ចូលចិត្តទំនើប

គន្លឹះទាំង 10 សម្រាប់ជួយឲ្យដំណេករបស់អ្នកឲ្យកាន់តែប្រសើរ

ដោយ: ភារុន 9 AM, Friday, 07 Sep, 2018

ការគេងគឺសំខាន់ខ្លាំងណាស់សម្រាប់សុខភាពមនុស្សដើម្បីធ្វើឲ្យមានរាងកាយរឹងមាំ និង ផ្លូវចិត្តរឹងមាំផងដែរ។ ប៉ុន្តែដោយសារភាពមមាញឹកនៃការងារប្រចាំថ្ងៃ ដែលធ្វើឲ្យមានតានតឹងចិត្តដូច្នេះទើបធ្វើឲ្យមនុស្សមានការពិបាកក្នុងការគេងឲ្យលក់បានស្រូល។ ដូច្នេះគន្លឹះទាំង 10 ខាងក្រោមនេះអាចជួយអ្នកឲ្យសំរាក និង គេងលក់។ គន្លឹះទាំងនេះត្រូវបានផ្តល់ឲ្យដោយ National Sleep Foundation ត្រូវបានបង្កើតឡើងសម្រាប់មនុស្សពេញវ័យ។ ហើយគន្លឹះទាំងនេះរួមមាន៖
1. បង្កើតតារាងពេលវេលា គេង និង ភ្ញាក់
ការភ្ញាក់របស់មនុស្សត្រូវបានគ្រប់គ្រងដោយនាឡិកានៅក្នុងខួរក្បាល និង តម្រូវការរបស់រាងកាយ ដើម្បីឲ្យមានតុល្យភាពទាំងការគេង និង ភ្ញាក់ ។ ប្រសិនបើអ្នកភ្ញាក់ពីគេងក្នុងពេលវេលាទៀងទាត់នៅពេលព្រឹក វាអាចពង្រឹងមុខងារជាចរន្ត ដើម្បីជួយដល់ការគេងពេលយប់របស់អ្នកផងដែរ។

2. ធ្វើលំហាត់សម្រាកកាយធម្មតាៗមុនពេលចូលគេង
អ្នកគួរបង្កើតទម្លាប់សម្រាកកាយដូចជាការងូតទឹកក្តៅ ឬ ទឹកធម្មតា បន្ទាប់មកអានសៀវភៅ ឬ សា្តប់តន្រ្តីលួងលោម និង ធ្វើលំហាត់សម្រាកកាយធម្មតាៗមុនពេលចូលគេង។ ម្យ៉ាងទៀតអ្នកគួរតែហាត់សម្រាកកាយនៅក្រោមពន្លឺភ្លើងតិចៗទើបធើ្វឲ្យអ្នកឆាប់ងងុយគេង។

3. បង្កើតអារម្មណ៍ចង់គេង
រៀបចំបរិស្ថាននៅក្នុងបន្ទប់គេងដែលអំណោយផលដល់ការគេងរបស់អ្នកដូចជា បិទភ្លើងឲ្យងងឹត មានភាពស្ងប់ស្ងាត់ មានផាសុកភាព និង ភាពត្រជាក់ស្រួល។ បង្កើតបរិយាកាសទាំងនេះ ដូច្នេះការគេងរបស់អ្នកនឹងលក់បានស្រួល។

4. ស្វែងរកពូក និង ខ្នើយដែលមានប្រសិទ្ធភាពក្នុងការគេង
គេងលើពូក និង ខ្នើយដែលមានផាសុកភាព នឹងអាចធ្វើឲ្យអ្នកចង់គេងលើវា។ ពូកមិនត្រូវប្រើប្រាស់វាឲ្យលើសពីអាយុកាលរបស់វាឡើយ ខ្នើយគួរជ្រើសរើសខ្នើយដែលស្រស់ស្អាត និង មានភាពទាក់ទាញដែលអញ្ជើញអ្នកឲ្យមកគេងលើវា ប៉ុន្តែមិនមែនខ្នើយដែលមានសារធាតុ allergen នោះទេ។

5. គ្រែប្រើសម្រាប់តែគេង
ប្រើបន្ទប់គេងសម្រាប់តែគេងប៉ុណ្ណោះ ដូច្នេះអ្នកត្រូវដកកុំព្យូទ័រ ទូរទស្សន៍ និង សម្ភារះការងាររបស់អ្នកចេញពីបន្ទប់ គេងរបស់អ្នក។ ប្រសិនបើអ្នកដាក់វត្ថុដែលធ្វើឲ្យមានការថប់បារម្ភ និងតានតឹងអ្នកគួរតែដកវាចេញ ឧទាហរណ៍ដូចជានាឡិកាព្យួរដែលមានសម្លេងតិកតក់ៗជាដើម។

6. ទទួលទានអាហារល្អៗមុនពេលចូលគេង
អ្នកគួរតែបញ្ចប់ការទទួលទានអាហារយ៉ាងហោចណាស់ 2-3 ម៉ោងមុនពេលចូលគេង។ ការទទួលទានអាហារច្រើន និងផឹកច្រើនពេកអាចធ្វើឲ្យអ្នកមិនសូវស្រួលខ្លួននៅពេលអ្នកគេងលើគ្រែ។ ដូច្នេះអ្នកគួរជៀងវាងអាហារដែលមានជាតិខ្លាញ់ច្រើន។

7. ហាត់ប្រាណឲ្យបានទៀងទាត់
អ្នកគួរតែហាត់ប្រាណនៅពេលល្ងាចឲ្យបានទៀងទាត់គឺល្អបំផុត ដើម្បីជួយអ្នកឲ្យគេងពេលយប់បានលក់ស្រួល។

8. ជៀងវាងការផឹកជាតិកាហ្វេអ៊ីន
មុនពេលចូលគេងអ្នកមិនត្រូវផឹកភេសជ្ជៈដែលមានជាតិកាហ្វេអ៊ីនឡើយ ដោយសារជាតិកាហ្វេអ៊ីនមានសារធាតុរំញោចដែលធ្វើឲ្យអ្នកមិនអាចគេងលក់។ ជៀងវាងការផឹកជាតិកាហ្វេអ៊ីនក្នុងរយះពេល 6 ទៅ 8 ម៉ោងមុនពេលចូលគេង។

9. ជៀងវាងដាច់ខាតចំពោះជាតិនីកូទីន
ជាតិនីកូទីនមាននៅក្នុងបារី ឬ ថ្នាំជក់ផ្សេងៗ ប្រសិនបើអ្នកជក់បារីមុនពេលចូលគេង អ្នកនឹងមានការពិបាកក្នុងការគេងឲ្យលក់។ លើសពីនេះការជក់បារីអាចបង្កការលំបាកក្នុងការងងុយគេង ហើយពេលអ្នកភ្ញាក់ពីគេងអ្នកមិនសូវស្រួលខ្លួនពីព្រោះជាតិនីកូទីនធ្វើឲ្យអ្នកមានសុបិន្តអាក្រក់ពេញមួយយប់។

10. ជៀងវាងការផឹកគ្រឿងស្រវឹងផ្សេងៗ
កុំផឹកគ្រឿងស្រវឹងដល់ពេលវេលាត្រូវចូលគេង ថ្វីត្បិតតែមនុស្សមួយចំនួនគិតថាគ្រឿងស្រវឹងជាថ្នាំងងុយគេង ប៉ុន្តែវាអាចរំខានដល់ដំណេករបស់អ្នកឲ្យគេងមិនស្កប់ នៅពេលអ្នកក្រោកឡើងអ្នកមានអារម្មណ៍ថាមិនស្រឡះខ្លួន និង ពេលខ្លះឈឺក្បាលផងដែរ។

អត្ថបទអ្នកចង់អាន

  • តោះ សាកមើលភាពស្រស់ស្អាត កម្ររកបានរបស់សម្ភារផាត់មុខ

    ដោយ: ស. លីង 9 PM, Wednesday, 15 Feb, 2017
    ប្រសិនបើអ្នកប្រើកែវភ្នែកទាំងគូ មើលសម្ភារផាត់មុខរបស់អ្នកមានដូចជា ផាត់ម្សៅ ផាត់ថ្ពាល់ ផាត់ភ្នែក ក្រែមជាដើម អ្នកនឹងគិតថា សម្ភារទាំងនោះស្អាត អ្នកជឿជាក់ថាវាពិតជាស្អាត។ ដោយនារីជាច្រើនគិតដូច្នេះ ទើបអ្នកជំនាញបានយកទូរស័ព្ទ iPhone ប្រើ M...
  • វិធីសាស្រ្តទទួលបានស្បែកទន់ រលោង គ្មានស្នាមអុជខ្...

    ដោយ: ដួងច័ន្ទ 9 PM, Saturday, 18 Feb, 2017
    អ្នកអាចទទួលបានស្បែកស និងភ្លឺថ្លា នៅពេលអ្នកប្រើប្រាស់ ប្រទាលកន្ទុយក្រពើ។ ប្រទាលកន្ទុយ ក្រពើមានប្រសិទ្ធភាពបំផុត សម្រាប់ការព្យាបាលបញ្ហាស្បែកជាច្រើនប្រភេទ ពីព្រោះវាមានសារជាតិ ប្រឆាំងនឹងការរលាករោល និងអតិសុខុមប្រាណ ដែលមានឥទ្ធិពលខ្លាំ...
  • តិចនិកតុបតែងខ្លួន ១០ចំណុច ដែលសុភាពបុរសទាំងអស់ គ...

    ដោយ: ដួងច័ន្ទ 10 PM, Sunday, 19 Feb, 2017
    មនុស្សភាគច្រើនតែងយល់ខុសថា ការតុបតែងខ្លួនភាសា សម្រាប់ប្រើចំពោះតែនារីភេទ។ នេះជាការ យល់ខុស បុរសក៏ត្រូវការគិតគូរពីភាពស្រស់ស្អាត និងការតុបតែងខ្លួនដែរ។ ការមិនយកចិត្តទុកដាក់ ថែរក្សាសុខភាពសម្រស់របស់បុរស ជាទង្វើមួយខុសឆ្គង ដែលអាចនឹងធ្វើឱ...
  • ដំណឹងល្អ សម្រាប់នារីនិយម ផាត់មុខ

    ដោយ: ស. លីង 8 PM, Thursday, 16 Feb, 2017
    ទំនើប សូមជូនដំណឹងមួយ ទាក់ទងនឹងសម្ភារគូសត្របកភ្នែក ដែលទើបនឹងចេញថ្មីស្រឡាង។ សុភាពនារីទាំងឡាយ នឹងភ្ញាក់ផ្អើលជាមិនខាន។ នោះគឺប៊ិចគូសត្របកភ្នែក។ ក្រុមហ៊ុន Clarins របស់បារាំង ដែលចាប់កំណើតតាំងពីឆ្នាំ ១៩៥៤ មក បច្ចុប្បន្នបានអភិវឌ្ឍផលិតផល...