ចូលចិត្តទំនើប

សញ្ញា ៧ យ៉ាង បង្ហាញថាកម្រិតកាល់ឡូរីរបស់អ្នក មិនគ្រប់គ្រាន់

ដោយ: ដួងច័ន្ទ 10 PM, Friday, 17 Feb, 2017

ការកាត់បន្ថយកាល់ឡូរី គឺជាគន្លឹះដ៏សំខាន់មួយ សម្រាប់ការសម្រកទម្ងន់។ ប៉ុន្តែការបន្ថយច្រើនពេក ក៏មិនប្រសើរ សម្រាប់សុខភាពដែរ។

ទំនើប សូមបង្ហាញពីសញ្ញាអាសន្ន ដែលបង្ហាញថាអ្នកទទួលអាហារ មានជាតិកាល់ឡូរីមិនគ្រប់គ្រាន់។

អស់កម្លាំង

កាល់ឡូរី គឺជាថាមពល។ បើសិនជាអ្នកតែងមានអារម្មណ៍ល្ហិតល្ហៃ ជាងធម្មតា ឬអ្នកមិនអាចក្រោក ពីដំណេកបាន ទោះបីអ្នកគេងពេញ ៨ម៉ោងក៏ដោយ សូមពិនិត្យមើលរបបអាហារប្រចាំថ្ងៃរបស់អ្នក។ បើសិនជាអ្នកកាន់តែដុនដាប ពិបាកនឹងធ្វើសកម្មភាពពេញមួយថ្ងៃ នេះជាកត្តាបង្ហាញថា អ្នកទទួលបានអាហាររូបត្ថម្ភមិនគ្រប់គ្រាន់។

ឈឺចាប់ ពេលធ្វើកីឡា ឬលំហាត់ប្រាណ

ការមានថាមពលពេញលេញ គឺជាប្រភពនៃកម្លាំង ដែលអ្នកត្រូវការនៅពេលអ្នកលេងកីឡា ឬលំហាត់ ប្រាណ។ បើសិនជាអ្នកកត់សម្គាល់ថា អ្នកឆាប់ហត់ អស់កម្លាំង ឬ ពិបាកក្នុងការបញ្ចេញសកម្មភាព ក្នុងពេលលេងកីឡា សូមពិនិត្យលើរបបអាហារ មុននិងក្រោយពេលលេងកីឡា ឬលំហាត់ប្រាណ។ ទទួលទានអាហារ ដែលសំបូរជាតិកាបូនមុនពេលលេងកីឡា និងបំពេញបន្ថែម ជាមួយនឹងសារជាតិ ប្រូតេអ៊ីន និងកាបូន នឹងជួយគាំទ្រដល់ការទទួលបានថាមពលមកវិញ។ វិធីនេះនឹងជួយឱ្យរាងកាយ របស់អ្នកជួសជុលភាពខ្វះខាតដោយខ្លួនឯង និងផ្តល់នូវសាច់ដុំ ដូចបំណងប្រាថ្នារបស់អ្នក។

មិនអាចផ្តោតអារម្មណ៍

នៅពេលកម្រិតកាល់ឡូរីទាប ស្មារតីរបស់អ្នកនឹងវិលវល់។ បើសិនជាយ៉ៅអួរ ដែលមានកាល់ឡូរី ៨០ និងគ្មានជាតិខ្លាញ់ មិនអាចជួយអ្នកក្នុងអំឡុងពេលប្រជុំ សូមបន្ថែមគ្រាប់ធញ្ញជាតិ ដើម្បីរក្សាថាមពល។ អ្នកក៏អាចបរិភោគអាហារពេលព្រឹក ដែលផ្តល់នូវតុល្យភាពប្រូតេអ៊ីន សារជាតិកាបូនគ្រប់គ្រាន់ និងខ្លាញ់។ នំប៉័ងជាមួយពងទា ឬផ្លែឈើលាយជាមួយប៊័រអាល់ម៉ុន នឹងជួយអ្នកមានថាមពលគ្រប់គ្រាន់។ វាអាចហៅបានថា ជាអាហារថាមពលខួរក្បាល។

តែងតែស្រេកឃ្លាន

បើសិនអ្នកតែងតែមានអារម្មណ៍ឃ្លាន មិនឈប់ឈរ វាអាចជាសញ្ញាថា អ្នកទទួលទានមិនបានគ្រប់គ្រាន់។ សូមពិនិត្យរបបអាហារ ហើយអ្នកអាចព្យាយាមបន្ថែមអាហារថាមពល និងអាហារសម្រន់។ សូមផ្តល់នូវតុល្យភាពនៃប្រូតេអ៊ីន ជាតិកាបូន និងខ្លាញ់ដែលល្អសម្រាប់សុខភាព នៅក្នុងអាហារ ដើម្បីទទួលបានថាមពលស្ថិតស្ថេរ។

វដ្តរដូវមិនទៀងទាត់

ការទទួលបានកាល់ឡូរីមិនគ្រប់គ្រាន់ អាចបណ្តាលឱ្យកម្រិត នៃអ័រម៉ូនមានការផ្លាស់ប្តូរ ដែលអាចឱ្យ វដ្តរដូវរបស់អ្នកមិនទៀងទាត់។ អាហាររូបត្ថម្ភគ្រប់គ្រាន់ គឺជាកត្តាសំខាន់ សម្រាប់មុខងារអ័រម៉ូនធម្មតា ដូច្នេះការបាត់រដូវ (ដោយមិនមែនជាករណីមានគក៌) ឬរដូវមិនទៀងទាត់ នៅពេលដែលអ្នកតែងមានវដ្តរដូវទៀងទាត់ គឺជាសញ្ញាយ៉ាងច្បាស់ និងសំខាន់ បង្ហាញថាអ្នកកំពុងមានបញ្ហា្។

ទម្ងន់មិនផ្លាស់ប្តូរ

ការធ្លាក់ចុះកាល់ឡូរីភ្លាមៗ អាចបញ្ឆោតអ្នកថា រាងកាយអ្នកកំពុងចុះទម្ងន់។ ដូច្នេះអ្នកកំពុងឈានទៅរកភាពស្រេកឃ្លាន ដើម្បីទទួលបានកាល់ឡូរីគ្រប់គ្រាន់។ បែបនេះកាន់តែធ្វើឱ្យពិបាក សម្រាប់ការបញ្ចុះទម្ងន់ ព្រោះវាបានរារាំង ដល់ការរំលាយអាហាររបស់អ្នក។ បើសិនជាអ្នកមិនចុះទម្ងន់ ពេលអ្នកទទួលបានកាល់ឡូរី ១ ៤០០កាល់ឡូរីក្នុងមួយថ្ងៃ សូមព្យាយាមញ៉ាំឱ្យបាន ១ ៦០០កាល់ឡូរី សម្រាប់រយៈពេលពីរ ឬបីសប្តាហ៍។

អ្នកមិនអាចផ្តោតលើផែនការ

បើសិនជារបបអាហារ មានជាតិកាល់ឡូរីទាប អ្នកអាចនឹងពិបាកសម្របណាស់។ វាមិនត្រឹមតែមាន បញ្ហាជាមួយថាមពលប៉ុណ្ណោះទេ។ វាអាចបង្ហាញថា ការសម្រកទម្ងន់នេះមិនសមស្រប និងស្នើឱ្យឈប់ប្រើ។ ទោះបីអ្នកបង្កើនកម្រិតកាល់ឡូរីទាប អ្នកអាចនឹងទទួលបានអារម្មណ៍គ្រប់គ្រាន់។ ជាទូទៅ របបអាហារដែលជួយអ្នកសម្រេចបំណង គួរប្រហាក់ប្រហែលនឹងអាហារ ដែលនឹងជួយអ្នក រក្សាថាមពល។ នៅពេលអ្នកអាចបរិភោគអាហារ ដែលអ្នកចង់ញ៉ាំ អ្នកនឹងអាចអនុវត្តរបបអាហារសុខភាពផ្សេងៗទៀត ដែលជាជំនួយ ក្នុងគោលដៅសុខភាពល្អរយៈពេលវែង។

sign-of-low-calorie-02

អត្ថបទអ្នកចង់អាន

  • លាហើយក្បាលពោះ ក្រោយពីញ៉ាំទឹក ៤ យ៉ាងនេះ

    ដោយ: ស. លីង 11 PM, Friday, 17 Feb, 2017
    មនុស្សគ្រប់គ្នា មិនសូវខ្លាចធាត់ទេ ខ្លាចដុះក្បាលពោះច្រើនជាង។ ត្រូវទេ? ប្រសិនបើអ្នកមានក្បាលពោះ ដែលធ្វើឲ្យអ្នកទើសចិត្តពេលស្លៀកពាក់ម្តងៗនោះ អ្នកអាចសាកល្បងទទួលទានភេសជ្ជៈ ៤ យ៉ាងដែល ទំនើប នាំមកបង្ហាញជូនខាងក្រោមនេះ៖ ១. ស្រាទំពាំងបាយជូ...
  • តិចនិកតុបតែងខ្លួន ១០ចំណុច ដែលសុភាពបុរសទាំងអស់ គ...

    ដោយ: ដួងច័ន្ទ 10 PM, Sunday, 19 Feb, 2017
    មនុស្សភាគច្រើនតែងយល់ខុសថា ការតុបតែងខ្លួនភាសា សម្រាប់ប្រើចំពោះតែនារីភេទ។ នេះជាការ យល់ខុស បុរសក៏ត្រូវការគិតគូរពីភាពស្រស់ស្អាត និងការតុបតែងខ្លួនដែរ។ ការមិនយកចិត្តទុកដាក់ ថែរក្សាសុខភាពសម្រស់របស់បុរស ជាទង្វើមួយខុសឆ្គង ដែលអាចនឹងធ្វើឱ...
  • អាហារទូទៅតែមានប្រយោជន៍ សម្រាប់ការសម្រករាង

    ដោយ: ស. លីង 10 PM, Monday, 20 Feb, 2017
    មិនពិបាកទេ ប្រសិនបើអ្នកចង់សម្រករាងឲ្យស្វែលស្អាត ដោយគ្រាន់តែបរិភោគអាហារ ទូទៅប្រចាំថ្ងៃមួយចំនួន ដែលមានគុណសម្បត្តិ ក្នុងការដុតបំផ្លាញជាតិខ្លាញ់ធាតុក្នុងខ្លួនអ្នក។ តើអាហារទាំងនោះមានអ្វីខ្លះ? ១. ត្រីសាល់មុន សាច់ត្រី គឺជាប្រភេទអាហារ...
  • របកគំហើញវិទ្យាសាស្រ្ត ទាំង១០ ដែលអ្នកអាចនឹងមិនបា...

    ដោយ: ដួងច័ន្ទ 8 PM, Thursday, 20 Apr, 2017
    មានដំណឹងល្អៗមួយចំនួន ទាក់ទងនឹងវិទ្យាសាស្រ្ត ដែលអ្នកប្រហែលជារំលងមិនបានដឹង។ ដូច្នេះ ទំនើប សូមលើកយកមកបង្ហាញអ្នក ដើម្បីទទួលជ្រាបទាំងអស់គ្នា។ ១. កំណើននៃសត្វ Penguin បានកើនឡើងខ្ទង់លាន មានចំនួនសត្វ Penguin កាន់តែច្រើនឡើងនៅលើភពផែនដី ច...