ចូលចិត្តទំនើប

Dell ប្រកាសពី XPS 13 ជួសជុលថ្មី ដែលអ្នកគួរតែដឹង

ដោយ: ដួងច័ន្ទ 5 PM, Saturday, 03 Mar, 2018

កាលពីពេលថ្មីៗនេះ ក្រុមហ៊ុនផលិតកុំព្យូទ័រដ៏ធំមួយ គឺ Dell បានប្រកាសពី Version ថ្មីនៃម៉ូដែល Laptop XPS 13 ដែលក្រុមហ៊ុនបានអះអាងថា បានធ្វើការពង្រឹងគ្រប់ជ្រុងជ្រោយ។

ផលិតផលកុំព្យូទ័រ Laptop ថ្មីនេះអាចស្វែងរកបាន ជាមួយជម្រើសប្រព័ន្ធដំណើរការ i5 ឬ i7 Intel Processor ជំនាន់ទី 8 ដែលមានតម្លៃចាប់ពី $999 ឡើងទៅ។ បើសិនជាលោកអ្នកមានចំណាប់ អារម្មណ៍ លោកអ្នកអាចធ្វើការជាវចាប់ពីថ្ងៃនេះតទៅ។

យោងតាមការរៀបរាប់របស់ក្រុមហ៊ុន Dell ម៉ូដែល Laptop XPS ដែលបាន update ថ្មីនាឆ្នាំនេះ មានចំណុចពិសេសដ៏ទាក់ទាញមួយចំនួន។ ចំណុចទី1 វាបំពាក់នូវមុខងារជំនាន់ថ្មីនៃបច្ចេកវិទ្យាអេក្រង់ InfinityEdge 4K ដែលក្រុមហ៊ុនបានអះអាងថា វាមានសមត្ថភាពរំលេចនូវមុខងារបច្ចេកវិទ្យា Cinema Suite។ ចំណុចទី2 វាជាផលិតផល Laptop ទំហំ 13 inch ដ៏តូចស្រាលជាងគេបំផុតនៅក្នុងទីផ្សា ដោយវាមានកម្រាស់ត្រឹម 0.46 inch និងទម្ងន់ត្រឹម 0.2 ផោន ស្រាលជាងផលិតផលជំនាន់មុន។

dell-xps-13-2018_computer_shop_phnom_penh_cambodia_tomnerb-01

Laptop ថ្មីមួយគ្រឿងនេះក៏មានបំពាក់ជាមួយ នឹងជម្រើសពណ៌ Flashy White-and-Gold ផងដែរ ដែលអាចនឹងធ្វើឱ្យអ្នកមានចម្ងល់ ថាតើវានឹងប្រែរូបរាងទៅជាយ៉ាងណា នៅពេលប្រើប្រាស់ រយៈពេលយូរ។ ក្រុមហ៊ុន Dell បានអះអាងថាម៉ូដែល Laptop មួយនេះផ្តល់ភាពងាយស្រួលដល់ ការលាងសម្អាត ដូច្នេះម្ចាស់ Laptop ពណ៌ ស មិនចាំបាច់បារម្ភពីការថែរក្សាការពារ Laptop ដើម្បីឱ្យវានៅរក្សាសភាពដូចនៅថ្មីនោះទេ។ សម្រាប់ការប្រើប្រាស់ដ៏ងាយស្រួល ក្រុមហ៊ុន Dell បានបញ្ជាក់ថាម៉ូដែល Laptop ពណ៌ ស មានបំពាក់ Authentic Alpine White Woven Glass Fiber Palm Rest ផងដែរ។

ការផ្លាស់ប្តូរមួយចំនួនរួមមានការបន្ថែមរន្ធដោត USB-C ចំនួន 3 និង Webcam ត្រូវបានតំឡើងនៅផ្នែកខាងក្រោមចំកណ្តាលតួអេក្រង់ ជំនួសឱ្យការតំឡើងនៅជ្រុងខាងក្រោមផ្នែកខាងឆ្វេង។
ជាការសោកស្តាយ មិនមែនគ្រប់ការផ្លាស់ប្តូរ សុទ្ធសឹងផ្តល់លទ្ធផលវិជ្ជមាននោះទេ។ នៅលើម៉ូដែល Laptop ថ្មីនេះមិនមានរន្ធដោត USB 3.0 ទេ ដែលមានន័យថាម្ចាស់កុំព្យូទ័រយួរដៃ XPS 13 ថ្មី ត្រូវចាប់ផ្តើមសម្របខ្លួន ក្នុងការប្រើប្រាស់ឧបករណ៍ភ្ជាប់បន្ថែម។

dell-xps-13-2018_computer_shop_phnom_penh_cambodia_tomnerb-02

ក្រុមហ៊ុន Dell នៅតែប្រកាន់ខ្ជាប់ថា Laptop XPS 13 ថ្មីនេះនឹងផ្តល់នូវថ្ម ដែលមានថាមពលខ្លាំងបំផុត ក្នុងចំណោម Laptop ទំហំតូចទាំងអស់។ លក្ខណៈពិសេសដទៃទៀតរួមមានជម្រើសអេក្រង់ 1080p ឬ 4K ទំហំ RAM រហូតដល់ 16GB និងទំហំឃ្លាំងស្តុកទិន្នន័យរហូតដល់ 1TB។
ម៉ូដែលថ្មីនេះក៏មានបំពាក់នូវប្រព័ន្ធ GORE Thermal Insulation ដើម្បីជួយបញ្ចុះកម្តៅម៉ាស៊ីន និងនាំទៅរកការប្រើប្រាស់យ៉ាងមានប្រសិទ្ធភាព។

បន្ថែមលើ Version ដែលមានបំពាក់នូវ Window 10 ក្រុមហ៊ុន Dell ក៏មានផ្តល់ជូននូវជម្រើសម៉ូដែល Laptop ដែលដំណើរការដោយកម្មវិធី Ubuntu-Based របស់ Linux ផងដែរ ក្នុងតម្លៃលក់រាយក្នុងមួយគ្រឿងគឺ $949 ៕

dell-xps-13-2018_computer_shop_phnom_penh_cambodia_tomnerb-03

អត្ថបទអ្នកចង់អាន

  • Moleskine PEN + ELLIPSE អស្ចារ្យលើសពីការគិត!

    ដោយ: ដួងច័ន្ទ 8 PM, Wednesday, 16 May, 2018
    “ប្រសិនបើយើងសរសេរ នៅលើសៀវភៅ ហើយវាអាចឆ្លងចូលក្នុងទូរស័ព្ទជា digital file ដោយស្វ័យប្រវត្ថិបាន មិនដឹងជាល្អយ៉ាងណាទៅន៎?” នេះធ្លាប់តែជាគំនិតស្រមៃ ចង់បានរបស់អ្នកសិក្សា ឬ អ្នកដែលមាន អាជីពពឹងផ្អែកលើគូស និងសរសេរ ប៉ុន្តែឥឡូវការគិតនេះ បានក...
  • ប៉ាតង់ថ្មីរបស់ Apple តម្រូវពន្លឺទូរសព្ទតាមស្ថានភាព

    ដោយ: ដួងច័ន្ទ 5 PM, Friday, 15 Jun, 2018
    ថ្មីៗនេះក្រុមហ៊ុន Apple ទើបតែទទួលបានប័ណ្ណប៉ាតង់ថ្មី ដែលជាប័ណ្ណប៉ាតង់ផ្តោតជាពិសេសលើបច្ចេកវិទ្យា ដែលឧបករណ៍ដូចជា iPhone អាចគ្រប់គ្រងពន្លឺអេក្រង់ ជាពិសេសនៅក្នុងបរិស្ថានងងឹត។ ប័ណ្ណប៉ាតង់ថ្មីនេះមានគោលបំណងដោះស្រាយបញ្ហាចោទមួយ ដែលត្រូវប...
  • ព្រឹតិ្តការណ៍ថ្មីរបស់ Apple នឹងផ្តោតលើការអប់រំ

    ដោយ: ដួងច័ន្ទ 8 PM, Wednesday, 16 May, 2018
    ក្រុមហ៊ុន Apple បានប្រកាសអំពីព្រឹត្តិការណ៍ពិសេសនាថ្ងៃទី 27 ខែមីនាខាងមុខនេះ ដែលនឹងផ្តោតលើប្រធានបទ «គំនិតច្នៃប្រឌិតថ្មី សម្រាប់គ្រូបង្រៀន និងសិស្ស»​ នេះបើយោងតាមលិខិតអញ្ជើញ ដែលមានចែកចាយរួចរាល់ហើយ។ នៅក្នុងលិខិតអញ្ជើញ មិនមានអ្វីពិសេ...
  • Apple អនុញ្ញាតឱ្យក្រុមហ៊ុនដទៃ ផលិតខ្សែ Lightning

    ដោយ: ដួងច័ន្ទ 8 PM, Wednesday, 16 May, 2018
    ក្រុមហ៊ុន Apple បានធ្វើការ​ update បច្ចេកវិទ្យាថ្មីៗជាច្រើន សម្រាប់កម្មវិធីផលិតឧបករណ៍ជំនួយ MFi របស់ក្រុមហ៊ុន ដែលអនុញ្ញាតឱ្យក្រុមហ៊ុនដទៃនាពេលនេះអាចដាក់រន្ធ USB-C នៅលើអាជ្ញាបណ្ណផលិតផលបាន ក៏ដូចជាបង្កើតនូវខ្សែ 3.5 mm to Lightning ជ...