ចូលចិត្តទំនើប

Ford Ojo Electric Scooter ផ្តល់នូវការបើកបរដ៏រីករាយ

ដោយ: ដួងច័ន្ទ 8 PM, Thursday, 01 Mar, 2018

Scooter ប្រើប្រាស់ថាមពលអគ្គិសនី បច្ចុប្បន្នស្ថិតនៅក្នុងដំណាក់កាលស្រពិចស្រពិលនៅឡើយទេ។ ប៉ុន្តែក្រុមហ៊ុនមួយចំនួនតូចបានអភិវឌ្ឍន៍បន្ថែម នាំមកនូវអ្វីដែលបំពេញចិត្តមនុស្សទូទៅ ដូចជារូបរាងកាន់តែរឹងមាំ ការជិះកំសាន្តកាន់តែរីករាយ មុខងារឆ្លាតវៃ ហើយប្រមូលផ្តុំគ្នាទាំងអស់ ផលិតបានជាម៉ូតូមួយគ្រឿងដ៏ប្រណិត ដូចជាក្រុមហ៊ុន Ojo Electric នៅក្នុងរដ្ឋកាលីហ្វនីញ៉ា ជាដើម។
ម៉ូតូ Scooter របស់ Ojo Electric មានសមត្ថភាពរត់បានចម្ងាយ 40 គីឡូម៉ែត្រ ដែលអាចបន្ថែម កម្លាំងអាគុយបានទ្វេដង។ ល្បឿនលឿនជាងគេរបស់ Scooter ស្ថិតនៅក្នុងល្បឿន 32.1 គីឡូម៉ែត្រក្នុងមួយម៉ោង នៅក្នុងការកំណត់ដំណើរការខ្ពស់បំផុត។ ប្រព័ន្ធផ្អាកចរន្តនៅលើកង់ទាំងពីរ និងមានតួធ្វើពីអាលុយមីញ៉ូម Unibody ដែលជួយឱ្យការបើកបរបានដោយរលូន និងមានលំ នឹង។ អ្នកជិះអាចធ្វើដំណើរបានយ៉ាងប្រសើរ ជាមួយនឹងការគ្រប់គ្រងយានជំនិះបាន ទោះបីនៅត្រង់ទីតាំងផ្លូវកែងខ្លាំង ដោយរក្សាបាននូវលំនឹងយ៉ាងប្រសើរ។
នៅលើ Dashboard មានអេក្រង់ Touchscreen ការតភ្ជាប់ប្រព័ន្ធ Bluetooth សម្រាប់ការចាក់ តន្រ្តី តាមរយៈឧបករណ៍ Speaker ចំនួនពីរគ្រឿងមានភ្ជាប់នៅលើម៉ូតូ និងមានខ្សែភ្ជាប់ចរន្តដែលដោតជាប់ទៅនឹងជញ្ជាំង ដែលមានរន្ធដោតអគ្គិសនី។ នេះមានន័យថា អ្នកមិនចាំបាច់ត្រូវការដុំអគ្គិសនី ឬខ្សែបណ្តាញអគ្គិសនីបន្ថែមទៀតទេ។ ការបញ្ចូលថាមពលទៅក្នុងម៉ាស៊ីនគ្មានថាមពល សោះ ត្រូវការចំណាយពេល 5 ម៉ោង។ ទាំងអស់នេះត្រូវការចំណាយថវិកាប្រមាណជិត $2,000។

ces_2018_ford_ojo_electric_scooter_car-news_phnom_penh_cambodia_tomnerb-04
មុខងារពិសេសៗទាំងនេះ ហាក់ដូចជាបានទាញយកក្រុមហ៊ុន Ford ដើម្បីចូលរួមគ្នាក្នុងការផលិត នេះ។ លោក Dale Seiden ប្រធានក្រុមហ៊ុន Ojo Electric បានពន្យល់ថា ក្រុមហ៊ុនបានចូលរួមក្នុងការតាំងពិពណ៌ពាណិជ្ជកម្មមួយ ជាពេលវេលាដែលក្រុមហ៊ុន បានចាប់ផ្តើមការសន្ទនាជាមួយ ក្រុមហ៊ុន Ford អំពីការស្នើសុំអាជ្ញាប័ណ្ណ។ ក្រុមហ៊ុនទាំងពីរបានចូលរួមសហការគ្នា ក្នុងកិច្ចសន្យា ជាសកល ដែលមានន័យថាក្រុមហ៊ុន Ojo នឹងទទួលបានការទទួលស្គាល់មួយ ដែលអាចជួយឱ្យក្រុមហ៊ុនឈរឈ្មោះឈានមុខ នៅក្នុងទីផ្សារដ៏ប្រកួតប្រជែង ខណៈដែលក្រុមហ៊ុន Ford កំពុងទទួលបានការបន្ថែមបច្ចេកវិទ្យា ក្នុងទីផ្សាយានជំនិះឆ្លាតវៃ និងយានជំនិះដ៏រឹងមាំ បន្ថែមលើប្រព័ន្ធArmada of Mobility Solutions។ លោក Seiden បានបន្ថែមថា «នៅពេលដែលអ្នកទទួលបានស្លាកសញ្ញាមួយ ដែលគេស្គាល់ជាទូទៅ អ្នកនឹងទទួលបានកិត្តិនាមកាន់តែល្បីសុសសាយ។ នៅពេលមនុស្សទាំងអស់បានឃើញពីស្លាកសញ្ញា Ford ពួកគេនឹងទាក់ទាញ ធ្វើឱ្យពួកគេចង់ដឹង ចង់លឺ និងចង់សាកល្បង។ ម៉ាកសញ្ញា Ojo Electric ជាម៉ាកសញ្ញាដែលមិនទាន់មានអ្នកស្គាល់ ច្រើនទេ»។

ces_2018_ford_ojo_electric_scooter_car-news_phnom_penh_cambodia_tomnerb-03
ប៉ុន្តែ នេះមិនមែនមានន័យថា បើសិនជាម៉ូតូ Ojo Scooter របស់អ្នកមានបញ្ហា ឬការខូចខាត ហើយអ្នកអាចយកវាទៅកាន់តំណាងចែកចាយរបស់ក្រុមហ៊ុន Ford ដើម្បីជួសជុលម៉ូតូបានទេ។ កិច្ចសន្យា គឺគ្រាន់តែជាឈ្មោះ និងម៉ាកសញ្ញាប៉ុណ្ណោះ។
ម៉ូតូ Ojo Scooter មានលក្ខណៈពិសេសនៅក្នុងន័យ ដែលវារួមបញ្ចូលចរិកលក្ខណៈរបស់ប្រភេទ Scooter ពីខុសគ្នា។ វាមិនមានកម្លាំង ឬថាមពលខ្លាំង ដូចម៉ូដែលរបស់ Gogoro ទេ ទោះបីជាអ្នកអាចបើកបរ Ojo ដោយគ្មានអាជ្ញាប័ណ្ណក្តី។ វាក៏មានលក្ខណៈពិសេសក្នុងការញែកវាចេញពី ម៉ូដែល Scooter ដទៃទៀត ដែលជាប្រភេទ Stand-Up Electric Scooter តែវាមានតម្លៃទាប ជាង។ វាអាចក្លាយខ្លួនជាយានជំនិះសម្រាប់ការបើកបរលក្ខណៈបុគ្គល ក៏ដូចជាបម្រើការជាយានដឹកជញ្ជូន នៅតាមរមនីយដ្ឋាន ឬនៅតាមកន្លែងកំសាន្តនានា។

ces_2018_ford_ojo_electric_scooter_car-news_phnom_penh_cambodia_tomnerb-05
អេក្រង់ Touchscreen សម្រាប់ការបញ្ចូលថាមពល ឬការរចនារូបរាងរបស់តួម៉ូតូ ធ្វើឱ្យ Scooter មានភាពងាយស្រួលក្នុងការបើកបរ មិនថាការអង្គុយ ឬការឈរ ជាគំនិតច្នៃប្រឌិតដ៏លេចធ្លោ។
លោក Seiden បានជិះម៉ូតូ Scooter ថ្មីនេះ អមជាមួយសម្លេងតន្រ្តីចេញពីឧបករណ៍បំពងសម្លេង ហើយគាត់បានបញ្ជាក់ថា Scooter នេះគ្រាន់តែជាការចាប់ផ្តើម។ ផលិតផលបន្តបន្ទាប់ ជាមួយនឹងស្លាកសញ្ញា Ford នឹងផ្តល់នូវអ្វីដែលកាន់តែអស្ចារ្យ។ គាត់និយាយថា «ក្រុមហ៊ុនកំពុងដំណើរការផលិតបច្ចេកវិទ្យា Foldable ដែលនឹងក្លាយជាបច្ចេកវិទ្យា ដែលនឹងធ្វើឱ្យពិភពលោកមានការភ្ញាក់ផ្អើល ជាមួយបច្ចេកវិទ្យាដែលនឹងមកដល់។ វានឹងជាបច្ចេកវិទ្យា ដែលឈានមុខលើគ្រប់អ្វីគ្រប់ យ៉ាងដែលមានវត្តមាននៅក្នុងទីផ្សាបច្ចុប្បន្ន»៕

ces_2018_ford_ojo_electric_scooter_car-news_phnom_penh_cambodia_tomnerb-06

អត្ថបទអ្នកចង់អាន

  • Beats បន្ថែមជម្រើសពណ៌កាសត្រចៀកដើម្បីសក្តិសមនឹងទ...

    ដោយ: ភារុន 9 AM, Friday, 14 Sep, 2018
    អតិថិជនដែលមានបំណងចង់ទិញម៉ូដែលទូរស័ព្ទ iPhone 2018 ស៊េរីថ្មី ដូច្នេះអ្នកគួរតែបញ្ជាទិញកាសត្រចៀករបស់ Beats ជាមួយពណ៌ដ៏ស្រស់ស្អាតដែលសក្តិសមទៅនឹងទូរស័ព្ទ iPhone ស៊េរីថ្មីៗនេះផងដែរ។ ក្រុមហ៊ុន Beats បានណែនាំជម្រើសពណ៌ថ្មីៗនៅថ្ងៃទី 12 ខែ...
  • ឧបករណ៍សាកថ្មគ្មានខ្សែ Qi សម្រាប់ AirPod

    ដោយ: ដួងច័ន្ទ 8 AM, Monday, 17 Sep, 2018
    នេះមិនគ្រាន់តែជាឧបករណ៍សាកថ្មគ្មានខ្សែប៉ុណ្ណោះទេ ប៉ុន្តែនេះជាឧបករណ៍ Adapter សាកថ្ម Qi គ្មានខ្សែ របស់ក្រុមហ៊ុន Hyper។ វាមានឈ្មោះថា HyperJuice Wireless Charger។ វាអាចធ្វើឱ្យ AirPod របស់អ្នកទទួលបានថាមពល ជាមួយនឹងឧបករណ៍សាកថ្ម Qi ស្តង...
  • ណែនាំកាសថ្មីសម្រាប់ហ្គេមពី SteelSeries

    ដោយ: ដួងច័ន្ទ 9 AM, Monday, 03 Sep, 2018
    ផលិតផល GameDAC របស់ក្រុមហ៊ុន SteelSeries ជាឧបករណ៍ដ៏សំខាន់មួយសម្រាប់ពង្រឹងគុណភាពសម្លេងនៅក្នុងពេលលេងហ្គេម ប៉ុន្តែវាមានបញ្ហាមួយសម្រាប់ការប្រើប្រាស់។ អ្នកត្រូវទិញកាស Arctis Pro មួយ ដើម្បីប្រើប្រាស់ GameDAC។ ប៉ុន្តែបញ្ហាមួយនេះនឹងម...
  • ឧបករណ៍សាកថ្មគ្មានខ្សែថ្មីពី Mophie

    ដោយ: ដួងច័ន្ទ 8 AM, Tuesday, 04 Sep, 2018
    ក្នុងសប្តាហ៍ថ្មីនេះ ក្រុមហ៊ុន Mophie បានប្រកាសអំពីផលិតផលសាកថ្មគ្មានខ្សែថ្មីចំនួន 4 ប្រភេទ។ ផលិតផលថ្មីៗទាំងនោះរួមមាន Charge Stream Vent Mount, Charge Stream Desk Stand, Charge Stream Powerstantion Wireless និង Charge Stream Powe...