ចូលចិត្តទំនើប

10 ចំណុចត្រូវការត្រួតពិនិត្យ មុនពេលចេញដំណើរ

ដោយ: ដួងច័ន្ទ 8 PM, Thursday, 01 Mar, 2018

រដូវកាលបុណ្យចូលឆ្នាំប្រពៃណីចិន ខិតជិតចូលមកដល់ហើយ ដែលនេះជាពេលវេលាដើរកំសាន្ត ជួបជុំគ្រួសារដ៏រីករាយមួយ។ មិនថាអ្នកត្រូវធ្វើដំណើរទៅទីជិត ឬទីឆ្ងាយដោយប្រើប្រាស់រថយន្ត អត្ថបទខាងក្រោមនេះ នឹងផ្តល់ជាគំនិតជំនួយដល់អ្នក ដើម្បីធានាថារថយន្តរបស់អ្នក និងក្រុមគ្រួសាររបស់អ្នក បានត្រៀមខ្លួនរួចរាល់ សម្រាប់ដំណើរកំសាន្ត។
1. រៀបចំកាលវិភាគ ត្រួតពិនិត្យ
អ្នកត្រូវអនុវត្តការត្រួតពិនិត្យគ្រឿងម៉ាស៊ីន មុនពេកអ្នកចេញដំណើរ ដូចជាពិនិត្យលើទុយោ និងកម្រិតទឹកជាដើម។ បន្ថែមលើនេះ អ្នកត្រូវរៀបចំពេលវេលាសម្រាប់ ត្រួតពិនិត្យចំណុចសំខាន់ៗដទៃទៀតដូចជាការផ្លាស់ប្តូរប្រេងម៉ាស៊ីនជាដើម។ យានជំនិះ ដែលទទួលបានការត្រួតពិនិត្យត្រឹមត្រូវ នឹងផ្តល់ឱ្យអ្នកនូវជំនឿចិត្តក្នុងការធ្វើដំណើរ។

Thinks-to-check-before-you-hit-the-road_car_news_phnom_penh_cambodia_tomnerb-01
2. មានថាមពលគ្រប់គ្រាន់
ត្រួតពិនិត្យលើអាគុយ ដើម្បីធានាថាវានៅមានថាមពលខ្លាំង និងមានគ្រឿងខាងក្នុងស្អាត។ អ្នកអាចប្រើប្រាស់ម្សៅ Baking Soda បន្តិច លាយជាមួយទឹកដើម្បីលាងសម្អាត។ ដំណើរកំសាន្តនឹងបាត់បង់ភាពរីករាយ នៅពេលដែលរថយន្តរបស់អ្នកបញ្ឆេះមិនឆេះ។
3. ពិនិត្យសំបកកង់
អ្នកត្រូវពិនិត្យមើលសំបកកង់រថយន្ត ថាតើវាមានបែកធ្លាយ ឬប្រេះសំបកឬទេ។ សំបកកង់ល្អត្រូវមានក្រឡាសំបកនៅល្អ។ វិធីសាស្រ្តងាយស្រួល ក្នុងការពិនិត្យក្រឡាសំបកកង់ឡាន គឺប្រើប្រាស់កាក់ ដាក់នៅក្នុងក្រឡាសំបកកង់ត្រឡប់ក្បាលចុះក្រោម។ បើសិនជារូបនៅលើកាក់នៅមើលឃើញពេញរូបរាង អ្នកត្រូវការសំបកកង់ថ្មី ដើម្បីធានាថាអ្នកអាចធ្វើដំណើរនៅលើគ្រប់ស្ថានភាព ផ្លូវ។ អ្នកត្រូវប្រាកដថាខ្យល់ក្នុងសំបកកង់ត្រឹមត្រូវ តាមការណែនាំបិទជាប់នៅលើរថយន្ត។

Thinks-to-check-before-you-hit-the-road_car_news_phnom_penh_cambodia_tomnerb-03
4. ពិនិត្យហ្វ្រាំង
អ្នកត្រូវពិនិត្យលើប្រព័ន្ធហ្រ្វាំង ដើម្បីធានាថាឈ្នាន់ហ្វ្រាំង និងស្បែកហ្វ្រាំង ថាតើវានៅមានស្ថានភាពល្អ សម្រាប់ការប្រើប្រាស់ ឬមានតម្រូវឱ្យផ្លាស់ប្តូរ។
5. រៀបចំសម្ភារៈពេទ្យ
អ្នកគួរមានសម្ភារៈជំនួយសម្រាប់បង្ការពេលជួបគ្រោះថ្នាក់ ឬពេលមានបញ្ហាសុខភាព។ នៅក្នុងរថយន្តរបស់អ្នកគួរមានប្រអប់សង្គ្រោះបន្ទាន់ ពិល ភួយ ឧបករណ៍សង្គ្រោះបឋម និងឧបករណ៍ជំនួយផ្សេងៗទៀត។ អ្នកក៏គួរមានទឹក និងចំណីអាហារមួយចំនួនរក្សាទុកក្នុងរថយន្តផងដែរ។

Thinks-to-check-before-you-hit-the-road_car_news_phnom_penh_cambodia_tomnerb-05
6. វៃឆ្លាតក្នុងការរៀបចំសម្ភារៈ
អ្នកគួរពិនិត្យមើលទំហំ នៃការរក្សាទុកសម្ភារៈនៅក្នុងរថយន្ត ដើម្បីធានាថាអ្នកមិនផ្ទុកលើស ទម្ងន់។ សម្រាប់រថយន្តថ្មីៗភាគច្រើន បរិមាណសរុបដែលអាចផ្ទុកបាន នៅក្នុងរថយន្តមានបិទនៅលើទ្វារ។ ចំនួនសរុបនេះរាប់បញ្ចូលទាំងទម្ងន់អ្នកជិះ និងសម្ភារៈ។ ការផ្ទុកសម្ភារៈលើស ក៏កាត់បន្ថយប្រសិទ្ធភាព សន្សំសំចៃការប្រើប្រាស់សាំងផងដែរ។ ការផ្ទុកសម្ភារៈនៅលើដំបូលរថយន្ត ក៏ត្រូវជាសម្ភារៈស្រាលៗ ផងដែរ។ ការដាក់សម្ភារៈធ្ងន់នៅលើដំបូល នឹងអាចធ្វើឱ្យការគ្រប់គ្រងយានយន្តមានបញ្ហា នៅពេលស្ថិត ក្នុងស្ថានភាពអាសន្ន និងបង្កើនទំហំហានិភ័យនៃការក្រឡាប់ ផងដែរ។ បើសិនជាអ្នកមិនប្រើប្រាស់ធ្នើនៅលើដំបូល អ្នកគួរយកវាចេញ ដើម្បីឱ្យរថយន្តរបស់អ្នក កាត់បន្ថយការប្រើប្រាស់សាំង។
7. ប្រើប្រាស់ឧបករណ៍ GPS
វានឹងជួយអ្នកក្នុងការស្វែងរកទីតាំង នៅពេលធ្វើដំណើរ ផ្តល់នូវភាពងាយស្រួលក្នុងការស្វែងរកស្ថានីយប្រេងឥន្ធនៈ ឬភោជនីយដ្ឋាន។ វាក៏អាចផ្តល់នូវសញ្ញា នៃការកកស្ទះចរាចរណ៍ និងការស្វែងរកផ្លូវវាង។
8. ការរៀបចំសម្រាប់ក្មេងៗ
បើសិនជាអ្នកធ្វើដំណើរជាមួយក្មេងៗ អ្នកត្រូវមានចំណីអាហារ ទឹក ហ្គេម វីដេអូ និងតន្រ្តីនៅក្នុងរថយន្ត ដើម្បីជួយឱ្យក្មេងៗមានផាសុកភាព និងនៅស្ងៀម។

Thinks-to-check-before-you-hit-the-road_car_news_phnom_penh_cambodia_tomnerb-08
9. អត់ធ្មត់
ក្នុងអំឡុងពេលចរាចរណ៍ដ៏មមាញឹក នៃថ្ងៃឈប់សម្រាក អ្នកគួរមានភាពអំណត់។ អ្នកអាចជ្រើសរើសការធ្វើដំណើរពីព្រលឹម ឬពេលយប់ ដើម្បីបញ្ជៀសការកកស្ទះ និងធានាថា អ្នកនឹងទៅដល់ទិសដៅទាន់ពេល និងកាត់បន្ថយអារម្មណ៍ធុញថប់។
10. សុវត្ថិភាព
អ្នកត្រូវប្រាកដថា អ្នកបើកបរដោយសុវត្ថិភាព និងគោរពច្បាប់ចរាចរណ៍។ ក្រុមការងារ គេហទំព័រទំនើប ជូនពរប្រិយមិត្តទាំងអស់ធ្វើដំណើរកំសាន្តប្រកបដោយសុវត្ថិភាព ពោរពេញដោយភាពរីករាយ ក្នុងឱកាសបុណ្យចូលឆ្នាំចិននេះ។

Thinks-to-check-before-you-hit-the-road_car_news_phnom_penh_cambodia_tomnerb-010

អត្ថបទអ្នកចង់អាន

  • អ្វីខ្លះជាសម្ភារៈចាំបាច់នៅក្នុងគេហដ្ឋាន?

    ដោយ: ដួងច័ន្ទ 1 PM, Friday, 24 Aug, 2018
    នៅពេលអ្នកចូលទៅរស់នៅក្នុងគេហដ្ឋានថ្មី មានសម្ភារៈសំខាន់ៗជាច្រើនដែលអ្នកត្រូវការជាចាំបាច់។ ប៉ុន្តែសម្ភារៈប្រើប្រាស់ក្នុងគេហដ្ឋាន មានច្រើនពេក ដែលអ្នកអាចនឹងមិនដឹងថាមួយណាជាអ្វីដែលអ្នកត្រូវការបំផុត។ ចង់ស្វែងយល់ពីចម្លើយ សូមអានអត្ថបទខាងក...
  • ភាពអស្ចារ្យនៅក្នុងអាកាសយានដ្ឋានជុំវិញពិភពលោក

    ដោយ: ដួងច័ន្ទ 8 AM, Wednesday, 15 Aug, 2018
    ការធ្វើដំណើរតាមអាកាសជាទូទៅមានភាពធុញថប់ច្រើន ដែលរួមមានការរងចាំនៅអាកាសយានដ្ឋាន ការត្រួតពិនិត្យនានា។ល។ កត្តានេះហើយ ទើបអាកាសយានដ្ឋានមួយចំនួនផ្តល់នូវភាពទាក់ទាញដ៏អសា្ចរ្យ ដែលអាចនឹងធ្វើឱ្យអ្នកមិនចង់ចាកចេញ។ ទំនើប សូមបង្ហាញនូវលក្ខណៈពិសេ...
  • សៀវភៅទាំង 5 សម្រាប់ផ្លាស់ប្តូរជីវិតរបស់អ្នក

    ដោយ: ដួងច័ន្ទ 8 AM, Monday, 03 Sep, 2018
    នៅពេលលោក Warren Buffet ត្រូវបានសួរអំពីអាថ៌កំបាំងនៃភាពជោគជ័យ និងភាពថ្កុំថ្កើងរបស់គាត់ គាត់បានបង្ហើបថាគាត់អានសៀវភៅជារៀងរាល់ថ្ងៃ ប្រមាណ 500 ទំព័រ ក្នុងមួយថ្ងៃ។ ជាអកុសល បើសិនជាអ្នកធ្វើការពេញថ្ងៃ អ្នកនឹងមិនមានពេលគ្រប់គ្រាន់សម្រាប់កា...
  • Euraasia Concept នាំមកនូវជីវិតប្រកបដោយប្រណីតភាព...

    ដោយ: ទំនើប 7 PM, Monday, 17 Sep, 2018
    ភ្នំពេញ ១៤ កញ្ញា ២០១៨, Eurasia Concept ប្រកាសការបើកដំណើរការជាផ្លូវការនាថ្ងៃនេះ នៅប្រទេសកម្ពុជា ដែលមាន ទីតាំងនៅជាន់ទី 3 ផ្សារទំនើប Exchange Square ភ្នំពេញ។ ហាងនេះផ្តល់ ជូននូវ គ្រឿងសង្ហារិម និង សម្ភារៈខាង ក្នុងផ្ទះ ដ៏ប្រណីត ដែលផល...