ចូលចិត្តទំនើប

អត្ថប្រយោជន៍ទាំង 7 យ៉ាងនៃទឹកដូង

ដោយ: ភារុន 1 PM, Friday, 02 Nov, 2018

អ្នកទាំងអស់គ្នាច្បាស់ជាដឹងហើយថាទឹកដូងគឺជាភេសជ្ជៈធម្មជាតិមួយប្រភេទដែលមានទាំងរសជាតិឆ្ងាញ់ និង ផ្តល់នូវសុខភាពល្អ។ លើសពីនេះទឹកដូងអាចយកធ្វើជាគ្រឿងផ្សំសម្រាប់អាហារដើម្បីបង្កើនរសជាតិឱ្យកាន់តែឆ្ងាញ់ផងដែរ ។ ទឹកដូងត្រូវបានមនុស្សយកមកទទួលទានអស់ជាច្រើនសតវត្សរ៍មកហើយនៅក្នុងតំបន់ត្រូពិច ហើយនាពេលថ្មីៗនេះក៏មានការផ្ទុះយ៉ាងខ្លាំងក្លានូវការទទួលទានទឹកដូងនៅជុំវិញពិភពលោក។ ពីព្រោះទឹកដូងមានកំហាប់អេឡិចត្រូលីត្រ វីតាមីន និង សារធាតុរ៉ែផ្សេងៗទៀត។ ម្យ៉ាងទៀតទឹកដូងអាចធ្វើជាឱសថបូរាណដើម្បីជួយដល់ប្រព័ន្ធរំលាយអាហរ តម្រងនោម និង ការខ្សោះជាតិទឹកនៅក្នុងរាងកាយមនុស្សផងដែរ។ ដូច្នេះ ទំនើប សូមណែនាំអត្ថប្រយោជន៍ 7 យ៉ាងបន្ថែមរបស់ទឹកដូងដើម្បីប្រិយមិត្តអ្នកអានបានយល់ដឹងបន្ថែមអំពីទឹកដូង ដែលមានដូចខាងក្រោម៖
1. ធ្វើជាភេសជ្ជៈកីឡាធម្មជាតិ
សារធាតុអេឡិចត្រុងធម្មជាតិដែលមានក្នុងទឹកដូង បានធ្វើឱ្យទឹកដូងក្លាយជាភេសជ្ជៈកីឡាធម្មជាតិសម្រាប់ផ្តល់ថាមពលដល់អ្នកលេងកីឡា ដែលអស់កម្លាំងពីការលេងកីឡាអស់ជាច្រើនម៉ោង ហើយទឹកដូងក៏រក្សាជាតិសំណើម និង ជួយបំពេញបន្ថែមនូវសារធាតុទឹកនៅក្នុងរាងកាយមនុស្សបន្ទាប់ពីលេងកីឡារួច។

2. ទឹកដូងមានជាតិកាឡូរីទាប
ទឹកដូងមួយកែវមានជាតិកាឡូរីត្រឹមតែ 45 កាឡូរីប៉ុណ្ណោះ វាពិតជាអស្ចារ្យសម្រាប់ធ្វើជាភេសជ្ជៈជំនួសនូវភេសជ្ជៈដែលមានជាតិកាឡូរីខ្ពស់ដូចជា សូដា និង ទឹកភេសជ្ជៈកំប៉ុងផ្សេងៗ នេះបើយោងតាមបណ្ឌិតសភានៃអាហាររូបត្ថម្ភ និង អាហារជីជាតិពួកគេបានធ្វើការពិសោធន៍ទៅលើទឹកដូង។

3. ទឹកដូងមានជាតិប៉ូតាស្យូម
ទឹកដូងមានជាតិប៉ូតាស្យូម 10 ដងច្រើនជាងភេសជ្ជៈផ្សេងៗទៀត។ ទឹកដូងមួយកែវមានជាតិប៉ូតាស្យូម 405 មីលី ក្រាម។ ជាតិប៉ូតាស្យូមអាចជួយរក្សាលំនឹងសារធាតុរាវ និង សារធាតុអេឡិចត្រូលីត្រនៅក្នុងរាងកាយ ជាពិសេសនៅពេលធ្វើលំហាត់ប្រាណ។ ប៉ូតាស្យូមនៅក្នុងទឹកដូងអាចជួយធ្វើឱ្យមានតុល្យភាពនៃជាតិសូដ្យូមនៅក្នុងឈាមផងដែរ។

4. ទឹកដូងមានជាតិកាល់ស្យូម និង ម៉ាញេស្យូម
កាល់ស្យូមមានសារៈសំខាន់ណាស់សម្រាប់ឆ្អឹង និង ធ្មេញ ព្រមទាំងជួយសម្រួលសាច់ដុំឱ្យធ្វើការបានត្រឹមត្រូវ។ ម៉ាញេស្យូម ជួយផ្លាស់ទីកាល់ស្យូម និង ប៉ូតាស្យូមទៅក្នុងសាច់ដុំដើម្បីជួយការពារក្នុងការកកិត និង អនុញ្ញាតឱ្យសាច់ដុំ សម្រាក។ ម្យ៉ាងទៀតម៉ាញេស្យូមជួយបង្ការមិនឱ្យរមួលក្រពើ និង ស្ពឹក នៅពេលលេងកីឡា និង ហាត់ប្រាណ។

5. ទឹកដូងមានសារធាតុប្រឆាំងអុកស៊ីតកម្ម
ទឹកដូងមានផ្ទុកសារធាតុប្រឆាំងអុកស៊ីតកម្មដែលជួយកាត់បន្ថយភាពតានតឹងដែលបណ្តាលមកពី អុកស៊ីតកម្ម និង រ៉ាឌីកាល់សេរី ដែលបង្កើតឡើងនៅពេលធ្វើលំហាត់ប្រាណ និង ធ្វើចលនាខ្លាំងៗផ្សេងៗ។ ការទទួលទានទឹកដូងស្រស់អាចនឹងទទួលបានសារធាតុប្រឆាំងអុកស៊ីតកម្មកម្រិតខ្ពស់។

6. ទឹកដូងមានជាតិអាស៊ីត អាមីណូ
អាស៊ីត អាមីណូ មានសារៈសំខាន់ណាស់សម្រាប់ការជួសជុលជាលិកា និង តំបន់ដែលផ្ទុកជាតិប្រូតេអ៊ីន។ លើសពីនេះទឹកដូងមានសារធាតុ alanine, arginine, cysteine, និង serine ច្រើនជាងទឹកដោះគោ ព្រមទាំងមានសារធាតុArginine ដែលអាចធ្វើឱ្យបេះដូងមានសុខភាពល្អ។

7. ទឹកដូងមានសារធាតុអ័រម៉ូន Cytokinins
អ័រម៉ូនដែលជួយឱ្យរុក្ខជាតិដុះរីកលូតលាស់ល្អត្រូវបានគេស្គាស់ថាជាសារធាតុអ័រម៉ូន Cytokinins ហើយក៏ត្រូវបានគេរកឃើញផងដែរនៅក្នុងទឹកដូង។ សារធាតុអ័រម៉ូន Cytokinins ត្រូវបានគេរកឃើញថាវាអាចប្រឆាំងនឹងជម្ងឺមហារីក យោងតាមការសិក្សាស្រាវជ្រាវបានបង្ហាញថាអ្នកទទួលទានទឹកដូងច្រើនមិនកើតជម្ងឺមហារីកនោះទេ។

អត្ថបទអ្នកចង់អាន

  • តិចនិកតុបតែងខ្លួន ១០ចំណុច ដែលសុភាពបុរសទាំងអស់ គ...

    ដោយ: ដួងច័ន្ទ 10 PM, Sunday, 19 Feb, 2017
    មនុស្សភាគច្រើនតែងយល់ខុសថា ការតុបតែងខ្លួនភាសា សម្រាប់ប្រើចំពោះតែនារីភេទ។ នេះជាការ យល់ខុស បុរសក៏ត្រូវការគិតគូរពីភាពស្រស់ស្អាត និងការតុបតែងខ្លួនដែរ។ ការមិនយកចិត្តទុកដាក់ ថែរក្សាសុខភាពសម្រស់របស់បុរស ជាទង្វើមួយខុសឆ្គង ដែលអាចនឹងធ្វើឱ...
  • វេជ្ជបណ្ឌិតជំនាញ ពន្យល់ពីកាយវិការគេង បណ្តាលឱ្យម...

    ដោយ: ដួងច័ន្ទ 9 PM, Sunday, 19 Feb, 2017
    លោកវេជ្ជបណ្ឌិត Michael Breus គឺជាវេជ្ជបណ្ឌិតមានជំនាញខាងដំណេក បានជួបប្រទះនឹង បញ្ហាផ្សេងៗគ្នា ជាច្រើនទាក់ទងនឹងការគេង។ គាត់បានពន្យល់ពីកាយវិការ នៃការគេងដែលបណ្តាលឱ្យមានស្នាមជ្រួញ។ គាត់ក៏បានពន្យល់ពីកាយវិការគេង ដែលល្អសម្រាប់សុខភាពផងដែ...
  • សញ្ញា ៧ យ៉ាង បង្ហាញថាកម្រិតកាល់ឡូរីរបស់អ្នក មិន...

    ដោយ: ដួងច័ន្ទ 10 PM, Friday, 17 Feb, 2017
    ការកាត់បន្ថយកាល់ឡូរី គឺជាគន្លឹះដ៏សំខាន់មួយ សម្រាប់ការសម្រកទម្ងន់។ ប៉ុន្តែការបន្ថយច្រើនពេក ក៏មិនប្រសើរ សម្រាប់សុខភាពដែរ។ ទំនើប សូមបង្ហាញពីសញ្ញាអាសន្ន ដែលបង្ហាញថាអ្នកទទួលអាហារ មានជាតិកាល់ឡូរីមិនគ្រប់គ្រាន់។ អស់កម្លាំង កាល់ឡូរី គឺ...
  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...