ចូលចិត្តទំនើប

អាហារ ដែលអាចធ្វើឱ្យអ្នក ងងុយគេង

ដោយ: ដួងច័ន្ទ 9 PM, Monday, 19 Mar, 2018

មនុស្សយើងគ្រប់គ្នាប្រាកដជា ធ្លាប់ជួបប្រទះអាការៈងងុយគេងភ្លាមៗ បន្ទាប់ពីការទទួលទានអាហារ។ កត្តានេះមិនត្រឹមតែបណ្តាលមកពី ការចូលចិត្តគេង ឬការធ្វើការនឿយហត់ពេញមួយថ្ងៃនោះទេ ប៉ុន្តែវាអាចបណ្តាលមកពីប្រភេទអាហារមួយចំនួន ដែលអ្នកទទួលទាននានា។ ទំនើប សូមបង្ហាញនូវប្រភេទអាហារ 9 មុខដែលធ្វើឱ្យអ្នកងងុយគេង ជាពិសេសនៅពេលទទួលទានវារួមគ្នា។
ផលិតផល ទឹកដោះគោ
ក្នុងចំណោមផលិតផលចម្រាញ់ចេញ ពីទឹកដោះគោទាំងអស់ ឈីសរឹងមានឥទ្ធិពលខ្លាំងជាងគេ ព្រោះវាមានផ្ទុកសារជាតិកាល់ស្យូមច្រើន។ ការបន្ថែមនំស្រួយ លាយជាមួយឈីស នឹងធ្វើឱ្យឥទ្ធិពលនៃការងងុយគេងកាន់តែខ្លាំង ព្រោះសារធាតុកាបូនហាយដ្រាត ធ្វើការមុខងារ Tryptophan រីករាលដាលកាន់តែធំ។

Food-that-make-you-sleepy_mall_in_phnom_penh_cambodia_tomnerb-01
អាល់ម៉ុន
អាល់ម៉ុន សំបូរទៅដោយសារជាតិ Tryptophan ជាសារជាតិអាស៊ីតអាមីណូដែលបង្កើត Melatonin ដែលត្រូវបានគេស្គាល់ថា ជាអ័រម៉ូនងងុយគេង។ បន្ថែមលើនេះ គ្រាប់ធញ្ញជាតិប្រភេទនេះ មានផ្ទុកសារជាតិម៉ាញេស្យូម ដែលធ្វើឱ្យភាពតានតឹង នៅលើសាច់ដុំត្រូវបានកាត់បន្ថយ និងធ្វើឱ្យអ្នកមានអារម្មណ៍ងងុយគេង។

Food-that-make-you-sleepy_mall_in_phnom_penh_cambodia_tomnerb-02
ផ្លែចេក
សារជាតិស្ករ ប៉ូតាស្យូម និងម៉ាញេស្យូម ត្រូវបានរកឃើញនៅក្នុងផ្លែចេក ធ្វើឱ្យសារជាតិ Tryptophan ចូលទៅក្នុងខួរក្បាលយ៉ាងងាយស្រួល និងបណ្តាលឱ្យងងុយគេង។

Food-that-make-you-sleepy_mall_in_phnom_penh_cambodia_tomnerb-03
Walnuts
គ្រាប់ Walnuts មានផ្ទុកសារជាតិ Tryptophan តិចជាងគ្រាប់អាល់ម៉ុន ប៉ុន្តែវាជាប្រភពនៃសារជាតិ Melatonin។ ការស្រាវជ្រាវបានបង្ហាញថា គ្រាប់ Walnuts បង្កើនកម្រិតអ័រម៉ូន Melatonin នៅក្នុងឈាម និងធ្វើឱ្យអ្នកងងុយគេងខ្លាំង។

Food-that-make-you-sleepy_mall_in_phnom_penh_cambodia_tomnerb-04
អំបូរ Cherries
អំបូរ Cherries ជាពិសេសដំណាប់ Cherries មានសារជាតិ Melatonin ខ្ពស់។ ប៉ុន្តែ ការទទួលទានផ្លែ Cherries ស្រស់ក៏នៅតែទទួលបានលទ្ធផលមិនខុសគ្នាដែរ។ បើសិនជាអ្នកញ៉ាំទឹកផ្លែ Cherries មួយកែវ នោះអ្នកនឹងគេងលក់បានភ្លាមៗមួយរំពេច។

Food-that-make-you-sleepy_mall_in_phnom_penh_cambodia_tomnerb-05
តែ Chamomile
ផ្កា Chamomile មានផ្ទុកនូវសារជាតិ Glycine ជាសារជាតិអាស៊ីតអាមីណូមួយប្រភេទ ដែលមានឥទ្ធិពលបន្ទន់អារម្មណ៍ខ្លាំង ដែលធ្វើឱ្យសាច់ដុំ និងប្រព័ន្ធប្រសាទសម្រាក។ បន្ទាប់ពីការទទួលទានទឹកតែផ្កា Chamomile អ្នកពិបាកនឹងទប់ត្របកភ្នែកឱ្យនៅបើក និងផ្តោតអារម្មណ៍បានណាស់។

Food-that-make-you-sleepy_mall_in_phnom_penh_cambodia_tomnerb-06
គ្រាប់ល្ពៅ
បន្ថែមលើសារជាតិ Tryptophan គ្រាប់ល្ពៅមានផ្ទុកសារជាតិសង្កសី និងម៉ាញេស្យូមយ៉ាង ច្រើន។ ការបូកផ្សំនូវសមាសភាពទាំងនេះ ធ្វើឱ្យអ្នកមានអារម្មណ៍ស្ងប់ និងសម្រាក ហើយអ្នកពិបាកនឹងទប់ទល់ ជាមួយទំនោរចង់គេងមួយស្របក់ណាស់។

Food-that-make-you-sleepy_mall_in_phnom_penh_cambodia_tomnerb-07
បាយ ស
បាយ ស មានផ្ទុកនូវសារជាតិ Glycemic ខ្ពស់ ដែលអាចឱ្យអ្នកគេងលក់បានចាប់ពី 3-4 ម៉ោង បន្ទាប់ពីអ្នកទទួលទានអាហាររួច។ អ្នកស្រាវជ្រាវបានបង្ហាញថា បាយដាំពីអង្ករផ្កាម្លិះ នឹងធ្វើឱ្យអ្នកងងុយគេង បានលឿនជាងប្រភេទអង្ករដទៃទៀត។

Food-that-make-you-sleepy_mall_in_phnom_penh_cambodia_tomnerb-08
ខ្លាញ់ត្រី
សារជាតិអាស៊ីតមាន នៅក្នុងត្រីសាល់ម៉ុន ធូណា និងប្រភេទខ្លាញ់ត្រីដទៃទៀត ជំរុញផលិតកម្មសារជាតិ Melatonin។ សារជាតិអាស៊ីតទាំងនេះ កាត់បន្ថយកម្រិតអ័រម៉ូនស្រេ្តសនៅក្នុងឈាម ហើយអ្នកនឹងចង់គេងភ្លាមៗ បន្ទាប់ពីអ្នកបរិភោគអាហារប្រភេទនេះ។

Food-that-make-you-sleepy_mall_in_phnom_penh_cambodia_tomnerb-09

អត្ថបទអ្នកចង់អាន

  • ព្រោះតែ ៣ ចំណុចនេះ ទើបត្រូវបោកខោអាវថ្មី

    ដោយ: ស. លីង 9 PM, Tuesday, 14 Feb, 2017
    សម្លៀកបំពាក់ ដែលទើបទិញមកពីផ្សារ មិនថាសម្រាប់កូនតូច មនុស្សធំ ឬមនុស្សចាស់ស្លៀកពាក់ក៏ដោយ ក៏ត្រូវតែបោកសម្អាតមុនពេលប្រើប្រាស់ដែរ។ មនុស្សភាគច្រើនយល់ថា បើបោកទៅ នឹងបាត់ភាពថ្មីរបស់សម្លៀកបំពាក់ ប៉ុន្តែការពិត គឺមកពីខ្ជិលច្រើនជាង។ កុំឲ្យខា...
  • ហេតុផល ដែលអ្នកគួរបន្ថែមស្ករស ក្នុងសាប៊ូកក់សក់

    ដោយ: ដួងច័ន្ទ 6 PM, Monday, 06 Feb, 2017
    ចំពោះអ្នកចូលចិត្ត ប្រើសាប៊ូកក់សក់ សម្រាប់ស្បែកក្បាលស្ងួត។ ការសិក្សាបានបង្ហាញថា អ្នកដែលចូលចិត្តប្រើប្រាស់សាប៊ូកក់សក់ សម្រាប់ស្បែកក្បាលស្ងួត បានធ្វើឱ្យស្បែកក្បាលស្អាត មានសំណើម និងធ្វើឱ្យស្បែកក្បាលរបក។ តើយើងគួរធ្វើដូចម្តេច ដើម្បីក...
  • ស្នាមមុនបីប្រភេទ និងតិចនិចកម្ចាត់វា

    ដោយ: ដួងច័ន្ទ 8 PM, Sunday, 05 Feb, 2017
    មុន ជាបញ្ហាដែលយុវវ័យភាគច្រើន បានជួបប្រទះ។ វាអាចបន្សល់ទុកសម្លាក ឬស្នាមអុជខ្មៅ រហូតដល់ ១ខែ ឬយូរជាងនេះ បន្ទាប់ពីញេចមុន។ ទំនើប សូមធ្វើការបង្ហាញពីដើមហេតុ នៃស្នាមសម្លាក និងស្នាមអុជខ្មៅទាំងនោះ និងវិធីសាស្រ្តលុបបំបាត់វា។   ១. ស្នាមសម្ល...
  • ទំនាក់ទំនង ដ៏ភ្ញាក់ផ្អើលរវាងសម្រស់ និងភាពជោគជ័យ

    ដោយ: ដួងច័ន្ទ 7 PM, Monday, 06 Mar, 2017
    វិទ្យាសាស្រ្តនិយាយថា ភាពមិនទាក់ទាញខ្លាំងបំផុត មានសក្តានុភាពរកប្រាក់ចំណូលខ្ពស់ និងអ្វីដែលកាន់តែភ្ញាក់ផ្អើល គឺលទ្ធផលដែលបានពីការស្រាវជ្រាវថ្មីៗ ស្ថិតនៅលើសម្រស់។ ជារឿងធម្មតា ដែលសោភណ្ឌភាព ភាពស្រស់ស្អាត មានគុណប្រយោជន៍។ សម្រស់ស្រស់ស្អ...