ចូលចិត្តទំនើប

ការពិតនៃកាហ្វេ ដែលអ្នកគួរស្វែងយល់

ដោយ: ដួងច័ន្ទ 10 PM, Saturday, 25 Nov, 2017

ជារៀងរាល់ថ្ងៃកំណើន នៃការទទួលទានកាហ្វេកាន់តែកើនឡើង ក្នុងស្រទាប់មនុស្សពីវ័យជំទង់ទៅវ័យចំណាស់។ អ្នកមិនធ្លាប់ញ៉ាំកាហ្វេប្រហែលជាគិតថា មនុស្សទាំងនោះញៀនកាហ្វេ ហើយអាចគិត ថាការញៀនមួយនេះ គឺជាទម្លាប់អាក្រក់។ ថ្ងៃនេះ ទំនើប នឹងបង្ហាញពីការពិតទាំង 7 ចំណុចរបស់កាហ្វេ ដែលនឹងធ្វើឱ្យអ្នកប្រែក្លាយគំនិត ចង់សាកល្បងកាហ្វេមួយកែវជាក់ជាពុំខាន។

ពង្រឹងដំណើរការខួរក្បាល
វាមិនមែនជាអាថ៌កំបាំងឡើយ ដែលកាហ្វេជួយពង្រឹងស្មារតី ការប្រុងប្រយ័ត្ន និងការផ្តោតអារម្មណ៍។ ប៉ុន្តែវាមិនទាន់អស់ទេ។ កាហ្វេបន្ថែមជាមួយនឹងស្ករស អាចប្រែក្លាយខួរក្បាលអ្នកឱ្យភ្លឺស្វាយមួយរយៈពេល ពីព្រោះការលាយគ្នារវាងសារជាតិកាហ្វេអ៊ីន និងគ្លុយកូស ធ្វើឱ្យមានផ្នែកមួយនៃខួរក្បាលមានប្រតិកម្ម។ ប៉ុន្តែអ្នកត្រូវចងចាំថា មិនត្រូវទទួលទានកាហ្វេទាំងពោះទទេ ដោយសារវានឹងជះផលបញ្ច្រាសវិញ។

Fact-of-coffee-benefit_health_news-cambodia_tomnerb-03

បង្កើនសម្ពាធឈាម
កាហ្វេមួយពែងតូច អាចប្រយុទ្ធប្រឆាំងនឹង អាការៈ Hypotensive ជាអាការៈដែលសម្ពាធឈាមរបស់អ្នកចុះទាបពេក។ ប៉ុន្តែកាហ្វេត្រូវបានហាមឃាត់ សម្រាប់មនុស្សដែលមានរោគសញ្ញាចង្វាក់បេះ ដូងដើរញាប់ (Tachycardia) និងមានជីពចរលោតខ្ពស់ បន្ទាប់ពីញ៉ាំកាហ្វេ។ អ្នកជម្ងឺសម្ពាធឈាម ទាប អាចទទួលទានកាហ្វេបាន ស្របពេលដែលរាងកាយចាប់ផ្តើមស៊ាំនឹងសារជាតិកាហ្វេ និងមិនមានប្រតិកម្មជាមួយកាហ្វេ ដោយបង្កើនសម្ពាធឈាមបានមួយរយៈ។

Fact-of-coffee-benefit_health_news-cambodia_tomnerb-04
ប្រព័ន្ធភាពស៊ាំរឹងមាំ
យោងតាមអ្នកវិទ្យាសាស្រ្តមួយចំនួន អសរយៈពេលជាច្រើនសតវត្សន៍មកហើយ កាហ្វេអាចកាត់បន្ថយហានិភ័យការរលូតកូន។ បរិមាណនៃការញ៉ាំកាហ្វេកាន់តែច្រើនក្នុងមួយថ្ងៃ នឹងកាត់បន្ថយហានិភ័យកាន់តែទាប។ នេះព្រោះតែកាហ្វេផ្លាស់ប្តូរប្រព័ន្ធភាពស៊ាំ ធ្វើឱ្យវាកាន់តែរឹងមាំ និងមានសុខ ភាពល្អ។ វាក៏ជួយពង្រឹងសុខភាពថ្លើម បេះដូង និងប្រព័ន្ធរំលាយអាហារ។ យ៉ាងណាមិញអ្នកគួរញ៉ាំ កាហ្វេធម្មជាតិ ស្រស់ៗ។ កាហ្វេលាយស្រេច មានបរិមាណសារធាតុចិញ្ចឹមកាន់តែតិច និងមានបន្ថែមសារជាតិគីមី ដែលធ្វើឱ្យប៉ះពាល់សរីរាងរំលាយអាហារ។

Fact-of-coffee-benefit_health_news-cambodia_tomnerb-05
ថ្នាំព្យាបាលរោគឈឺក្បាល
សារជាតិកាហ្វេអ៊ីន នៅក្នុងកាហ្វេធម្មជាតិអាចព្យាបាលជម្ងឺឈឺក្បាល និងឈឺប្រកាំង។ ប៉ុន្តែវានៅតែមិនអាចប្រៀបផ្ទឹមបាន នឹងថ្នាំបំបាត់ការឈឺចាប់។ ឡាតេ កាន់តែមានប្រសិទ្ធភាព ព្រោះវាតែងមានផ្ទុកសារជាតិកាហ្វេអ៊ីនដោយផ្ទាល់ ដែលជួយជម្រុញប្រសិទ្ធភាព នៃសមាសភាពទាំងអស់បាន 40%។

Fact-of-coffee-benefit_health_news-cambodia_tomnerb-06
កាត់បន្ថយស្រ្តេស និងភាពតានតឹង
កាហ្វេដើរតួនាទី ជាសមាសភាពប្រឆាំងនឹងជម្ងឺស្រ្តេស ដោយសារការសាយភាពសារជាតិ Dopamine និង Serotonin ដែលជាកត្តានាំមកនូវអារម្មណ៍ស្រស់ស្រាយ។ កាហ្វេមួយពែង ឬ គ្រាន់តែក្លិនរបស់កាហ្វេក៏អាចធ្វើឱ្យអារម្មណ៍របស់អ្នកស្ងប់ស្ងាត់ដែរ។ លើសពីនេះទៀត កាហ្វេជា សមាសភាពរំញោចដ៏សំខាន់មួយ នៅក្នុងប្រព័ន្ធ Central Nervous System (CNS) ហើយវាអាច ធ្វើឱ្យ ភាពតានតឹងបានប្រសើរឡើងយ៉ាងឆាប់រហ័ស។ កាន់តែគួរឱ្យចាប់អារម្មណ៍ មានតែសារជាតិ កាហ្វេអ៊ីននៅក្នុង កាហ្វេប៉ុណ្ណោះដែលមានឥទ្ធិពលបែបនេះ ផ្ទុយពីជាតិកាហ្វេអ៊ីន ដែលមាននៅក្នុង តែ សូដា ឬសូកូឡា ដែលមិនមានសមត្ថភាពជម្រុញប្រព័ន្ធ CNS។

Fact-of-coffee-benefit_health_news-cambodia_tomnerb-07
ការចងចាំកាន់តែប្រសើរ
កត្តារំញោច និង Neuromediator ដែលទទួលបានពីកាហ្វេ មិនត្រឹមតែជួយធ្វើឱ្យអារម្មណ៍អ្នកស្រស់ថ្លា និងពោរពេញដោយថាមពលប៉ុណ្ណោះទេ ប៉ុន្តែវាក៏ជួយពង្រឹងការចងចាំផងដែរ។ ប្រាកដណាស់ ថាវាមានប្រសិទ្ធភាពតែនៅលើការចងចាំរយៈពេលខ្លី ប៉ុន្តែវាល្អគ្រប់គ្រាន់ ព្រោះគ្រប់ព័ត៌មាន ទាំងអស់ ត្រូវបានរក្សាទុកនៅក្នុងការចងចាំរយៈពេលខ្លីជាដំណាក់កាលដំបូង ហើយត្រឹមតែរយៈពេលមួយម៉ោងក្រោយ វានឹងចូលទៅក្នុងការចងចាំរយៈពេលវែង នៅក្រោមស្ថានភាពជាក់លាក់។

Fact-of-coffee-benefit_health_news-cambodia_tomnerb-08
បញ្ចុះទម្ងន់
នៅទីបញ្ចប់ ក្តីសុបិន្តចង់បញ្ចុះទម្ងន់របស់អ្នក អាចក្លាយជាការពិត។ កាហ្វេអាចជួយអ្នកបញ្ចុះទម្ងន់។ នៅពេលកម្រិតអ័រម៉ូន Leptin ចុះទាប រាងកាយរបស់អ្នក ចាប់ផ្តើមស្តុកទុកសារជាតិខ្លាញ់ ហើយអ្នក នឹងកើនទម្ងន់។ ប៉ុន្តែកាហ្វេជួយបង្កើនកម្រិតអ័រម៉ូន នៅក្នុងរាងកាយ។ នេះជាហេតុផលដែលអ្នកញ៉ាំ កាហ្វេមិនងាយឡើងទម្ងន់។

Fact-of-coffee-benefit_health_news-cambodia_tomnerb-09

Fact-of-coffee-benefit_health_news-cambodia_tomnerb-010

អត្ថបទអ្នកចង់អាន

  • ទំនាក់ទំនង ដ៏ភ្ញាក់ផ្អើលរវាងសម្រស់ និងភាពជោគជ័យ

    ដោយ: ដួងច័ន្ទ 7 PM, Monday, 06 Mar, 2017
    វិទ្យាសាស្រ្តនិយាយថា ភាពមិនទាក់ទាញខ្លាំងបំផុត មានសក្តានុភាពរកប្រាក់ចំណូលខ្ពស់ និងអ្វីដែលកាន់តែភ្ញាក់ផ្អើល គឺលទ្ធផលដែលបានពីការស្រាវជ្រាវថ្មីៗ ស្ថិតនៅលើសម្រស់។ ជារឿងធម្មតា ដែលសោភណ្ឌភាព ភាពស្រស់ស្អាត មានគុណប្រយោជន៍។ សម្រស់ស្រស់ស្អ...
  • យល់ដឹងពីមុន និងវិធីព្យាបាល

    ដោយ: ដួងច័ន្ទ 6 PM, Tuesday, 07 Feb, 2017
    មុន គឺជាបញ្ហាស្បែក ដែលមនុស្សទូទៅ ជាពិសេសមនុស្សវ័យជំទង់។ ការសិក្សាមួយបានបង្ហាញថា ក្នុងចំណោមមនុស្ស ១ ០០០នាក់ មាន ៩៣ភាគរយ ជួបប្រទះនឹងបញ្ហាមុន។ ប៉ុន្តែកុំបារម្ភ ជំនួយមាននៅទីនេះ! អត្ថបទខាងក្រោមនឹងបង្ហាញអ្នក ពីមូលហេតុនៃការកើតមុន វិធី...
  • សញ្ញាមុនពេលមករដូវ និងមូលហេតុ

    ដោយ: ដួងច័ន្ទ 10 PM, Wednesday, 08 Feb, 2017
    ស្រ្តីភាគច្រើន តែងជួបប្រទះនឹងរោគសញ្ញា រីក ប៉ោង ឬហើម លើផ្នែកណាមួយនៃរូបរាងកាយ មុនពេលមករដូវ។ សញ្ញាទាំងនោះមិនចោទជាបញ្ហាធំដុំទេ ប៉ុន្តែអ្វីដែលបង្កឱ្យកើតមានរោគសញ្ញាទាំង នោះ? ហើយកត្តាសំខាន់ មានវិធីអ្វីធ្វើឱ្យបានធូរស្រាល និងការពារវា? ដ...
  • ហេតុផល ដែលអ្នកគួរបន្ថែមស្ករស ក្នុងសាប៊ូកក់សក់

    ដោយ: ដួងច័ន្ទ 6 PM, Monday, 06 Feb, 2017
    ចំពោះអ្នកចូលចិត្ត ប្រើសាប៊ូកក់សក់ សម្រាប់ស្បែកក្បាលស្ងួត។ ការសិក្សាបានបង្ហាញថា អ្នកដែលចូលចិត្តប្រើប្រាស់សាប៊ូកក់សក់ សម្រាប់ស្បែកក្បាលស្ងួត បានធ្វើឱ្យស្បែកក្បាលស្អាត មានសំណើម និងធ្វើឱ្យស្បែកក្បាលរបក។ តើយើងគួរធ្វើដូចម្តេច ដើម្បីក...