ចូលចិត្តទំនើប

តិចនិចជ្រើសរើសសម្លៀកបំពាក់តាមទម្រង់រាងកាយ

ដោយ: ដួងច័ន្ទ 9 AM, Monday, 06 Aug, 2018

ស្រ្តីភាគច្រើនតែងចំណាយពេលច្រើននៅមុខទូរសម្លៀកបំពាក់ ដើម្បីស្វែងរកឈុតសក្តិសមសម្រាប់កម្មវិធីពិសេសៗ។
ការស្វែងរកសម្លៀកបំពាក់ដែលនឹងបង្ហាញអំពីរាងកាយដ៏ស្រស់ស្អាតរបស់អ្នក អាចជារឿងដ៏ពិបាកនឹងធ្វើ បើសិនជាអ្នកមិនដឹងពីទម្រង់
រាងកាយរបស់អ្នក។ តែកុំបារម្ភ ទំនើប មានចម្លើយសម្រាប់ដោះស្រាយចំណោទដ៏ពិបាកនេះ ដែលមានក្នុងអត្ថបទខាងក្រោម។

រាងផ្លែប៉ោម
ស្រ្តីដែលមានរាងដូចផ្លែប៉ោម មានផ្នែកខាងលើបើកទូលាយ (ដើមទ្រូងធំជាងត្រកាក និង ចង្កេះ)។ស្រ្តីល្បីៗដែលមាន រាងដូចនេះមានដូចជា
Drew Barrymore, Angelina Jolie និង Tyra Banks។ បើសិនជាអ្នកចង់បង្ហាញពីសម្រស់ដ៏លេចធ្លោ  អ្នកគួរជ្រើសយករ៉ូបដែលមានរាងប៉ោង
ចាប់ពីចង្កេះចុះក្រោម ដើម្បីឱ្យចង្កេះរបស់អ្នកលេចធ្លោឡើង។

រាងត្រីកោណបញ្ច្រាស់
បើសិនជាអ្នកមានស្មា ធំទូលាយជាងត្រកៀក និងចង្កេះ អ្នកមានរាងបែបត្រីកោណបញ្ច្រាស់។ តារាបង្ហាញម៉ូត និងតារាសម្តែង ជាច្រើនមានរាង
ប្រភេទនេះ ដូចជា Renee Zellweger, Demi Moore, Naomi Campbell ជាដើម។ ក្នុងនោះមានឈុត សម្លៀកបំពាក់ជាច្រើនដែលអ្នកអាចពាក់បាន
ប៉ុន្តែជម្រើសល្អបំផុតគឺរ៉ូបមាន ក រាងអក្សរ V រ៉ូបខ្លី ឬរ៉ូបស្មាតែម្ខាង។

រាងនាឡិកាខ្សាច់
រាងប្រភេទនេះត្រូវបានចាត់ទុកថាជារាងដែលស្រស់ស្អាតជាងគេ ដោយមានទំហំដើមទ្រូង និងត្រកៀកធំ និងមានចង្កេះតូច។ តារា Marilyn Monroe,
Blake Lively, Scarlett Johansson និង Dita von Teese ជាតារាដែលមានរាងដ៏ស្រស់ស្អាតនេះ។ ពួកនាងអាចស្លៀកសម្លៀកបំពាក់បាន ស្ទើរគ្រប់ម៉ូត
ប៉ុន្តែសម្រស់កាន់តែលេចធ្លោនៅពេលពួកគេប្រើប្រាស់រ៉ូបប្រភេទ Wrap, Pencil, Bodycon រ៉ូបមានខ្សែក្រវ៉ាត់ អាវ កវាល រ៉ូបវែងអូសដី (Mermaid Dress)
និងរ៉ូបខើចខ្លី A-Line Dress។

រាងផ្លែចេក
អ្នកដែលមានរាងផ្លែចេក តែងមានខ្នងវែង និងកោង ដែលស្ទើរតែគ្មានរាងត្រកៀក និងដើមទូ្រង។ ស្រ្តីដែលមានរាងបែបនេះមានដូចជា Jennifer Garner
និង Anne Hathaway។ រាងប្រភេទនេះ គួរជ្រើសយកសម្លៀកបំពាក់បែប A-Line, Pencil, Peplum និងសម្លៀកបំពាក់ដែលមានពណ៌ ដិត។

រាងផ្លែស៊េរី
បើសិនជាអ្នកមានត្រកៀកធំជាងចង្កេះ និងដើមទ្រូង ដូច្នេះអ្នកស្ថិតក្នុងចំណាត់ថ្នាក់រាងកាយមួយនេះហើយ។ តារាល្បីៗជាច្រើនមានរាងដូចនេះ
រួមទាំង Kim Kardashian, Shakira និង Jennifer Lopez។ សម្លៀកបំពាក់ដែលសក្តិសមនឹងរាងដូច្នេះ មានដូចជារ៉ូបដែលមានស្មាធ្លាក់សំយ៉េះ
រ៉ូបមានស្មាដាក់ប៉ុងបន្ថែម សំពត់ក្រឡា ឬរូបផ្កា។ល។

រាងចតុកោណ
រាងមួយនេះអាចហៅមួយផ្សេងទៀតថា Sporty ដែលជឿថាជារាងដែលគេចង់បានភាគច្រើន និងជារាងស៊ិចស៊ីជាងគេ។ សម្លៀកបំពាក់ភាគច្រើន
លេចធ្លោឡើងជាមួយរាងដ៏ស៊ិចស៊ីនេះ ប៉ុន្តែឈុតដែលកាន់តែស្រស់ស្អាត គួរជ្រើសយករ៉ូបដែលបង្ហាញចង្កេះឱ្យលេចត្រដែតឡើង មានដូចជារ៉ូប
Scoop Neckline, Sweetheart Neckline សំពត់រឹបមានឆែកនៅចំហៀង និងរ៉ូបខ្លីសាច់ទន់ៗ។

រាងស្លាបព្រា
រាងប្រភេទនេះខុសពីរាងផ្លែស៊េរីបន្តិច ត្រង់ផ្នែកត្រកៀកខាងលើរីកធំជាង ដែលមានរាងដូចស្លាបព្រា។ ជម្រើសសម្លៀកបំពាក់ដ៏សក្តិសមរួមមាន
Pencil Dress រំភើយនៅផ្នែកខាងលើ និងខាងក្រោម។

រាងគ្រាប់ពេជ្រ
ស្រ្តីដែលមានរាងដូចគ្រាប់ពេជ្រ ជាទូទៅមានទំហំចង្កេះ និងត្រកៀកធំជាងទំហំស្មា និងដើម ទ្រូង ដូច្នេះអ្នកគួរជ្រើសយកសម្លៀកបំពាក់ដែលធ្វើឱ្យ
ទំហំរាងទាំងអស់នេះសមមូលគ្នា ដោយជ្រើសរើសប្រើប្រាស់រ៉ូបដែលមានខ្សែក្រវ៉ាត់។ រ៉ូបគ្មានស្មា និងរ៉ូបមាន ក អក្សរ V ក៏សក្តិសមនឹងរូបរាងដ៏
ស្រស់ស្អាតមួយនេះដែរ។

អត្ថបទអ្នកចង់អាន

  • វត្ថុ 8 យ៉ាងដែលអ្នកគួរយកទៅតាមខ្លួនពេលធ្វើដំណើរ

    ដោយ: ភារុន 9 AM, Tuesday, 07 Aug, 2018
    និយាយពីដំណើរកម្សាន្ត ពិតណាស់គឺជារឿងមួយដែលរីករាយ។ ប៉ុន្តែអ្នកក៏គួរតែត្រៀមខ្លួនឲ្យបានល្អជាមុន ដែរទើប ភាពរីករាយរបស់អ្នកបន្ត បានពេញមួយថ្ងៃ។ ហេតុនេះ អ្នកចាំបាច់គួរមានវត្ថុទាំង8នេះទៅតាមខ្លួនពេលធ្វើដំណើរ ដើម្បីកុំឲ្យកើតការរំខានផ្សេងៗ។...
  • បន្ទប់សណ្ឋាគារតម្លៃខ្ពស់បំផុតក្នុងពិភពលោក

    ដោយ: ដួងច័ន្ទ 8 AM, Friday, 20 Jul, 2018
    ថ្ងៃនេះ ទំនើប សូមនាំអារម្មណ៍មិត្តអ្នកអានទាំងអស់ទៅស្វែងយល់ពីបន្ទប់សណ្ឋាគារប្រណិត តម្លៃកប់ពពក នៅជុំវិញពិភពលោក។ ចង់ដឹងថាតើវាស្ថិតនៅទីណាខ្លះ? សូមអានទាំងអស់គ្នា។ Wakaya Royal Suite បន្ទប់សណ្ឋាគារនេះស្ថិតនៅក្នុងសណ្ឋាគារ Wakaya Club ...
  • ភាពអស្ចារ្យនៅក្នុងអាកាសយានដ្ឋានជុំវិញពិភពលោក

    ដោយ: ដួងច័ន្ទ 8 AM, Wednesday, 15 Aug, 2018
    ការធ្វើដំណើរតាមអាកាសជាទូទៅមានភាពធុញថប់ច្រើន ដែលរួមមានការរងចាំនៅអាកាសយានដ្ឋាន ការត្រួតពិនិត្យនានា។ល។ កត្តានេះហើយ ទើបអាកាសយានដ្ឋានមួយចំនួនផ្តល់នូវភាពទាក់ទាញដ៏អសា្ចរ្យ ដែលអាចនឹងធ្វើឱ្យអ្នកមិនចង់ចាកចេញ។ ទំនើប សូមបង្ហាញនូវលក្ខណៈពិសេ...
  • ហុងស៊ុយរៀបចំបន្ទប់គេង

    ដោយ: ដួងច័ន្ទ 9 AM, Monday, 23 Jul, 2018
    ការរៀបចំផ្ទះសម្បែង ក៏ត្រូវមានចំណែកនៃការរៀបក្បួនហុងស៊ុយផងដែរ ព្រោះមនុស្សមួយចំនួនមានជំនឿថាក្បួនហុងស៊ុយអាចជួយឱ្យក្នុងផ្ទះ មានភាពរីករាយ សុខភាពល្អ និងជោគជ័យ។ បន្ទប់ ជាផ្នែកមួយដ៏សំខាន់នៅក្នុងក្បួនហុងស៊ុយ។ ដើម្បីឱ្យបន្ទប់គេងរបស់អ្នករៀ...