ចូលចិត្តទំនើប

Smartwatch សម្រាប់កុមារដ៏ស្អាត ប៉ុន្តែអាចបង្កប់ចំណុចអវិជ្ជមាន

ដោយ: ដួងច័ន្ទ 8 PM, Tuesday, 27 Feb, 2018

ក្រុមហ៊ុន Omate បានសហការជាមួយក្រុមហ៊ុន Nanoblock ដើម្បីផលិតនាឡិកា Smartwatch ថ្មីសម្រាប់កុមារ មានឈ្មោះថា Omate x Nanoblock។ វាជានាឡិកាដៃមួយគ្រឿង ច្នៃម៉ូដយ៉ាងស្អាត គួរឱ្យស្រឡាញ់ ជាមួយនឹងពណ៌ចម្រុះ រំលេចខ្លួនយ៉ាងស្អាតនៅលើ កដៃ។ បើសិនអ្នកជាក្មេងមួយរូប អ្នកពិតជាចង់បានវាមកពាក់។ ទោះបីវាជានាឡិកាដៃដ៏ទាក់ទាញមួយគ្រឿងក្តី ក៏អ្នកនៅតែគួរជៀសវាងទិញវាឱ្យកូនៗ របស់អ្នកពាក់ដែរ។
ភ្នាក់ងារទូរគមនាគមន៍របស់អាល្លឺម៉ង់ Bundesnetzagentur បានចេញសេចក្តីហាមឃាត់ ចំពោះក្មេងៗក្នុងការប្រើប្រាស់ Smartwatch កាលពីចុងឆ្នាំ 2017 និងបានស្នើឱ្យមាតាបិតាទាំងអស់បំផ្លាញវាចោល។ ភ្នាក់ងារមួយនេះបានលើកឡើងពីបញ្ហានេះ ជាមួយក្បាលមេក្រូនៅលើនាឡិកាដៃ។ ស្របពេលជាមួយគ្នានេះ ស្ថាប័ន European Consumer Organization បានប្រកាសថា Smartwatch បានចោទជាបញ្ហាសុវត្ថិភាពសម្រាប់ឯកជនភាពរបស់កុមារ។ ស្ថាប័ននេះបានព្រមានថាឧបករណ៍ GPS-Tracking នៅលើ Smartwatch អាចត្រូវបានគេលួចចូល (Hack) ហើយជនល្មើសអាចតាមដាន ឬបោកបញ្ឆោតលើទីតាំង GPS របស់ Smartwatch របស់ ក្មេងៗ។

Omate-x-Nano_smart-watch_accessories_news_cambodia_tomnerb-03
ក្រុមហ៊ុន Omate បាននិយាយថា នាឡិកា Smartwatch របស់ក្រុមហ៊ុន កំណត់ទីតាំងផ្អែកលើបីចំណុច ដោយប្រើប្រាស់ GPS ប្រព័ន្ធទូរសព្ទ និង Wi-Fi សម្រាប់ផ្តល់នូវទីតាំងជាក់លាក់។ ដូច្នេះ វាអាចជាឧបករណ៍តាមដាន ទីតាំងរបស់ក្មេងៗដ៏ល្អមួយ។ ក្រុមហ៊ុនក៏បាននិយាយថា គ្រប់ទិន្នន័យទីតាំង សារ និងការហៅទូរសព្ទតាមវីដេអូទាំងអស់ ត្រូវបានអានតាមវិធីសាស្រ្ត End-to-End តាមរយៈប្រព័ន្ធ VPN។ លោក Laurent Le Pen ម្ចាស់ក្រុមហ៊ុន និងជា CEO បានបរិយាយពីបម្រាមរបស់ប្រទេសអាល្លឺម៉ង់ នៅក្នុងសារព័ត៌មាន Medium Post ដោយគាត់បាននិយាយថា ក្រុមហ៊ុនមិនអនុញ្ញាតឱ្យមាតាបិតា បើកក្បាលមេក្រូនៅលើនាឡិកាដៃរបស់ក្មេងៗពីចម្ងាយទេ ដែលនេះជាអ្វីដែលច្បាប់ របស់ប្រទេសអាល្លឺម៉ង់ផ្តោតគោលដៅ។
មាតាបិតាត្រូវធ្វើការសម្រេចចិត្ត រវាងការប្រឈមនឹងគ្រោះថ្នាក់ពីក្រុមហ៊ុន និងអាចមានអ្នកលួចចូលគណនី (Hacker) ក្នុងការស្វែងរកទីតាំងកូនៗ របស់ពួកគេបានគ្រប់ពេលវេលា។ នាឡិកា Smartwatch មួយគ្រឿងផលិតបានទិន្នន័យជាច្រើន ដែលអាចជាបច្ច័យល្អ បើសិនជាអ្នកចង់រក្សាការតាមដានជិតដិត ជាមួយកូនៗរបស់អ្នក។
នាឡិកាដៃមួយគ្រឿងនេះ នឹងចេញលក់ក្នុងខែមិថុនាខាងមុខនេះ និងចាប់ផ្តើមលក់ក្នុងតម្លៃ $179 ដែលរួមមានបញ្ចូលទាំងសេវាកម្ម និងទិន្នន័យពេញមួយឆ្នាំ។

Omate-x-Nano_smart-watch_accessories_news_cambodia_tomnerb-02

អត្ថបទអ្នកចង់អាន

  • ជម្រើសស្រោម Apple Watch សម្រាប់អ្នក

    ដោយ: ដួងច័ន្ទ 9 PM, Wednesday, 31 Jan, 2018
    នាឡិកា Apple Watch ផលិតឡើងជាមួយនឹងសម្បកអាលុយមីញ៉ូម ប៉ុន្តែនេះមិនមានន័យថា វា មិនអាចប្រេះស្រាំនោះទេ។ តួរបស់ Smartwatch គឺនៅតែងាយប្រឈមនឹងការកោស និងប្រេះ។ អ្នកប្រហែលជាត្រូវការស្រោមការពារបន្ថែម ដើម្បីការពារនាឡិកាដ៏មានតម្លៃរបស់អ្នក។ ...
  • ជម្រើសអំណោយបែប Classic

    ដោយ: ដួងច័ន្ទ 6 PM, Friday, 16 Mar, 2018
    ការជូនអំណោយ គឺជាសិល្បៈមួយបែប ដែលមានលទ្ធភាពធ្វើឱ្យអ្នកទទួលបាន អំណោយមានភាពរីករាយ និងក្តីស្រឡាញ់។ ទ្រឹស្តីគឺងាយស្រួល តែការអនុវត្តមិនងាយស្រួលនោះទេ។ ជម្រើស អំណោយបែប Classic គឺជាជម្រើសល្អមួយ ដែលមិនគ្រាន់តែជាការបំពេញចិត្តប៉ុណ្ណោះទេ ប៉...
  • ក្រុមហ៊ុន Nokia ប្រហែលជាបោះបង់ចោល ឧបករណ៍ពាក់ជាប...

    ដោយ: ដួងច័ន្ទ 9 AM, Monday, 21 May, 2018
    អស់រយៈពេលតិចជាងពីរឆ្នាំ បន្ទាប់ពីការចំណាយអស់រាប់លានដុល្លារ ក្នុងការស្វែងរកទីតាំងឈរ ជើងនៅក្នុងទីផ្សារផលិតផលសុខភាពសម្រាប់អតិថិជន ក្រុមហ៊ុន Nokia បានប្រកាសពីយុទ្ធសាស្រ្តនៃការពិនិត្យឡើងវិញ ពីមុខជំនួញឌីជីថលលើផ្នែកសុខភាព ដែលបានបញ្ចេញ...
  • ចាក់តន្រ្តីនៅលើ Apple Watch Series 3 ដោយគ្មានទូ...

    ដោយ: ដួងច័ន្ទ 10 PM, Monday, 05 Mar, 2018
    នៅទីបញ្ចប់ ផលិតផលនាឡិកាដៃ Apple Watch Series 3 គឺជានាឡិកាដៃ ដែលមានសក្តានុពលពេញលេញ។ អ្នកក៏អាចប្រើប្រាស់ Smartwatch មួយគ្រឿងនេះជាមួយការចាក់តន្រ្តី តាមរយៈការប្រើប្រាស់ប្រព័ន្ធ LTE ដោយពុំចាំបាច់ប្រើទូរសព្ទ iPhone ទេ។ បច្ចេកវិទ្យានា...