ចូលចិត្តទំនើប

រូបមន្តម៉ាសមុខចំនួន 8 ដែលធ្វើពីគ្រឿងផ្សំធម្មជាតិ

ដោយ: ភារុន 10 AM, Wednesday, 12 Sep, 2018

តើអ្នកធ្លាប់ដឹងអំពីរូបមន្តការថែរក្សាសម្រស់បែបធម្មជាតិដែរ ឬទេ? ពិតណាស់ការថែរក្សាសម្រស់បែបធម្មជាតិគឺមានសារៈសំខាន់ណាស់ចំពោះការថែរក្សាសុខភាពស្បែកនាពេលបច្ចុប្បន្ននេះ។ រូបមន្តម៉ាសមុខដ៏សាមញ្ញ ដែលមានគ្រឿងផ្សំ 2-3 មុខដែលទំនងជាមានស្រាប់នៅក្នុងផ្ទះរបស់អ្នក ដែលជួយថែរក្សាស្បែកមុខស្ងួត និង ស្បែកឆាប់ចាស់។ រូបមន្តធម្មជាតិគឺមានសុវត្តិភាពក្នុងការប្រើប្រាស់លើស្បែកមុខគ្រប់ប្រភេទ។ ដូច្នេះខាងក្រោមនេះគឺជារូបមន្តម៉ាសមុខធម្មជាតិចំនួន 8 យ៉ាងដែលប្រហែលជាអ្នកអាចពិនិត្យ និង ធ្វើតាមបាននៅផ្ទះ ដើម្បីថែរក្សា និង ព្យាបាលស្បែកមុខឱ្យមានសុខភាពល្អដែលមានដូចជា៖
1. រូបមន្តម៉ាសមុខធ្វើពី ម៉្សៅកាកាវ ជាមួយ ផ្លែប៊ឺ ធ្វើឱ្យមុខមានសំណើម
ដាក់ទឹកផ្លែប៊ឺមួយភាគបួនទៅក្នុងចានមួយ លាយម៉្សៅកាកាវ និង ទឹកឃ្មុំ មួយស្លាបព្រាកាហេ្វ រួចហើយលាយឱ្យសព្វចូលគ្នា បន្ទាប់មកសម្អាតមុខឱ្យស្អាត និង ជូតឱ្យស្ងួត លាបវានៅលើស្បែកមុខប្រហែល 10 នាទី ចុងក្រោយលាងសម្អាតជាមួយទឹកក្តៅឧណ្ហៗ។

2. រូបមន្តម៉ាសមុខធ្វើពីស្ករត្នោត ជួយជម្រុះកោសិកាស្បែកចាស់ៗចេញ និង ធ្វើឱ្យស្បែកមានសំណើម
ស្ករតោ្នតមួយស្លាបព្រាដាក់ក្នុងចានមួយ លាយប្រេងដូងមួយស្លាបព្រា បន្ទាប់មកលាបនៅលើផ្ទៃមុខដោយចលនារង្វង់ពេញមុខរួចទុកចោល 2-3 នាទី ហើយលាងសម្អាតជាមួយទឹកក្តៅឧណ្ហៗ។

3. រូបមន្តម៉ាសមុខធ្វើពីផ្លែចេក ជួយធ្វើឱ្យស្បែកភ្លឺរលោង និង មានសំណើម
ហាន់ផ្លែចេកពាក់កណ្តាលដាក់ក្នុងចានមួយ លាយទឹកឃ្មុំ និង ទឹកក្រូច មួយស្លាបព្រា បន្ទាប់មកលាបលើមុខទុកចោលប្រហែល 15 នាទី ហើយលាងសម្អាតជាមួយទឹកក្តៅឧណ្ហៗ។

4. រូបមន្តម៉ាសមុខធ្វើពីទឹកដោះគោស្រស់ ជួយព្យាបាលស្បែកមុខដែលងាយកើតមុន និង កម្ចាត់បាក់តេរីលើមុខ
ទឹកឃ្មុំ 2 ស្លាបព្រា លាយម៉្សៅ Nutmeg 2 ស្លាបព្រា និងលាយទឹកដោះគោស្រស់ 2 ស្លាបព្រា បន្ទាប់មកលាងសម្អាតមុខរួច លាបលើមុខទុកចោល 10 ទៅ15 នាទី ហើយលាងសម្អាតជាមួយទឹកក្តៅឧណ្ហៗ។

5. រូបមន្តម៉ាសមុខធ្វើពីផ្លែ ល្ហុង ធ្វើឱ្យស្បែកមុខមានសំណើម
លាយទឹកឃ្មុំ 2 ស្លាបព្រា ជាមួយនឹង ទឹកផ្លែ ល្ហុង កន្លះកូនពែង បន្ទាប់មកលាងសម្អាតមុខរួច លាបនៅលើមុខថ្មមៗទុកចោល 15-20នាទី ហើយលាងសម្អាតជាមួយទឹកក្តៅឧណ្ហៗ។

6. រូបមន្តម៉ាសមុខធ្វើពីផ្លែក្រូច ធ្វើឱ្យស្បែកមុខភ្លឺរលោង និង មានសំណើម
លាយទឹកក្រូច 3 ស្លាបព្រា ជាមួយនឹងទឹកឃ្មុំ1/4 កូនពែង បន្ទាប់មកលាងសម្អាតមុខរួច លាបវានៅលើមុខទុកចោលប្រហែល 15 នាទី ហើយលាងសម្អាតជាមួយទឹកក្តៅឧណ្ហៗ។

7. រូបមន្តម៉ាសមុខធ្វើពី ផ្លែប៊ឺ ធ្វើឱ្យស្បែកមុខមានភាពទន់ និង រលោង
ផ្លែប៊ឺទុំ មួយភាគពីរ លាយទឹកដោះគោយ៉ាអួមួយស្លាបព្រាកាហ្វេ និង ទឹកឃ្មុំមួយស្លាបព្រាកាហ្វេ រួចហើយលាយឱ្យសព្វចូលគ្នារហូតទាល់តែចេញជាម៉្សៅ បន្ទាប់មកលាងសម្អាតមុខរួច លាបវានៅលើមុខទុកចោល 10-15នាទី ចុងក្រោយលាងសម្អាតជាមួយទឹកក្តៅឧណ្ហៗ។

8. រូបមន្តម៉ាសមុខធ្វើពីទឹកឃ្មុំ ជួយបំបាត់ស្នាមខ្មៅលើមុខ និង កាត់បន្ថយស្នាមជ្រួញ
ទឹកឃ្មុំសុទ្ធមួយស្លាបព្រា លាយម៉្សៅ Cinnamon មួយស្លាបកាហ្វេ និង លាយទឹកក្រូចឆ្មាស្រស់ បន្ទាប់មកលាងសម្អាតមុខរួច លាបវានៅលើមុខប្រហែល 15-20 ចុងក្រោយលាងសម្អាតជាមួយទឹកក្តៅឧណ្ហៗ។

អត្ថបទអ្នកចង់អាន

  • ដំណឹងល្អ សម្រាប់នារីនិយម ផាត់មុខ

    ដោយ: ស. លីង 8 PM, Thursday, 16 Feb, 2017
    ទំនើប សូមជូនដំណឹងមួយ ទាក់ទងនឹងសម្ភារគូសត្របកភ្នែក ដែលទើបនឹងចេញថ្មីស្រឡាង។ សុភាពនារីទាំងឡាយ នឹងភ្ញាក់ផ្អើលជាមិនខាន។ នោះគឺប៊ិចគូសត្របកភ្នែក។ ក្រុមហ៊ុន Clarins របស់បារាំង ដែលចាប់កំណើតតាំងពីឆ្នាំ ១៩៥៤ មក បច្ចុប្បន្នបានអភិវឌ្ឍផលិតផល...
  • លាហើយក្បាលពោះ ក្រោយពីញ៉ាំទឹក ៤ យ៉ាងនេះ

    ដោយ: ស. លីង 11 PM, Friday, 17 Feb, 2017
    មនុស្សគ្រប់គ្នា មិនសូវខ្លាចធាត់ទេ ខ្លាចដុះក្បាលពោះច្រើនជាង។ ត្រូវទេ? ប្រសិនបើអ្នកមានក្បាលពោះ ដែលធ្វើឲ្យអ្នកទើសចិត្តពេលស្លៀកពាក់ម្តងៗនោះ អ្នកអាចសាកល្បងទទួលទានភេសជ្ជៈ ៤ យ៉ាងដែល ទំនើប នាំមកបង្ហាញជូនខាងក្រោមនេះ៖ ១. ស្រាទំពាំងបាយជូ...
  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...
  • សញ្ញា ៧ យ៉ាង បង្ហាញថាកម្រិតកាល់ឡូរីរបស់អ្នក មិន...

    ដោយ: ដួងច័ន្ទ 10 PM, Friday, 17 Feb, 2017
    ការកាត់បន្ថយកាល់ឡូរី គឺជាគន្លឹះដ៏សំខាន់មួយ សម្រាប់ការសម្រកទម្ងន់។ ប៉ុន្តែការបន្ថយច្រើនពេក ក៏មិនប្រសើរ សម្រាប់សុខភាពដែរ។ ទំនើប សូមបង្ហាញពីសញ្ញាអាសន្ន ដែលបង្ហាញថាអ្នកទទួលអាហារ មានជាតិកាល់ឡូរីមិនគ្រប់គ្រាន់។ អស់កម្លាំង កាល់ឡូរី គឺ...