ចូលចិត្តទំនើប

ពេលវេលាត្រូវបោះចោលគ្រឿងសម្អាង

ដោយ: ដួងច័ន្ទ 4 PM, Thursday, 12 Jul, 2018

តើអ្នកធ្លាប់ដឹងពីកាលកំណត់អាយុកាលនៃគ្រឿងសម្អាងរបស់អ្នកដែរឬទេ? តើអ្នកធ្លាប់គិតថាគ្រឿងសម្អាងដែលអ្នកកំពុង
ប្រើប្រាស់អាចនឹងផុតកំណត់និងអាចបណ្តាលឱ្យប៉ះពាល់ដល់សុខភាពស្បែក និងសម្រស់របស់អ្នកដែរឬទេ? ថ្ងៃនេះ ទំនើប
សូមបង្ហាញពីការពិនិត្យមើលពីពេលវេលាត្រូវបោះចោលគ្រឿងសម្អាងខូចគុណភាព។

ម្សៅទឹក (ម្សៅទ្រនាប់)
បើសិនជាម្សៅទឹករបស់អ្នកជាប្រភេទចុច នោះវាអាចរក្សាគុណភាពបានកាន់តែយូរ ប៉ុន្តែបើសិនជាអ្នកប្រើប្រាស់ម្រាមដៃលូកចូលក្នុងដប
ជារៀងរាល់ថ្ងៃ អ្នកគួរពិចារណាបោះម្សៅទឹកនោះចោល បន្ទាប់ពីប្រើប្រាស់អស់រយៈពេល 6-8 ខែ។ អ្នកត្រូវចងចាំថា
ពណ៌ម្សៅទឹកអាចប្រែប្រួលយ៉ាងហោចណាស់ពីរដង ក្នុងមួយឆ្នាំ ដូច្នេះអ្នកគួរមានទម្លាប់បោះម្សៅទឹកចោល នៅរៀងរាល់ 6 ខែ។

ម្សៅទឹក (ម្សៅលាបបិទបាំងស្នាម)
គ្រឿងសម្អាងប្រភេទនេះអាចរក្សាទុកបានរយៈពេលមួយឆ្នាំ ដរាបណាអ្នកប្រើប្រាស់អេប៉ុងស្អាតឬប្រើប្រាស់គ្រឿងជំនួយនៅពេលលាប។
បើសិនជាអ្នកប្រើដៃ សម្រាប់លាបម្សៅប្រភេទនេះអ្នកគួរបោះវាចោល បន្ទាប់ពីប្រើប្រាស់បាន 3 ខែ។

ក្រែមលាបថ្ពាល់
អ្នកគួរធ្វើការផ្លាស់ប្តូរ បន្ទាប់ពីប្រើប្រាស់បានមួយឆ្នាំ។ ដើម្បីពន្យារអាយុកាលរបស់វា អ្នកគួរសម្អាតជក់ផាត់ឱ្យបានទៀងទាត់ និងរក្សាទុកក្រែម
លាបនៅក្នុងកន្លែងងងឹត និងស្ងួត។ បើសិនក្រែមលាបរបស់អ្នកមានសំណើម អ្នកអាចប្រឈមនឹងការកើតឡើងនៃបាក់តេរី។ សំណើមអាចជ្រាប
ចូលក្នុងក្រែម ដោយសារតែការប្រើប្រាស់ម្សៅទ្រនាប់ និងក្រែមលាបមុខនានា។ ដើម្បីជៀសវាងការកកើតសំណើម បន្ទាប់ពីលាបម្សៅទ្រនាប់
និងឡេផ្តល់សំណើម អ្នកគួររងចាំ 2-3 នាទីមុននឹងលាបក្រែមលើថ្ពាល់។

ម្សៅផាត់មុខ
វាអាចរក្សាទុកបានលើសពីមួយឆ្នាំ បើសិនជាមិនមានកំណកកើតឡើងនៅលើផ្ទៃខាងលើហើយបើសិនជាអ្នកមិនមានបញ្ហាស្បែកកើតឡើង
ក្នុងអំឡុងពេលប្រើប្រាស់។

ម្សៅផាត់ថ្ពាល់
អ្នកអាចប្រើប្រាស់វាបានក្នុងរយៈពេលយូរជាងគេ
ដោយសារភាគច្រើនយើងប្រើប្រាស់ម្សៅផាត់ថ្ពាល់ផ្លាស់ប្តូរពណ៌ញឹកញាប់។
ជាមួយនឹងការប្រើប្រាស់ដោយមានការថែរក្សាបានល្អ និងការសម្អាតជក់ផាត់
អ្នកអាចប្រើប្រាស់វាបានរហូតដល់ 2 ឆ្នាំ។

ម៉ាស្ការ៉ា និង Eyeliner ទឹក
អ្នកជំនាញគ្រឿងសម្អាងភាគច្រើនស្នើឱ្យអ្នកបោះ Eyeliner ទឹក និងម៉ាស្ការ៉ាចោល នៅរៀងរាល់ 3 ខែ។ អ្នកអាចប្រើប្រាស់វារហូតដល់វាស្ងួត
ប៉ុន្តែយ៉ាងណាក៏វាមិនអាចរក្សាបានដល់ 6 ខែដែរ។ ករណីលើកលែងគឺបើសិនជាអ្នកមានបញ្ហាភ្នែក។ បើសិនជាមានបញ្ហានេះកើតឡើង អ្នកគួរបោះវាចោលភ្លាម។

ម្សៅផាត់ភ្នែក
ជាទូទៅម្សៅផាត់ភ្នែកអាចប្រើប្រាស់បានរហូតដល់ 2 ឆ្នាំ ដរាបណាអ្នកលាងសម្អាតជក់បានជាទៀងទាត់ និងមិនប្រើប្រាស់វាបន្ទាប់ពីមានបញ្ហាភ្នែក។
ប៉ុន្តែបើសិនជាភ្នែករបស់អ្នកងាយនឹងកើត ជម្ងឺអ្នកគួរផ្លាស់ប្តូរវាបន្ទាប់ពីប្រើប្រាស់បានពី 4-6 ខែ។ យ៉ាងណាក្តី វាមានលក្ខខណ្ឌស្រដៀងគ្នានឹងម្សៅផាត់ដទៃ
ព្រោះវាប៉ះផ្ទាល់ជាមួយភ្នែក ដែលអាចនាំយកបាក់តេរីទៅក្នុងកែវភ្នែកបានយ៉ាងងាយ។

ខ្មៅដៃគូស Eyeliner
វាអាចរក្សាទុកបានរហូតដល់ 2 ឆ្នាំ បើសិនជាអ្នកទុកដាក់ និងចិតសម្រួចវាបានត្រឹមត្រូវ។ អ្នកគួរចិតសម្រួចខ្មៅដៃ មុនពេលប្រើប្រាស់
ដែលជួយឱ្យវាមានអនាម័យ ដែលនឹងអាចឱ្យអ្នកប្រើប្រាស់វាបានកាន់តែយូរ។

ក្រែមលាបមាត់
ក្រែមលាបមាត់ទាំង ក្រែមស្ងួត ក្រែមទឹក និងខ្មៅដៃគូសជុំវិញបបូរមាត់ អាចប្រើប្រាស់បានរហូតដល់ 2 ឆ្នាំ។ កម្រិតហានិភ័យនៃការកកើតបាក់តេរីមានទាប
ដោយសារវាមិនមានផ្ទុកទឹក។ ប៉ុន្តែដោយសារអ្នកប្រើប្រាស់វាផ្ទាល់លើបបូរមាត់ អ្នកគួរផ្លាស់ប្តូរវា បន្ទាប់ពីប្រើប្រាស់បានមួយឆ្នាំ។

ថ្នាំក្រចក
ថ្នាំក្រចកមិនងាយនឹងកើតបាក់តេរីទេ ប៉ុន្តែវាងាយនឹងកក រឹង ហើយសារធាតុពណ៌នឹងប្រមូលផ្តុំនៅបាតដប។បើសិនជាអ្នកក្រឡុកវា ហើយវានៅតែមិនជាប់ពណ៌
នោះវាសញ្ញាថាត្រូវបោះវាចោលហើយ។អ្នកគួរបោះគ្រឿងសម្អាងចោល បើសិនជាអ្នកមិនបានប្រើវាក្នុងពេលមួយឆ្នាំ ហើយ។

ជក់ផាត់
បើសិនជាអ្នកលាងសម្អាត និងទុកដាក់វាបានត្រឹមត្រូវ អ្នកអាចប្រើប្រាស់វាបានច្រើនឆ្នាំ។ ប៉ុន្តែបើសិនជាសរសៃជក់ចាប់ផ្តើមញែក ឬជ្រុះ អ្នកគួរប្តូរថ្មីហើយ។

អត្ថបទអ្នកចង់អាន

  • ព្រោះតែ ៣ ចំណុចនេះ ទើបត្រូវបោកខោអាវថ្មី

    ដោយ: ស. លីង 9 PM, Tuesday, 14 Feb, 2017
    សម្លៀកបំពាក់ ដែលទើបទិញមកពីផ្សារ មិនថាសម្រាប់កូនតូច មនុស្សធំ ឬមនុស្សចាស់ស្លៀកពាក់ក៏ដោយ ក៏ត្រូវតែបោកសម្អាតមុនពេលប្រើប្រាស់ដែរ។ មនុស្សភាគច្រើនយល់ថា បើបោកទៅ នឹងបាត់ភាពថ្មីរបស់សម្លៀកបំពាក់ ប៉ុន្តែការពិត គឺមកពីខ្ជិលច្រើនជាង។ កុំឲ្យខា...
  • លាហើយក្បាលពោះ ក្រោយពីញ៉ាំទឹក ៤ យ៉ាងនេះ

    ដោយ: ស. លីង 11 PM, Friday, 17 Feb, 2017
    មនុស្សគ្រប់គ្នា មិនសូវខ្លាចធាត់ទេ ខ្លាចដុះក្បាលពោះច្រើនជាង។ ត្រូវទេ? ប្រសិនបើអ្នកមានក្បាលពោះ ដែលធ្វើឲ្យអ្នកទើសចិត្តពេលស្លៀកពាក់ម្តងៗនោះ អ្នកអាចសាកល្បងទទួលទានភេសជ្ជៈ ៤ យ៉ាងដែល ទំនើប នាំមកបង្ហាញជូនខាងក្រោមនេះ៖ ១. ស្រាទំពាំងបាយជូ...
  • តោះ សាកមើលភាពស្រស់ស្អាត កម្ររកបានរបស់សម្ភារផាត់មុខ

    ដោយ: ស. លីង 9 PM, Wednesday, 15 Feb, 2017
    ប្រសិនបើអ្នកប្រើកែវភ្នែកទាំងគូ មើលសម្ភារផាត់មុខរបស់អ្នកមានដូចជា ផាត់ម្សៅ ផាត់ថ្ពាល់ ផាត់ភ្នែក ក្រែមជាដើម អ្នកនឹងគិតថា សម្ភារទាំងនោះស្អាត អ្នកជឿជាក់ថាវាពិតជាស្អាត។ ដោយនារីជាច្រើនគិតដូច្នេះ ទើបអ្នកជំនាញបានយកទូរស័ព្ទ iPhone ប្រើ M...
  • ដំណឹងល្អ សម្រាប់នារីនិយម ផាត់មុខ

    ដោយ: ស. លីង 8 PM, Thursday, 16 Feb, 2017
    ទំនើប សូមជូនដំណឹងមួយ ទាក់ទងនឹងសម្ភារគូសត្របកភ្នែក ដែលទើបនឹងចេញថ្មីស្រឡាង។ សុភាពនារីទាំងឡាយ នឹងភ្ញាក់ផ្អើលជាមិនខាន។ នោះគឺប៊ិចគូសត្របកភ្នែក។ ក្រុមហ៊ុន Clarins របស់បារាំង ដែលចាប់កំណើតតាំងពីឆ្នាំ ១៩៥៤ មក បច្ចុប្បន្នបានអភិវឌ្ឍផលិតផល...