ចូលចិត្តទំនើប

ញ៉ាំបន្លែ និងផ្លែឈើ អាយុកាន់តែវែង

ដោយ: ដួងច័ន្ទ 8 AM, Saturday, 18 Aug, 2018

ការសិក្សាមួយរបស់ Imperial College London បានគណនាថាទម្លាប់នៃការទទួលទានអាចបញ្ជៀសការស្លាប់មុនអាយុបានរហូតដល់ 7.8​ លាននាក់
ក្នុងមួយឆ្នាំ។ ក្រុមស្រាវជ្រាវនេះក៏បានកំណត់បន្លែ និងផ្លែឈើ ដែលអាចកាត់បន្ថយអត្រាប្រឈមនឹងជម្ងឺមហារីក និងជម្ងឺបេះដូងបានទៀតផង។

ការវិភាគបានបង្ហាញថា ទោះបីជាបរិមាណតិចតួច ក៏វាមានប្រយោជន៍សម្រាប់សុខភាពដែរ។ មុខម្ហូបដែលមានបរិមាណ 80 ក្រាម នៃបន្លែ​ ឬផ្លែឈើ
ដែលរួមមានផ្លែចេក សារី ស្ពៃ ឬសណ្តែក។

ការសនិ្នដ្ឋានត្រូវបានសម្រេចចេញពីទិន្នន័យ ដែលបានមកពីការសិក្សាចំនួន 95 ករណីខុសៗគ្នា ដែលធ្វើការសិក្សារលើទម្លាប់ញ៉ាំអាហាររបស់
មនុស្សចំនួន 2 លាននាក់។

របបអាហារដែលជួយកាត់បន្ថយអត្រាប្រឈមនឹងជម្ងឺមហារីករួមមាន៖

  • បន្លែបៃតង ដូចជាស្ពៃខៀវ
  • បន្លែពណ៌លឿង ដូចជាម្ទេស
  • បន្លែអំបូរផ្កាស្ពៃ ដូចជាផ្កាខាត់ណា

របបអាហារដែលជួយកាត់បន្ថយអត្រាជម្ងឺបេះដូង រួមមាន៖

  • ផ្លែប៉ោម
  • ផ្លែសារី
  • ផ្លែក្រូច
  • បន្លែមានស្លឹកពណ៌បៃតង ដូចជាសាឡាដ
  • បន្លែអំបូរផ្កាស្ពៃ

Harriet Micallef មកពីទីក្រុង Chippenham បាននិយាយថានាងតែងគ្រប់គ្រងរបបអាហារ ដែលមានរួមបញ្ចូលបន្លែ និងផ្លែឈើជារៀងរាល់ថ្ងៃ
ហើយនាងនិយាយថា នាងទទួលទានច្រើន ប៉ុន្តែនាងមិនដែលទទួលទានអាហារដោយគ្មានបន្លែ ឬសាឡាដទេ។ នាងចាប់ផ្តើមអាហារពេលព្រឹក
ជាមួយពងទានចៀន ជាមួយនឹងបន្លែ ដែលមានស្ពៃខៀវ ផ្លែប័រ ឬប៉េងប៉ោះ។ សម្រាប់អាហារថ្ងៃត្រង់ ក៏នាងទទួលទានញាំបន្លែ ចំណែកនៅពេលយប់
ភាគច្រើននាងញ៉ាំអាហារបែបឆា ចៀន ឬ ចំហុយ។ អាហារសម្រន់របស់នាងក្នុងអំឡុងពេលថ្ងៃ រួមមានផ្លែឈើក្រឡុក ឬ ម្ទេសជ្រលក់ជាមួយទឹកជ្រលក់។
នាងបន្ថែមថា អាហារទាំងនោះពិតជាផ្តល់នូវសុខភាពល្អ ហើយនាងណែនាំឱ្យអ្នកទទួលទានអាហារដែលមានពណ៌ចម្រុះ ដែលល្អសម្រាប់សុខភាពរបស់អ្នក។

លទ្ធផលនៃការសិក្សា ត្រូវបានចេញផ្សាយនៅលើសារព័ត៌មាន International Journal of Epidemiology ដែលមានភ្ជាប់នូវកត្តាដែលបណ្តាល
ឱ្យប្រឈមនឹងការស្លាប់មុនអាយុផងដែរ។

ការប្រៀបធៀបជាមួយការទទួលទាន ដោយមិនមានវត្តមានបន្លែ ឬផ្លែឈើ ក្នុងមួយថ្ងៃបានបង្ហាញថា៖

  • បរិមាណ 200 ក្រាម កាត់បន្ថយអត្រាប្រឈមនឹងជម្ងឺសរសៃឈាមបេះដូងបាន 13% តែក្នុងបរិមាណ 800 ក្រាម អាចកាត់បន្ថយ
    បានរហូតដល់ 28%
  • បរិមាណ 200 ក្រាម កាត់បន្ថយអត្រាប្រឈមនឹងជម្ងឺមហារីកបាន 4% តែក្នុងបរិមាណ 800 ក្រាម អាចកាត់បន្ថយបាន 13%
  • បរិមាណ 200 ក្រាម កាត់បន្ថយអត្រាស្លាប់មុនអាយុបាន 15% ខណៈបរិមាណ 800 ក្រាម កាត់បន្ថយបាន 31%។


អ្នកស្រាវជ្រាវមិនដឹងច្បាស់ថា តើការទទួលទានបន្លែ និងផ្លែឈើកាន់តែច្រើន នឹងធ្វើឱ្យសុខភាពកាន់តែប្រសើរឬអត់ទេ ដោយសារពួកគេមានភស្តុតាងតិចតួច។

វេជ្ជបណ្ឌិត Dagfinn Aune ជាសមាជិកម្នាក់នៅក្នុងក្រុមសា្រវជ្រាវបាននិយាយថា បន្លែ និងផ្លែឈើ អាចកាត់បន្ថយកម្រិតកូឡេស្តេរ៉ូល បញ្ហាសម្ពាធឈាម
និងជួយពង្រឹងសុខភាពប្រព័ន្ធសរសៃឈាម និងប្រព័ន្ធភាពស៊ាំ។ នេះអាចដោយសារបន្លែ និងផ្លែឈើមានផ្ទុកនូវសារធាតុចិញ្ចឹមខ្ពស់ ដូចជាសារធាតុប្រឆាំង
អុកស៊ីតកម្ម ដែលអាចជួយកាត់បន្ថយការបំផ្លាញប្រព័ន្ធ DNA និងអាចជួយកាត់បន្ថយអត្រាជម្ងឺមហារីកផងដែរ។ ប៉ុន្តែមនុស្សភាគច្រើននៅតែទទួលទានអាហារ
ក្នុងកម្រិត 400 ក្រាមក្នុងមួយថ្ងៃ តាមការណែនាំរបស់អង្គការសុខភាពពិភពលោក។ លោកវេជ្ជបណ្ឌិតបន្តថា ការស្វែងរកឃើញនៅក្នុងការសិក្សានេះ
មិនមែនមានន័យថាអ្នកត្រូវផ្លាស់ប្តូរ​បរិមាណ 400 ក្រាមនោះទេ ប៉ុន្តែការសិក្សានេះបញ្ជាក់ថាការទទួលទានបន្លែ ឬផ្លែឈើកាន់តែច្រើនកាន់តែប្រសើរចំពោះសុខភាព។

វេជ្ជបណ្ឌិ Alison Tedstone ប្រធានផ្នែកចំណីអាហារនៅ Public Health England បាននិយាយថា បរិមាណ 400 ក្រាមក្នុងមួយថ្ងៃ គឺជាមូលដ្ឋានគ្រឹះ
នៃរបបអាហារ ដែលមានតុល្យភាពសម្រាប់សុខភាព ដែលវាអាចជួយអ្នកបញ្ចៀសជម្ងឺជាច្រើនប្រភេទផងដែរ។ ខណៈដែលការទទួលទាន បន្លែ និងផ្លែឈើ
កាន់តែច្រើន ក៏នឹងជួយពង្រឹងសុខភាពកាន់តែល្អប្រសើរផងដែរ៕

អត្ថបទអ្នកចង់អាន

  • សញ្ញា ៧ យ៉ាង បង្ហាញថាកម្រិតកាល់ឡូរីរបស់អ្នក មិន...

    ដោយ: ដួងច័ន្ទ 10 PM, Friday, 17 Feb, 2017
    ការកាត់បន្ថយកាល់ឡូរី គឺជាគន្លឹះដ៏សំខាន់មួយ សម្រាប់ការសម្រកទម្ងន់។ ប៉ុន្តែការបន្ថយច្រើនពេក ក៏មិនប្រសើរ សម្រាប់សុខភាពដែរ។ ទំនើប សូមបង្ហាញពីសញ្ញាអាសន្ន ដែលបង្ហាញថាអ្នកទទួលអាហារ មានជាតិកាល់ឡូរីមិនគ្រប់គ្រាន់។ អស់កម្លាំង កាល់ឡូរី គឺ...
  • វេជ្ជបណ្ឌិតជំនាញ ពន្យល់ពីកាយវិការគេង បណ្តាលឱ្យម...

    ដោយ: ដួងច័ន្ទ 9 PM, Sunday, 19 Feb, 2017
    លោកវេជ្ជបណ្ឌិត Michael Breus គឺជាវេជ្ជបណ្ឌិតមានជំនាញខាងដំណេក បានជួបប្រទះនឹង បញ្ហាផ្សេងៗគ្នា ជាច្រើនទាក់ទងនឹងការគេង។ គាត់បានពន្យល់ពីកាយវិការ នៃការគេងដែលបណ្តាលឱ្យមានស្នាមជ្រួញ។ គាត់ក៏បានពន្យល់ពីកាយវិការគេង ដែលល្អសម្រាប់សុខភាពផងដែ...
  • ដំណឹងល្អ សម្រាប់នារីនិយម ផាត់មុខ

    ដោយ: ស. លីង 8 PM, Thursday, 16 Feb, 2017
    ទំនើប សូមជូនដំណឹងមួយ ទាក់ទងនឹងសម្ភារគូសត្របកភ្នែក ដែលទើបនឹងចេញថ្មីស្រឡាង។ សុភាពនារីទាំងឡាយ នឹងភ្ញាក់ផ្អើលជាមិនខាន។ នោះគឺប៊ិចគូសត្របកភ្នែក។ ក្រុមហ៊ុន Clarins របស់បារាំង ដែលចាប់កំណើតតាំងពីឆ្នាំ ១៩៥៤ មក បច្ចុប្បន្នបានអភិវឌ្ឍផលិតផល...
  • តិចនិកតុបតែងខ្លួន ១០ចំណុច ដែលសុភាពបុរសទាំងអស់ គ...

    ដោយ: ដួងច័ន្ទ 10 PM, Sunday, 19 Feb, 2017
    មនុស្សភាគច្រើនតែងយល់ខុសថា ការតុបតែងខ្លួនភាសា សម្រាប់ប្រើចំពោះតែនារីភេទ។ នេះជាការ យល់ខុស បុរសក៏ត្រូវការគិតគូរពីភាពស្រស់ស្អាត និងការតុបតែងខ្លួនដែរ។ ការមិនយកចិត្តទុកដាក់ ថែរក្សាសុខភាពសម្រស់របស់បុរស ជាទង្វើមួយខុសឆ្គង ដែលអាចនឹងធ្វើឱ...