ចូលចិត្តទំនើប

អាហារ ដែលពុំចាំបាច់ ដាក់ក្នុងទូរទឹកកក

ដោយ: ដួងច័ន្ទ 7 PM, Friday, 22 Dec, 2017

ក្នុងអំឡុងពេលឈប់សម្រាក ឬពេលបុណ្យទាន ទូរទឹកកករបស់អ្នកតែងតែពេញទៅដោយអាហារមែនទេ? ទំនើប ទើបនឹងរកឃើញអត្ថបទថ្មីមួយដែលបង្ហាញថា អាហារមួយចំនួនពុំចាំបាច់ដាក់នៅក្នុងទូរទឹកកកឡើយ។ ចង់ដឹងថា មានមុខអាហារអ្វីខ្លះ? សូមអានអត្ថបទខាងក្រោមនេះ។

ផ្លែចេក
ផ្លែចេកមានរសជាតិកាន់តែឆ្ងាញ់នៅពេលវាទុំ ជោរ ហើយបើសិនជាផ្លែចេក ត្រូវបានដាក់ទុកក្នុងទូរទឹកកក វានឹងមិនទុំ ជោរទេ។ នៅពេលវាទុំ ជោរ អ្នកអាចទុកវានៅក្នុងទូរទឹកកកបាន។ សម្បករបស់វាអាចប្រែជាខ្មៅ ប៉ុន្តែរសជាតិរបស់វាកាន់តែឆ្ងាញ់។

Food-in-refridgerator_technology_news_cambodia-tomnerb-01
នំប៉័ង
ការដាក់នំប៉័ងក្នុងទូរទឹកកក នឹងធ្វើឱ្យវាស្ងួត រឹង ឬស្វិត។ សំណើមនៅក្នុងទូរទឹកកក នឹងធ្វើឱ្យបាក់តេរី និងផ្សិតកើតឡើងយ៉ាងឆាប់ ដូច្នេះអ្នកគួរទុកនំប៉័ង នៅក្នុងប្រអប់ជំនួសវិញ។ ប្រអប់ក្រដាសជម្រុញ ចរន្តខ្យល់ ជួយការពារនំប៉័ងពីភាពស្ងួតខ្លាំង ឬសើមខ្លាំង។

Food-in-refridgerator_technology_news_cambodia-tomnerb-02
ទឹកឃ្មុំ
ការដាក់ទឹកឃ្មុំ នៅក្នុងទូរទឹកកកមិនធ្វើឱ្យខូច ឬប៉ះពាល់ដល់រសជាតិឡើយ ប៉ុន្តែវានឹងធ្វើទឹកឃ្មុំឡើង កំណក ឬកកដុំៗ។ អ្នកគួរទុកទឹកឃ្មុំ នៅក្នុងក្រឡកែវដែលគ្មានខ្យល់ នៅឆ្ងាយពីកម្តៅ និងពន្លឺព្រះអាទិត្យ។

Food-in-refridgerator_technology_news_cambodia-tomnerb-03

ខ្ទឹមស និងខ្ទឹមបារាំង
ទូរទឹកកកធ្វើឱ្យអាហាររក្សាទុកបានយូរ ព្រោះតែសីតុណ្ហភាព ប៉ុន្តែវាក៏មានសំណើមខ្លាំងដែរ។ សំណើមធ្វើឱ្យខ្ទឹមឡើងផ្សិតកាន់តែលឿន ហើយទូរទឹកកកក៏ស្រូបយករសជាតិ និងក្លិនរបស់វាផងដែរ។ បើសិនជាអ្នកចង់រក្សាខ្ទឹមស និងខ្ទឹមបារាំងឱ្យនៅស្ងួត និងមានខ្យល់ចេញចូលគ្រប់គ្រាន់ អ្នកគួរប្រើប្រាស់ក្រណាត់នីឡុងវេចខ្ចប់ ឬប្រើប្រាស់កញ្ជ្រែងទុកដាក់ក្នុងទូរ។

Food-in-refridgerator_technology_news_cambodia-tomnerb-04
ប្រេងចម្អិនអាហារ
ប្រេងចម្អិនអាហារ គួរតែទុកក្នុងដបកែវ បិទជិត។ សីតុណ្ហភាពនៅក្នុងបន្ទប់ នឹងធ្វើឱ្យប្រេងទាំងនោះ នៅតែរក្សាភាពរាវ។ ការផ្លាស់ប្តូរសីតុណ្ហភាពញឹកញាប់ នឹងធ្វើឱ្យប្រេងបាត់ក្លិនកាន់តែលឿន។

Food-in-refridgerator_technology_news_cambodia-tomnerb-05

ដំឡូងបារាំង
សំណើមនៅក្នុងទូរទឹកកក នឹងធ្វើឱ្យដំឡូងបារាំងខូច ហើយទូរទឹកកកនឹងធ្វើឱ្យជាតិម្សៅបំបែកទៅជា ស្ករ ដែលធ្វើឱ្យដំឡូងកាន់តែផ្អែម ឡើងគ្រាប់ និងទន់។ អ្នកគួរទុកដំឡូងបារាំងនៅក្នុងកន្លែងស្ងួត ងងឹត មានខ្យល់ចេញចូល ដូចជាក្នុងកញ្ជ្រែងល្អីក្នុងទូរជាដើម។ អ្នកត្រូវប្រាកដថាអ្នកមិនលាងដំឡូងមុនពេលចម្អិនទេ ព្រោះទឹកនឹងធ្វើឱ្យដំឡូងរលួយ។

Food-in-refridgerator_technology_news_cambodia-tomnerb-06

គ្រាប់កាហ្វេ
គ្រាប់កាហ្វេអាចស្រូបយកក្លិន ដូច្នេះការទុកគ្រាប់កាហ្វេនៅក្នុងទូរទឹកកក មិនមែនជាគំនិតល្អទេ។ បន្ថែមលើនេះ សំណើមនៅក្នុងទូរទឹកកក ធ្វើឱ្យកាហ្វេបាត់បង់រសជាតិ។ អ្នកគួរទុកគ្រាប់កាហ្វេនៅក្នុងក្រឡបិទជិត និងមិនប៉ះជាមួយពន្លឺព្រះអាទិត្យ។

Food-in-refridgerator_technology_news_cambodia-tomnerb-07

ប៉េងប៉ោះ
ដូចជាផ្លែចេកដែរ ប៉េងប៉ោះគួរត្រូវបានរក្សាទុកនៅខាងក្រៅរហូតដល់វាទុំ និងអាចញ៉ាំបាន សឹមយក ទៅទុកក្នុងទូរទឹកកក។ ប៉េងប៉ោះនឹងបាត់បង់ភាពស្រួយ និងរសជាតិក្នុងពេលដ៏ខ្លី ដូច្នេះអ្នកគួរព្យាយាមញ៉ាំវាក្នុងរយៈពេលមួយថ្ងៃ ឬពីរថ្ងៃ បន្ទាប់ពីទុកក្នុងទូរទឹកកក។ នៅពេលទុកវានៅខាងក្រៅ អ្នក គួរទុកវានៅក្នុងកញ្ជ្រែងបើកចំហរ។ បើសិនជាវានៅជិតគ្នាពេក វាងាយនឹងជាំ។

Food-in-refridgerator_technology_news_cambodia-tomnerb-08

ផ្លែប័រ
ផ្លែប័រក៏គួរត្រូវបានទុកដាក់នៅខាងក្រៅ រហូតដល់វាទុំ មុននឹងដាក់ចូលក្នុងទូរទឹកកក។ ដើម្បីទទួលបានរសជាតិដ៏ឆ្ងាញ់ ផ្លែប័រគួរទុកឱ្យទុំ នៅក្នុងសីតុណ្ហភាពធម្មតានៅក្នុងបន្ទប់ ប៉ុន្តែវានៅតែអាចមាន រសជាតិឆ្ងាញ់ និងទុំបន្ថែមទៀត នៅក្នុងទូរទឹកកកពីរ-បីថ្ងៃទៀត។

Food-in-refridgerator_technology_news_cambodia-tomnerb-09
ទឹកប៉េងប៉ោះ
ស្តង់ដាទឹកប៉េងប៉ោះ មានទឹកខ្មេះច្រើនណាស់ ហើយទឹកខ្មេះមានតួនាទី រក្សាគុណភាពទឹកប៉េងប៉ោះ ដោយពុំចាំបាច់ដាក់ក្នុងទូរទឹកកក។ ទោះបីបន្ទាប់ពីអ្នកបើកដបប្រើប្រាស់ អ្នកក៏នៅតែអាចទុកវានៅ ក្នុងទូរធម្មតាបាន។ បើសិនជាអ្នកទិញទឹកប៉េងប៉ោះ ដែលមានកម្រិតសូដ្យូមទាប អ្នកគួរទុកវានៅក្នុង ទូរទឹកកក ដើម្បីសុវត្ថិភាព។

Food-in-refridgerator_technology_news_cambodia-tomnerb-010

ទឹកម្ទេស និង ទឹកសៀង
ទឹកម្ទេសផលិតឡើង ជាមួយបរិមាណទឹកខ្មេះ និងអំបិលយ៉ាងច្រើន ដែលអាចទុកវាបានច្រើនខែ។ ប៉ុន្តែអ្នកគួរទុកទឹកម្ទេស នៅក្នុងទូរទឹកកកបើសិនជាអ្នក មិនអាចប្រើប្រាស់វាអស់ក្នុងពេលខ្លីទេ។ ចំពោះទឹកសៀង មានរសជាតិប្រៃ ដូច្នេះវាក៏គួរទុកដាក់ក្នុងទូរទឹកកក សម្រាប់ប្រើប្រាស់រយៈពេលវែង ដែរ។ បាក់តេរីអាចកើតឡើងក្នុងរយៈពេល 2-3 ខែ ដូច្នេះទូរទឹកកកជាកន្លែងទុកដាក់រយៈពេលវែង៕

Food-in-refridgerator_technology_news_cambodia-tomnerb-012

អត្ថបទអ្នកចង់អាន

  • ទឹកដោះគោ ជួយបញ្ហាស្បែកមុខ និងប្រេះកែងជើង

    ដោយ: ស៊ីវងីម 10 PM, Friday, 20 Jan, 2017
    ប្រសិនបើអ្នកបរិភោគទឹកដោះគោ មួយកែវរាល់ថ្ងៃ វានឹងជួយបន្ថែមជាតិកាល់ស្បូម ព្រមទាំងជួយដល់ឆ្អឹងរបស់អ្នក។ ទឹកដោះគោ មានសារប្រយោជន៍មិនត្រឹមតែប៉ុណ្ណឹងទេ។ អ្នកអាចប្រើទឹកដោះគោ ដើមី្បជំនួយដល់ស្បែកមុខ ការពារស្បែកមុខ និងបំបាត់បញ្ហាលើមុខទៀតផង។...
  • ៥ វិធី ដើមី្បបំផ្លាញជាតិខ្លាញ់ ក្នុងពេលដើរហាត់ប...

    ដោយ: សហការី 10 AM, Friday, 27 Jan, 2017
    ការហាត់ប្រាណ ដើមី្បបំបាត់ជាតិខ្លាញ់ ឬជាតិធាតុក្នុងខ្លួនមានច្រើនបែបណាស់ ក្នុងនោះការដើរ គឺជាវិធីសាស្ត្រដែលពេញនិយមជាងគេ សម្រាប់មនុស្សទូទៅ។ អ្នកហាត់ប្រាណគ្រប់រូប តែងយល់ច្រឡំ។ ការដើរពិតជាជួយបំផ្លាញជាតិខ្លាញ់ ក្នុងខ្លួនរបស់អ្នកមែន តែ...
  • លាហើយក្បាលពោះ ក្រោយពីញ៉ាំទឹក ៤ យ៉ាងនេះ

    ដោយ: ស. លីង 11 PM, Friday, 17 Feb, 2017
    មនុស្សគ្រប់គ្នា មិនសូវខ្លាចធាត់ទេ ខ្លាចដុះក្បាលពោះច្រើនជាង។ ត្រូវទេ? ប្រសិនបើអ្នកមានក្បាលពោះ ដែលធ្វើឲ្យអ្នកទើសចិត្តពេលស្លៀកពាក់ម្តងៗនោះ អ្នកអាចសាកល្បងទទួលទានភេសជ្ជៈ ៤ យ៉ាងដែល ទំនើប នាំមកបង្ហាញជូនខាងក្រោមនេះ៖ ១. ស្រាទំពាំងបាយជូ...
  • វិធីសាស្រ្តបង្ការអាការៈពុល ពេលធ្វើដំណើរ

    ដោយ: ដួងច័ន្ទ 8 PM, Thursday, 26 Jan, 2017
    តើអ្វីជាជម្ងឺពុល ពេលធ្វើដំណើរ? អាការៈពុលពេលធ្វើដំណើរ ឬហៅថាពុលរលក ឬពុលឡាន ជាការរំខានផ្នែកខាងក្នុង នៃត្រចៀក ដែលបណ្តាលមកពីចលនា ដែលធ្វើដដែលៗ។ មនុស្សគ្រប់រូបអាចកើតមានអាការៈបែបនេះ ប៉ុន្តែស្ថិតក្នុងលក្ខខណ្ឌខុសៗគ្នា។ ជម្ងឺពុល ពេលធ្វើដំ...