដួងច័ន្ទ 8 AM, Wednesday, 19 Sep, 2018
    នាឡិកាដៃ Watch 3 បច្ចុប្បន្ននេះជាមជ្ឈមណ្ឌលជំនួយសុខភាពដ៏អស្ចារ្យមួយ ប៉ុន្តែក្រុមហ៊ុនApple បាននាំវាឆ្ពោះទៅរកស្តង់ដាកម្រិតថ្មី ជាមួយនឹងម៉ូដែលនាឡិកាជំនាន់ថ្មី។ គុណសម្បត្តិរបស់ឧបករណ៍តាមដានចង្វាក់បេះដូងអគ្គិសនី ត្រូវបានតំឡើងនៅខាងក្រោ...