ចូលចិត្តទំនើប

ការច្នៃម៉ូដក្នុងសារមន្ទីរ ដែលអ្នកមិនគួររំលង

ដោយ: ដួងច័ន្ទ 8 PM, Tuesday, 20 Mar, 2018

ថ្ងៃនេះ ទំនើប សូមនាំអារម្មណ៍មិត្តអ្នកអាន មកទស្សនាការច្នៃម៉ូដអគារ នៅក្នុងសារមន្ទីរ ដែលធានាថា អ្នកពិតជាភ្ញាក់ផ្អើល និងស្ងើចសរសើរដល់គំនិតច្នៃប្រឌិត ដ៏អស្ចារ្យទាំងនេះ។
Smithsonian National Museum of African American History and Culture
ការតុបតែងនៅក្នុងសារមន្ទីរមួយនេះ រំលេចចេញតាមរយៈការប្រើប្រាស់បេតុងប្រភេទ Pre-Cast ឈើ Timber និងកញ្ចក់។ រូបភាពនានាត្រូវបានតំឡើង នៅលើពិដានខ្ពស់ៗ និងនៅលើសសរបេតុង ដែលផ្តល់នូវសោភណ្ឌភាពបែបឧស្សាហកម្ម នៅក្នុងផ្ទៃខាងក្នុងនៃសារមន្ទីរទាំងមូល។

national-museum-african-american-history-culture-david-adjaye-architecture-photography_top-decor-company-cambodia_tomnerb-01
London Mithraeum
ប្រាសាទក្រោមដីរបស់ Roman មួយ ត្រូវបានជួសជុលកែច្នៃបង្កើតបាន ជាសារមន្ទីរមួយនៅពីក្រោម ស្នាក់ការកណ្តាលក្រុមហ៊ុន Bloomberg នៅក្នុងទីក្រុងឡុងដ៍។

national-museum-african-american-history-culture-david-adjaye-architecture-photography_top-decor-company-cambodia_tomnerb-02
Louvre Abu Dhabi
សារមន្ទីរនេះតុបតែងលម្អ ជាមួយនឹងដែកចារិកជារូបផ្កាយចំនួន 8,000 ផ្កាយ ដែលដាក់តំរៀបគងលើគ្នា បង្កើតបានជាសំណុំប្រទាក់ក្រឡាគ្នា នៅលើផ្នែកខាងលើនៃអគារ។ ពន្លឺព្រះអាទិត្យជ្រៀតចូលក្នុងផ្ទៃបន្ទប់ ដែលមានជញ្ជាំងពណ៌សក្បុស បង្កើតបានជារូបភាពដ៏ស្រស់ស្អាតនៅក្នុងអគារ។

national-museum-african-american-history-culture-david-adjaye-architecture-photography_top-decor-company-cambodia_tomnerb-03
Eight Tenths Garden
សារមន្ទីរសិល្បៈមួយ ស្ថិតនៅក្នុងមជ្ឈមណ្ឌលវប្បធម៌ Eight Tenths Gardens ក្នុងទីក្រុង ស៊ាងហៃ ជាអគារដែលមានកម្ពស់ពីរជាន់ សម្រាប់ដាក់តាំងរូបសិល្បៈនានា។ សម្ភារៈផ្ទះបាយជាច្រើនប្រភេទ រួមមានបាសាំងទឹក និងពែងទឹក ត្រូវបានដាក់តាំងតំរៀប នៅខាងក្នុងផ្ទៃសារមន្ទីរព័ទ្ធជុំវិញអគារមានរាងកោង។

national-museum-african-american-history-culture-david-adjaye-architecture-photography_top-decor-company-cambodia_tomnerb-04
Zeitz Museum of Contemporary Art Africa
នេះជាសារមន្ទីរសិល្បៈធំជាងគេ នៅក្នុងប្រទេសអាហ្វ្រិកខាងត្បូង។ វាត្រូវបានរៀបចំឡើងរំលេចចេញ ពីក្នុងអគារអតីតឃ្លាំងស្តុកគ្រាប់ធញ្ញជាតិ។ ការតុបតែងផ្នែកខាងក្នុងរៀបចំឡើង ដោយរួមបញ្ចូលទីតាំង ដាក់បង្ហាញរូបភាពសិល្បៈជាប់ៗគ្នាចំនួន 80 បន្ទប់ បត់បែនព័ទ្ធជុំវិញអគារមានរាង ដូចគ្រាប់ធញ្ញជាតិកម្ពស់ 27 ម៉ែត្រ។

national-museum-african-american-history-culture-david-adjaye-architecture-photography_top-decor-company-cambodia_tomnerb-05
Musee Yves Saint Laurent
សារៈមន្ទីរមួយនេះ មានច្រកចេញចូល ដែលមានជញ្ជាំងពណ៌សរលោងស្រិល ដែលត្រូវបានរចនាឡើង ដើម្បីរំលឹកដល់ស្រទាប់ដ៏រលោងនៃអាវក្រៅម៉ាក Yves Saint Laurent។ នៅក្នុងសារមន្ទីរនេះ ក៏មានប្រើប្រាស់បង្អួចកញ្ចក់ក្រូម៉េពណ៌ ដែលយកលំនាំតាមកញ្ចក់ពណ៌ រចនាបទដើមរបស់ជនជាតិម៉ារ៉ុក។

national-museum-african-american-history-culture-david-adjaye-architecture-photography_top-decor-company-cambodia_tomnerb-06
Massachusetts Museum of Contemporary Art
សារមន្ទីរនេះមានទីតាំងស្ថិត នៅខាងក្នុងអតីតរោងចក្រតម្បាញមួយ។ អ្នកច្នៃម៉ូដអគារនេះ រក្សានូវលំនាំដើមនៃសំណង់ធ្វើឡើងពីឥដ្ឋ ក្នុងអំឡុងពេលធ្វើការជួសជុលឡើងវិញ ដើម្បីធានាថាការតុបតែងផ្នែកខាងក្នុង ឆ្លុះបញ្ចាំងពីប្រវត្តិសាស្រ្តរបស់អគារ។

national-museum-african-american-history-culture-david-adjaye-architecture-photography_top-decor-company-cambodia_tomnerb-07
Guardian Art Centre
នេះជាសារមន្ទីរសិល្បៈមួយ ដែលមានទំហំ 1,700 ម៉ែត្រក្រឡា។ ការរចនាម៉ូដអគារផ្នែកខាងក្នុង រួមបញ្ចូលនូវចំណែកដែលអាចធ្វើចលនាបាន និងប្រព័ន្ធពិដាន ដែលអាចសម្របសម្រួលប្រែប្រួលបានគ្រប់ពេល។

national-museum-african-american-history-culture-david-adjaye-architecture-photography_top-decor-company-cambodia_tomnerb-08
Skissernas Museum
នេះជាសារមន្ទីរមួយស្ថិតនៅក្នុងទីក្រុង Lund ប្រទេសស៊ុយអែត។ ការតុបតែងបំពាក់ដោយបង្អួច Clerestory និងពិដានដែលមានចំណាំងផ្លាត ធ្វើពីបន្ទះកញ្ចក់អាលុយមីញ៉ូម។ គោលបំណងនៃការច្នៃម៉ូដអគារបែបនេះ គឺដើម្បីបង្កើតបរិយាកាសដូចស្ថិត នៅក្នុងទីធ្លាបើកចំហរមួយ។

national-museum-african-american-history-culture-david-adjaye-architecture-photography_top-decor-company-cambodia_tomnerb-09

អត្ថបទអ្នកចង់អាន

  • តិចនិចតុបតែងគេហដ្ឋានមានពន្លឺគ្រប់គ្រាន់

    ដោយ: ដួងច័ន្ទ 8 AM, Tuesday, 17 Jul, 2018
    ការតុបតែងគេហដ្ឋានបង្កប់ដោយគំនិតច្នៃប្រឌិត អាចធ្វើឱ្យលំនៅដ្ឋានរបស់អ្នកទទួលបានពន្លឺព្រះអាទិត្យគ្រប់គ្រាន់។ បើសិនជាអ្នកចង់បានពន្លឺធម្មជាតិពិតៗ និងមានគម្រោងជួសជុលគេហដ្ឋានឡើងវិញ សូមសាកល្បងអានអត្ថបទខាងក្រោម សម្រាប់ជាជំនួយស្មារតី។ Ou...
  • 10 គន្លឹះជួយស្រ្តីមានរាងស្លីម ត្រឹម 2 នាទី

    ដោយ: ដួងច័ន្ទ 9 PM, Monday, 26 Mar, 2018
    វាអាចជារឿងពិបាក ក្នុងការថែរក្សារាងកាយ ឱ្យនៅស្លីមស្អាតគ្រប់ពេល ប៉ុន្តែយើងគ្រប់គ្នាសុទ្ធតែត្រូវជួបនឹងស្ថានភាព ដែលយើងត្រូវការឱ្យរាងកាយយើង បង្ហាញសម្រស់ដ៏ស្រស់ស្អាត និងត្រូវការពេលតែប៉ុន្មាននាទី ដើម្បីទទួលបានអ្វីដែលល្អបំផុត។ សម្រាប់ព...
  • ជំនាញក្នុងផ្ទះបាយ ដែលអ្នកគួរដឹង

    ដោយ: ដួងច័ន្ទ 8 PM, Tuesday, 20 Mar, 2018
    មិនថាអ្នកជាចុងភៅថ្មីថ្មោង ឬអ្នកមានបទពិសោធន៍ ក្នុងផ្ទះបាយច្រើនយ៉ាងណាក្តី មនុស្សគ្រប់រូបអាចទទួលបានអត្ថប្រយោជន៍ ពីការរៀនជំនាញផ្ទះបាយមួយ ឬពីរបន្ថែមទៀត។ ជំនាញមួយចំនួនមានសារៈសំខាន់ សម្រាប់ការចម្អិនអាហារ ហើយមួយចំនួនទៀតក៏ល្អដែរ បើសិនជា...
  • គំរូម៉ូដជណ្តើរ ពេញនិយមទាំង 10

    ដោយ: ដួងច័ន្ទ 10 PM, Wednesday, 28 Feb, 2018
    ថ្ងៃនេះ ទំនើប សូមនាំអារម្មណ៍មិត្តអ្នកអានមកស្វែងយល់ ពីគំរូម៉ូដជណ្តើរដ៏ពេញនិយមនៅតាមបណ្តាអគារទំនើបៗ នៅទូទាំងពិភពលោក សម្រាប់ជាជំនួយដល់អ្នកក្នុងការស្វែងរកម៉ូដជណ្តើរ ដ៏សក្តិសមសម្រាប់លំនៅដ្ឋាន ឬអគារការិយាល័យរបស់អ្នក។ Experimentariumនេ...