ចូលចិត្តទំនើប

តិចនិចស្វែងរកកន្លែងថតរូបអាពាហ៍ពិពាហ៍

ដោយ: ដួងច័ន្ទ 9 AM, Tuesday, 04 Sep, 2018

ថ្ងៃរៀបអាពាហ៍ពិពាហ៍គឺជាវេលាដ៏ពិសេសបំផុតសម្រាប់ជីវិតរបស់មនុស្សម្នាក់ៗ ហើយអ្នកពិតជាចង់ធ្វើឱ្យវាល្អគ្រប់យ៉ាង។ អនុស្សាវរីយ៍សម្រាប់ថ្ងៃអាពាហ៍ពិពាហ៍គឺជាអ្វីដែលយើងចង់បានឱ្យល្អបំផុត ចំណែករូបថតមុនថ្ងៃពិសេសនេះដ៏សំខាន់ដែរ ទាមទារឱ្យអ្នកគិតឱ្យបានដិតដល់អំពីទីកន្លែង និងការចាប់យករូបភាព ឬវីដេអូដ៏ស្រស់ស្អាត។ នៅក្នុងអត្ថបទខាងក្រោម ទំនើប ផ្តល់ឱ្យអ្នកនូវកូនគំនិតតូចមួយសម្រាប់ការពិចារណាជ្រើសយកទីតាំងថតរូបអាពាហ៍ពិពាហ៍សម្រាប់ថ្ងៃពិសេសរបស់អ្នក។

ត្រូវប្រាកដពីខ្លួនអ្នក
ចំណុចដ៏ច្បាស់លាស់មួយ គឺអ្នកត្រូវជឿជាក់ពីចំណេះ និងជំនាញរបស់ជាងថតរូបដែលអ្នកជ្រើសរើសយកមកសម្រាប់ចាប់យករូបភាពមុនថ្ងៃអាពាហ៍ពិពាហ៍។ ដោយសារអ្នកនឹងត្រូវបង្ហាញរូបថតទាំងនោះទៅកាន់ក្រុមគ្រួសារ មិត្តភក្តិ និងជំនាន់ក្រោយ គ្រប់រូបភាព ឬវីដេអូរបស់អ្នកត្រូវតែល្អឥតខ្ចោះ ដែលបង្ហាញពីខ្លួនអ្នកផ្ទាល់ និងដៃគូរបស់អ្នក ក្នុងនាមជាគូស្នេហ៍។

ស្រាវជ្រាវពីទីកន្លែង
ការស្វែងរកទីតាំងសម្រាប់ថតរូបរៀបការគឺពិតជារីករាយ។ អ្នកនឹងត្រូវធ្វើដំណើរទៅកាន់កន្លែង ឬទីតាំងណាមួយ ដែលផ្តល់នូវរូបភាពអាពាហ៍ពិពាហ៍ដ៏ល្អត្រកាល។ ដូច្នេះមុនពេលសម្រេចចិត្តជ្រើសយកជាងថតរូបណាម្នាក់ អ្នកត្រូវប្រាកដថាពួកគេមានសក្តានុពល និងជំនាញគ្រប់គ្រាន់តាមតម្រូវការ ដើម្បីឱ្យការថតរូបរបស់អ្នកដំណើរការទៅដោយរលូន។ ក្នុងនោះរាប់បញ្ចូលទាំងភាពបត់បែនក្នុងការធ្វើដំណើរ មានឧបករណ៍គ្រប់គ្រាន់ សម្រាប់ដំណើរការ និងសម្ភារដទៃទៀត។ ដូច្នេះការសិក្សាឱ្យបានច្បាស់ពីទីតាំង អាចបង្ហាញពីចំណុចទាក់ទាញ និងជួយធ្វើឱ្យការថតរូបរបស់អ្នកជាការសម្រេចចិត្តដ៏ត្រឹមត្រូវ។

កុំខ្វល់ខ្វាយពីតម្លៃ
មនុស្សគ្រប់រូបដឹងយ៉ាងប្រាកដថាការថតរូបរៀបអាពាហ៍ពិពាហ៍នៅទីកន្លែងណាមួយតែងមានការចំណាយច្រើនជាងការថតរូប និងវីដេអូធម្មតា។ វាបណ្តាលមកពីការចំណាយលើការធ្វើដំណើរ និងការចំណាយលើជាងថត ដែលភាគច្រើនមានចំនួនច្រើនជាងធម្មតា។ ដូច្នេះសូមកុំបារម្ភពីតម្លៃថ្វី ត្បិតការចំណាយទាំងនោះនឹងនាំមកនូវរូបភាព ឬវីដេអូអាពាហ៍ពិពាហ៍ដ៏ស្រស់ស្អាត សម្រាប់ជាការចងចាំជានិរន្តន៍។

ការទំនាក់ទំនង
ការទំនាក់ទំនងដ៏ជិតស្និទ្ធជាមួយជាងថតរូប អាចនាំមកនូវរូបថតដែលមានគុណភាពខ្ពស់ និងវីដេអូ ខណៈដែលការភ្ជាប់ទំនាក់ទំនងជាមួយពួកគេ គឺជាគន្លឹះនៃភាពជោគជ័យសម្រាប់ការចំណាយក្នុងពេលថតរូប។ បន្ថែមលើនេះ ការទំនាក់ទំនងរវាងស្វាមីភរិយា ក៏ត្រូវការផ្សារភ្ជាប់ឱ្យស្អិតរមួតដែរ ព្រោះវាជាអារម្មណ៍ និងប្រតិកម្មដ៏ពិសេស ដែលអាចនាំទៅរកផលិតភាពរូបថត និងវីដេអូ។ ដូច្នេះអ្នកត្រូវប្រាកដអំពីការជ្រើសយកអ្នកជំនាញថតរូបអាពាហ៍ពិពាហ៍ ដែលអាចប្រែក្លាយថ្ងៃពិសេសរបស់អ្នកឱ្យទៅជាអនុស្សាវរីយ៍មិនអាចបំភ្លេចបាន៕

អត្ថបទអ្នកចង់អាន

  • កំពូលក្រុមតារាចម្រៀងប្រុសកូរ៉េដ៏ពេញនិយមបំផុតទាំ...

    ដោយ: ភារុន 9 AM, Thursday, 18 Oct, 2018
    មជ្ឈមណ្ឌលផ្នែកប្រជាប្រិយភាពរបស់តារាកូរ៉េខាងត្បូង ក៏ធ្វើការចេញផ្សាយដំណាលគ្នាចំពោះក្រុមតារាចម្រៀងប្រុស និង ស្រីដ៏ល្បីៗប្រចាំខែនិមួយៗ ដែលពួកគេស្ថិតនៅក្នុងក្រុមតារាចម្រៀងប្រុស និង ស្រីកំពូលៗដែលមានប្រិយមិត្តគាំទ្រច្រើនបំផុតប្រចាំខែត...
  • សម្ភារៈប្រើប្រាស់ ដែលអ្នកមិនដឹងថាមានកាលកំណត់

    ដោយ: ដួងច័ន្ទ 9 AM, Monday, 01 Oct, 2018
    នៅពេលអ្នកទៅផ្សារទិញគ្រឿងទេស ចំណុចដំបូងដែលអ្នកតែងធ្វើគឺពិនិត្យមើលកាលបរិច្ឆេទផុតកំណត់។ ប៉ុន្តែមានសម្ភារៈមួយចំនួននៅក្នុងផ្ទះរបស់អ្នកដែលមិនមានបញ្ជាក់ពីកាលបរិច្ឆេទផុតកាលកំណត់ ប៉ុន្តែវាមិនមានន័យថាវាអាចដំណើរការបានរហូតទេ ហើយពេលខ្លះវាក៏...
  • ដំណោះស្រាយសម្ភារៈប្រើប្រាស់ អ្នកមិនធ្លាប់គិតដល់

    ដោយ: ដួងច័ន្ទ 8 AM, Friday, 26 Oct, 2018
    ក្នុងការរស់នៅប្រចាំថ្ងៃអ្នកអាចនឹងជួបប្រទះនឹងបញ្ហាជាច្រើន តែអ្នកមិនដឹងថាបញ្ហាទាំងនោះអាចដោះស្រាយបានយ៉ាងងាយស្រួល ជាមួយសម្ភារៈដែលអ្នកមិនស្មានដល់ ហើយនៅក្បែរៗនឹងដៃអ្នក។ ចង់ដឹងថាមានអ្វីខ្លះ សូមបន្តអានអត្ថបទខាងក្រោម។ ដុំសាប៊ូ និងរ៉ូត រ...
  • Jennie របស់ក្រុម BLACKPINK នឹងបង្ហាញបទចម្រៀង So...

    ដោយ: ភារុន 8 AM, Friday, 19 Oct, 2018
    នៅក្នុងសេចក្តីរាយការណ៍ផ្តាច់មុខមួយរបស់គេហទំព័រ Sports Donga បានបង្ហាញថា Jennie របស់ក្រុម BLACKPINK នឹងធ្វើការបង្ហាញអាល់ប៊ុម Solo របស់នាងជាលើកដំបូងនៅក្នុងខែវិច្ឆិកាខាងមុខនេះ ប៉ុន្តែកាលបរិច្ឆេទនៃការចេញអាល់ប៊ុមថ្មីនេះមិនទាន់ត្រូវប...