ចូលចិត្តទំនើប

ភាពអស្ចារ្យនៅក្នុងអាកាសយានដ្ឋានជុំវិញពិភពលោក

ដោយ: ដួងច័ន្ទ 8 AM, Wednesday, 15 Aug, 2018

ការធ្វើដំណើរតាមអាកាសជាទូទៅមានភាពធុញថប់ច្រើន ដែលរួមមានការរងចាំនៅអាកាសយានដ្ឋាន ការត្រួតពិនិត្យនានា។ល។ កត្តានេះហើយ ទើបអាកាសយានដ្ឋានមួយចំនួនផ្តល់នូវភាពទាក់ទាញដ៏អសា្ចរ្យ ដែលអាចនឹងធ្វើឱ្យអ្នកមិនចង់ចាកចេញ។ ទំនើប សូមបង្ហាញនូវលក្ខណៈពិសេស
ទាំងនោះជូនមិត្តអ្នកអានជ្រាបទាំងអស់គ្នា។

អាងហែលទឹក
អាកាសយានដ្ឋានអន្តរជាតិ Hamad នៅក្នុងប្រទេស Qatar ដែលដាក់ដំណើរការកាលពីឆ្នាំ 2014 មានបំពាក់នូវអាងហែលទឹកទំហំ 25 ម៉ែត្រនៅខាង
ក្នុងអាកាសយានដ្ឋាន។ វាបើកជាសាធារណៈ និងមានតម្លៃត្រឹមតែ $35 ប៉ុណ្ណោះសម្រាប់មនុស្សម្នាក់ ដែលអ្នកអាចហែលទឹក ហាត់ប្រាណ និង Jacuzzi បាន។

វាលជិះស្គីទឹកកក
នៅក្នុងពិភពលោកនេះ មិនមានអាកាសយានដ្ឋានណាដែលផ្តល់នូវសុរា និងវាលជិះស្គីទឹកកកដ៏ធំ ដូចនៅក្នុងអាកាសយានដ្ឋានអន្តរជាតិ Munich
ក្នុងប្រទេសអាល្លឺម៉ង់ឡើយ។ ក្នុងអំឡុងបុណ្យ Christmas ទីនេះមានបង្កើតជាផ្សារនារដូវរងារ ដែលអ្នកដំណើរអាចជិះស្គី និងភ្លក់រសជាតិ
ស្រាបៀរជាច្រើនប្រភេទ។

សួនច្បារក្នុងអគារ
ចាប់តាំងពីឆ្នាំ 2001 មក អាកាសយានដ្ឋានអន្តរជាតិ Incheon ក្នុងប្រទេសកូរ៉េខាងត្បូងត្រូវបានជាប់ចំណាត់ថ្នាក់ជាអាកាសយានដ្ឋានកម្រិតកំពូល
មួយនៅក្នុងពិភពលោក។ នៅទីនេះមានសំណងស្ថាបត្យកម្មដ៏ទាក់ទាញ និងសួនច្បារចម្រុះ ពាសពេញអាកាសយានដ្ឋាន។
 

អាងត្រី Aquarium
អាកាសយានដ្ឋានអន្តរជាតិ Vancouver ជាអាកាសយានដ្ឋានដ៏អស្ចារ្យមួយនៅកាណាដា ដែលមានព្រែកទឹកហូរមួយ នាំទៅកាន់អាងត្រី Aquarium
មួយដ៏ទាក់ទាញ។ នៅក្នុងនោះក៏មានការ តុបតែងសិល្បៈរបស់ជនជាតិដើមកាណាដា លម្អពាសពេញអាកាសយានដ្ឋាន។

ផ្លូវដើរអមដោយព្រៃឈើ
អាកាសយានដ្ឋានអន្តរជាតិ Kuala Lumpur នៃប្រទេសម៉ាឡេស៊ី ជាអាកាសយានដ្ឋានដ៏មមាញឹកមួយនៅក្នុងពិភពលោក ចាប់តាំងពីវាបើកដំណើរ
ការក្នុងឆ្នាំ 1998 មក។ អ្នកដំណើរតែង ជក់ចិត្តនឹង Jungle Boardwalk និងដើមឈើអំបូរត្នោតជាច្រើននៅក្នុងសួន Satellite Terminal ដែលស្ថិត
នៅក្នុងកញ្ចក់រាងកោង។

បន្ទប់យូហ្គា
នៅក្នុងអាកាសយានដ្ឋានអន្តរជាតិ San Francisco នៅក្នុង International Terminal មានបន្ទប់សម្រាប់ហាត់យូហ្គា ផ្តល់ឱ្យអ្នកដំណើរសម្រាប់សម្រាក
បន្ធូរអារម្មណ៍ បន្ទាប់ពីការធ្វើដំណើររយៈពេលយូរ។ នៅក្នុងនោះក៏មាន បណ្ណាល័យ SFO និងសារមនី្ទរ សម្រាប់ដាក់តាំងសៀវភៅផងដែរ។

សួនកុមារ
អគារ Terminal 3 របស់អាកាសយានដ្ឋានអន្តរជាតិ Dubai ដែលមានទំហំ 1.67 លានម៉ែត្រការ៉េ ជាអគារមានទំហំធំជាងគេនៅក្នុងពិភពលោក ផ្អែកលើ
ការប្រកួតប្រជែងនៅក្នុងឆ្នាំ 2008។ សម្រាប់អ្នកដំណើរ អាចធ្វើការទស្សនាហាងលក់ទំនិញ ភោជនីយដ្ឋាន កន្លែងស្ប៉ា និងកន្លែងគេង ហើយសម្រាប់ក្មេងៗ
ក៏មានសួនកំសាន្ត ដែលមានការកំសាន្តចម្រុះដូចជា Interactive Game ការកំសាន្តលក្ខណៈគ្រួសារ និងកន្លែងឡើងជញ្ជាំងផងដែរ។

សារមន្ទីរអាកាសចរណ៍
នៅក្នុងអាកាសយានដ្ឋានអន្តរជាតិហុងកុង មានរោងភាពយន្ត IMAX កន្លែងវាយកូនហ្គោល កន្លែងស្ប៉ាបែប Aromatherapy និងហាងទំនិញជាច្រើនទៀត។
បន្ថែមលើនេះ វាក៏មានសារមន្ទីរអាកាសចរណ៍ ដែលមានឈ្មោះថា Aviation Discovery Center ផងដែរ។

ស្ថាបត្យកម្មដ៏ពិសេស
នេះជាអាកាសយានដ្ឋានមួយ ក្នុងចំណោមអាកាសយានដ្ឋានធំជាងគេទាំងពីរ ក្នុងទ្វីបអឺរ៉ុប។ នៅក្នុងអាកាសយានដ្ឋាន Adolfo Suárez Madrid-Barajas
នៃប្រទេសអេស្ប៉ាញមួយនេះ Terminal 4 គឺជាគ្រាប់ពេជ្រ។ វាជាសំណង់មានគ្រោងជ្រុង មានដំបូលរាងកោង មានបង្អួចខ្ពស់រាងមូល និងមានធ្នឹមធំៗ
ដែលជាស្ថាបត្យកម្មបែបទំនើបដ៏អស្ចារ្យ។

លក្ខណៈពិសេសចម្រុះ
ក្នុងនាមជាមជ្ឈមណ្ឌលកណ្តាលនៃការធ្វើដំណើរមួយក្នុងតំបន់អាស៊ី អាកាសយានដ្ឋាន Changi នៃប្រទេសសឹង្ហបុរី ត្រូវបានចាត់ទុកថាជាអាកាស
យានដ្ឋានល្អបំផុតមួយក្នុងពិភពលោក។ អ្នកដំណើរតែងភ្ញាក់ផ្អើលនឹងភាពស្អាត សេវាកម្មល្អ និងការរចនាផ្នែកខាងក្នុងដ៏ទាក់ទាញរួមមាន Slide
រំអិលបួនជាន់ អាងហែលទឹកនៅលើដំបូល អាងចិញ្ចឹមត្រីជាច្រើនកន្លែង សួនមេអំបៅ និងសួនផ្កាឈូករ័ត្ន៕

អត្ថបទអ្នកចង់អាន

  • តើបច្ចេកវិទ្យាផ្ទះបាយអាចកាត់បន្ថយការខ្ជះខ្ជាយអា...

    ដោយ: ដួងច័ន្ទ 8 AM, Thursday, 30 Aug, 2018
    ជារៀងរាល់ឆ្នាំ បរិមាណអាហារប្រមាណជាង 1.3 ពាន់លានតោន ដែលត្រូវបានផលិតសម្រាប់ការទទួលទាន ត្រូវបានបាត់បង់ ឬបោះចោល។ ប៉ុន្តែការច្នៃប្រឌិតផលិតផលថ្មីដែលប្រែក្លាយទូរទឹកកកធម្មតាទៅជាឧបករណ៍ឆ្លាតវៃ ដែលសន្យាជួយដល់អ្នកក្នុងការកាត់បន្ថយការបោះអាហ...
  • សម្ភារៈដែលងាយបង្កគ្រោះថា្នក់ដល់កុមារ

    ដោយ: ដួងច័ន្ទ 8 AM, Thursday, 23 Aug, 2018
    គ្រួសារមួយដែលមានក្មេងតូចៗ គួរមានការបន្ថែមការប្រុងប្រយ័ត្នលើសុវត្ថិភាពសម្រាប់ក្មេងៗ ជាពិសេសសម្ភារៈប្រើប្រាស់មួយចំនួនដែល អ្នកបណ្តាលឱ្យកើតគ្រោះភ័យ ដែលអ្នកអាចនឹកស្មានមិនដល់។ ចង់ដឹងថាសម្ភារៈប្រើប្រាស់ទាំងនោះមានអ្វីខ្លះ សូមបន្តអានអត្...
  • តិចនិចតុបតែងគេហដ្ឋានកាន់តែកក់ក្តៅ និងស្វាគមន៍

    ដោយ: ដួងច័ន្ទ 9 AM, Friday, 10 Aug, 2018
    នៅពេលគេហដ្ឋានមួយខ្នងមានភាពកក់ក្តៅ និងពោរពេញដោយការស្វាគមន៍ អ្នកអាចទទួលអារម្មណ៍ទាំងនេះភា្លមៗនៅពេលឈានចូលក្នុងផ្ទះ។ ប៉ុន្តែតើអ្វីដែលធ្វើឱ្យគេហដ្ឋានផ្តល់នូវអារម្មណ៍ដ៏កក់ក្តៅ និងការស្វាគមន៍? បើសិនជាអ្នកចង់បានអារម្មណ៍កាន់តែមានផាសុកភាព...
  • អ្វីខ្លះជាសម្ភារៈចាំបាច់នៅក្នុងគេហដ្ឋាន?

    ដោយ: ដួងច័ន្ទ 1 PM, Friday, 24 Aug, 2018
    នៅពេលអ្នកចូលទៅរស់នៅក្នុងគេហដ្ឋានថ្មី មានសម្ភារៈសំខាន់ៗជាច្រើនដែលអ្នកត្រូវការជាចាំបាច់។ ប៉ុន្តែសម្ភារៈប្រើប្រាស់ក្នុងគេហដ្ឋាន មានច្រើនពេក ដែលអ្នកអាចនឹងមិនដឹងថាមួយណាជាអ្វីដែលអ្នកត្រូវការបំផុត។ ចង់ស្វែងយល់ពីចម្លើយ សូមអានអត្ថបទខាងក...