ចូលចិត្តទំនើប

បន្ទប់សណ្ឋាគារតម្លៃខ្ពស់បំផុតក្នុងពិភពលោក

ដោយ: ដួងច័ន្ទ 8 AM, Friday, 20 Jul, 2018

ថ្ងៃនេះ ទំនើប សូមនាំអារម្មណ៍មិត្តអ្នកអានទាំងអស់ទៅស្វែងយល់ពីបន្ទប់សណ្ឋាគារប្រណិត តម្លៃកប់ពពក នៅជុំវិញពិភពលោក។
ចង់ដឹងថាតើវាស្ថិតនៅទីណាខ្លះ? សូមអានទាំងអស់គ្នា។

Wakaya Royal Suite
បន្ទប់សណ្ឋាគារនេះស្ថិតនៅក្នុងសណ្ឋាគារ Wakaya Club ប្រទេស Fiji។ តម្លៃស្នាក់នៅក្នុងមួយយប់ $7,600 ដែល
ផ្តល់នូវបន្ទប់ស្នាក់នៅដ៏ប្រណិត ធំទូលាយ ជាមួយនឹងទេសភាពសមុទ្រស្ថិតនៅជិតជើងរបស់អ្នក។

Brook PH
វាស្ថិតនៅក្នុងសណ្ឋាគារ Claridge ក្នុងទីក្រុងឡុងដ៍។ ទីតាំងរបស់បន្ទប់ស្នាក់នៅនេះផ្តល់នូវផាសុកភាពសម្រាប់ភ្ញៀវមកស្នាក់នៅ
និងបរិយាកាសដ៏កក់ក្តៅ ជាមួយនឹងពន្លឺពីធម្មជាតិ។ តម្លៃ $8,600 ជាការចំណាយសម្រាប់ការស្នាក់នៅក្នុងមួយយប់។

Peninsula Suite
បន្ទប់សណ្ឋាគារនេះស្ថិតនៅក្នុងទីក្រុងហុងកុង ដែលផ្តល់នូវទីតាំងល្អបំផុតសម្រាប់ការទស្សនាទេសភាពនៅក្នុងទីក្រុង។
ភាពចម្រុះលាយឡំគ្នារវាងអគារខ្ពស់ៗ និងធម្មជាតិពណ៌បៃតង រួមជាមួយទឹកព័ទ្ធជុំវិញ។ នេះជាបន្ទប់ស្នាក់នៅក្នុង
សណ្ឋាគារ Peninsula តម្លៃ $9,200 ក្នុងមួយ យប់។

Presidential Suite
Cannes ជាទីក្រុងមួយដែលមានបន្ទប់ស្នាក់នៅលំដាប់បន្ទប់ប្រធានាធិបតី ដែលស្ថិតនៅក្នុងសណ្ឋាគារ Martinez Hotel
ដែលមានតម្លៃ $18,000 ក្នុងមួយយប់ ដែលមានបំពាក់សម្ភារៈ និងសេវាកម្មគ្រប់បែបយ៉ាង ដែលអ្នកអាចរំពឹងពីបន្ទប់ស្នាក់លំដាប់ប្រធានាធិបតី។

Bridge Suite

បើសិនជាអ្នកចង់ចំណាយប្រាក់ $25,000 សម្រាប់ការស្នាក់នៅមួយយប់ ក្នុងបន្ទប់ដ៏ធំទូលាយ ជាមួយការរចនាតុបតែងដ៏ប្រណិត
និងសម្ភារៈតម្លៃថ្លៃ នោះបន្ទប់ស្នាក់នៅ Bridge Suite ក្នុងប្រទេស Bahamas ។

Penthouse Suite
នៅក្នុងទីក្រុង L.A សណ្ឋាគារ Regent Beverly Wilshire មានបន្ទប់ស្នាក់នៅលំដាប់ខ្ពស់ តម្លៃ $25,000 បន្ថែមជាមួយការគិត
ពន្ធ 15.46% ក្នុងមួយយប់​ សម្រាប់បន្ទប់ Penthouse Suite។ បន្ថែមលើគ្រប់យ៉ាងដែលផ្តល់ឱ្យសម្រាប់តម្លៃដ៏ខ្ពស់នេះ វាជាបន្ទប់ដែល
ផ្តល់នូវទីតាំងទស្សនាទេសភាពដ៏ត្រកាលនៃ City of Angels។

Ty Warner Suite
នៅក្នុងសណ្ឋាគារ Four Season ក្នុងទីក្រុងញូយ៉ក អ្នកនឹងទទួលបានបន្ទប់ស្នាក់នៅដ៏ប្រណិត ជាមួយនឹងសេវាកម្មបន្ថែមគ្រប់បែបយ៉ាង
ដែលនឹងធ្វើឱ្យអ្នកគិតថាតម្លៃ $35,000 ក្នុងមួយយប់ មិនមានបញ្ហាអ្វីឡើយ។

Hugh Hefner Sky Villa
សម្រាប់តម្លៃ $40,000 ក្នុងមួយយប់ បន្ទប់ស្នាក់នៅក្នុងសណ្ឋាគារ Palms ទីក្រុង Las Vegas គឺជាកន្លែងក្នុងក្តីសុបិន្តសម្រាប់បុរសៗ
សម្រាប់ការចំណាយពេញមួយយប់ជាមួយនឹងសេវាកម្ម Playboy។

Royal Suite
សណ្ឋាគារ Burj al Arab ក្នុងតំបន់អារ៉ាប់រួម ផ្តល់នូវបន្ទប់លំដាប់ខ្ពស់តម្លៃ $60,000 បន្ថែមជាមួយតម្លៃពន្ធ 20%។
នៅក្នុងបន្ទប់ដ៏ប្រណិតនេះសម្ភារៈទាំងអស់ភាគច្រើនសុទ្ធសឹងធ្វើពីមាស ហើយនេះជាអ្វីដែលធ្វើឱ្យសណ្ឋាគារនេះមានតម្លៃដ៏ខ្ពស់។

អត្ថបទអ្នកចង់អាន

  • វិធីសាស្រ្ត 5 យ៉ាងបង្កើតបរិយាកាសដ៏ស្ងប់សុខ

    ដោយ: ដួងច័ន្ទ 9 AM, Saturday, 29 Sep, 2018
    បន្ទាប់ពីការនឿយហត់ពេញមួយថ្ងៃ អ្នកពិតជាត្រូវការកន្លែងដែលអ្នកអាចសម្រាក និងបន្ធូរអារម្មណ៍។ ដូច្នេះតម្រូវការបង្កើតនូវបរិយាកាសកក់ក្តៅ និងស្ងប់ស្ងៀម ត្រូវការជាចាំបាច់។ ប្រការនេះអាចជួយឱ្យស្មារតី និងរាងកាយរបស់អ្នកស្ថិតនៅក្នុងលក្ខខណ្ឌល្...
  • វិធីសាស្រ្ត 5 យ៉ាងជួយឱ្យទីធ្លាផ្ទះកាន់តែឆ្លាតវៃ

    ដោយ: ដួងច័ន្ទ 8 AM, Thursday, 27 Sep, 2018
    ទីធ្លាខាងក្រៅផ្ទះជាកន្លែងដែលអ្នកអាចធ្វើកិច្ចការរីករាយជាច្រើន ជាពិសេសគឺការជួបជុំជាមួយមិត្តភក្តិ និងក្រុមគ្រួសារ។ ថ្ងៃនេះ ទំនើប សូមនាំយកវិធីសាស្រ្តខ្លីចំនួន 5 ដែលប្រែក្លាយទីធ្លាក្រៅផ្ទះរបស់អ្នកឱ្យកាន់តែទំនើប កាន់តែឆ្លាតវៃ និងកាន់...
  • ច្នៃប្រឌិតបន្ទប់គេងសម្រាប់កូនៗជាទីស្រឡាញ់

    ដោយ: ដួងច័ន្ទ 8 AM, Monday, 01 Oct, 2018
    កូនៗជាទីស្រឡាញ់របស់អ្នកគួរមានទីកន្លែងផ្ទាល់ខ្លួនរបស់ពួកគេ ដែលអាចឱ្យពួកគេរីករាយនឹងសេរីភាព គំនិតច្នៃប្រឌិត និងភាពម្ចាស់ការលើខ្លួនឯង។ ទំនើប នឹងបង្ហាញពីគំរូបន្ទប់គេងសម្រាប់កូនជាទីស្រឡាញ់របស់អ្នក ដូចមានក្នុងអត្ថបទខាងក្រោម។ ច្នៃប្រឌិ...
  • Jennie របស់ក្រុម BLACKPINK នឹងបង្ហាញបទចម្រៀង So...

    ដោយ: ភារុន 8 AM, Friday, 19 Oct, 2018
    នៅក្នុងសេចក្តីរាយការណ៍ផ្តាច់មុខមួយរបស់គេហទំព័រ Sports Donga បានបង្ហាញថា Jennie របស់ក្រុម BLACKPINK នឹងធ្វើការបង្ហាញអាល់ប៊ុម Solo របស់នាងជាលើកដំបូងនៅក្នុងខែវិច្ឆិកាខាងមុខនេះ ប៉ុន្តែកាលបរិច្ឆេទនៃការចេញអាល់ប៊ុមថ្មីនេះមិនទាន់ត្រូវប...