ចូលចិត្តទំនើប

6 ចំណុចដែលអ្នកមិនគួរធ្វើនៅពេលនឿយហត់

ដោយ: ដួងច័ន្ទ 9 AM, Thursday, 12 Jul, 2018

អ្នកស្រាវជ្រាវជាច្រើនបានស្វែងរកឃើញថា ការមិនបានគេង ឬសម្រាករយៈពេល 17 ម៉ោងពេញ នឹងធ្វើឱ្យសមត្ថភាពនៃការគិត ការសិក្សា
និងការអនុវត្តការងារ ដែលទាមទារឱ្យមានការប្រើប្រាស់ជំនាញ ការធ្វើចលនា ការសម្របសម្រួល និងល្បឿនការងារធ្លាក់ចុះ ស្មើនឹងការបំពុល
ដោយជាតិអាល់កុលក្នុងឈាមក្នុងកម្រិត 0.05%។ នេះជាកត្តាដែលធ្វើឱ្យប៉ះពាល់យ៉ាងធ្ងន់ធ្ងរ ដល់សុខភាពនិងប្រសិទ្ធភាពនៃការអនុវត្តការងារ
ក៏ដូចជាផលប៉ះពាល់ជាច្រើនទៀត។ ដូច្នេះមានរឿងរ៉ាវជាច្រើនដែលអ្នកមិនគួរធ្វើក្នុងអំឡុងពេលនឿយហត់ដូចនេះហើយចម្លើយមាន
នៅក្នុងអត្ថបទខាងក្រោម។

1. ការបើកបរ
ការបើកបរក្នុងអំឡុងពេលនឿយហត់ គឺជាការប្រឈមនឹងហានិភ័យខ្ពស់។ ស្ថាប័ន National Highway Traffic Safety Administration
បានប៉ាន់ប្រមាណថារថយន្តប្រមាណ 100,000 គ្រឿងជួបនឹងគ្រោះថ្នាក់ជារៀងរាល់ឆ្នាំ ដែលជាលទ្ធផលនៃអ្នកបើកបរហត់នឿយ។ បើសិនជាអ្នក
តែងតែងងុយគេង មុនពេល ឬបន្ទាប់ពីធ្វើការ អ្នកគួរសាកល្បងដើរមួយ ឬពីរជុំ មុនពេលបើកបរ។ បើសិនជាអ្នកបើកបរក្នុងរយៈចម្ងាយឆ្ងាយ
អ្នកគួរឈប់សម្រាកបន្តិចមុននឹងបន្តដំណើរទៀត។

2. ការប្រើប្រាស់បណ្តាញសង្គម
ភាពងោកងុយ អាចប៉ះពាល់ដល់ការវិនិច្ឆ័យរបស់អ្នក ដូច្នេះការបង្ហោះសារនានានៅលើបណ្តាញសង្គមរបស់អ្នក អាចនឹងមានលទ្ធផលមិនសូវល្អ។
អ្នកគួររងចាំរហូតដល់ពេលអ្នកមានស្មារតីស្វាងពេញលេញ សម្រាប់ការសម្រេចចិត្តនានាបើសិនជាសារដែលអ្នកចង់បង្ហោះមានសារៈសំខាន់ខ្លាំង។

3. ការសម្រេចចិត្តធំៗ
ការសម្រេចចិត្តសំខាន់ៗភាគច្រើន នៅក្នុងជីវិតរបស់អ្នកទាមទារឱ្យមានការគិតនិងពិចារណាដោយប្រុងប្រយ័ត្ន ហើយវាជាការលំបាកក្នុងការធ្វើអ្វីមួយ
នៅពេលអ្នកនឿយហត់។សូមកុំខ្លាចនឹងពន្យារពេលចំពោះការសម្រេចចិត្តធំៗ រហូតដល់អ្នកបានសម្រាកពេញលេញ។

4. រំងាប់អារម្មណ៍
បន្ថែមលើការប៉ះពាល់ដល់ការវិនិច្ឆ័យ ការមិនបានគេងអាចធ្វើឱ្យអ្នកមានអារម្មណ៍ពុះកញ្ជ្រោល។ វាអាចធ្វើឱ្យអ្នកមានការចំណាយទិញសម្ភារៈ
ចំណីអាហារ ដែលជាទូទៅអ្នកមិនត្រូវការទិញ ឬអាចឱ្យអ្នកធ្វើការសម្រេចចិត្តដោយតក់ក្រហល់ ដែលអាចនឹងធ្វើឱ្យមានការសោកស្តាយ។
ព្យាយាមធ្វើជាកំពូលមាតាបិតា តួនាទីជាឪពុកម្តាយ ពេលខ្លះពិតជាពិបាក ជាពិសេសនៅពេលអ្នកមានអារម្មណ៍ហត់នឿយ និងធុញថប់
ព្រោះតែអ្នកមិនបានគេងគ្រប់គ្រាន់។ វាពិតជាមិនអីទេ បើសិនជាអ្នកចង់ស្វែងរកជំនួយ ទោះបីជាជំនួយពីមិត្តភក្តិ ក្នុងការមើលថែកូនៗ ក្នុងរយៈពេលខ្លី
ដើម្បីអ្នកអាចសម្រាកបានមួយ ភ្លែត។

5. បង្កជម្លោះ
ការពិភាក្សាប្រកបដោយគំនិតស្ថាបនារវាងបុគ្គលពីរនាក់ អាចកើតឡើងបាននៅពេលភាគីទាំងសងខាងគោរពគំនិតគ្នាទៅវិញទៅមក ស្តាប់គ្នាដោយយកចិត្តទុកដាក់
និងឆ្លើយតបដោយគួរ សម។ ដូច្នេះវាមិនមានអ្វីភ្ញាក់ផ្អើលទេ ជម្លោះតែងកើតឡើង ជំនួសឱ្យការពិភាក្សាចំពោះអ្នកដែលមានភាពនឿយហត់ខ្លាំង។
បើសិនជាអ្នកហត់នឿយ និងមិនចង់បង្កជម្លោះ អ្នកគួរសម្រាកមុននឹងបន្តកិច្ចពិភាក្សាទៀត។

6. ព្យាយាមធ្វើការងារច្រើន
ការងារច្រើនអាចមានផលវិបាកនៅក្នុងពេលវេលាដ៏ចាំបាច់
ហើយការព្យាយាមគ្រប់គ្រងការងារច្រើននៅពេលអ្នកងងុយគេង ក៏ជាទង្វើដ៏លំបាកមួយដែរ។
សូមផ្តោតអារម្មណ៍លើការងារតែមួយ ក្នុងពេលអ្នកងងុយគេង នោះអ្នកនឹងមានលទ្ធផលការងារប្រសើរឡើង។
យោបល់ចុងក្រោយ បើសិនជាអ្នកនឿយហត់ សូមទៅសម្រាកទៅ ហើយប្រាប់មនុស្សគ្រប់គ្នានៅជុំវិញខ្លួន
មិនថាក្រុមគ្រួសារ មិត្តភក្តិ ឬមិត្តរួមការងារទេ ថាអ្នកត្រូវការសម្រាក។

អត្ថបទអ្នកចង់អាន

  • ខ្ញុំចង់ធ្វើម៉ូដសក់ ឲ្យកូនស្រី

    ដោយ: ស. លីង 9 PM, Wednesday, 15 Feb, 2017
    ប្រសិនបើអ្នកម្តាយគ្រប់រូប ចង់បានម៉ូដសក់ សម្រាប់កូនស្រីរបស់អ្នក សូមមើលរូបភាពខាងក្រោម ដែលទំនើបស្រាវជ្រាវ និងចងក្រងនូវម៉ូដសក់ចម្រុះ សម្រាប់ក្មេងស្រី ដែលអាចជ្រើសរើសមកប្រើប្រាស់ប្រចាំថ្ងៃ ទៅដើរលេង ឬចូលរួមកម្មវិធីផ្សេងៗ។ សូមជម្រាបជូន...
  • ផ្លែឈើ ដែលអ្នកមិនគួរញ៉ាំ សម្រាប់ការសម្រកទម្ងន់

    ដោយ: ដួងច័ន្ទ 6 PM, Tuesday, 14 Mar, 2017
    អ្នកខិតខំប្រឹងប្រែងយ៉ាងខ្លាំង ដើម្បីបញ្ចុះទម្ងន់ ប៉ុន្តែអ្នកអាចអនុវត្តខ្លាំងពេក ដើម្បីចង់បានទម្ងន់ដែលអ្នកប្រាថ្នា។ តើអ្នកគួរបរិភោគជាតិស្ករកាន់តែច្រើន ឬកាន់តែតិច? តើអ្នកពិតជាត្រូវតែញ៉ាំផ្លែឈើ សម្រាប់របបអាហារទាំង ៤ពេល ឬ ២ពេលមែនទេ...
  • ព្រោះតែ ៣ ចំណុចនេះ ទើបត្រូវបោកខោអាវថ្មី

    ដោយ: ស. លីង 9 PM, Tuesday, 14 Feb, 2017
    សម្លៀកបំពាក់ ដែលទើបទិញមកពីផ្សារ មិនថាសម្រាប់កូនតូច មនុស្សធំ ឬមនុស្សចាស់ស្លៀកពាក់ក៏ដោយ ក៏ត្រូវតែបោកសម្អាតមុនពេលប្រើប្រាស់ដែរ។ មនុស្សភាគច្រើនយល់ថា បើបោកទៅ នឹងបាត់ភាពថ្មីរបស់សម្លៀកបំពាក់ ប៉ុន្តែការពិត គឺមកពីខ្ជិលច្រើនជាង។ កុំឲ្យខា...
  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...