ចូលចិត្តទំនើប

វិធី 5 យ៉ាង ដើម្បីកុំឱ្យកើតជម្ងឺផ្តាសាយ

ដោយ: ភារុន 8 AM, Monday, 05 Nov, 2018

នៅពេលអ្នកកើតជម្ងឺផ្តាសាយ វាពិតជាផ្តល់ការរំខានខ្លាំងណាស់ដល់ការងារប្រចាំថ្ងៃរបស់អ្នក។ ដូច្នេះដើម្បីជៀសវាងការរំខានទាំងនេះអ្នកគួរធ្វើតាមវិធីទាំង 5 ខាងក្រោមនេះដើម្បីកុំឱ្យកើតជម្ងឺផ្តាសាយ៖
1. ចាក់វ៉ាក់សាំងការពារជម្ងឺផ្តាសាយ
វាគឺជាវិធីដ៏ល្អបំផុតដើម្បីការពារខ្លួនអ្នកប្រឆាំងនឹងជម្ងឺផ្តាសាយ។ ការចាក់ថ្នាំបង្កាមិនត្រឹមតែជួយការពារសុខភាពរបស់អ្នកប៉ុណ្ណោះទេ ថែមទាំងអាចជួយមនុស្សដែលនៅជុំវិញខ្លួនអ្នកផងដែរ ពីព្រោះមានឱកាសតិចតួចបំផុតដែលពួកគេចម្លង ឬ ឆ្លងជម្ងឺផ្តាសាយ។

2. លាងដៃឱ្យបានញឹកញាប់
ការលាងដៃគឺជាផ្នែកមួយដ៏សំខាន់ក្នុងការការពារជម្ងឺផ្តាសាយ និង ប្រឆាំងនឹងវីរុសផ្សេងៗទៀត។ លាងដៃបន្ទាប់ពីចូលបង្គន់រួច ឬ បន្ទាប់ពីក្អក និង កណ្តាស់រួច មុនពេលរៀបចំចម្អិនអាហារ និង ទទួលទានអាហារជាដើម។ ដូច្នេះអ្នកត្រូវតែមានទម្លាប់លាងដៃនៅពេលដែលអ្នកត្រឡប់មកផ្ទះ ពីកន្លែងធ្វើការ សាលារៀន ផ្សារទំនើប ឬ កន្លែងណាដែលមានមនុស្សច្រើននៅជុំវិញអ្នក។

3. នៅឱ្យឆ្ងាយពីអ្នកកើតជម្ងឺផ្តាសាយ
មេរោគគ្រុនផ្តាសាយឆ្លងតាមរយះខ្យល់អាកាស ដូច្នេះប្រសិនបើអាចទៅរួចអ្នកគួរនៅឱ្យឆ្ងាយពីអ្នកជម្ងឺផ្តាសាយ។ បើរិតតែប្រសើរអ្នកមិនត្រូវយកដៃទៅប៉ះភ្នែក ច្រមុះ និង មាត់ របស់ខ្លួនឯងទេ នៅពេលអ្នកនៅជិតអ្នកជម្ងឺផ្តាសាយ ពីព្រោះតំបន់ទាំង 3 នេះងាយនឹងធ្វើឱ្យវីរុសគ្រុនផ្តាសាយឆ្លងទៅក្នុងខ្លួនរបស់អ្នក។

4. នៅពេលក្អក ឬ កណ្តាស់ត្រូវយកក្រដាសជូតមាត់មកខ្ទប់មាត់កុំប្រើដៃផ្ទាល់
វិធីនេះអាចជួយអ្នកមិនឱ្យចម្លងជម្ងឺផ្តាសាយទៅមនុស្សម្នាក់ផ្សេងទៀត។ ទោះបីជាអ្នកមិនមានជម្ងឺផ្តាសាយក៏ដោយវាជាទម្លាប់ល្អនៅពេលក្អក ឬ កណ្តាស់ ត្រូវយកក្រដាសជូតមាត់ ឬ កន្សែងមកខ្ទប់មាត់។

5. នៅពេលអ្នកកើតជម្ងឺផ្តាសាយអ្នកគួរសម្រាកនៅផ្ទះ
អ្នកមិនចង់ចម្លងជម្ងឺផ្តាសាយទៅអ្នកដទៃទេ ដូច្នេះការសម្រាកនៅផ្ទះគឺជាវិធីសាស្ត្រមួយដ៏ល្អបំផុត ពីព្រោះនៅពេលអ្នកសម្រាករាងកាយរបស់អ្នកនឹងឆាប់ជាពីជម្ងឺផ្តាសាយបានលឿនជាង អ្នកទៅធ្វើការ។

អត្ថបទអ្នកចង់អាន

  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...
  • អាហារទូទៅតែមានប្រយោជន៍ សម្រាប់ការសម្រករាង

    ដោយ: ស. លីង 10 PM, Monday, 20 Feb, 2017
    មិនពិបាកទេ ប្រសិនបើអ្នកចង់សម្រករាងឲ្យស្វែលស្អាត ដោយគ្រាន់តែបរិភោគអាហារ ទូទៅប្រចាំថ្ងៃមួយចំនួន ដែលមានគុណសម្បត្តិ ក្នុងការដុតបំផ្លាញជាតិខ្លាញ់ធាតុក្នុងខ្លួនអ្នក។ តើអាហារទាំងនោះមានអ្វីខ្លះ? ១. ត្រីសាល់មុន សាច់ត្រី គឺជាប្រភេទអាហារ...
  • រោគសញ្ញា ៦ បង្ហាញថា អ្នកកើតជំងឺដាច់សរសៃឈាម ក្នុ...

    ដោយ: ស. លីង 9 PM, Friday, 24 Feb, 2017
    ជំងឺ Stroke ឬហៅជាភាសាខ្មែរថា ជំងឺដាច់សរសៃឈាមក្នុងខួរក្បាល ជាជំងឺគួរឲ្យខ្លាច និងពិបាកនឹងសំគាល់ឃើញ។ Stroke បណ្តាលឲ្យផលប៉ះពាល់ដល់ការចងចាំ ពិបាកក្នុងការនិយាយ (និយាយមិនច្បាស់) ឬការផ្លាស់ប្តូរអត្តចរិត។ ជំងឺនេះមានពីរប្រភេទ។ ទីមួយបណ្តា...
  • លាហើយក្បាលពោះ ក្រោយពីញ៉ាំទឹក ៤ យ៉ាងនេះ

    ដោយ: ស. លីង 11 PM, Friday, 17 Feb, 2017
    មនុស្សគ្រប់គ្នា មិនសូវខ្លាចធាត់ទេ ខ្លាចដុះក្បាលពោះច្រើនជាង។ ត្រូវទេ? ប្រសិនបើអ្នកមានក្បាលពោះ ដែលធ្វើឲ្យអ្នកទើសចិត្តពេលស្លៀកពាក់ម្តងៗនោះ អ្នកអាចសាកល្បងទទួលទានភេសជ្ជៈ ៤ យ៉ាងដែល ទំនើប នាំមកបង្ហាញជូនខាងក្រោមនេះ៖ ១. ស្រាទំពាំងបាយជូ...