ចូលចិត្តទំនើប

អ្វីខ្លះដែលអ្នកគួរដឹងពី Huawei Mate 10 Pro?

ដោយ: ដួងច័ន្ទ 12 AM, Saturday, 24 Feb, 2018

ថ្មីៗនេះ ក្រុមហ៊ុនទូរសព្ទ Huawei ទើបនឹងចេញលក់ម៉ូដែល ទូរសព្ទថ្មីស្រឡាងមួយគឺ Mate 10 Pro។ ដូច្នេះថ្ងៃនេះ ទំនើប សូមបង្ហាញនូវចំណុចពិសេសៗ របស់ទូរសព្ទម៉ូដែលថ្មីនេះ មកជូនមិត្តអ្នកអាន ស្វែងយល់ទាំងអស់គ្នា។

បច្ចេកវិទ្យា Artificial Intelligence នៅក្នុងដៃអ្នក

ទូរសព្ទ Huawei Mate 10 ណែនាំមកកាន់ពិភពលោក ជាមួយនឹងប្រព័ន្ធ Kirin AI Processor ដំបូងបង្អស់ ជាគូនឹងបច្ចេកវិទ្យា Kirin 970 Processor ជាមួយនឹងបច្ចេកវិទ្យា NPE (Neural-Network Processing Unit) AI។ នេះមានន័យថាអ្នកនឹងទទួលបានទូរសព្ទមួយ ដែលបង្កើនប្រសិទ្ធភាពយ៉ាងឆ្លាតវៃដោយខ្លួនឯង ដើម្បីជំរុញល្បឿន ការឆ្លើយតប និងប្រសិទ្ធភាពរបស់ទូរសព្ទ នៅពេលអ្នកប្រើប្រាស់វាកាន់តែច្រើន។

Huawei_Mate10_Pro_technology_news_cambodia-01

ចាប់យករូបភាពដ៏ស្រស់ស្អាត ជាមួយកាមេរ៉ា Leica

បច្ចុប្បន្ននេះការចាប់យករូបភាពដ៏ស្រស់ស្អាត កាន់តែមានភាពងាយស្រួលជាមួយទូរសព្ទ Huawei Mate 10 Pro ដែលមានបំពាក់នូវបច្ចេកវិទ្យាកាមេរ៉ាកំពូល គឹកាមេរ៉ាភ្លោះក្នុងកម្រិតល្បឿន f/1.6 aperture ជាប្រភេទកាមេរ៉ា Monochrome Sensor ទំហំ 20MP និងកាមេរ៉ា RGB Dual Sensor ទំហំ 12MP។ ទូរសព្ទថ្មីមួយនេះ ក៏ប្រើប្រាស់បច្ចេកវិទ្យាឈានមុខ សម្រាប់កែពណ៌ ពន្លឺ Exposure និងមុខងារកាមេរ៉ាដទៃទៀត ដោយស្វ័យប្រវត្តិ។

Huawei_Mate10_Pro_technology_news_cambodia-02

សោភណ្ឌភាពលេចឡើងគ្រប់ជ្រុង

មិនថាអ្នកសម្លឹងមើលទូរសព្ទ Huawei Mate 10 Pro ពីខាងមុខ ឬខាងក្រោយទេ ទូរសព្ទនេះបង្អួតនូវរូបរាង ដ៏ទាក់ទាញពីគ្រប់ជ្រុងទាំងអស់។ នៅផ្នែកខាងមុខនៃតួទូរសព្ទ គឺមានអេក្រង់ពង្រីករហូតដល់ទំហំ 18:9 Ratio ក្នុងទំហំ 6.0 inch ជាប្រភេទអេក្រង់ FullView ដែលមានគែម Bezel ដ៏ស្តើង បន្ថែមជាមួយនឹងបច្ចេកវិទ្យា HDR10។ ចំណែកឯផ្នែកខាងក្រោយនៃទូរសព្ទ រំលេចចេញនូវការរចនាកាមេរ៉ាភ្លោះដ៏វិចិត្ររបស់ Huawei ជាមួយនឹងកញ្ចក់រាងកោង។

Huawei_Mate10_Pro_technology_news_cambodia-03

ការគ្រប់គ្រងថាមពលថ្ម ដ៏ឆ្លាតវៃ

ការប្រើប្រាស់ទូរសព្ទក្នុងមុខងារធំ មិនចោទជាបញ្ហាសម្រាប់ទូរសព្ទ Huawei Mate 10 Pro    ឡើយ ព្រោះវាមានបំពាក់ជាមួយនូវថ្មមានកម្លាំងថាមពល 4000 mAh ដែលប្រើប្រាស់បច្ចេកវិទ្យា កំពូល ដើម្បីប្រើប្រាស់ថាមពលថ្មដល់កម្រិតអតិបរមា។ ការបំពាក់ប្រព័ន្ធគ្រប់គ្រងថាមពលថ្មដ៏ឆ្លាតវៃ ជួយកាត់បន្ថយការខ្ជះខ្ជាយថាមពល ដោយវាធ្វើការសិក្សាពីអាកប្បកិរិយារបស់អ្នក និងបែងចែកធនធាន អាស្រ័យលើតម្រូវការរបស់អ្នក។

តើមិត្តអ្នកអានយល់យ៉ាងណាដែរចំពោះទូរសព្ទ Huawei Mate 10 Pro ថ្មីមួយនេះ? បើសិនជា មានចំណាប់អារម្មណ៍អ្នកអាចស្វែងរកទិញបាន នៅក្នុងទីផ្សាក្នុងប្រទេសយើងចាប់ពីឥឡូវនេះ ហើយ៕

Huawei_Mate10_Pro_technology_news_cambodia-04Huawei_Mate10_Pro_technology_news_cambodia-0

អត្ថបទអ្នកចង់អាន

  • yes seatel ក្រុមហ៊ុនទូរគមនាគមន៍ដែលផ្តល់ 4G Xper...

    ដោយ: ទំនើប 4 PM, Saturday, 15 Sep, 2018
    ភ្នំពេញ ថ្ងៃទី ១២ ខែ កញ្ញា ឆ្នាំ ២០១៨ seatel ដែលជាអ្នកផ្តល់សេវាកម្មឌីជីថលដំបូងនិងតែមួយគត់ នៅក្នុងប្រទេសកម្ពុជា កំពុងអបអរសាទរនូវជំហានដ៏សំខាន់មួយ នៅក្នុងការផ្លាស់ប្តូរថ្មីនៃអត្តសញ្ញាណសាជីវកម្មរបស់ខ្លួន ជាមួយនឹងកែលម្អគម្រោង yes se...
  • កាស Bose Sleepbuds មានអ្វីពិសេស?

    ដោយ: ដួងច័ន្ទ 9 AM, Monday, 06 Aug, 2018
    អ្នកប្រហែលជាមិនធ្លាប់ពាក់កាសត្រចៀក Bluetooth ដែលមិនអាចចាក់តន្រ្តីបានទេពីមុនមក ប៉ុន្តែនៅពេលអ្នកធុញទ្រាន់នឹងសម្លេងរំខាននៅខាងក្រៅ ដូចជាសម្លេងចរាចរណ៍ជាដើម អ្នកពិតជាចង់ប្រើប្រាស់កាសត្រចៀកគ្មានសម្លេងមួយនេះ ដើម្បីជៀសផុតពីសម្លេងរំខាន។...
  • Apple បង្ហាញជាផ្លូវការនៅ iPhone ថ្មី​របស់​ខ្លួន...

    ដោយ: ទំនើប 10 AM, Thursday, 13 Sep, 2018
    ព្រឹត្តិការណ៍ iPhone ប្រចាំឆ្នាំ 2018 របស់ក្រុមហ៊ុន Apple បានចេញមកហើយ ពិតណាស់ក្រុមហ៊ុនបានប្រកាសអំពីទូរស័ព្ទ iPhone ស៊េរីថ្មីៗដែលមានដូចជា iPhone Xs និង iPhone Xs Max ដែលម៉ូដែលថ្មីទាំងពីរនេះមានអេក្រង់ទំហំ 6.5-inch។ ហើយទាំងពីរម៉ូដ...
  • LG ផលិតទូរសព្ទតម្លៃ $1,800

    ដោយ: ដួងច័ន្ទ 9 AM, Thursday, 02 Aug, 2018
    ក្រុមហ៊ុន LG បាននឹងកំពុងបន្តការប្រកួតប្រជែងនៅក្នុងទីផ្សារផលិតផលទូរសព្ទប្រណិតកម្រិតខ្ពស់ជាមួយនឹងការដាក់បញ្ចូលផលិតផល ទូរសព្ទ Signature Edition ថ្មី តាមរយៈគេហទំព័រ 9to5Google។ ទីផ្សារនេះបានចាប់ផ្តើមកាលពីឆ្នាំមុន ជាមួយនឹងការបញ្ចេញល...