ចូលចិត្តទំនើប

តិចនិច ស្លៀកសម្លៀកបំពាក់ យ៉ាងសក្តិសម

ដោយ: ដួងច័ន្ទ 7 PM, Thursday, 01 Mar, 2018

មនុស្សគ្រប់រូបមានវិធីសាស្រ្ត និងការតុបតែងខ្លួនពិសេសៗខុសៗគ្នា ប៉ុន្តែក្នុងនោះមានវិធីសាស្រ្ត ជាក់លាក់សម្រាប់អនុវត្ត នៅពេលអ្នកត្រូវការស្លៀកសម្លៀកបំពាក់ ឱ្យកាន់តែទាក់ទាញ។ អ្នកអាចមើលរំលងចំណុចទាំងនេះ ប៉ុន្តែប្រសិនបើអ្នកពិចារណាលើចំណុចទាំងនោះ ការតុបតែងខ្លួនរបស់អ្នក អាចនឹងមើលឃើញភាពខុសប្លែកលេចឡើង នៅលើរាងកាយរបស់អ្នក។ តើវិធីសាស្រ្តតុបតែង ខ្លួនទាំងនោះមានអ្វីខ្លះ? អត្ថបទខាងក្រោមដែល ទំនើប នាំមកជូនអ្នកនឹងផ្តល់ចម្លើយដល់អ្នក។

វិធីសាស្រ្តទី 1
អ្នកត្រូវបិទឡេវអាវកណ្តាល របស់អាវធំគ្រប់ពេល។ អ្នកអាចមានជម្រើសទុកឡេវអាវខាងលើឱ្យនៅចំហរ ឬបិទ តាមចំណូលចិត្តរបស់អ្នក។ ចំណែកឡេវអាវខាងក្រោមបង្អស់អ្នកមិនគួរបិទវាទេ។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-01

វិធីសាស្រ្តទី 2
ការប្រើប្រាស់គ្រឿងអលង្ការច្រើនពេក ជាពិសេសគ្រឿងអលង្ការឈុត នឹងធ្វើឱ្យការតុបតែងខ្លួនរបស់អ្នកមើលទៅឆ្គង មិនសមសួនទេ។ ឧទាហរណ៍ អ្នកអាចពាក់ក្រវិល ដែលជាគូនឹងកងដៃរបស់អ្នក ប៉ុន្តែអ្នកមិនគួរពាក់កងដៃ ខ្សែក ក្រវិល និងចិញ្ចៀន ជាឈុតទាំងអស់ទេ។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-02

វិធីសាស្រ្តទី 3
ចុងក្រវ៉ាត់ ក របស់អ្នកគួរស្ថិតនៅលើចង្កេះខោរបស់អ្នក និងស្ថិតលើគងលើចង្កេះខោរបស់អ្នកបន្តិចប៉ុណ្ណោះ។ បើសិនជាក្រវ៉ាត់ ក អ្នកស្ថិតនៅលើចង្កេះខោ នោះមានន័យថាវាមានប្រវែងខ្លីពេក ហើយបើសិនជាវានៅក្រោមចង្កេះខោ នោះមានន័យថាវាវែងពេកហើយ។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-03

វិធីសាស្រ្តទី 4
បើសិនជាអ្នកពាក់អាវបិទឡេវ ដោយគ្មានក្រវ៉ាត់ ក អ្នកមិនចាំបាច់ពាក់អាវក្រៅទេ។ បើសិនជាអ្នក ពាក់អាវបិទឡេវ ហើយពាក់ក្រវ៉ាត់ក នោះការតុបតែងខ្លួនរបស់អ្នកដូចជា ខ្វះអ្វីម្យ៉ាង។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-04
វិធីសាស្រ្តទី 5
បើសិនជាអ្នកស៊កអាវចូលក្នុងខោ អ្នកគួរតែប្រើប្រាស់ខ្សែក្រវ៉ាត់ បើមិនដូច្នេះទេ អ្នកមិនចាំបាច់ស៊កអាវចូលក្នុងខោទេ។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-05

វិធីសាស្រ្តទី 6
ខ្សែក្រវ៉ាត់របស់អ្នក គួរតែមានពណ៌ដូចគ្នា ទៅនឹងស្បែកជើងរបស់អ្នក។ វាមិនមែនជាក្បួនច្បាប់ដាច់ខាតទេ ប៉ុន្តែការប្រើប្រាស់ពណ៌ស្បែកជើង និងពណ៌ខ្សែក្រវ៉ាត់ដូចគ្នា នឹងធ្វើឱ្យអ្នកកាន់តែស្រស់សង្ហា។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-06

វិធីសាស្រ្តទី 7
ត្រូវចងចាំថា អ្នកបានកាត់គ្រប់ខ្សែទាំងអស់ នៅលើសម្លៀកបំពាក់ មុនពេលអ្នកប្រើប្រាស់វា។ ម៉ាក សម្លៀកបំពាក់មួយចំនួន ដាក់ស្លាកសញ្ញានៅកន្លែងខុសៗគ្នា និងអាចនឹងមើលមិនឃើញ។ ដើម្បីប្រាកដថាគ្រប់ស្លាកសញ្ញាទាំងអស់នៅលើសម្លៀកបំពាក់របស់អ្នក ត្រូវបានកាត់ចេញ អ្នកគួរឱ្យនរណាម្នាក់ជួយពិនិត្យមើល អ្នកឱ្យបានគ្រប់ជ្រុងជ្រោយ មុននឹងចេញទៅក្រៅ។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-07

វិធីសាស្រ្តទី 8
ការប្រើប្រាស់សម្លៀកបំពាក់ ដែលមានរូបភាពច្រើនពេក នឹងធ្វើឱ្យការតុបតែងខ្លួនរបស់អ្នក មានភាពស៊ាំភ្នែកពេក ហើយអ្នកប្រៀបបាននឹងរូបម៉ាឡាកាំង សម្រាប់តាំងម៉ូដសម្លៀកបំពាក់អញ្ចឹង។ អ្នកគួរជ្រើសរើសម៉ូដសម្លៀកបំពាក់ ដែលមានរូបភាពតិចតួចបានហើយ។

Dressing-rules-that-everyone-should-learn-one-and-for-all_fahion_news_phnom_penh_cambodia_tomnerb-08

អត្ថបទអ្នកចង់អាន

  • តិចនិចស្វែងរកកន្លែងថតរូបអាពាហ៍ពិពាហ៍

    ដោយ: ដួងច័ន្ទ 9 AM, Tuesday, 04 Sep, 2018
    ថ្ងៃរៀបអាពាហ៍ពិពាហ៍គឺជាវេលាដ៏ពិសេសបំផុតសម្រាប់ជីវិតរបស់មនុស្សម្នាក់ៗ ហើយអ្នកពិតជាចង់ធ្វើឱ្យវាល្អគ្រប់យ៉ាង។ អនុស្សាវរីយ៍សម្រាប់ថ្ងៃអាពាហ៍ពិពាហ៍គឺជាអ្វីដែលយើងចង់បានឱ្យល្អបំផុត ចំណែករូបថតមុនថ្ងៃពិសេសនេះដ៏សំខាន់ដែរ ទាមទារឱ្យអ្នកគិត...
  • បន្ទប់សៀវភៅសម្រាប់គេហដ្ឋានដ៏កក់ក្តៅ

    ដោយ: ដួងច័ន្ទ 8 AM, Friday, 14 Sep, 2018
    ការអានសៀវភៅគឺជាចំណូលចិត្តមួយ ដែលផ្តល់នូវសារៈសំខាន់ ជាចំណីដល់ខួរក្បាល។ ការអានសៀវភៅអាចធ្វើឡើងបាននៅគ្រប់ទីកន្លែង ហើយទីកន្លែងអានសៀវភៅនៅក្នុងគេហដ្ឋានកាន់តែផ្តល់នូវអារម្មណ៍កក់ក្តៅ។ ទំនើប សូមនាំយកនូវការតុបតែងបន្ទប់សៀវភៅមួយចំនួន សម្រាប...
  • សៀវភៅទាំង 5 សម្រាប់ផ្លាស់ប្តូរជីវិតរបស់អ្នក

    ដោយ: ដួងច័ន្ទ 8 AM, Monday, 03 Sep, 2018
    នៅពេលលោក Warren Buffet ត្រូវបានសួរអំពីអាថ៌កំបាំងនៃភាពជោគជ័យ និងភាពថ្កុំថ្កើងរបស់គាត់ គាត់បានបង្ហើបថាគាត់អានសៀវភៅជារៀងរាល់ថ្ងៃ ប្រមាណ 500 ទំព័រ ក្នុងមួយថ្ងៃ។ ជាអកុសល បើសិនជាអ្នកធ្វើការពេញថ្ងៃ អ្នកនឹងមិនមានពេលគ្រប់គ្រាន់សម្រាប់កា...
  • Euraasia Concept នាំមកនូវជីវិតប្រកបដោយប្រណីតភាព...

    ដោយ: ទំនើប 7 PM, Monday, 17 Sep, 2018
    ភ្នំពេញ ១៤ កញ្ញា ២០១៨, Eurasia Concept ប្រកាសការបើកដំណើរការជាផ្លូវការនាថ្ងៃនេះ នៅប្រទេសកម្ពុជា ដែលមាន ទីតាំងនៅជាន់ទី 3 ផ្សារទំនើប Exchange Square ភ្នំពេញ។ ហាងនេះផ្តល់ ជូននូវ គ្រឿងសង្ហារិម និង សម្ភារៈខាង ក្នុងផ្ទះ ដ៏ប្រណីត ដែលផល...