ចូលចិត្តទំនើប

អាហារ 9 យ៉ាងល្អបំផុតសម្រាប់សុខភាពសក់

ដោយ: ភារុន 8 AM, Saturday, 27 Oct, 2018

ការចុះអន់ថយនៃសុខភាពសក់របស់យើងគឺអាស្រ័យទៅតាមអាយុកាល និង ហ៊្សែន។ សក់ដែលមានសុខភាពល្អមិនមែនសំដៅទៅលើរូបរាងនៃសក់ រួញ ឬ ត្រង់ និង ពណ៌សក់តាមធម្មជាតិនោះទេ។ តែអាស្រ័យទៅលើកំរាស់ និង ល្បឿននៃការលូតលាស់នៃសក់ទៅតាមធម្មជាតិ។ ប៉ុន្តែប្រសិនបើអ្នកចង់លើកកម្ពស់គុណភាពសក់ឱ្យកាន់តែមានសុខភាពល្អបន្ថែមទៀតនោះ ទំនើប សូមណែនាំនូវអាហារ 9 យ៉ាងដែលល្អបំផុតសម្រាប់សុខភាពសក់ដែលមានដូចខាងក្រោម៖
1. ស៊ុត
ស៊ុតមានផ្ទុកនូវប្រូតេអ៊ីន និង Biotin ច្រើនណាស់ ហើយក៏មានសារធាតុចិញ្ចឹមផ្សេងទៀតដូចជាស័ង្កសី និង សេលេនីញ៉ូម។ ឫសសក់ភាគច្រើនត្រូវការប្រូតេអ៊ីនដើម្បីឱ្យសក់លូតលាស់បានល្អ ហើយប្រសិនបើប្រូតេអ៊ីនមិនមានគ្រប់គ្រាន់នៅក្នុងរបបអាហារប្រចាំថ្ងៃទេនោះ វាអាចបណ្តាលឱ្យជ្រុះសក់។ Biotin គឺជាសារធាតុចិញ្ចឹមចាំបាច់បំផុតសម្រាប់ការផលិតប្រូតេអ៊ីនមួយប្រភេទហៅថា Keratin ដែលជាប្រូតេអ៊ីនដ៏ល្អបំផុតសម្រាប់ឫសសក់។

2. ផ្លែ ប៊ឺរី
ផ្លែប៊ឺរី គឺជាអាហារសម្រន់ដ៏ល្អបំផុតដែលអាចបន្ថែមនៅក្នុងរបបអាហារប្រចាំថ្ងៃរបស់អ្នកបាន។ ផ្លែប៊ឺរី មានសមាសធាតុ និងវីតាមីនមួយចំនួនដែលជួយបង្កើនការលូតលាស់នៃសក់។ វីតាមីន C នៅក្នុងផ្លែប៊ឺរី អាចបំលែងទៅជាសារធាតុប្រឆាំងអុក ស៊ីតកម្ម ដែលជួយការពារឫសសក់ពីការខូចខាតដោយសាររ៉ាឌីកាល់សេរីដែលមាននៅក្នុងរាងកាយរបស់យើង ហើយត្រូវបានភ្ជាប់ទៅនឹងភាពចាស់នៃអាយុ។

3. ស្ពៃខ្មៅ ឬ Spinach
ស្ពៃខ្មៅគឺជាប្រភពដ៏អស្ចារ្យមួយសម្រាប់សារធាតុចិញ្ចឹមដូចជា Folate, ជាតិដែក និង វីតាមីន A និង C។ សារធាតុនីមួយៗមានតួនាទីក្នុងការជួយឱ្យសក់លូតលាស់ និង មានសុខភាពល្អ។ វីតាមីន A ដែលមាននៅក្នុងស្ពៃខ្មៅជួយដល់ក្រពេញស្បែកអាចផលិតសារធាតុខ្លាញ់ដែលផ្តល់ជាតិសំណើមដល់ស្បែកក្បាល និង ធ្វើឱ្យសក់មានសុខភាពល្អ។

4. ត្រីមានខ្លាញ់
ត្រីដែលមានជាតិខ្លាញ់ដូចជាត្រី សាម៉ុង ត្រី ពោ និង ត្រី Mackerel ជាដើម អាចលើកកម្ពស់នូវការរីកលូតលាស់នៃសក់ដោយសារតែការប្រមូលផ្តុំអាស៊ីតខ្លាញ់អូមេហ្គា 3 ។

5. ដំឡូវជ្វា
ដំឡូងជ្វាមានសារធាតុ Beta-carotene ដែលសារធាតុនេះអាចបំលែងទៅជាវីតាមីន A ជួយក្នុងការផលិតខ្លាញ់ដែលមានសារសំខាន់ចំពោះសុខភាពស្បែកក្បាល និង ជួយបង្កើនអត្រានៃការលូតលាស់សក់នឹងធ្វើឱ្យមានសរសៃសក់ច្រើន និង ក្រាស់ ហើយក៏ជួយទប់ស្កាត់ការខូចខាតនៃឫសសក់ផងដែរ។

6. ផ្លែ ប៊ឺរ
ផ្លែបឺរមានជាតិខ្លាញ់ល្អដែលអាចធ្វើឱ្យសក់មានសុខភាពល្អ ហើយបូករួមទាំងមានបរិមាណវីតាមីន E និង វីតាមីន C ហើយវីតាមីន E គឺជាអង់ទីអុកស៊ីដង់ដែលល្អបំផុតក្នុងការទប់ស្កាត់រ៉ាឌីកាល់សេរីដែលមានគ្រោះថ្នាក់ និង លើកកម្ពស់ដល់ការកើនឡើងនៃចំនួនសរសៃសក់ឱ្យកាន់តែក្រាស់ឡើងៗ។

7. អយស្ទ័រ
អយស្ទ័រគឺល្អសម្រាប់ការលូតលាស់សក់ ដោយសារតែជាតិស័ង្កសី ដែលត្រូវបានគេរកឃើញថាមានបរិមាណខ្ពស់នៅក្នុងសាច់អយស្ទ័រ។ ស័ង្កសីគឺជាសារធាតុរ៉ែដែលគាំទ្រដល់ការលូតលាស់សក់ និង ការជួសជុលសក់ខូច។

8. សាច់បង្គា
បង្គាគឺជាអាហារដ៏អស្ចារ្យសម្រាប់សុខភាពសក់ ពីព្រោះវាមានប្រូតេអ៊ីន វីតាមីន B ស័ង្កសី ជាតិដែក និង វីតាមីន D ដែលសារធាតុទាំងអស់នេះអាចជួយជំរុញឱ្យសក់មានសុខភាពរឹងមាំ។

9. គ្រាប់សណ្តែក
បរិមាណដ៏ល្អនៃប្រូតេអ៊ីនគ្រាប់សណ្តែកអាចផ្តល់នូវជាតិដែក Biotin ស័ង្កសី និង Folate ដែលជាសារធាតុមានសារៈសំខាន់បំផុតសម្រាប់ជួយដល់ការលូតលាស់នៃសក់ នឹងធ្វើឱ្យសក់មានសុខភាពល្អ។ ប្រសិនបើអ្នកកំពុងប្រឈមនឹងបញ្ហាជ្រុះសក់ ដោយសារមកពីហ្សែន ឬ អ័រម៉ូនខុសធម្មតា ឬ ប្រសិនបើសក់របស់អ្នកលូតលាស់យឺតជាងមធ្យម (0.5 អ៊ីញក្នុងមួយខែ ឬ 6 អ៊ីញក្នុងមួយឆ្នាំ) សណ្តែកគឺជាដំណោះស្រាយដ៏ល្អឥតខ្ចោះ។

អត្ថបទអ្នកចង់អាន

  • អាហារទូទៅតែមានប្រយោជន៍ សម្រាប់ការសម្រករាង

    ដោយ: ស. លីង 10 PM, Monday, 20 Feb, 2017
    មិនពិបាកទេ ប្រសិនបើអ្នកចង់សម្រករាងឲ្យស្វែលស្អាត ដោយគ្រាន់តែបរិភោគអាហារ ទូទៅប្រចាំថ្ងៃមួយចំនួន ដែលមានគុណសម្បត្តិ ក្នុងការដុតបំផ្លាញជាតិខ្លាញ់ធាតុក្នុងខ្លួនអ្នក។ តើអាហារទាំងនោះមានអ្វីខ្លះ? ១. ត្រីសាល់មុន សាច់ត្រី គឺជាប្រភេទអាហារ...
  • វេជ្ជបណ្ឌិតជំនាញ ពន្យល់ពីកាយវិការគេង បណ្តាលឱ្យម...

    ដោយ: ដួងច័ន្ទ 9 PM, Sunday, 19 Feb, 2017
    លោកវេជ្ជបណ្ឌិត Michael Breus គឺជាវេជ្ជបណ្ឌិតមានជំនាញខាងដំណេក បានជួបប្រទះនឹង បញ្ហាផ្សេងៗគ្នា ជាច្រើនទាក់ទងនឹងការគេង។ គាត់បានពន្យល់ពីកាយវិការ នៃការគេងដែលបណ្តាលឱ្យមានស្នាមជ្រួញ។ គាត់ក៏បានពន្យល់ពីកាយវិការគេង ដែលល្អសម្រាប់សុខភាពផងដែ...
  • ដើមផ្កាពណ៌ស ៣ យ៉ាង អ្នកគួរដាំលម្អផ្ទះ

    ដោយ: ស. លីង 6 PM, Tuesday, 18 Apr, 2017
    ដើមផ្កា ពិតជាប្រយោជន៍ សម្រាប់ដាំលម្អផ្ទះ ជួយដល់អារម្មណ៍របស់ម្ចាស់ផ្ទះ និងបង្កើតនូវ បរិយាកាសល្អប្រសើរ។ ទំនើបសូមណែនាំនូវផ្កាពណ៌សបីប្រភេទ ដែលអាចប្រើសម្រាប់ដាំលម្អផ្ទះ និងធ្វើឲ្យផ្លូវអារម្មណ៍ធូរស្រាល មានដូចជា៖ ១. ផ្កាកែវ ផ្កាកែវ ឬ...
  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...