ចូលចិត្តទំនើប

បន្ទប់សៀវភៅសម្រាប់គេហដ្ឋានដ៏កក់ក្តៅ

ដោយ: ដួងច័ន្ទ 8 AM, Friday, 14 Sep, 2018

ការអានសៀវភៅគឺជាចំណូលចិត្តមួយ ដែលផ្តល់នូវសារៈសំខាន់ ជាចំណីដល់ខួរក្បាល។ ការអានសៀវភៅអាចធ្វើឡើងបាននៅគ្រប់ទីកន្លែង ហើយទីកន្លែងអានសៀវភៅនៅក្នុងគេហដ្ឋានកាន់តែផ្តល់នូវអារម្មណ៍កក់ក្តៅ។ ទំនើប សូមនាំយកនូវការតុបតែងបន្ទប់សៀវភៅមួយចំនួន សម្រាប់អ្នកចង់ប្រែក្លាយគេហដ្ឋានឱ្យទៅជាបណ្ណាល័យមួយ។

ក្បែរផ្ទះបាយ
ចាប់ផ្តើមការអានរបស់អ្នកនាពេលព្រឹក បន្ទាប់ពីក្រោកពីគេង ជាការចាប់ផ្តើមថ្ងៃថ្មីដ៏ល្អមួយ។ វាកាន់តែផ្តល់នូវភាពងាយស្រួលនៅពេលការអានសៀវភៅ ឬកាសែត នៅក្បែរផ្ទះបាយ ដោយអ្នកអាចក្រេបរសជាតិកាហ្វេព្រមគ្នា។ បន្ទាប់ពីត្រឡប់ពីធ្វើការ ក៏អ្នកនៅតែអាចអានសៀវភៅ ហើយរីករាយជាមួយអាហារនៅក្នុងផ្ទះបាយដែរ។

ក្រោមដំបូល
នៅពេលព្រះអាទិត្យឆាប់លិចពេក នេះជាកន្លែងដ៏សក្តិសមសម្រាប់ការអាន។ ទីតាំងនៅក្រោមដំបូល ផ្តល់នូវប្រណិតភាព ភាពកក់ក្តៅ និងមានពន្លឺគ្រប់គ្រាន់។ នៅពេលអ្នកឈានជើងមកដល់ទីនេះ អ្នកពិតជាមិនចង់ចាកចេញឡើយ។ ជម្រើសសៀវភៅសក្តិសមនឹងបរិយាកាសបែបនេះ គឺជាសៀវភៅបែបស៊ើបអង្កេត និងអាថ៌កំបាំង។

បន្ទប់ទទួលភ្ញៀវ
ពេលវេលាសម្រាកនៅថ្ងៃរសៀល ស្ថិតនេះចំទីតាំងនេះសក្តិសមបំផុតសម្រាប់ការអានសៀវភៅបែបសង្គម អប់រំ និងចិត្តសាស្រ្ត បន្ថែមជាមួយរសជាតិតែដ៏ឈ្ងុយឆ្ងាញ់ ពិតជាធ្វើឱ្យអារម្មណ៍អ្នកស្រស់ស្រាយ។

ពន្លឺពីធម្មជាតិ
នេះជាកន្លែងដែលផ្តល់នូវភាពរីករាយជាមួយពន្លឺពីធម្មជាតិពេញមួយថ្ងៃ។ នេះជាទីតាំងធំទូលាយ ដែលអ្នកអាចជ្រើសយកសៀវភៅមកអានកំដអារម្មណ៍ ព្រមជាមួយការក្រេបរសជាតិទឹកក្រូចឆ្មារ ឬតែក្តៅតាមបែបបូរាណ ពិតជាផ្តល់នូវអារម្មណ៍ដ៏ស្ងប់សុខ។

សាឡុងក្បែរបង្អួច
ពេលរសៀលថ្ងៃសៅរ៍ បន្ទាប់ពីការងារផ្ទះ ឬការដើរហាត់ប្រាណ អ្នកពិតជាអាចទទួលនូវអារម្មណ៍ ដ៏កក់ក្តៅ សម្រាប់ការអាននៅក្នុងទីតាំងមួយនេះ។ អ្នកអាចដាក់ភួយ នៅក្នុងថតនិមួយៗ។ អ្នកក៏អាចរីករាយនឹងទេសភាពនៅខាងក្នុងសៀវភៅ ដែលអ្នកនិពន្ធរៀបរាប់បរិយាយអំពីធម្មជាតិ។ បន្ថែមចំណីអារម្មណ៍សម្រាប់ការអាន ជាមួយនំ ឬអាហារសម្រន់។ អ្នកក៏អាចរីករាយនឹងទេសភាពនៅខាងក្រៅ ព្រមជាមួយនឹងការអានសៀវភៅដ៏ជក់ចិត្ត។

អត្ថបទអ្នកចង់អាន

  • កំពូលក្រុមតារាចម្រៀងប្រុសកូរ៉េដ៏ពេញនិយមបំផុតទាំ...

    ដោយ: ភារុន 9 AM, Thursday, 18 Oct, 2018
    មជ្ឈមណ្ឌលផ្នែកប្រជាប្រិយភាពរបស់តារាកូរ៉េខាងត្បូង ក៏ធ្វើការចេញផ្សាយដំណាលគ្នាចំពោះក្រុមតារាចម្រៀងប្រុស និង ស្រីដ៏ល្បីៗប្រចាំខែនិមួយៗ ដែលពួកគេស្ថិតនៅក្នុងក្រុមតារាចម្រៀងប្រុស និង ស្រីកំពូលៗដែលមានប្រិយមិត្តគាំទ្រច្រើនបំផុតប្រចាំខែត...
  • Jennie របស់ក្រុម BLACKPINK នឹងបង្ហាញបទចម្រៀង So...

    ដោយ: ភារុន 8 AM, Friday, 19 Oct, 2018
    នៅក្នុងសេចក្តីរាយការណ៍ផ្តាច់មុខមួយរបស់គេហទំព័រ Sports Donga បានបង្ហាញថា Jennie របស់ក្រុម BLACKPINK នឹងធ្វើការបង្ហាញអាល់ប៊ុម Solo របស់នាងជាលើកដំបូងនៅក្នុងខែវិច្ឆិកាខាងមុខនេះ ប៉ុន្តែកាលបរិច្ឆេទនៃការចេញអាល់ប៊ុមថ្មីនេះមិនទាន់ត្រូវប...
  • ច្នៃប្រឌិតបន្ទប់គេងសម្រាប់កូនៗជាទីស្រឡាញ់

    ដោយ: ដួងច័ន្ទ 8 AM, Monday, 01 Oct, 2018
    កូនៗជាទីស្រឡាញ់របស់អ្នកគួរមានទីកន្លែងផ្ទាល់ខ្លួនរបស់ពួកគេ ដែលអាចឱ្យពួកគេរីករាយនឹងសេរីភាព គំនិតច្នៃប្រឌិត និងភាពម្ចាស់ការលើខ្លួនឯង។ ទំនើប នឹងបង្ហាញពីគំរូបន្ទប់គេងសម្រាប់កូនជាទីស្រឡាញ់របស់អ្នក ដូចមានក្នុងអត្ថបទខាងក្រោម។ ច្នៃប្រឌិ...
  • ទម្លាប់មិនល្អ 7 យ៉ាងក្នុងការចម្អិនអាហារដែល អ្នក...

    ដោយ: ភារុន 8 AM, Thursday, 01 Nov, 2018
    មនុស្សគ្រប់គ្នាតែងតែមានទម្លាប់មិនល្អខ្លះៗក្នុងការរស់នៅ យ៉ាងណាមិញសូម្បីតែទម្លាប់ក្នុងការចម្អិនអាហារក៏ដោយ ជាពិសេសនៅពេលដែលអ្នកបានរកឃើញជាលើកដំបូង នៅពេលចម្អិនម្ហូបអាហារ។ ដូច្នេះអ្នកគួរតែជៀងវាងនូវទម្លាប់ទាំងនោះ ដើម្បីធ្វើឲ្យអាហារដែលអ...