ចូលចិត្តទំនើប

វិធីសាស្រ្តធ្វើឱ្យគេហដ្ឋានកាន់តែរីករាយ

ដោយ: ដួងច័ន្ទ 9 AM, Wednesday, 25 Jul, 2018

គេហដ្ឋានដែលពោរពេញទៅដោយភាពរីករាយ គឺជាអ្វីដែលអ្នកអាចទទួលបានភ្លាមៗបន្ទាប់ពីឈានជើងចូលក្នុងផ្ទះ។
ប៉ុន្តែតើអ្វីដែលធ្វើឱ្យគេហដ្ឋានកាន់តែរីករាយ? បើសិនជាអ្នកចង់ឱ្យគេហដ្ឋានរបស់អ្នកកាន់តែរីករាយ សូមសាកល្បងតាមវិធីសាស្រ្ត
ដែលមានក្នុងអត្ថបទនេះ។

បន្ថែមពណ៌
ពណ៌ភ្លឺចែងចាំង អាចជះឥទ្ធិពលយ៉ាងខ្លាំងលើអារម្មណ៍របស់អ្នក។ វាអាចធ្វើឱ្យអារម្មណ៍ទុក្ខសោក ប្រែជារីករាយ។
អ្នកគួរសាកល្បងប្រើប្រាស់ពណ៌ទឹកក្រូច ដែលជាពណ៌នាំមកនូវភាពរីករាយ សុភមង្គល និងការផ្សារភ្ជាប់ក្នុងសង្គម។

តុបតែងតាមបែបផ្ទះលំហែ
អ្នកអាចជ្រើសយកសម្ភារៈ ការតុបតែង ឬការប្រើពណ៌ តាមបែបផ្ទះលំហែ ស្របតាមទីកន្លែងសម្រាកលំហែដែលអ្នកចូលចិត្តទៅ។ ឧទាហរណ៍ ការ
ចងអង្រឹងខាងក្នុង ឬក្រៅផ្ទះ ការប្រើពណ៌តុបតែងបែបផ្ទៃសមុទ្រ ឬការតុបតែងសិល្បៈនានា ដែលធ្វើឱ្យអ្នកនឹកគិតដល់ឆ្នេរសមុទ្រ។

ធ្វើជាក្មេងម្តងទៀត
តើពីក្មេងអ្នកចូលចិត្តធ្វើអ្វីខ្លះ? មិនថាជាការសង់រូប Lego ឬការលេង Pinball ឬការសង់ផ្ទះតុក្កតាទេ អ្នកអាចសាកល្បងធ្វើវាម្តងទៀត
ទោះបីជាពេលនេះអ្នកពេញវ័យក្តី។ អ្នកអាចសាកល្បងនាំយកអនុស្សាវរីយ៍ពីកុមារភាពមកវិញ តាមរយៈការតុបតែងបន្ទប់តាមល្បែងកំសាន្ត
កាលពីវ័យកុមារ ដែលនឹងធ្វើឱ្យអ្នករីករាយសារជាថ្មីម្តងទៀត។

សត្វចិញ្ចឹម
ការចិញ្ចឹមសត្វមិនមែនជារឿងងាយស្រួលទេ ព្រោះអ្នកត្រូវមើលថែវា និងមានទំនួលខុសត្រូវ រាប់បញ្ចូលទាំងការថែរក្សាសុខភាព និងអនាម័យផងដែរ។
ប៉ុន្តែអ្វីដែលអ្នកទទួលបានពីសត្វចិញ្ចឹមមកវិញ គឺជាភាពរីករាយ។ សត្វចិញ្ចឹមផ្តល់ឱ្យអ្នកនូវភាពស្មោះស្ម័គ្រ ជាមិត្តភក្តិរបស់អ្នក ហើយនឹងតែងតែ
នាំភាពរីករាយនៅក្នុងផ្ទះ។

ច្នៃប្រឌិតសួនច្បារ
ការតុបតែងសួនច្បារដ៏ប្លែកមួយ អាចនាំមកនូវស្នាមញញឹមនៅក្នុងគេហដ្ឋាន។ អ្នកអាចច្នៃប្រឌិត ការតុបតែងសួនច្បារឱ្យប្រើប្រាស់សម្ភារៈ
ប្លែកៗធ្វើជាថូ ឬផើងផ្កា ដែលសម្ភារៈទាំងនោះអាចជាចំណែកណាមួយនៅក្នុងគេហដ្ឋាន និងបង្កប់នូវអនុស្សាវរីយ៍ដ៏រីករាយ។

ទីកន្លែងសម្រាប់ភាពរីករាយ
មិនថាជាការអានសៀវភៅ ឬការលេងតន្រ្តី ឬការដេរប៉ាក់ ឬសកម្មភាពនានា អ្នកគួរមានទីកន្លែងណាមួយសម្រាប់ធ្វើរឿងទាំងនេះ ដែលជាកន្លែង
បង្កើននូវភាពរីករាយ។ ហើយបើសិនជាសម្ភារៈដែលនាំនូវភាពរីករាយទាំងនេះស្ថិតនៅក្បែរភ្នែក អ្នកនឹងតែងតែធ្វើវាកាន់តែញឹកញាប់។ បើសិនជាអ្នក
មិនមានទីតាំងគ្រប់គ្រាន់ អ្នកអាចរៀបចំវានៅផ្នែកតូចណាមួយក្នុងគេហដ្ឋាន។ មិនត្រូវឱ្យទំហំ ទីតាំងរារាំងដល់ភាពរីករាយក្នុងគ្រួសារឡើយ។

តុបតែងបន្ទប់ឡើងវិញ
ជារឿយៗ យើងតែងតែរក្សាភាពដើមនៅក្នុងបន្ទប់ នៅពេលដែលយើងរើចូលទៅក្នុងផ្ទះថ្មី។ អ្នកអាចនឹងគិតថាវាមិនចាំបាច់។ ទោះជាយ៉ាងណាក្តី
អ្នកគួរពិចារណាកែលម្អបន្ទប់ណាមួយ ឧទាហរណ៍ការជួសជុលផ្ទះបាយឱ្យក្លាយជាកន្លែងទុកសម្ភារៈ ឬសម្អាតឃ្លាំងដើម្បីប្រើប្រាស់ជាបន្ទប់មួយផ្សេងទៀត។ ទោះបីអ្នកមិនចង់បានបន្ទប់សម្រាប់ចំណូលចិត្តផ្ទាល់ខ្លួនក្តី តែការផ្លាស់ប្តូរបន្ទប់ អាចឱ្យអ្នកផ្លាស់ប្តូរបរិយាកាសក្នុងគេហដ្ឋានបានផងដែរ។

ញ៉ាំអាហារនៅក្រៅផ្ទះ
ពេលខ្លះការញ៉ាំអាហារនៅក្រៅផ្ទះធ្វើឱ្យអ្នកមានអារម្មណ៍ស្រស់ស្រាយ។ មិនចាំបាច់ដល់ថ្នាក់អាំងសាច់ និងញ៉ាំស្រាទេ។ អ្នកគ្រាន់តែលើក
តុអាហារចេញមកខាងក្រៅ ក៏អ្នកអាចផ្លាស់ប្តូរបរិយាកាសបានដែរ។

ផ្កា និងកូនរុក្ខជាតិ
ផ្កាចម្រុះពណ៌ និងរុក្ខជាតិពណ៌បៃតង បន្ថែមនូវរសជាតិមួយបែបនៅក្នុងគេហដ្ឋាន ដែលអាចធ្វើឱ្យអ្នកមានអារម្មណ៍ស្រស់ថ្លា។ វិធីងាយៗ ដោយអ្នកអាចតុបតែងជាមួយផ្កាស្រស់ក្នុងកូនថូតូចៗនៅពាសពេញផ្ទះ ហើយអ្នកអាចប្រើប្រាស់ប៉ាន់តែ ដបទឹក ឬក្រឡកែវចាស់ៗ ឬអ្វីដែល
សក្តិសមសម្រាប់ការដាក់ផ្កា នោះវានឹងធ្វើឱ្យអ្នកកាន់តែរីករាយ។

អត្ថបទអ្នកចង់អាន

  • ផ្លែឈើ ដែលអ្នកមិនគួរញ៉ាំ សម្រាប់ការសម្រកទម្ងន់

    ដោយ: ដួងច័ន្ទ 6 PM, Tuesday, 14 Mar, 2017
    អ្នកខិតខំប្រឹងប្រែងយ៉ាងខ្លាំង ដើម្បីបញ្ចុះទម្ងន់ ប៉ុន្តែអ្នកអាចអនុវត្តខ្លាំងពេក ដើម្បីចង់បានទម្ងន់ដែលអ្នកប្រាថ្នា។ តើអ្នកគួរបរិភោគជាតិស្ករកាន់តែច្រើន ឬកាន់តែតិច? តើអ្នកពិតជាត្រូវតែញ៉ាំផ្លែឈើ សម្រាប់របបអាហារទាំង ៤ពេល ឬ ២ពេលមែនទេ...
  • តោះ សាកមើលភាពស្រស់ស្អាត កម្ររកបានរបស់សម្ភារផាត់មុខ

    ដោយ: ស. លីង 9 PM, Wednesday, 15 Feb, 2017
    ប្រសិនបើអ្នកប្រើកែវភ្នែកទាំងគូ មើលសម្ភារផាត់មុខរបស់អ្នកមានដូចជា ផាត់ម្សៅ ផាត់ថ្ពាល់ ផាត់ភ្នែក ក្រែមជាដើម អ្នកនឹងគិតថា សម្ភារទាំងនោះស្អាត អ្នកជឿជាក់ថាវាពិតជាស្អាត។ ដោយនារីជាច្រើនគិតដូច្នេះ ទើបអ្នកជំនាញបានយកទូរស័ព្ទ iPhone ប្រើ M...
  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...
  • សញ្ញា ៧ យ៉ាង បង្ហាញថាកម្រិតកាល់ឡូរីរបស់អ្នក មិន...

    ដោយ: ដួងច័ន្ទ 10 PM, Friday, 17 Feb, 2017
    ការកាត់បន្ថយកាល់ឡូរី គឺជាគន្លឹះដ៏សំខាន់មួយ សម្រាប់ការសម្រកទម្ងន់។ ប៉ុន្តែការបន្ថយច្រើនពេក ក៏មិនប្រសើរ សម្រាប់សុខភាពដែរ។ ទំនើប សូមបង្ហាញពីសញ្ញាអាសន្ន ដែលបង្ហាញថាអ្នកទទួលអាហារ មានជាតិកាល់ឡូរីមិនគ្រប់គ្រាន់។ អស់កម្លាំង កាល់ឡូរី គឺ...