ចូលចិត្តទំនើប

អាហារដ៏ល្អបំផុត 5 យ៉ាងដែលគួរបរិភោគមុនពេលចូលគេង

ដោយ: ភារុន 8 AM, Wednesday, 17 Oct, 2018

ទំនៀមទម្លាប់តាំងតែពីបូរាណមកបាននិយាយថាមុនពេលចូលគេងមិនត្រូវបរិភោគអាហារនោះទេ ពីព្រោះគេមានជំនឿថាអាហារនឹងនៅក្នុងក្រពះពេញមួយយប់ដោយមិនបានរំលាយ ហើយព្រមទាំងលើកកម្ពស់ក្នុងការឡើងទម្ងន់ផងដែរ។ ប៉ុន្តែសម្រាប់អ្នកឯកទេសខាងផ្នែកចំណីអាហារមានគំនិតប្រឆាំងបន្តិចបន្តួចអំពីជំនឿនេះ ដោយពួកគេបានអះអាងថាការបរិភោគអាហារមុនពេលចូលគេងអាចធ្វើឱ្យយើងគេងលក់ស្រួល ដោយគ្រាន់តែអ្នកត្រូវចេះជ្រើសរើសអាហារណាដែលសក្តិសមសម្រាប់ការទទួលទានមុនពេលចូលគេង។ ខាងក្រោមនេះគឺជាអាហារចំនួន 5 យ៉ាងដែល ទំនើប នឹងធ្វើការណែនាំជូនដល់ប្រិយមិត្តអំពីអាហារដ៏បំផុតដែលសក្តិសមសម្រាប់បរិភោគពេលរាត្រី៖
1. ផ្លែ ចេក
ផ្លែ ចេក គឺជាអាហារសម្រន់ដ៏ល្អបំផុតសម្រាប់បរិភោគនៅពេលយប់ ពីព្រោះផ្លែចេកមានសារធាតុម៉ាញ៉េស្យូម និង ប៉ូតាស្យូម ខ្ពស់ដែលវាអាចជួយបន្ធូរសាច់ដុំ ព្រមទាំងមានវីតាមីន B6 ដែលជួយក្នុងការផលិតអរម៉ូន Serotonin ដែលធ្វើឱ្យអារម្មណ៍ស្ងប់នឹងធ្វើឱ្យអ្នកគេងលក់ស្រួល។

2. គ្រាប់ អាល់ម៉ុង
គ្រាប់អាល់ម៉ុង គឺជាអាហារដ៏អស្ចារ្យមួយដែលអាចធ្វើឱ្យគេងលក់ស្រួល ពី 6-8 ម៉ោង ដោយសារគ្រាប់អាល់ម៉ុងសម្បូរទៅដោយសារធាតុខ្លាញ់ល្អ ដែលរាងកាយមនុស្សត្រូវការដើម្បីជួយដល់ការរំលាយអាហារឱ្យកាន់តែល្អប្រសើរ។ ពេលអ្នកគេងគឺជាពេលដែលសាច់ដុំរបស់អ្នកកំពុងធ្វើការជួសជុល ដូច្នេះវាត្រូវការប្រេងដើម្បីធ្វើឱ្យវាមានប្រសិទ្ធភាព។ គ្រាប់អាល់ម៉ុងគឺជាប្រភពដ៏ល្អបំផុត។

3. ទឹកឃ្មុំ
តើអ្នកមានធ្លាប់ទទួលអារម្មណ៍ថាអ្នកមិនអាចគេងលក់ទេ ប្រសិនបើអ្នកមិនបានទទួលទានជាតិផ្អែម? ងាកចេញពីការបរិភោគបង្អែមអ្នកអាចប្រើទឹកឃ្មុំមកជំនួសវិញ។ ទឹកឃ្មុំមួយស្លាបព្រាកាហ្វេគឺជាជម្រើសដ៏ល្អបំផុត ពីព្រោះវាគឺជាជាតិស្ករធម្មជាតិដែលអនុញ្ញាតឱ្យសារធាតុ Tryptophan ចូលទៅក្នុងខួរក្បាលបានយ៉ាងងាយស្រួល ដែលវាជាសារធាតុមួយដែលអាចធ្វើឱ្យខួរក្បាលរបស់អ្នកបានសម្រាក។

4. ស្រូវសាឡី (Oats)
ស្រូវសាឡី គឺជាអ្នកផលិតជាតិកាបូអ៊ីដ្រាត ដែលជួយបង្កើនការរំលាយអាហាររបស់អ្នកឱ្យកាន់តែល្អ ហើយវាក៏ជួយផលិតជាតិអាំងស៊ុយលីននៅក្នុងឈាមផងដែរ។ លើសពីនេះស្រូវសាឡីសម្បូរដោយវីតាមីន និង សារធាតុរ៉ែផងដែរ ដែលជួយក្នុងការរំលាយអាហារនៅក្នុងក្រពះ។

5. ផ្លែ គីវី
ផ្លែគីវី មានទាំងរសជាតិផ្អែម និង ជូរ ដែលអាចជួយគ្រប់គ្រងការឃ្លាន ការរំលាយអាហារ កាត់បន្ថយការរលាកសរសៃ និងកាត់បន្ថយជាតិកូឡេស្តូរ៉ូក្នុងឈាម ដោយសារផ្លែ គីវី មានសារធាតុសរសៃរខ្ពស់ និង សារធាតុប្រឆាំងអុកស៊ីតកម្ម carotenoid។

អត្ថបទអ្នកចង់អាន

  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...
  • អាហារទូទៅតែមានប្រយោជន៍ សម្រាប់ការសម្រករាង

    ដោយ: ស. លីង 10 PM, Monday, 20 Feb, 2017
    មិនពិបាកទេ ប្រសិនបើអ្នកចង់សម្រករាងឲ្យស្វែលស្អាត ដោយគ្រាន់តែបរិភោគអាហារ ទូទៅប្រចាំថ្ងៃមួយចំនួន ដែលមានគុណសម្បត្តិ ក្នុងការដុតបំផ្លាញជាតិខ្លាញ់ធាតុក្នុងខ្លួនអ្នក។ តើអាហារទាំងនោះមានអ្វីខ្លះ? ១. ត្រីសាល់មុន សាច់ត្រី គឺជាប្រភេទអាហារ...
  • លាហើយក្បាលពោះ ក្រោយពីញ៉ាំទឹក ៤ យ៉ាងនេះ

    ដោយ: ស. លីង 11 PM, Friday, 17 Feb, 2017
    មនុស្សគ្រប់គ្នា មិនសូវខ្លាចធាត់ទេ ខ្លាចដុះក្បាលពោះច្រើនជាង។ ត្រូវទេ? ប្រសិនបើអ្នកមានក្បាលពោះ ដែលធ្វើឲ្យអ្នកទើសចិត្តពេលស្លៀកពាក់ម្តងៗនោះ អ្នកអាចសាកល្បងទទួលទានភេសជ្ជៈ ៤ យ៉ាងដែល ទំនើប នាំមកបង្ហាញជូនខាងក្រោមនេះ៖ ១. ស្រាទំពាំងបាយជូ...
  • រោគសញ្ញា ៦ បង្ហាញថា អ្នកកើតជំងឺដាច់សរសៃឈាម ក្នុ...

    ដោយ: ស. លីង 9 PM, Friday, 24 Feb, 2017
    ជំងឺ Stroke ឬហៅជាភាសាខ្មែរថា ជំងឺដាច់សរសៃឈាមក្នុងខួរក្បាល ជាជំងឺគួរឲ្យខ្លាច និងពិបាកនឹងសំគាល់ឃើញ។ Stroke បណ្តាលឲ្យផលប៉ះពាល់ដល់ការចងចាំ ពិបាកក្នុងការនិយាយ (និយាយមិនច្បាស់) ឬការផ្លាស់ប្តូរអត្តចរិត។ ជំងឺនេះមានពីរប្រភេទ។ ទីមួយបណ្តា...