ចូលចិត្តទំនើប

ស្រាក្រហមជួយឱ្យអាយុវែង

ដោយ: ដួងច័ន្ទ 8 AM, Saturday, 04 Aug, 2018

នៅក្នុងឆ្នាំ 2018 ចំនួនមនុស្សកាន់តែច្រើនរស់នៅបានកាន់តែយូរ រហូតដល់អាយុខ្ទង់ 90។ អ្នកស្រាវជ្រាវបាននឹងកំពុងស្វែងរកចម្លើយ ដែលជួយឱ្យ
ក្រុមមនុស្សទាំងនោះរស់នៅបានដល់អាយុ 90 ឆ្នាំ ឬលើសពីនេះ។ ចម្លើយ គឺស្រាក្រហម! ចង់ដឹងថាស្រាក្រហម មានអត្ថប្រយោជន៍ដូចម្តេចខ្លះ
សូមអានអត្ថបទខាងក្រោម។

ខណៈដែលការថែទាំសុខភាពត្រូវបានពង្រឹង ព្រមជាមួយគ្នានេះការថែរក្សាសុខភាពក៏មានរឿងរាវជាច្រើនត្រូវធ្វើជាមួយនឹងការបង្កើនអាយុកាលរស់
នៅផងដែរ។ ការសិក្សាមួយ មានឈ្មោះថា the 90+ Study បានចាប់ផ្តើមកាលពីឆ្នាំ 2003 ដែលសិក្សាពីកត្តាជួយឱ្យមនុស្សរស់នៅបានកាន់តែយូរ។
អ្នកវិភាគបានធ្វើតេស្តលើមនុស្សមួយក្រុម ដែលមានអាយុ 90 ឆ្នាំ ឬលើសពីនេះ។ នៅក្នុងសិក្សានេះ ពួកគេបានផ្តោតលើអ្វីដែលជួយឱ្យមនុស្សរស់នៅ
បានដល់វ័យ 90 កត្តាដែលបណ្តាលឱ្យមានជម្ងឺភ្លេចភ្លាំង អត្រានៃការធ្លាក់ចុះសមត្ថភាពផ្លូវកាយ និងខួរក្បាល និងការថែទាំសុខភាពសម្រាប់ជនចាស់ជរា។
អ្នកដែលចូលរួមក្នុងការសិក្សានេះ ត្រូវបានធ្វើតេស្ត 2 ដាច់ដោយឡែកពីគ្នា។

យោងតាមការសិក្សាបានបង្ហាញថា ការទទួលទានស្រាក្រហម អាចជាជំនួយដល់ការពន្យារអាយុរស់នៅ។ គន្លឹះសំខាន់គឺ បរិមាណសមល្ម។
ការទទួលទានស្រាក្រហមក្នុងបរិមាណតិចតួច ល្អប្រសើរជាងការទទួលស្រាអស់ទាំងដប។ ការសិក្សាណែនាំឱ្យទទួលទានជាតិអាល់កុលជាមួយ
អាហារក្នុងបរិមាណ 354.8 មីលីលីត្រ សម្រាប់ស្រាបៀរ 147.8 មីលីលីត្រសម្រាប់ស្រាក្រហម និង 44.3 មីលីលីត្រ សម្រាប់ស្រាស។
ខណៈដែលការទទួលទានស្រាមិនមែនជាកត្តាតែមួយ ដែលជំរុញឱ្យអ្នករស់នៅបានយូរ លទ្ធផលនៃការសិក្សាបានបង្ហាញថាមនុស្សដែលទទួលទាន
ស្រាក្រហម ក្នុងបរិមាណសមស្រប អាចជួយបន្ទាបអត្រាជម្ងឺបេះដូង អត្រាជម្ងឺទឹកនោមផ្អែម និងកាត់បន្ថយជម្ងឺដាច់សរសៃឈាមផងដែរ។

សារព័ត៌មាន British Journal of Sport Medicine ក៏បានធ្វើការសិក្សាអំពីការធ្វើលំហាត់ប្រាណ ដែលអាចដោះស្រាយបញ្ហាទទួលទានជាតិស្រវឹងជ្រុល។
ការស្រាវជ្រាវលើមនុស្សចំនួន 36,370 នាក់ នៅក្នុងប្រទេសអង់គ្លេស និងស្កុតឡេន បានចែកចេញជា 3 ប្រភេទ ទីមួយអ្នកមិនធ្វើលំហាត់ប្រាណ
អ្នកធ្វើលំហាត់ប្រាណតិចតួច និងអ្នកធ្វើលំហាត់ប្រាណច្រើន។ ការទទួលទានជាតិអាល់កុលរបស់ពួកគេក៏ត្រូវបានត្រួតពិនិត្យផងដែរ។
អស់រយៈពេល 10 ឆ្នាំ ក្រោយការសិក្សាបានចេញជាលទ្ធផលថា មនុស្សចំនួន 5,735 នាក់បានស្លាប់។ ជាលទ្ធផល អ្នកស្រាវជ្រាវបានស្វែងរក
ឃើញថាមនុស្សដែលទទួលជាតិអាល់កុលក្នុងបរិមាណច្រើន មានអត្រាប្រឈមនឹងជម្ងឺមហារីកខ្ពស់ ចំណែកអ្នកដែលមិនទទួលទានជាតិអាល់កុល
ឬទទួលទានក្នុងបរិមាណសមស្រប មានអត្រាប្រឈមនឹងជម្ងឺមហារីកទាប។

អត្ថបទអ្នកចង់អាន

  • អាហារបំប៉ន សុខភាពខួរក្បាល សម្រាប់កុមារ

    ដោយ: ដួងច័ន្ទ 1 PM, Sunday, 29 Jan, 2017
    របបអាហារ ដែលមានផាសុកភាព និងមានតុល្យភាព មិនត្រឹមតែមានផលល្អ សម្រាប់រាងកាយ និងការលូតលាស់របស់ក្មេងៗប៉ុណ្ណោះទេ វាល្អប្រសើរសម្រាប់ខួរក្បាលរបស់ពួកគេផងដែរ។ របបអាហារ ត្រឹមត្រូវជួយពង្រឹងសមត្ថភាពខួរក្បាល ការចងចាំ និងការគ្រប់គ្រងអារម្មណ៍។ ...
  • បញ្ហាស្បែកតូចតាច ៦ ជារោគសញ្ញា នៃជំងឺសើស្បែក និង...

    ដោយ: ដួងច័ន្ទ 7 PM, Thursday, 02 Feb, 2017
    គ្រាន់តែប្រេះបបូរមាត់ កើតស្នាមអុជៗលើមុខ ជារឿងធ្ងន់ធ្ងរដែរ? ពិតជាធ្ងន់ធ្ងរ ប្រសិនបើអ្នកព្យាយាមព្យាបាលអស់លទ្ធភាព ហើយវានៅតែមិនជាសះស្បើយ។ ព្រោះនេះមិនមែនគ្រាន់តែ ជាបញ្ហាលើស្បែកធម្មតានោះទេ វាចង់បញ្ជាក់ប្រាប់ថា សុខភាពរបស់អ្នកធ្លាក់ដុន...
  • ទីតាំងមុននៅលើមុខ អាចបង្ហាញពីមូលហេតុ នៃការកើតមុន

    ដោយ: ដួងច័ន្ទ 2 PM, Tuesday, 31 Jan, 2017
    តើអ្នកធ្លាប់ឆ្ងល់ទេ ហេតុអ្វីក៏មុនតែងតែចេញ នៅទីតាំងដដែល ម្តងហើយម្តងទៀតដូច្នេះ? ទីតាំងនៃមុននៅលើមុខ អាចបណ្តាលមកពីអ្វីមួយ ដែលកើតឡើងនៅក្នុងរាងកាយ។ ទីតាំងនៃការកើតមុនលើ ផ្ទៃមុខមានទំនាក់ទំនងជាមួយស្បែកមុខ ដែលមានសរីរាង្គខាងក្នុងខុសៗគ្នា។...
  • ខ្ញុំឈឺបត់ជើងតូច តើគួរទៅភ្លាម ឬចាំសិន?

    ដោយ: ស. លីង 9 PM, Sunday, 26 Feb, 2017
    មនុស្សភាគច្រើន មិនថាប្រុសមិនថាស្រី ច្រើនតែមិនទៅបន្ទប់ទឹកពេលឈឺភ្លាមនោះទេ។ បើមិនកន្លះម៉ោង ក៏ ១០នាទីដែរ ទម្រាំដាច់ចិត្តទៅ។ តើធ្វើបែបនេះល្អ ឬទេ? ទូទៅ ទឹកមូត្រ ឬភាសានិយាយថា ទឹកនោម។ ជាទូទៅក្នុងរយៈពេល ២៤ ម៉ោង មនុស្សធំអាចផលិតទឹកនោមចំណុ...